2016年6月27日 星期一

日本大阪之旅2016-05-17第四天(天晴)

唔知點解....我塊面又出左好多粒粒瘡呀....好多粒下...其中左面仲出左5粒連埋好似5角星咁........係咪太熱氣???星期五晚去左威尼斯人既Portofino食飯~好耐無去過~星期六中午食左8 1/2 Otto e Mezzo Bombana~~好開心又再食~~好好味~~~~~~~~阿媽終於去完旅行番黎去左機場接佢~~夜晚食左棽莜日本餐~~正~~~~星期日中午去左Altira帝影樓飲茶~因為想用左之前去食天政而得到既幾張優惠劵~~不過我覺得d野唔平之餘有d野都一般~性價比低~下午茶約左4位公子去COD入面既Louvre Cafe羅浮咖啡試新野~~~好開心~~~夜晚又叫左海榮外賣~又可以食到抹茶大福~~好好味~



2016-05-17
Day 4(日本,大阪 Japan,Osaka->澳門 Macau)

早晨~~晨咁早起身去搭機場巴士~~~比我預定既時間早左半個鐘~真係不停打呵欠~~~好喇~check左out之後我地就推行李過對面再轉右行再過多條馬路就會黎到呢個大阪Herbis既巴士站~~是日大大個太陽~但氣溫極凍...我一出酒店都打左個大乞痴~~~~明明噚日有廿幾三十度...呢朝得13度!




好搶眼隻色~你一定睇到~




由於無預售車飛架~所以黎到哥日先有得現場買的~成人單程1,550円=110.1hkd...係呢部機度自助售票~"記得"....係入左錢先揀去咩站~~~~咁講唔係提你!係提下次既我自己~~~因為今次我又唔記得入錢先~於是狂禁d制仲話:喂~唔俾我禁既!......入面個叔叔頂唔唔順隔住個玻璃大叫出黎:money!!!!..........哈哈~~入左錢~揀2人去関西空港~




上車檢查下自己d野係咪係齊度~(其實係酒店房已經check左次~)...驚見自己今次超多退稅單~~~~~~~~真係好有滿足感~




係巴士上面訓到就黎頸都斷~一個鐘度就到左関西空港~




首先又係去左Check in哥層既最左邊~寄存左行李先~我都係鐘意係呢度寄存~我地兩個行李..都係中哥個size....620円=44hkd一件~可以係佢辦公時間寄存~講個大約番黎攞gip既時間佢聽就ok~





落一層都有locker~不過寄成日都600円啦~~~呢個仲要自己抽一級上去~~~當俾多20円佢幫我抽算喇~~~~存3個鐘哥d就平d既~




由於比我預定既時間多左半個鐘~好啦~俾你坐低食d早餐先啦~我地搵左間cafe~叫左個三文治一個牛角包一個周打蜆湯一個熱茶~三文治d料唔錯..但塊包麻麻....都係Family Mart好食d~~~~~~個周打蜆湯估唔到佢咁出色~好味又夠熱~




最興奮係牛角包唔係普通既牛角包!!!!望下個牛角包既包裝!!記唔記得呢隻糖呀?我細個成日食乳酸味架~呢隻牛角包係同佢既焦糖味crossover!!!!好好味!!!!唔怕太甜~~~~又試到特別野真開心~




食飽飽之後....我地就去機場既12號巴士站等巴士~接我地去Outlet喇~送埋去程時間表俾你喇~今年成人仲係200円=14.2hkd無加價~





大約20分鐘左右就到~我地係搭第一班的~都幾多人搭~而且有好多人攞埋gip去血拼~一落車就影埋點程時間表~(*記得時間會時時改的~自己去到要留意下啦~)




無錯喇~我地又黎到Rinku Premium Outlet喇~我地搭第一班車9點40分黎~黎到剛好10點就開啦~~~~~~又黎到呢個歐陸風既outlet喇~~地址:大阪府泉佐野市りんくう往来南3-28




哈哈~哈哈~我話左俾呢個人知我好鐘意影佢衝入Beams個喉擒背影~然後佢今次唔肯俾我影呀!!!我逼佢:快d啦!快d行入去啦!!!!.............睇佢個背影今次幾唔真性情幾唔情願!(我係欺人太甚~~~~~~~~~~~~~~~)...可惜今次毛寶係呢間無咩收獲~




其實上次我係呢個outlet都唔算多收獲....最大收獲就係我去冰島同南美都有著上身哥件型仔雪褸~今次我都無咩買到...本身我又想去columbia買件新雪褸等今次冰島又型一型...點知....就係無咩型仔既新款....失望~最後買左呢兩個月下貨~LeSportsac我都好耐無買~不過我又好鐘意用呢款喎~因為佢裏面d間隔多去旅行好好用~~新款要300幾至400hkd不等...呢兩個月下貨舊款只係200多hkd~一個我一個媽媽~




行完成個outlet我最開心就係佢有間超大既Family Mart~~~~仲要有枱又有櫈~點呀~~~~又要食少少點心補充下體力啦~~放心~唔係全部都係我既~得三文治同飯團係我既je~(兩個主食仲唔夠多?!)三文治真係無得頂~貞~我地10月去東京再食過~~....咩呀...都唔係食好多之嘛!!毛寶話食一啖食下食下食左我半個蛋沙律三文治呀!!...支野飲真係幾好飲~好乳酸呀~




食左少少野就搭車番機場啦~~~早左番到機場嘛~梗係又要行下啦~~~~~其實關西空港真係幾多野行~~~仲要有博品館喎~~~咁梗係望下啦~~終於俾我搵到凱公子叫我幫佢抽既蛋黃哥crossover Sanrio公仔既杯緣子~~~~~~~我同凱公子既心水一致!!!!就係布甸狗!!!!!!!真係勁得意~





但........少年總是輕狂的~你以為有錢就得呀?仲要有運架!!!呢個系列有6款唔同....我買左5隻...心諗點都有一隻係啦...點知我幾叻呀~無!一!隻!重!覆!...真係無一隻呀!!!個機率幾咁低呀~!但最勁既係咩呀????最勁既係無一隻重覆..但無一隻係布甸狗呀~~~~~~~~~~~~達唔到凱公子給我的任務...失意




好喇....行到又攰攰地喇.....搵左間專係食蕎麥麵既餐廳~(其實我想再食好d架...不過機場好似無咩靚d既餐廳~還是有我唔知??大家可以推介下嘛?)




叫左山藥泥鮪魚生魚片...420円(稅拔)=29.8hkd...唔.......一般啦....30蚊又真係要求唔到d咩...




毛寶叫左個熱既生雞蛋烏冬..600円(稅拔)=42.6hkd....華~~乜咁架~~佢寫話熱既我以為有湯既添~~原來咁樣撈生雞蛋同烏冬食架....咁刺激~~~




我叫左天婦羅蕎麥麵....1,000円(稅拔)=71hkd...我哥個正常好多...但就係正常囉~無咩特別~又唔係話特別好食或特別難食~




食飽野攞番寄存左既行李去check in先....澳門航空又唔係廉航...但就係得20kg行李...真係少得可憐!!!!!!!!!!!為左唔想係counter先出意外....先行係機場個磅度秤一秤先.....好彩!!!!!!!!剛好19.3kg~~~~~~~~~~~~~~~~~~~~~完勝~




走哥時超多的人~排隨身行李檢查都排左一陣子~加上個機場幾大.......仲要坐d無人駕駛先去到閘口.......請預番少少時間去自己閘口呀~~~~我咁講...係因為一過左海關又有一大間duty free呀~~~~~~好多野食同護膚品買...真係...好彩我夠定力咋~~~~




我地搭澳門航空NX855班機係16:30由日本大阪直飛番澳門~~~~真想灑花~~~~~~好開心直接番到澳門~~~~~~而且超準時起飛~喜出望外~~~~~而且我地又係兩個人坐3個位~~~~




去哥程d膳食唔錯嘛~搞到人地好期待番黎哥程~~~~~呢次係大阪燒~~~~~~但講真...澳門出發既壽喜燒好食好多囉....你諗下.....大阪燒焗番熱佢喎......以........仲要甜品係罐頭生果....係左上哥個前菜不錯吃........10月我地公子去東京都係坐澳航呀~睇下點先~




影到靚靚日落照一張~番到澳門才19:30~~~好多謝我親愛的舅父黎接我同毛寶番屋企呀~~~~謝謝~~~~~~沖埋涼執好野先10點幾~第二日又乖乖上班~(我真的好強~)




好喇~~~上回個有獎問答遊戲開估喇~~~~~答案係:500円(稅拔)=35.5hkd~~~~~~~~~~~~~~~~係咪好平呀~~~~~咁平我仲學人叫毛寶幫我連埋佢部貴野一齊俾錢等我有得退稅~~係咪離譜????其實我預左係無人估中的~~wakakaka




總結:
1.使費:3,244mop(機票)+1,888hkd(酒店)+93mop(保險..仲係哥個一年旅遊保...最後一次..就黎過期)+15,478hkd(食買玩交通)=3,337mop+20703hkd.....
2.離哂譜...4日就兩萬幾........(最離譜係我問阿媽借哥d円我仲未還....唔知佢會唔會唔記得左呢?)我諗其實同去10日冰島全部使費差唔多....但.....日本就係有魔力...野好食...又多新奇得意野買同睇....真係...好難取代........我覺得一年去一次是不過份的~~~~~~~~~~~~~~
3.張機票真係好貴下......我地本身同時段係諗住去東京的...都係差唔多呢個價....想買哥時點知佢系統有問題....我地就遲一個禮拜再睇...點知.....已經貴到變左成4,400mop一個人...齋機票已經4,000幾...點去?唯有退而求其次...去大阪啦....但其實大阪都唔錯的~又多野買~又多野食~而且去周邊既城市又近~去京都係係30分鐘JR~重要是大阪有阿波~!
4.我真係好鐘意哈利波特~~~今次俾奧利凡德揀中我做魔杖選擇巫師呢個體驗絕對係我呢個旅程既亮點~~~好多謝毛寶陪我癲~~~~~~~
5.我真係好鐘意去日本旅行~!
~The End~
~多謝收看~






2016/06/27的開心事:
今日食左個好好食既台灣手工麻糬~~真係好好味~
我阿媽真係叻~識買d咁好食既野番黎~



報時:距離"七公子"帥帥出使東京之旅2016仲有---95日~
報時:距離冰島環島自駕遊之旅2016仲有---130日~~~~~~
報時:距離合家歡台北聖誕之旅2016仲有---184日~

54 則留言:

  1. 500円!!!!!!!!!!!!唔係呱,玩具都唔只咁嘅價錢啦!!!!!!!!!!!!
    你真係好叻好劲........最重要果隻唔中...
    你都話澳航不是廉航,所以三千幾又唔算貴,廉航係平但有時d 時間唔啱,揀早一班或遲一班再加行李都可能近三千蚊架,仲有機會改你航班,所以有時貴少少揀番大公司好过

    回覆刪除
    回覆
    1. 二萬幾算係乜,最緊要玩得開心,回憶無價架^^
      我覺得天氣濕熱係好易出粒粒,飲多d水,中午洗多面,搽返d保濕,可能有幫肋^^

      刪除
    2. 咪囉咪囉~~~
      wakakaka~我哥隻都唔知咩手黎架~咁都抽唔中~
      但本身佢應該係2000幾的.....又唔係大機...我覺得好貴~~~不過澳門上機真係方便d既~

      刪除
    3. 你咁講會縱我繼續落去架!!!
      都可能係...我會飲多d水架喇!!

      刪除
  2. 500 Yen 真係平到喊呀 hahaha
    我都好想好想再去日本 日本去過一次就會令人上癮的
    你仲有3個月又去東京啦 haha
    東京去幾多日呀?

    回覆刪除
    回覆
    1. 哈哈~~離譜呀可~
      去啦去啦~~~~
      wakakkaak~3個月好漫長呢~
      去4天咋~

      刪除
  3. 妳食咁多熱氣野.....唔出豆豆就怪啦
    真鬼死平架............

    回覆刪除
  4. 我都係呀,哇~好大粒瘡,又連環生,點返工呀,有無咩計仔?

    回覆刪除
    回覆
    1. 睇左你第一句,忍唔住即留言:p

      刪除
    2. 我都唔知自己搞咩...唔通係面油多得滯?勤力d洗下面囉~

      刪除
  5. 500円有無攪錯,平得咁緊要,日本好多嘢買及好多嘢食,我都好鍾意去﹗

    回覆刪除
    回覆
    1. 係呀係呀~真係平到離譜~
      我都好鐘意睇日本d得意野~

      刪除
  6. 在身體毒素太多,就會出粒粒了...去飲涼茶清清呢

    回覆刪除
  7. 好友☾。゚★話咁快又一天噃☁¨*♦晚安☆・゚✬

    回覆刪除
  8. 呢篇冇你個靚樣睇好失落......

    回覆刪除
  9. 你咁鍾意去日本,3個半月之後你又去喇,開心啦!

    回覆刪除
  10. 嘩, 500YEN..會唔會平得太過份呀!!!
    你真係好黑仔呀.... 點會咁都抽唔中架, 點解唔抽多隻呀!?

    回覆刪除
    回覆
    1. 哈哈~~係le~~~
      抽多隻就會重覆..我相信一定係咁

      刪除
  11. 500円?!!@@咩事平成咁?
    好多人一年都係至少兩三次去日本,趁big sale去掃貨XXD

    回覆刪除
  12. 500YEN,邊有人會估得中呀大佬,不過真係好平平平平,你叻~
    你張機票好貴呀
    罐頭生果粒.....O晒咀^^

    回覆刪除
    回覆
    1. wakakakak~~就係知無人會估中~~~~
      係呀..我都覺得貴..但唔想過香港飛唯有咁~
      我都第一次見~

      刪除
  13. 好友♦・゚早晨&午安喇喂☁*`☀
    ╔═╗ʚïɞ・゚。ƸӜƷ・゚。╠╣aΡpy週二
    ║╩╠═╦═╦═╦╦╗
    ║╦║╬║╬║╬║║║.☼╭══╮
    ╚╩╩╩╣╔╣╔╬╗║╭╯ΘΘ ║
    ────╚╝╚╝╚═╝╰⊙═⊙╯•ೋ*¨*•.¸¸。゚ഐ
    ✿∴♣∴♧∴❀∴✿∴♣∴♧∴❀∴✿∴♣∴

    回覆刪除
  14. 哈哈哈,您講到好似小傻遊大阪,與帥帥的宇文公子形象不乎。
    好充實的一個行程~~~~~~

    回覆刪除
    回覆
    1. 哈哈~~我係小傻~~
      都唔錯架~~梗係啦我安排架嘛~~

      刪除
  15. 500yen @.@買十部都抵啦!

    回覆刪除
    回覆
    1. 我這裡的夜冷舖, 都見過$5美金的 這款相機.

      刪除
    2. 哈哈~~咁又唔得~~因為10部好重架~

      刪除
    3. 咦~都係我嬴~~我一定平過5蚊美金~

      刪除
  16. 哈.... 我原本估佢係500円咖, 後來覺得日本D野貴, 就答1000円

    回覆刪除
  17. 我昨天係我這邊的GAP度, 連買了件恤衫, 每件連稅$75港元都唔洗....

    不過, 我家真係無位放了. 老豆炸哂形了

    回覆刪除
    回覆
    1. 哈哈~咁你係時候要執下唔要既衫去捐啦

      刪除
  18. 超多退稅單<< 係咪買滿5000円 , 先可以退稅呢?

    回覆刪除
  19. 真係可能係熱氣呀,飲多啲薏米水與紅豆水,同時去濕

    回覆刪除
  20. 原來部相機¥500咁平,
    唔買對咗往自己!

    回覆刪除