2016年6月23日 星期四

日本大阪之旅2016-05-16第三天Part 3(天晴及後轉陰天)

星期二無飯食...番完工好攰然後番屋企要收衫摺衫好忙~~所以晚餐係.....啤酒加杯麵~~~~~~~~~星期三晚出左去同diana食飯嘛~~~提早幫佢慶生~~試左間葡國菜~



2016-05-16
Day 3---Part 3(日本,大阪 Japan,Osaka)

我地上次唔記得去個湖哥邊有個位可以影霍格華茲全景~今次補番~其實我幾興幸今次係陰天~因為咁樣影霍格華茲有味道d~~





今次發現新影法~~~~~原來影湖既倒影仲靚!!!!!!!!毛寶真係好叻!!!





又逛紀念品店~最多野買應該係玩完禁忌之旅一出到黎見到既費爾奇沒收品百貨店~~~~睇下~~~奶酒啤酒鎖匙扣超可愛~~~~~~~~~~1,000円(稅込)=71hkd~~~~71hkd一個鎖匙扣貴唔貴?貴架!不過哈波既野我唔可以咁銅臭用金錢去衡量!(咁應該用咩去衡量呀小姐?)倒轉佢d啤酒泡泡仲會識郁~~~~~超可愛~~~買了兩個~~一個梗係我自己架啦~另一個是我和毛寶送給跟我一樣喜愛阿波的貞~~~*3*一大堆的愛~~~~~~




其實...我都幾鐘意呢支筆架..不過毛寶叫我放下...就是擁有




我上次講過!!!我不要再放下劫盜地圖!!!!這次我真的做到了~~~~~~




nano block的霍格華茲~~~~不過認真我覺得唔太靚~




呢個一set 4支既小魔杖擺設係幾得意架喎!!仲要數量限定...不過10,000円(稅込)=710hkd實在太貴~~~~~




上次我都講過我其實係非常後悔無買巧克力蛙的~所以我今次買了一隻~1,200(稅込)=85.2hkd~~唔知係咪既呢..我上網睇話每人限買一隻的~重點不在那隻食得的蛙...我最想要既係哥張巫師卡!!!!!!!!最想抽中的當然是我的校長鄧不利多啦!!





hehe~買完野就影多次霍格華茲特快列車我就走喇~~~~叻左超多~上次用5個鐘先出到黎~~~今次3個鐘就出到~~~~





呢張係我上次黎臨走時影的~~睇下我2個樣買完幾心虛~~~不過今次仲心虛呀~~~直頭無影買左幾多袋~~~~~今次流血仲多過上次~~~~~~~~~~~~~~~~~~~




個Express 4包左另外3個遊戲嘛..咪去玩埋佢囉~~大白鯊如果未玩過...都可以一試既...但再玩真係會無聊囉......同埋真係會濕身........................如果無fass past我勸你唔好排...





行過見到翼龍過山車........毛寶表示羨慕~~下次我陪番你玩啦~




Express 4包埋侏羅紀公園乘車遊.....臨入去有一部部既機....我以為賣咩...原來係雨褸.....行過無理佢......其實成個遊戲又係好無聊因為d恐龍極假..為既係最後衝落黎既急流......我頂!!!!!!我明明之前玩過架!!!!點解我唔記得會濕既!?!?!?!?!!?係濕到我地兩個成個頭都濕哂!!!!!!!!!!!!!!!!!!!!!記得買雨褸!!!!!!!!下次咪搞我!!!!!!好彩我哥兩袋哈波戰利品無事!!!!!




特登今次入黎環球奇境區搵史奴比商店!!點解?




因為我地成日行過有人戴住呢隻正常版史奴比耳仔勁得意!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!x100000000000......出面d車仔檔淨係得頭先史奴t戴的短耳版~~~~~~~唉呀!!!!你地兩個好!可!愛!!!!!!!!!!!!!!




我不管你說我傻不傻~~~反正我就是買了~~~~~~~~~~~~~~




史~~~奴~~~t~~~~~~~~~你好可愛呀可唔可以幫我簽個名呀~~~~(戴著的時候自我感覺相當良好~~~~~~~~~~~~~~~)...事實上呢個短片到依家我仲成日不停咁睇緊......仲覺得好開心..



唉呀!!!仲有呢款未試呀~~~~毛寶已經急急腳走左~~~~




我地排左唯一無Express既遊戲就係睇進撃的巨人既4D...好彩都係排左20分鐘je~長哥d我地唔排的~~~雖然係卡通~~但呢個唔錯丫~~~一定好過Terminator 2...........




玩埋最後一個Express包既遊戲就係Spider Man~~~唯一一個哈波以外既乘車遊戲我係覺得好玩既..原來我今次已經係第3個玩呢個遊戲..但我同毛寶仍然覺得好玩!!其實環球片場佢入面哥d比較舊既遊戲已經完全吸引唔到我去玩架喇....好彩佢都經常有新野出...如果唔係我一定唔會再去囉~~~(不過依家有阿波就成為我心中既一塊大石~~)





玩完蜘蛛俠我地行去入口附近最大間哥間有哈波野賣既紀念品店望下意若思鏡就心滿意足地走了~(其實得我一個人要望XD)






我影呢個門口並唔係要介紹紀念品店呀~~~係要同大家講:依家環球片場買紀念品都有得退稅呀!!!!!!!!!!!!!!!!!位置在臨到出口的閘口隔離...記得未做退稅唔好出閘住呀....上一次黎仲係無架!!!依家有真係好開心!!!!!!!!!!!買夠5,000円記得去做退稅呀~~~~~~不過如果過4點後或者臨關門前都係退稅高峰期!!!同埋佢地呢個退稅做野勁慢!!!我去哥時根本一個人都無...但都搞左10幾分鐘.....同埋買完每一次野都要keep好d單!!!!你知啦~~~我去過好多間買野嘛~~好多張單~hehe~今次係呢度使左25,834円=1,834.2hkd....退左2,066円=146.7hkd...........殘念......叫我怎能不好好工作養自己?買阿波d野真的超吸錢~~~~~~~~~~~~~~~~~~~~~





哈哈~我地3點幾4點又番到出去我地酒店~想去排隊買埋りくろーおじさんの店....即係老爺爺芝士蛋糕先~~~就係我地酒店隔離既大丸百貨地下一階和洋菓子哥邊~門口第一間就係~如果想買新鮮一出爐就買既熱辣辣芝士蛋糕就排左邊條隊~如果就咁買即日制哥d你都ok就排右邊無人哥邊~我地就咁排即日制哥d但原來都仲係熱辣辣囉~我覺得都ok呀~唔使排仲好~橫掂我其實都係攞番澳門孝敬我阿婆舅父舅母我阿媽同埋姑媽既je~原來入雪櫃可以放3日~之前鐘意食因為鐘意佢軟綿綿動L既質感~(講到個蛋糕好咸濕).....番到澳門佢係實番少少既~但不損好味度~一個675円(稅込)=47.9hkd...幾抵~




番酒店放低環球片場d戰利品同埋芝士蛋糕就衝出去再行Lucua同埋Lucua 1100.......又買左一輪野毛寶突然試下上網搵點知真係俾佢搵到大阪駅內有一間賣二手相機的鋪頭~~~八百富写真機店....地址:大阪府大阪市北区梅田3-1-1 JR大阪駅 クロストフルール....因為大阪駅係極度大....比較容易搵到既講法係大阪駅你朝南口方向行....然後會見到有條樓梯落去一條地下街咁既....一落去轉左行就係喇~想再清楚d請按我看地圖





有菲林有二手相機有證件相影~




好利害野~~~~~毛寶終於搵到佢想搵的Minolta TC1喇~!!!!!!!39,800円(稅拔)=2,825.8hkd......雖然鏡頭個蓋有少少花左~~我諗住叫佢上eBay睇睇先既...點知一睇最平既都要4,300hkd仲要運費.....所以呢部真係唔錯了~~~~~~~恭喜恭喜~~~賀喜賀喜~有人有新相機同我影靚相喇~~其實都唔算貴..我之前買俾佢哥部手動的Lomo都要$3,000...呢部全自動才3,000hkd樓下~~(雖然是二手)...其實黑色更靚..可惜要7,000hkd....實在貴到痴線




我呀~我都有買相機呀~但你估都估唔到我係買呢部Polaroid既二手彩虹機~係幾抵既~抵到點?如果有緣見到呢張相同你玩個遊戲啦~如果你估中呢部相機幾錢....要確切地估到佢個稅拔價係幾多円(估日元呀唔該)....如果真係咁都係俾你估中....我係冰島買份手信俾你(可能係寄冰島postcard~可能係冰島一粒磁石).....邊個都得...我郵寄到去你屋企~(你要有心理準備係度留e貓阿姐時俾我先得..我會問你攞地址).......拿~只係第一個估中先有架下~截止日期係我出下一篇blog之前你都可以估~(咁又無話估幾多次既).......唔知有無人估中呢?(我都係唔好咁自大....可能無人會玩..........................................你地就陪我湊合湊合著啦)




又放低一堆戰利品~再出發食晚飯~呢晚算最早食飯喇~7點幾就食飯~又係Lucua 1100既10樓搵食~真係好多餐廳~我地想食壽司~揀左呢間鮨処 音羽...有板前位...但我地揀左坐普通枱





有單點壽司的有套餐壽司的~有中文餐牌~





研究左一輪套餐都幾抵食~~所以叫套餐~




望下枱面~豉油有分關西風同關東風~關西係偏甜既~關東風係偏咸既~仲有3隻鹽~





叫左杯梅酒飲~忘了幾銀~不過我唔係幾鐘意呢隻杯咁飲梅酒...因為我潛意識上飲梅酒一定係用透明玻璃杯先正~(歪理)




我地每人叫左佢餐牌入面最貴哥個牡丹套餐...3,700円(稅拔)=262.7hkd.....10件....但無一件好食!!!!!!!!!d魚生都無鮮味既!!




套餐仲有其他野既~茶碗蒸同麵豉湯~一般野~




呢舊堅唔知係咩.....咬落淨係食到d油味..




甜品......終於食完.....一個字:伏!!!!!!!!!!!!!!!!!!!!!!!!我唔知單點係咪咁....但真係好難食.............諗起東京哥間美登利真係又好食又抵!!!!!




講真~頭先哥餐我地未飽~於是襯大丸個超市仲未收~衝落去睇有咩買~做宵夜都好~仲唔俾我等到~~~~半額呀~~~即係半價呀~~~~~~好~!買兩盒半額刺身番去嘆下先~




華~睇下呢隻銀魚仔d銀色幾靚~~~~~~味唔錯~幾鮮~不過食口落仲有d骨仔~不過半額後係216円(稅拔)=15.3hkd..你還求甚麼?




呢盒黑鮪魚半額後係638円(稅拔)=45.3hkd.....好平!!!!!!!!仲要一定新鮮話頭先間餐廳!!!!!!!!!!!!!睇下塊赤身d色靚到~~~~~我平時食吞拿魚好憎食赤身...但日本d赤身真係好正!!!!!!!!!!!!!好潤喉呀~




仲買左飯後果~唔貴~但唔記得幾錢~好香~好甜~




食完宵夜又開始玩~毛寶玩沖涼~我就玩影戰利品~唔算多~亦唔算少~唔錯~




拿~呢d就係環球片場買的~~~~見到嘛~~~我仲買左葛萊芬多件冷衫呀~~~~淨係為左呢件事~都值得加葛萊芬多10分啦下嘛~~~~~~~~~~~~~~~~話左要為11月既怪獸與牠們的產地做好準備嘛~~~~~~~~




野~~~~~人地唔係要你睇件衫係價值13,500円(稅拔)=958.5hkd架~~~~咦......其實我番到黎計一計先知咁貴....我以為700幾咋.......華..乜成千蚊架...痴左線我真係.....平時我買件正常既衫如果過$300我都會牙痛咁聲......依家買件cosplay既衫竟然就捨得.........好...拉番埋黎講先.....重點我係想話俾大家知...呢件冷衫我估係貴在Made in Scotland!!!!!我覺得係特登架!!!!!!因為霍格華茲原來就係位於蘇格蘭的~~~你話係咪好橋喇~~~~~




我支萬中挑一既魔杖~我發展支魔杖頂疑似可以著燈~但我未研究到~





重點推介~巧克力蛙~~~~攞上手既感覺真係好開心~~~我本身想就咁帶佢番澳門的~~~~但...好重喎.....咁唯有打開佢....睇下咩料先~華~~隻巧克力蛙堅大喎~~我打算就咁帶個盒番去.....但...又好易壓扁喎.....點好呢..............





最後....我淨係帶左巧克力蛙入面既巫師卡走....................




介紹下先~我抽到既呢張就係之前提過既雷文克勞(Ravenclaw)的創立人羅威娜.雷文克勞(Rowena Ravenclaw)~~~





我要解釋下點解我咁老定將我咁想要既巧力蛙個盒放棄....原因我去之前叫個朋友幫我去開環球片場時買一隻巧克力蛙番黎.....佢帶番黎俾我時完好無缺仲要無壓扁個盒咁俾我(因為我第一次去無買..所以其實我唔知咁重).........連我自己都唔想帶番黎....依家諗起覺得好感動~~~好~我決定蝦少d你....真係少少架咋~呢張係個朋友幫我抽既~~~~佢哥次手氣唔錯~~~~抽中左我第二想要的~~~~就係我個學院葛萊芬多(Gryffindor)既創立人高錐客.葛萊芬多(Godric Gryffindor)~~~~~~~~~我最想要梗係鄧不利多校長啦~~~~~~我相信d卡係有6種...兩款鄧不利多....另外就係4大院校既創立人.....我仲有4張要儲................





又係期間限定Jagabee~~~~~~兩款都好好味!!!!!!!!!!!




玩d手信玩到high high地....望下電視....下!岩岩地震?!應該大阪地區就唔係好感受到........感恩!!但.......我個電話無彈地震短訊既?!我以為個個都無時....上網見人地係fb講話電話有彈........咦....唔通....因為我地張電話卡係淘寶買所以無?!即刻send whatsapp番去俾媽媽報平安話我無事!




呢晚係最後一晚喇~平時我都好興攤哂咁多日d手信出黎影張大合照既~但今次間房太局促~所以無影~執好哂野之後~上網查埋機場巴士時間表....就訓lu~要留意既係~我地間酒店係近大阪Herbis個站的~由於經左大阪Herbis先到新阪急酒店的....而且巴士車飛係即時買無得預售......往往大阪Herbis個站如果多人上既話...下一個站新阪急酒店就會得少d人上到....無就要等下一班(兩班之間大數相隔20分鐘)....如果住新阪急真係要預留足夠時間等機場巴士呢~








2016/06/23的開心事:
呢一日對我黎講永遠的特別~
*3**3**3**3**3**3**3**3**3**3**3*



報時:距離"七公子"帥帥出使東京之旅2016仲有---99日~
報時:距離冰島環島自駕遊之旅2016仲有---134日~~~~~~
報時:距離合家歡台北聖誕之旅2016仲有---188日~
我終於有一個旅行倒數係雙位數喇~~~~~~~~~~~~

34 則留言:

  1. 我估我估,3980円
    隻娃真係超大,好唔好味?

    回覆刪除
    回覆
    1. 估錯~答案己在第四天既blog開估~~~~
      er...你無問啦

      刪除
  2. 我都覺得個倒影好靚
    Polaroid唔係好知價唔識估:P
    係喎梅酒我都覺係用透明玻璃杯,係咪可以睇到D色呢?
    件冷衫個款都幾平實,平時著都可以唔一定只cosplay,最重要係Made in Scotland!!!!@@

    回覆刪除
    回覆
    1. 係呀~~估唔到可以咁影~~~~
      哈哈~~基本上我係估無人會估到的~
      唔知呢..我覺得呢d杯係飲茶架喎~
      無錯無錯~~~~質地都唔錯的~~

      刪除
  3. 7xx蚊係就係貴左d!但真係唔買唔得law!!好實在丫!!左有葛來芬多嘅冷衫穿!!
    多謝你同寶,送我治療力超強的奶牛啤酒匙扣!
    好羨慕丫!!你買埋劫歷地圖!所有野加埋豈碼加gryffindor 50分啦!

    回覆刪除
    回覆
    1. 大概咩價位架XD我唔識奶d相gee wo
      我想估。。。4925yen!

      刪除
    2. 咁你覺得我下次係咪要買番件套頭既會好d呀??
      可能奶油啤酒都估唔到自己有治癒能力~~
      真架真架~~今次真係用左好多錢~~~

      刪除
    3. 估錯~答案己在第四天既blog開估~~~~

      刪除
  4. 倒影嗰張超爆靚,驚艷級,要記住呢個影法先,遲啲去玩的話都要咁影
    小t,好鍾意妳戴咗耳仔張相,鍾意到想一鎚中落去,覺得好襟打咁(打完呢句嘢都覺得自己變態,wakakaka)

    回覆刪除
    回覆
    1. 係呀!!!!成日掛住影實物估唔到可以咁樣影~~~~
      係呀係呀姐姐係好變態呀~~~史奴t佢同我講佢驚驚~

      刪除
  5. 呢一日對我黎講永遠的特別~我好有興趣想知^_^我估5980yen

    回覆刪除
    回覆
    1. 野~~~好衰架~~~係秘密~~~
      估錯~答案己在第四天既blog開估~~~~

      刪除
  6. 好友☆・゚✬甜夢安睡☁¨*♦晚安喇喂☾。゚★
    你飲多D水呀,我都唔怕熱,出身汙水好舒服呢

    回覆刪除
    回覆
    1. 下~~你咁勁架~~唔怕熱~~

      刪除
    2. 係啦...幾熱我都唔怕...感覺出身汗水好舒服

      刪除
  7. 係日本食野好難中伏,睇相似爭鮮,超市半價都可能好食過佢
    相機我估.....我估7500日元

    回覆刪除
    回覆
    1. 超市半價係好佢十倍!!!
      估錯~答案己在第四天既blog開估~~~~

      刪除
  8. 千金難買心頭好呀,一d 問題都無,件冷衫made in Scotland 呀,值回票價!!
    史奴t,那長長的耳仔,点解你會咁可愛架,太可愛喇!!!!^^
    知通,我會预多d 時間等車,多謝資訊^^

    回覆刪除
    回覆
    1. 係呀可~~~~~咁我唔內疚啦大家都咁支持我~~
      野~~~~~~~~~史奴t表示開心和怕醜~~
      不客氣~互相交流~

      刪除
  9. 部寶麗來呢, 我估..... 二千円.....



    回覆刪除
    回覆
    1. 估錯~答案己在第四天既blog開估~~~~

      刪除
  10. 買到心頭好唔需要心虛,做工都係為左可以買野,獎勵自己麻^^.
    我估8900Yens

    回覆刪除
    回覆
    1. hehehehehehe~~你真係好~~~其實我幾鐘意哥年冷衫~~
      估錯~答案己在第四天既blog開估~~~~

      刪除
  11. 心虛?洗劫自己永遠唔心虛,哈哈哈
    您波仔上身上得好勁~~~~~~~

    回覆刪除
    回覆
    1. 哈哈~~咁我下次唔心虛喇~~
      無錯~~

      刪除
  12. 我唔喺好識寶麗來相機,但同呀小t玩下,
    當年市面仲有得賣時,好似幾百左右,
    我估...¥9,800,
    日本環球片場真好玩,但我無去過😁😁
    英國脫歐,日元抄高到近8算,妳買嘅嘢即刻抵哂
    仲我諗住過幾個月去下,可能要等¥跌番😕😕
    食壽司豉油都有分關東,西😂😂

    回覆刪除
    回覆
    1. 估錯~答案己在第四天既blog開估~~~~
      都ok架~~不過我諗就如果鐘意哈利波特會玩得更開心~~
      但我之後都去呢~~~~依家都唔知點算~~
      幾有誠意呀可~

      刪除
  13. 我估¥3228 XD
    我想問下你會係邊度買相紙呀?

    回覆刪除
    回覆
    1. 估錯~答案己在第四天既blog開估~~~~
      我查實係唔會影~~諗住愛黎做裝飾~~wakaakka~~d相紙貴過部機好多~~~~~~~~

      刪除
  14. 我屋企都有一部舊式寶麗萊喎......我估12,500日元啦

    回覆刪除
    回覆
    1. 估錯~答案己在第四天既blog開估~~~~

      刪除
  15. 咦咦咦,面仔又瘦返D既?

    回覆刪除
    回覆
    1. 有d咁既事~~~~~~~~~~~~~~~~~~~~~~~~~~~~~~~~~

      刪除