2016年6月20日 星期一

日本大阪之旅2016-05-16第三天Part 2(天晴及後轉陰天)

今晚我同屋企人出街食飯我都乖乖的一放工就跑番黎出blog先呀~~睇我幾乖巧~星期五嘛..番工時間心情繼續差.........一放工~龍精虎猛~~~~~~夜晚食左新開哥間魚生丼飯...不過我覺得一般啦~食完勁口渴~~~~然後睇左愛麗絲夢遊仙境2:穿越魔鏡.....又係因為情意結...睇左第一集一定要睇第二集...但...第一集我已經覺得唔好睇.....理所當然第二集更..................星期六中午食左滿記..我覺得近兩次真係麻麻地d野..可能唔會再掛住了....以前覺得佢係澳門好好味既越南野黎架嘛....可惜~由於出左糧好開心點都要搵d野買下..我去超市買左少少零食同埋幾支唔同style既酒~~好開心~夜晚食左添好運..終於試到..呢間香港開過黎既米芝蓮點心...都唔錯...重點係呢個味道個價錢都算係幾抵~最好食係佢個酥皮叉燒包..正~~不過食完好口渴....又轉左去venetian買左對新鞋番工..因為舊哥對又蝦我~我係會不停咁買同一對鞋番工哥種人....好變態...今次爛哥個位你點估都估唔到.....星期日去左路環hea下..但食左間坐得舒服但難食既cafe~然後毛寶請我去科學館睇恐龍展呀~~好開心~~夜晚同左婆婆舅父佢地一齊食飯~



2016-05-16
Day 3---Part 2(日本,大阪 Japan,Osaka)

沿活米村一直行過黎就會見到霍格華茲城堡喇~~~亦即係玩哈利波特禁忌之旅既所在地~~~真係好宏偉呢~~~~~




感恩直到依家仍然無落雨~~~





好喇~我地要入去玩喇~~~~見到門口寫要等110分鐘接近兩個鐘我個心都安落d~~~~因為我地有fass pass嘛~~~~~~(上次黎哥時閒閒地要等240分鐘)




唔使排隊好快丫~我地一野就行入去儲物櫃放野喇~免費的~




佢一入場時會派呢張野俾你...你去儲物櫃放低完野之後...就會係遊戲入口收番先有得入~~千祈唔好收左你張野後行錯出口呀~~~唔係又要再排過架喇~~~~~~~




好開心呀~~行過學校既樓梯睇到有好多會動的壁畫~~~細心一睇原來第三幅相入面既左下哥位長髮女人原來係霍格華茲四大學院其一....雷文克勞(Ravenclaw)的創立人羅威娜.雷文克勞(Rowena Ravenclaw)~~~而右下的那位是史萊哲林(Slytherin)的創立人薩拉扎.史萊哲林(Salazar Slytherin)~~~~失覺哂~~~~~我突然覺得自己學識好淵博~~~~~






我錄左佢地短片~~~超搞笑佢地~~~Rowena Ravenclaw同隔離既Salazar Slytherin狂傾計~~然後對面一幅圖個女人好明顯俾佢地兩個煩到~~好唔耐煩~~~我仲未研究到另外哥個女人係邊個~~~~但點解我見唔到我學院葛萊芬多(Gryffindor)既創立人高錐客.葛萊芬多(Godric Gryffindor)既????唔得!!!我下次要行慢d睇清楚佢係邊先!!!!



行緊去玩時會經過校長室~我明明今次話要好好參觀城堡架!!(佢有條隊係專係淨係行城堡...無玩機動遊戲的)...都係無行到!!下次要慢慢行!!




呢度唔知係咪葛萊芬多既交誼廳呢?見到我啦~榮恩~同妙麗3個~~~~




仲行經我地學院對門呀~~好耐無見喇胖女士~~~~~通關密語是.................我記性太好..我忘了.......................




今次真係少人d....超快的行~~~~無咩細心欣賞城堡~~~我唔岩~~




終於行到黎分類帽喇~~~見到分類帽即係你行黎到機動遊戲個入口喇~~~~(分類帽真係會講野....)




華~~好靚呀~~~~~~~~~~好多蠟燭係天花版呀~~~好似同老師一齊食飯哥個大廳呀~~~唔講住喇~~~要上車玩喇~~記得易跌既野放入頭先個儲物櫃度呀~~如果唔係fing走左要搵人幫你吊番出黎架~~~~~~~~~好喇~~~去玩喇~~~~~~講真...仲係堅好玩!!!!!!!!!!!!!!每每阿波出現我仍然好想伸手去摸佢~~~不要錯過~~真的很好玩~~~~




玩完行番出黎又見到有街頭表演~~由各院校同學表演唱歌~~可惜我今次都係睇唔到三巫鬥法大賽個街頭表演~~





好喇~毛寶話咩都唔準做住喇~因為頭先我要快d排隊入場唔俾佢係附近既便利店買飯團做早餐~(講到我好似好變態咁~~間便利店打哂蛇餅呀!!!XD)..所以我地依家到巫師好鐘意去既三根掃帚享用Brunch先喇~~~~~~




上次黎又係打哂蛇餅架~~~~今次幾爽~~~~~~唔係我阿波唔再受歡迎~~~係因為....我地食飯時間係....11點都未到~~~~




話明叫三根掃帚...咁梗係有三支掃把係樹啦~~~





好~佢個路線係買左野食先入座既~接到餐牌~~咦~~有d新野喎~~~~~~~~見到飲品哥度奶油啤酒明明之前分普通裝同埋可以攞番屋企哥隻膠杯裝....依家仲多左一個Premium既~~~~





首先係落左單俾左錢先~呢餐多謝9,880円(稅込)=701.5hkd....好貴呀好貴呀...都係我唔好啦..........




俾左錢佢會講你去邊個counter度攞野食~




好有氣派~~~




出場喇!!!!!!!!Premium的奶油啤酒!!!!!!!!!!!!!個杯好雷呀!!!!!!!!真係好似去左德國d啤酒節咁!!!!!好靚呀!!!!!




攞埋野食我地就搵位坐啦~今次人不多~我地揀左坐呢邊~好靚~三根掃帚樓下是酒吧~樓上是旅館~(真既一樣XD)





Gilly Water...350円(稅込)=24.9hkd....我真係估唔到一支水都可以咁靚~咁有魔法既味道~




隆重介紹Premium的奶油啤酒!!!!3,980円(稅込)=282.6hkd......並唔係d啤酒係Premium...係隻杯!!!!!!!!!!堅貴!!!但堅重手有質感!!!!!我好鐘意~~~~~(所以其實唔買呢隻杯呢餐係唔使咁貴既~係我衰~)...佢下次再出多隻貴d既我都唔知點算~





之前同貞一齊黎買哥隻1,100円(稅込)=78.1hkd...係咁既~膠既質地~再另外哥隻600円(稅込)=42.6hkd就無杯送既~(唔可以話送~我地係俾錢買隻杯番屋企~)...能夠同巫師朋友在三根掃帚飲番杯奶油啤酒真的一樂也~!





野食叫左Beef Sunday Roast....2,800円(稅込)=198.8hkd...窮奢極侈呀你班人...係樂園入面都食咁好!!不過講真其實幾好食~幾有牛味~~




另一個叫了Pork Rib Platter....2,000円(稅込)=142hkd.....豬肋骨唔錯~~但係雞今次唔係俾雞脾位我地..鞋鞋的~失望~但粟米真的依然好吃!!好好吃!!毛寶係最掛住佢條粟米的!




巫師的典範~~~大杯奶油啤酒大塊肉~~~





甜品又有新野~~~奶酒啤酒出埋雪糕~~~~!!身為巫師既我又點會唔試~~好無味其次~~~~甜左d~~其實似焦糖味雪糕~~





食飽飽攞埋杯奶酒啤酒走埋過隔離相連的豬頭酒吧扮下野~~我依家先知原來個豬頭識郁的~~~




飲完啤酒梗係要洗番隻杯帶走啦~~記得去埋廁所呀~~因為都係景點黎架~~~因為呢個廁所~~~有愛哭鬼麥朶架~~唔好錯過~~





然後到另一個重點景點!!!上次因為唔記得左所以錯過的!!!係一個有關魔杖選擇巫師的體驗~~~~~就係位於奧利凡德商店最左側哥對木門!!!!見到無??隔離有條隊排架!!




排緊隊既時候發現轉出去又可以係呢個位影到霍格華茲~





大約排左10鬆分鐘~~就到我地~~有職員帶我地入木門既~入左木門之後就係呢度等~~~好靚呀好靚呀~~~~d魔杖係亂中有序的~~跟我的書房一樣~~~~~~~~~~~






等左一兩分鐘左右~~原來唔係呢度架~~有對密室門入去架~~~~~~~~~~好緊張呀~~~~~~~




華~~~~我見到奧利凡德本尊喇~~~~~~~~~~~~~~~~~~~~




奧利凡德念念有詞~~會英日語間住間住介紹~~佢會係呢個室入面揀一個出黎去做呢個示範同體驗~網絡上相傳...係會揀小朋友多~~~~~




但世事既野....但凡遇上我...都一定有改變...當奧利凡德開始揀人...望到第三個....見到呢個人眼神極度誠懇!樣子壓根兒是哈利波特....佢之後再無望過其他人....果斷的選!了!這!位!!!!!!無錯!!!就係我!!!!!哈利波特!!!!!!!!~~~~~~~~~~~~~~~~(請大家灑紙花兼大力拍拍掌~~~~~~~~~)見唔見我地中間有哂火花~彷彿這個世界只有彼此~..呀唔係~對白錯左~....我見到我身後哥個小朋友向我投以哀怨的眼神~但sorry~姐就是勝利者~




救命~~~~我個開心樣係表露無遺~~~好似側面都見到我個鼻哥窿都笑緊~~~拿~小朋友~姐姐咪同你講左唔好唔開心囉~下次再黎啦~




好開心好開心好開心~~~~~~~~~~~~~毛寶幫我呢個魔杖選擇巫師體驗錄左個短片~~~~~~~~有d長~~~但真係幾搞笑~~~~




支魔杖揀左你....係個體驗完結後有個工作人員帶你出去然後係出面細細聲問你買唔買的...唔會大庭廣眾係入面問你好似局你買咁樣~其實買唔買都得~但呢支魔杖同埋個盒係無得就咁係出面買的~so......why not????????????????????睇下d假塵仲係度~~~~~~~~~~~




呢支魔杖咁特別就梗係唔係同出面d街價一樣啦~普通版的3,500円(稅込)=248.5hkd.....呢個係4,900円(稅込)=347.9hkd.....其實支魔杖我就唔係覺得幾靚既je~~我都諗左好耐點解我會買左.......番到澳門我同凱公子分享呢件事既時候佢點醒左我:買!!梗係要買啦!!!!萬裏挑一咁都揀中你喎!!呢d錢要跌架~...............係喎~~~~我就係喜歡這種萬裏挑一的感覺~有誰懂姐的心?呢兩幅相有名架~叫真心的笑容...by 毛寶....將無理事情合理化..這是公子的精神~*





好喇~咁又再行下啦~去到另外一間好似賣衫既舖頭~~櫥窗有妙麗係第四集火盃的考驗個聖誕趴地有著過的晚禮服~~然後我係呢間...又買左少少野....................................我係要為11月上既怪獸與牠們的產地做好準備呀!!






我攞住呢支野睇左好耐...毛寶不停問我咩黎愛黎做咩?我真係答唔到....實際用途真係做咩...只可以答呢樣係波晚洞魔法學校d學生會用囉....其實我成個腦都係絲帶舞....




衫仔鎖匙扣幾得意....其實我想買番我學院件袍既衫仔鎖匙扣呀....




奈威的記憶球~




有人要送我飛天掃帚嗎?




我又見有新袍喇~~~~魁地奇件袍好靚呀!!!!!我真心有心動!!!!但係佢有一樣野令到我放下..就是擁有...就係佢係索繩的....好煩..................








第六個沒有了爸爸的父親節..
睇見人地個個可以幫爸爸慶祝父親節而我已經無機會既時候..
個心都咪話唔酸!
唔係要話買好多野或者請佢地食好多貴野先叫孝順...
可以陪佢地多d我諗佢地都好開心~
希望大家多d錫下父母~
雖然我身邊都有好多人對我好好~
但我心中只有佢地先會係唯二無條件地對我好既人~
(我意思係朋友情人對你好係因為佢地都會希望你對番佢好...而父母就唔係~佢地只係一心想你好~我講我角度咋下)



2016/06/21的開心事:
多野做但順利收工
而且因間出去同屋企人食飯...我預計可能有好野食~~



報時:距離"七公子"帥帥出使東京之旅2016仲有---102日~
報時:距離冰島環島自駕遊之旅2016仲有---137日~~~~~~
報時:距離合家歡台北聖誕之旅2016仲有---191日~

36 則留言:

  1. 咁都選中你,你係得嘅(後面小朋友失望到呢個樣),副眼鏡可能都幫到少少手......
    睇完呢篇得著係女生買嘢梗有佢嘅理由,不論合理與否
    你返工買死一對鞋,我買波鞋都係,著爛再買過一模一樣嘅返嚟

    回覆刪除
    回覆
    1. 絕對同副眼鏡有關....呢副眼鏡價錢低但價值高~~~~~
      哈哈~~~~咁有時想買但又覺得自己無咩道理咪求同伴支持囉~~~~~又係好合理呀~~~
      呢種能覺我超明!!!咁對鞋舒服又最襯自己....無所謂丫~我撐你呀今次~~

      刪除
  2. 哈哈 你個樣真係超興奮呀
    你真係超級哈利波特迷呀 !
    肯定佢見到你帶左哈波眼鏡 所以就揀左你啦 hehe

    回覆刪除
    回覆
    1. 哈哈~~我真係好低能~~~~
      無錯~~~~~愛阿波~~~
      一定係!!!!!除非唔係~

      刪除
  3. 😂😂😂😂😂😂😂
    😍😍😍😍😍😍😍
    真係好正丫!!你全程鵬牙係飛出黎架!!我好想去多次玩丫!😍

    回覆刪除
    回覆
    1. 俾人揀中棚牙飛出黎是必需的!!!這是禮貌~~~

      刪除
  4. 所以唔好話佢門票貴,其實真係貴得有理,睇吓佢d 細心位,機關位,樣樣都做得咁細緻,你又玩得開心睇得过瘾,抵架!!
    買,梗係買啦,有片有道具,得閒望吓都哈哈笑!!

    回覆刪除
    回覆
    1. 係呀係呀~~~~~~~~~點都要俾架喇~~~~
      真係好開心~~我無估到佢揀中我~

      刪除
  5. 妳又幾乘喎.......
    好耐無見妳笑得咁開心.....以後唔好似偏咀鴨笑啦
    妳唔好咁諗啦....朋友都有無條對妳好唔要回報呀

    回覆刪除
    回覆
    1. 妳現在只出星期一同星期四兩日~~~~好好懶呀

      刪除
    2. 梗係梗係~~~~
      因為那是真心笑嘛~
      朋友要用心去經營架~大家對我好我也會對大家好...相向嘛~如果你對一個人好好...佢唔領你情又對你衰...你都會無癮唔再理佢啦~咁就係有條件既好囉~(咁可能真係有無條件既~~~~可能比較少~~~)

      刪除
    3. 我無!!我去左洗衫!!!我好忙~~~~~

      刪除
    4. 我上個禮拜係一三架~~~~~

      刪除
  6. 今次真係好似少人左好多,有昤寧願早D食唔洗同人迫
    有儲物櫃放野又幾好喎
    奶油啤酒個樣好似好好飲

    回覆刪除
    回覆
    1. 係囉真係少左~~~~~係呀~我都係咁話~
      係呀因為佢個遊戲會fing黎fing去~~~~
      好飲~~~我鐘意~

      刪除
  7. 哈哈﹗當你攞起支棒後,好像願望成真又有光,好攪笑,我睇左兩次呀﹗

    回覆刪除
    回覆
    1. 哥個位我都好鐘意~~~你看到重點了~~~~~~

      刪除
  8. 如果對鞋常常都是同一地方爛先, 就表明係某個病患的高危人仕, 我時時都爛鞋棦外邊. 好似係腎....

    我時時去買彩票時擺烏龍, 買錯左號碼, 不過, 既然出左票, 我就一定要左佢, 同你枝魔棒一樣, 既然選中你, 你就買下佢.

    不過, 選個大人而唔選小朋友, 可能因為大人會買, 小朋友大多不會買.

    回覆刪除
    回覆
    1. 我唔係架~次次唔同地方~~~
      可能你填錯哥次...就係中哥次!!!命運既野好難講~~~祝你早早中獎~~~~
      小朋友會叫大人買嘛~~~不過....其實我都覺得佢係因為我扮到咁知我係忠粉一定會買先會揀我~~

      刪除
  9. 支魔法杖就算俾人昆都係開心嘅,你應該讃個位人兄揀你出黎因為佢估到你一定會放低銀兩!

    回覆刪除
    回覆
    1. 其實我都覺得佢係因為我扮到咁知我係忠粉一定會買先會揀我~~
      佢既工作係揀一個會買既人~~而我...就係哥個人~~~

      刪除
  10. 見你笑到四萬咁就覺得枝魔杖好值得買,因為滿載了這次奇特的回憶hahahaha....
    會動的油畫我覺得有少少驚,有D恐怖feel,唔知有冇小朋友見到會喊呢?
    咁你要錫小t媽錫雙份囉,因為佢係小t爸的honey,由佢代收父親節禮物最適合不過啦^^

    回覆刪除
    回覆
    1. wakakakaka~~~我真係好開心~~~
      唔驚呀~~睇慣左阿波d戲唔驚~~~~~
      一定要啦~~~媽媽咁錫我~~~

      刪除
  11. 正呀,好多魔杖....你真好彩被佢抽中,支魔杖好靚,早知拓你幫我買啦
    你的肥鵬爸爸一直在天堂照緊你的,不要唔開心,願肥鵬叔叔與你心靈同在,~哈哈

    回覆刪除
  12. 好友♦・゚☼藍天與白雲的一天☁*`☀早晨&午安喇喂

    回覆刪除
  13. 我哋這裡嘅添好運就唔掂啦,貴又唔係好食,只有個叉燒菠蘿包好啲

    回覆刪除
    回覆
    1. 你地都有呀~~~個叉燒菠蘿包真係唔錯~

      刪除
  14. 嘩, 睇晒條片, 咁難得揀中, 我都覺得要買喎, 雖然我都同意支魔杖唔係特別靚, 但留住個美好回憶, 每次望到支魔杖都開心一次, 抵晒呀!
    塊扒唔洗200, 其實唔算貴, 係個杯貴啫
    小t加油, 妳爸爸知妳孝順架

    回覆刪除
    回覆
    1. 真係...有很美好的回憶~~~~~~~~
      哈哈~~~係囉可~~~樂園黎講塊扒唔算貴啦可~~而且仲幾好味~
      多謝鼓勵~~

      刪除
  15. 放工龍精虎猛,正常人一個,哈哈哈
    見到個笑容,便知小 t 有幾開心啦~~~~

    回覆刪除
  16. 好友☆・゚✬話咁快又一天喇☁¨*♦甜夢安睡☾。゚★

    回覆刪除