2016年6月29日 星期三

七公子澳門一天遊2016/05/28[Don Alfonso 1890(當奧豐素 1890)->小黃鴨->The St. Regis Bar]

幾神奇呀~~~~我星期二下午放工番屋企時行過信箱.....靈光一閃打開佢.....頂!!!!!我終於收到我地係復活島寄黎哥張postcard喇!!!!足足4個月...真係足足4個月先收到~~~~~~~痴線架~~~~~意味住...我秘魯哥3張postcard係真係寄失了...好可惜.....;[.............今日超多野做...但我都出blog~你又估我唔到~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



那次難得的星期六~七公子人齊去玩玩~點解會有今日呢個一天遊呢....係因為同落少少既一個行程有關~但我地呢個一天遊同平時遊客黎澳門玩既野係完全無關的~~我地既行程都係同飲飲食食有關~~~~第一個景點...哥日中午~我地午餐地點係Don Alfonso 1890(當奧豐素 1890)....地址:新葡京酒店3/F.....電話:8803 7702....如果係網上預訂佢會要你自己download一份野填信用卡資料做guarantee....填好又要send番俾佢...如果你唔去又唔提早打去取消..就會收你手續費.....其實都幾煩~




查實我唔記得呢間有無攞米芝蓮...其實我地想試天巢既..可惜佢午餐加價加得太貴....最平個餐未加一都已經接近$700...嚇親我呢d窮小孩....見到呢間既價位都唔係加得太多~就試下啦~其實我之前去過既~不過對上一次既印象係麵包好食前菜好食甜品好食..但主菜唔好食..........好啦~俾多次機會你啦~我地有訂位的~~一入去成大個酒櫃~~裝修都幾有氣派~~







咦~係我地早定係好少人食呀~得我地一枱客既~事實上係極多人食~坐左無耐d人就一枱一枱咁坐滿~想試就記得訂枱~





我地一坐低就叫水飲....有d公子叫Sparkling water飲..有d叫礦泉水飲....飲下又一樽..飲下又一樽......叫到最後我地先醒覺....咦...佢d水到底幾錢一支~~~~~會唔會成百蚊一支~~~好彩Sparkling water才$60一支~礦泉水才$40一支~以高級餐廳來說呢個價算係平~




咁講下價位先...2 Courses with Dessert就$330...3 Courses with Dessert就$430.....Full Menu就530.....佢有得揀前菜..湯..middle course..主菜...仲有包埋既甜品...如果食哂full menu就實在太多~我地揀左3 Courses~~~咁有d人就前菜+middle course+主菜~有d就前菜+湯+主菜~自由配搭啦~




點左餐就上麵包~~~




離譜呀!!!成藍麵包都好好味!!!!!!!!!!超香~~~~




麵包配上牛油同埋橄欖油~然後仲有問我地要唔要黑醋點麵包~~~梗係要啦~最鐘意食黑醋~~~佢地隻黑醋好好味~




送的小前菜~好靚~唔記得煙燻唔知咩魚~(唔該哂~)....好好味~





先說前菜...好彩公子就是人多~(我左試試右試試都試左好多款~)....香煎北海道帶子配朝鮮薊及乾魚子~唔錯~





我個前菜叫左脆炸西西里紅蝦配鷹咀豆及蒜蓉薄荷汁伴沙律~呀~~~原來係咁既方式炸架~~~個蝦身俾一絲絲既脆脆包住連埋一齊食好好味呢~~~~~~~~~~推~





巴馬臣芝士酥皮盒釀芥末生牛肉及香草汁....呢個我食左但確係無咩印象.....................




好多公子都有叫middle course~(都係意大利麵)....我叫左特色拿玻里通粉配小魷魚﹑檸檬絲及青蘆筍.....一攞出黎個色同通粉既形狀都嚇一跳~但好彩幾好味~唔怕漏~我同毛寶都大讚~推~




傳統特色拿玻里粉配水牛芝士及香草....開頭以為好漏~但確係幾好味~~面哥層既芝士仲焗得超香~~好味~~




意式雲吞釀水牛芝士及馬祖琳香草配蕃茄汁....好味~都唔少~有成5粒~




特色海鮮扁意粉.....海鮮都算多~汁個味都唔錯~不過我不喜歡扁意粉的質感~




有兩位公子揀左湯..都係揀意大利菜湯配蜆及蝦...仲有蒜蓉多士幾塊~雖然味道ok~但我唔鐘意呢隻杰杰質地的湯~(你都幾多野唔鐘意下~)




大部份公子揀左意式鹿兒島和牛面頰配藏紅花意大利飯伴西蘭花....大多公子(有4位)都揀呢個......第一啖食落我覺得ok既...但越食越漏...漏到好恐佈~~~~~~有公子此時淡淡的說了一句:好似珠記牛腩好食d~..........wakakak~唔同部位喎衰鬼~




我就叫左豬排配野菌伴時蔬....估不到的好味!!!!而且極度大塊~不過個咸度減一度就好喇~!濃味得滯~




香煎龍脷魚配薰衣草及菠菜伴芥末粒子..呢個算係最清淡之選了~~~




主菜黎齊~公子要帥帥的合照一張~




就算係d咁高級既餐廳...都要無畏無懼咁擺出公子招牌鋪屎"就是你"....我地既帥氣度嚴格來說可是滿分的~!




去到上甜點..咖啡的時候...平時d petit four會砌靚靚咁上黎架嘛...佢呢度係自助形式出去夾喎...而且任攞....都幾多款...本身想讚佢幾大方的.....





你知我鐘意咩都試下架啦~~咁梗係攞多幾款啦....但係.....係無一款好食!!係無一款好食!!係無一款好食!!...可以話難食!!可以話難食!!可以話難食!!........一係好甜.....一係唔知咩怪味...打哂冷震..............................




好彩呢個時候我地叫既甜品黎到~~清清個口~太驚嚇喇頭先~雪葩:白柏檸檬-青蘋果-杏仁.....好正呀~~食完一餐~最尾食番個清新雪葩真係唔錯!!!!




意大利雪糕:雲呢拿-榛子-黑朱古力-開心果....都不錯~不過我會覺得雪葩好一點~




呢個我叫既脆葉巢配水牛芝士奶凍伴士多啤梨....我叫既時間毛寶問我:點解點呢個既?......我:因為我望餐牌其實無一樣甜品我係最想食既.....唯有揀一個望落好似好複雜要佢做好多野哥個甜品~(好變態呀我~).....果然無令我失望~~望落又靚又複雜.....而且好好味是意外收獲~~~




意大利芝士蛋糕...唔錯~




千層朱古力配雲呢拿雪糕...不錯~




咖啡部份我叫了Mocha....但真係要講...我地叫左唔記得3定4杯...只有一杯做到見得下人既拉花圖案...其他都不成形........有點求其.....查實我覺得杯mocha一般~




毛寶叫左茶~貼心位叫做個奶係熱的..唔怕倒落茶後成杯茶變凍~




呢餐每人食左$510.7......點講呢...你話佢好好味又唔係...你話唔好味又唔係...只可以講一般~唔會有某樣野我會話好好味呀好好味呀好好味呀你一定要試....又真係無~睇埋個價錢....我覺得8 1/2 Otto e Mezzo Bombana完勝~!(不過講真呢間係飽過8 1/2既~)....同埋通常上甜品前會有人攞野清下將枱我地之前食飯留低既麵包碎之類之類...呢間真係無做~...而且應該會記得哂邊個位既人叫左邊個菜...呢度又真係送錯左幾次..............唔知呀~可能唔夠人卦~短時間內應該唔會再食住~




然後有一位公子短暫離隊~~其餘6位去左第二個景點Garment Park度買買買係咁買~~~咁又玩左幾個鐘~~~~~~之後再集合~~係科學館見~睇我地幾益智~~~~依家科學館仲有恐龍展~~我前兩個禮拜先去左參觀~~~~但我地今次黎...唔係為恐龍~(呢日天氣麻麻..我地食完中午飯後落左一場超大既雨!!!!!!!)




我地黎係為左佢!!!!第三個景點~~小黃鴨你好呀~~~你同澳門d景都幾襯喎~~~




就係為左要係呢度同小黃鴨黎一張7人合照~~~~~~~~~~




帥不?可說是帥慘了!!!!!!!!!!!!!!!!!!!!!!!!!!!!!!!!!!!!七公子!!!!幫我簽個名丫!!!!!!!!




我地黎哥日已經係小黃鴨展出最尾哥幾日~~~~好彩趕得到je~~~~~~七公子真係好好睇~~~個個都咁好~~又個個唔同style~~要瘦既有瘦既~~要有肉地既又會有肉地既~係好隨和既~(講咩呀你?)




為左滿足我地既粉絲....點會唔黎一張我地既成名作"就是你"?.......(請問粉絲在那?)




梗係要和毛寶寶黎番張合照啦~




我覺得......我覺得呢兩個女仔都又靚又得意....我真係揀唔落手要邊個.....我兩個都要哂啦~~~~~~~~~~(自high中~~漠視黃鴨mode~~~~)....全部自拍都係我影架~~我幾勁丫~~d位又攞得好~~~~




咁岩線又撞到史奴t喇~~~~~你好呀~~~~~~~~~~~~~~(我哥日真係特登帶狗耳仔出街....要史奴t同黃鴨合照)




哎呀~你地好有愛呀~(心心眼)




好開心~~今次可以係小黃鴨前fing狗耳~~~~~~~~~~~~~~~我覺得戴左狗耳很有自信心呢~(誤~!)....搞到我想拍一系列的史奴t在不同地方fing狗仔耳~




然後晚飯時間公子四散~有的跟家人吃~有的去看演唱會~我就和麥公子仲有朗公子去左食韓餐~~~食飽飽~我地又再會合埋三公子一齊去金沙城入面既The St. Regis Macau...我其實係睇雜誌得知呢間酒店~(聽麥公子講每房都有一個管家).....我地唔係住呢間酒店~係去個The St. Regis Bar飲野je~~~~我幾鐘意呢間Bar...因為佢有人唱live得黎唔會太嘈...岩傾計~






我地叫左野飲望向隔離枱發現佢地叫左支好勁好有氣勢最岩公子叫既野.......我地講過我地下一次一定會試!!!(有幾有氣勢下次再出呢間Bar既獨立介紹時先講~~事實上我地已經下一次左~)




佢有兩款Mocktails(無酒精雞尾酒)...岩哂揸車去既人士~其中一款係55th on 5th(第55街5號) $68...幾唔錯~~好清新~有薑泥青瓜柑橘菠蘿汁雪碧~




Astor's Berry(爵位) $68.....大大杯...勁抵飲!!!!!!!少女果香味~~~有雜莓青檸檸檬梳打水~~~~(有兩位公子極力推介的果真係唔飲酒既不錯之選~)




Moscow Mule(莫斯科騾子) $68.....有伏特加檸檬薑泥自制薑酒.....極度勁酒精.....唔係成日飲酒既人飲左應該好易醉..成個水筒咁大~~呢個價錢都絕對無話偷工減料~




以下落黎介紹哥兩杯都係我叫的....唔好問點解我會飲兩杯!!呢杯係Big Bamboo(巨竹) $68..個名夠哂氣勢~有雙重朗姆酒菠蘿汁橙汁...唔錯~望個配搭都知實無衰~酒精勁~




然後呢杯係我咁多杯之中最鐘意飲的Glam Girl(華麗女孩) $98....極度大杯~~~雖然比之前哥幾杯貴....但呢杯d味我係最鐘意的~灰皮諾酒桃子酒蔓越莓汁~~幾少女味的~如果有少女去可以試下喎~




之前去過唔同既酒店飲野.....唔同既酒店有唔同既送酒小食...但我從來無見過一間酒店好似呢間咁大方!!!!!!三碟小食三碟都大得驚人~~~~有nuts之外(好味)...仲有芝士!!!!!係芝士!!!!!!質素唔差!!!!!仲有一大兜松露味的爆谷!!!!!!!!!!!!!!!!好好味!!!!!!仲要我地refill左好!多!次!~~~~~~




佢refill得一d都唔姑寒!!!!大方!!抵讚!!




d女仔好靚好靚~我地當時去.....好似個優惠係6月30日前.....用工銀卡埋單既話....會有7折!!!!!!以上所講既價錢係未7折價......真係好抵~~~~~~~~~~~~~~~(我無記錯依家中銀好似做緊85折...自己問下)...你諗下...如果一杯$68既飲品7折左才$47.6.....酒店喎.....公子怎會不愛?好開心既一日~多謝公子陪我過左一個又飲又食又買既一日遊~








噚日有位忠粉同我既一段對話
忠粉:你依家出咁少blog既?
我:依家每篇出多左相呀...好難一日寫得完一篇...以前先20幅相一篇....你話唔夠喉呀嘛....咪整長d囉..有時會40-50張相一篇呀依家...
忠粉:華!!唔怪得依家睇極都睇唔完啦!!!
我:................你到底想睇長d見我少d定睇短d見我多d架?
忠粉:hehe~~~~~~~~~~



2016/06/29的開心事:
我收到一個令我好擔憂既消息...我依家好憂心..
諗唔到今日有咩開心野.......................................



報時:距離"七公子"帥帥出使東京之旅2016仲有---93日~
報時:距離冰島環島自駕遊之旅2016仲有---128日~~~~~~
報時:距離合家歡台北聖誕之旅2016仲有---182日~

40 則留言:

  1. 吾好憂心會令健康漸差,午餐間餐廳都幾靚﹗

    回覆刪除
    回覆
    1. 要身心調適下~靚架~但野食唔算好食~

      刪除
  2. 可以得回一張 postcard 也不錯,其他的可能在遊飛機河中。
    您祇不過是記錄自己生活的一點印記,與朋友分享,沒有錯,不用介意別人的無禮(這類人太多的了)。

    回覆刪除
    回覆
    1. 哈哈~~希望佢地快d番黎啦~~~~~
      佢唔係無禮呀~不過佢好搞笑~

      刪除
  3. D野食咁少....好似唔夠好食喎
    唔通妳膽心日元係咁升......

    回覆刪除
    回覆
    1. 我預左妳今日又偷懶.....其實妳有自由幾時出blog既.....

      刪除
    2. 夠架喇~食包食飽架喇~~
      梗係擔心啦~~~日日都擔心~~

      刪除
    3. 你又幾叻喎~~~~~~~不過我有野做呀~

      刪除
  4. 嘩,成四個月先收到,無限珍貴!!究竟佢搭咩交通工具去你屋企呢!!!!
    間餐廳又幾典雅喎,五佰幾蚊試咗咁多款菜都OK喇!

    回覆刪除
    回覆
    1. 第—張七美人同鴨仔影果相,影得毛宝好少女feel 呀,跟住七位果張側面,型爆,影果個影得好!!
      史奴t, 你想点呀,仲要辛晒脷咁fing ,係咪係笑死我呀(我一路睇,真係笑到收唔到!)

      刪除
    2. 可能佢坐山板黎~係慢d~~
      其實都係既...500幾蚊~好彩我地人多~~

      刪除
    3. 華~你咁讚佢既~佢會面紅架~~~~唉呀~最後仲讚埋我影得好添~~~~~
      我會幫你話俾史奴t聽~~~

      刪除

  5. 好友☁・゚♦又係時候瞓覺嚟★*¨✬
    我又夠鐘煲湯,洗菜啦☾。゚☆晚甜夢安睡

    回覆刪除
  6. 乜事呀, 希望你個消息變做好消息啦。
    間1890好貴呀, 食物又唔係勁好食, 真係唔抵。
    反而間BAR又幾抵喎, 我好有興趣佢啲小食呀!

    回覆刪除
    回覆
    1. 我都希望係咁...
      又唔算既..話哂人地係餐廳入面~~~~不過我會鐘意8 1/2多d~
      係呀!!間bar真係唔錯!!

      刪除
  7. 你嘅連環重覆講3次對白真係令我每次都笑左出黎!
    秘魯個3張咁靚咁特色嘅postcard一定俾人'撻'左啦!
    點解你唔直接攞番黎呀?
    乜野事令你咁憂心?

    回覆刪除
    回覆
    1. 實在太激動~~~一定要說3次~
      我都唔知...我有諗過...會唔會賣郵票俾我地哥個野自己抽番起無寄.............
      因為我想要郵戳呀.................
      唉.....又係d令人煩悶既野

      刪除
  8. 其實你唔應該話自己變態, 因為你食過咁多好野之後, 當然就會比較, 對食物掩尖左少少係正常

    回覆刪除
    回覆
    1. 你都講得岩呀....真係可能大個試多左野....就會有少少奄尖...

      刪除
  9. 間餐廳啲燈咁似永利嘅?喺嗰度公子們的"就是你"都有點兒拘謹,唯獨毛寶,就是型!!啲主菜俾我都會選和牛乜乜乜(原來而家你啲文copy唔到架?),但最有興趣係想知珠記牛腩!!
    同隻鴨影,好似英雄本色咁側面嗰幅,乜解究貞公子表情咁趣怪?就是你嗰幅最右嗰條沐咀係咪打得少?你條片......有冇人可以忍到唔即刻翻睇?我睇幾次都笑x到xx
    最尾幾杯嘢都幾壯觀

    回覆刪除
    回覆
    1. 再睇條片,你揈到青筋都現埋.......忍唔住都要講,雖然我係貞公子粉絲,但呢排好似福氣滿滿咗,同埋側面嗰幅個趣怪樣應該係防雙下巴現形.

      刪除
    2. 唔係永利呀你新葡京架....哈哈~~佢又係幾型既~~~係呀...copy唔到驚未~....珠記係天神巷有一間呀...牛腩太陽蛋撈米我之前都鐘意食~
      我知...我實在太有型你唔抵得~~~~我唔知有無人可以唔笑喎..我淨係知我唔我囉~

      刪除
    3. 0我!!!你衰!!!!你咁話貞!!!我話左俾佢知~~~~~~~~~~~~~

      刪除
    4. 你真係好鍾意食米粉
      ......你係"話咗俾佢知"定"話俾佢知",係後者嘅話千祁唔好咁做......

      刪除
    5. 鐘意呀~我勁鐘意米粉~
      係"話咗俾佢知"喇~~~~~~~~~~~~yeah~~~~

      刪除
  10. 黃鴨側面果張唔知點解想起了復活島頭像XXD
    足足4個月===>唔知係咪已經環遊咗地球一周才寄到,其實咁都幾有趣喎,唔知半年後或一年後會唔會收到其他果幾張@@
    希望一切安好,大事化小小事化無!!

    回覆刪除
    回覆
    1. 哈哈~~~咁我地有7個頭像~~~
      我諗佢環繞地球已經好多周~~~~南極都係3個月就寄到番黎啦~~~~希望會啦
      希望變好消息!!

      刪除
  11. 上面食嗰餐嘢食好靚環境唔錯,
    價錢好合理$500,
    啲嘢飲好似幾正,又唔貴,信用咭仲有折
    同啲fd一齊吹下水,食下嘢好開心,有咗家庭囝囡就好多煩事,
    趁年青好好出去睇下...

    回覆刪除
    回覆
    1. 係囉...不過都係食環境....野食唔算好好食~
      係呀所以我地哥期好鐘意去飲野~
      都係架....成左家真係好多野要顧~
      無錯!!

      刪除
  12. 史奴t同黃鴨合照,好搞笑!

    回覆刪除
  13. 好有失已復得嘅感覺 <3! Hi duckie !

    回覆刪除
  14. 好心你一督督既蛋白餅甜品就咪試啦,都唔慌會好食架啦。

    回覆刪除