2016年6月16日 星期四

日本大阪之旅2016-05-16第三天Part 1(天晴及後轉陰天)

呢兩日我都提唔起勁.....成個人謝哂皮....星期二哥日....竟然係我同貞公子入左依家呢間公司既12週年!!!!!好恐怖呀.....我竟然咁就出左黎做野12年喇....時間真係唔經唔覺咁溜走...........我覺得自己好x老.......前日開始個心情都差差地...唔知咁樣有無影響我塊面....最近出左好多粒粒仔.....好醜...我幾時先可以變左以前既白滑?....雖然心情差....仲要係為左d無聊野心情差......但為左無聊心情差都仲有人逗番開心....都真係人生若此~算係咁~但我依家呢刻仲係唔開心........................聽日係星期五我都提唔起勁;[



2016-05-16
Day 3---Part 1(日本,大阪 Japan,Osaka)

早晨~呢日又晨咁早迫毛寶起身陪我玩~咁早玩咩?就係陪我去環球片場玩喇~~~~~~~我發現我地間酒店好方便~(雖然今次貪平book了smoking room係一個污點)....同個駅連住唔怕日曬雨淋~咁呢...我上網睇或者睇旅遊書講係大阪駅去環球片場都係話搭大阪環狀線去到西九条駅轉ゆめ咲線(夢咲線)至ユニバーサルシティ(環球片場駅)落車........我地哥日一上到月台.....我就八卦望望車站個顯示版(右邊)....見到我畫左紅色線寫住大阪環狀線黎到喇...本身想上車...點知望落下一班車...我認得環球片場駅個日文寫法ユニバーサルシティ....3分鐘後有車直到唔使轉車(藍色線畫左)...咁梗係等多3分鐘啦~~唔使轉車~~(下次不妨留意下~)




今次超好彩~有位坐~大慨15分鐘左右就到~~都幾多人下~~黎得呢個駅都係一個見的~~~梗係環球片場啦~~~~~係!我又去探阿波!!!!!!!!我深愛的阿波~~~~~~~~~~~~~~~~~~





我地架車駛開左之後........................................對面個月台泊左哈波列車係度呀!!!!!!!!!!!!!!!!!!!!!!!!!!!!!!!!!!!!!!!!!!!!!好靚!!!




實在係太有型了!!!!!!!!!!!!!!!!!!!!!!!!!!!!!!




之前呀....就係睇天氣報告話我4日行程入面其中一日會有80%機會降雨...就係今日.....我為自己做好心理準備架喇...不過我就祈求入哈利波特園區時唔好落雨就得~~留番我出園區落啦~~~~~~~~~~~黎到見到少少陽光..算係有d安慰




個門口好喜慶呀!!!!!!!!!!!!!!!!15周年!!!!!!!




地標點都要影一影~~~




點知我地今次遲左少少黎(其實都係開園前到).......已被迫到另一個門口排隊入去........今次排到後到係售票處都見唔到.........我地呢日開園時間係09:30.....今次終於有提早到開門喇~~~09:15就開園了~~~~~~~~~~~




屎忽甩皮真的很可愛~~~~~~~~~




好啦...排緊隊時又講下d票價之類之類...我地又係自己上環球片場官網買定先既.....至於點買無咩秘訣~~都係一路用電腦買一路用google translate~~(因為得日文網站有得賣)....不過其中一樣可以提供俾你就係因為填你個名哥度要用全形片假名既日文名....你可以去此網站做翻譯~拿~幫左你架喇~咁我地係海外地區買無得宅配架喇..咁你可以揀QR code或者現場攞飛都得...咁我梗係揀QR code啦唔想再排隊攞飛~你可以係電話度show QR code俾佢直接bit入場就得(我見d日本妹妹係咁...我無試)~呢次又係買左入場劵再買埋Express 4~(上次買Express 7的)





我地咁謹慎...梗係鐘意印埋出黎啦~今次入場劵價值7,400円(稅込)=525.4hkd...本來想講好貴...但諗諗下香港迪士尼都好似差唔多...............之後再買左個可唔使排隊入哈利波特魔法世界(要在網上買飛時先選入哈波時間..但沒限時間出)....既Express 4(本身想玩埋最新哥個翼龍過山車..但我勁驚)....淨Express 4的價錢是4,500円(稅込)=319.5hkd...貴!但為左唔使排隊...我俾!!!!呢個快速通關劵除左包唔使排隊入魔法園區外....仲包哈利波特禁忌之旅in 4K3D Fast Past...同埋另外三樣......佢其實仲有好多種唔同類型既Express(Express 4都有4種...由於我唔使再玩廢到不能的鷹馬..所以我唔使買到最高的Express 7了).....如果想睇其他的Express劵請按此...會有詳細介紹....我今次買入場劵加Express 4就用左844.9hkd...你睇我幾愛阿波......(但我多謝毛寶多d..佢陪我黎玩的~)




舊年d飛係咁架~~~~~W小姐仲幫我儲齊一套!!!!!(因我是用QR code).....舊年我仲有特登攞去影相~~~好靚~




講下講下終於排到去售票處哥區.......雖然今日好似好多人...但從顯示版得知得5隻Express中只有某個Express 7售罄!!我上年黎哥時係全部類型售罄的!!!!!(我唔會博~我會上網買定)...咁都好呀~即係Express中都無咁多人同我地爭~




比較下舊年同今年售價....上圖係今年下圖係舊年.....一日入場劵由7,200円(稅込)=511.2升至今年的7,400円(稅込)=525.4hkd....淨係加左14.2hkd...真係算係幾良心喇(誤)





講左咁耐野排左30分鐘終於入到場喇!!!!!!!!!!!!!!!!!!!!!!!!!超多人扮Minions入場!!!




係行去哈波園區時我係路邊攤撞到有一個人...佢叫史奴t




史奴t真的勁可愛~~~~~不停fing狗仔耳~~~發現慢鏡拍攝真的好好玩~~~~~~唔知大家有無見到我用力fing時仲噴左滴唔知鼻水定口水出黎~~~~



同史奴t癲完一輪之後~~就要衝住入魔法世界~~因為我地上網揀左10點入的~~~~~又係呢個外表其貌不揚既神秘入口~~~突然驚見.....呢度無人查飛既?今日竟然少人到唔使Express唔使抽整理劵都可以入到魔法世界呀!!!!!天呀!!!!我對毛寶說:咁我俾錢買Express做乜x呀?!(晴天霹靂狀)........毛寶說:唔使俾飛入場je....你估唔使排隊玩遊戲呀?.................幾時都係話你比我機智~~~~~~~係囉呢度之前大排長龍架~~~今日竟然d人可以直行直過~~~翼龍過山車的威力真利害~~




d樹好外國呀~~~但仍然覺得自己好似行緊去集中營咁~~




黎到呢個分岔路口我就記得呢度有個景點~




就係呢架榮恩曾經用佢黎載我番霍格華茲既魔法飛天車~(架車其實係佢阿爸既~)....佢依家仍然係學校入面既魔法森林中~(我又換裝變做阿波了~~睇下我幾百變~)





好開心呀~~~我又回到活米村的入口了~~~~~~~~~~~~





一入黎就見到霍格華茲特快列車~~~~~仲有車長喎~~~~




咁梗係要影埋相啦~~~~~~~不過我覺得上一次同貞一齊影哥個胖胖車長更似戲入面的~~呢個太年輕~~懷疑佢年輕過我~唔知下次影到邊個車長呢~~(毛寶~~下次都陪我玩啦~~~)





重點是!!係霍格華茲特快列車斜對面的桑科的惡作劇商店今次終於有開喇!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!對我來說很重要呢!!我有野要買!!!!!同埋我幾嬲呀我上次黎佢無開!!!!今次終於開喇好感動~~~~~~~~~~~





入去參觀下先啦~~~~~~~




好多得意野呀~~~d佈置好靚~~~~~~









我同毛寶講我好想買呢個..毛寶問我買黎做乜....我話愛黎裝飾囉~~~然後佢話唔靚...最後無買到~~~~




我連呢隻飛碟我都有諗過買.........................




包裝幾得意既喇叭~~




毛寶都覺得呢個好得意架~~不過無得買咋~~wakakaka~




我終於見到你喇!!!!!!!幾驚你賣完一輪就無呀!!!!!!!我講過上次買唔到你我今次見到你一定要買~~~~伸縮耳嘛!!!唔係唔識下嘛?!?!?!?!





要黎做咩???要黎偷聽人講野架囉~~~~~~實地測試過~~~我叫毛寶戴耳塞然後我拎隻耳仔行去第二度細細聲講~~~~~真係收得好清楚架~~~~~~~下次放隻耳仔偷聽下毛寶有無講我壞話先~~~~~~~~我話唔買骷髏骨先生佢依家企係度講我壞話又以為我聽唔到!!!我有伸縮耳架嘛!




呢個你堅阻我唔到!!已入手!!




好多多比~~




其實隔離就係蜂蜜公爵~之前要排隊入的~依家唔使~




超勁欣賞佢櫥窗!!!!好靚!!!





裝修又係勁靚~~~~我發現依家蜂蜜公爵原來同桑科的惡作劇商店打通左囉!!即係你入到事但一間都可以直接走去另一間!!





今次蜂蜜公爵無收獲~因為同上次d野差唔多~~~




暫別商店先~~~因為我地揀左10點入園~10點20分要去玩哈利波特禁忌之旅in 4K3D~~~好喇~進入人山人海的活米村~~~我聞到朕味喇~~我聞到魔法世界既味~~~~~









2016/06/16的開心事:
我今日真係無野開心......
唯一係我番到屋企....我媽買左燒排骨做餸...
多謝阿媽



報時:距離"七公子"帥帥出使東京之旅2016仲有---106日~
報時:距離冰島環島自駕遊之旅2016仲有---141日~~~~~~
報時:距離合家歡台北聖誕之旅2016仲有---195日~

40 則留言:

  1. 有無發現, 兩個車長勁似, 我懷疑呢, 佢地係兩父子.

    以現在日本經濟來講,一年由7200加到7400, 係好大的加幅, 2.78%呀..... 高過日本通張多多聲.

    回覆刪除
    回覆
    1. 唔會卦~~一齊黎日本做野??
      真架?死啦...我俾澳門訓練得我好好~

      刪除
    2. 日本通漲只有1.1%咋, 加2.78%已經好大升幅了, 很多人會唔再來了.

      刪除
    3. 但眼見仲有好多人去~~超多fans

      刪除
  2. 今次唔洗排隊玩咁出奇,不過都好吖,仲買到想買既手信,開心屎~~

    回覆刪除
  3. 你個慢鏡film 笑死我啦!!
    你真係波仔迷,咁短時間內去兩次!
    係呀,你估中咗,我係book咗新阪急酒店,本身想住你果間,但真係好貴,退而求其次喇,anyway 多謝你的提示^^

    回覆刪除
    回覆
    1. 九月未有紅葉睇,我上年十一月尾去都睇唔到,太暖了
      頂級牛我未必試,上年去食过幾間燒肉,叫过頂級同第二級,結果係second 最好,因頂级的比俾多油

      刪除
    2. 仲有thank you 呀,我會去睇吓果間運動行山舖頭,我幾鍾意睇呢類嘢^^

      刪除
    3. 哈哈~~~~~~毛寶提議影架~~~~
      無錯...係堅既哈波迷~~~~~~
      不客氣呀~因為我就係搭機場巴士時留意到~所以提下你je~~~~~~我之前都住過呢間~

      刪除
    4. 下!!原來11月尾都未有架!!!!
      有d咁既事!!!!!不過係...頂級可能真係多油d~~~咁你試第三級啦~~~我今次食左第3級都ok呀~~~

      刪除
  4. 你個慢鏡film 笑死我啦!!
    你真係波仔迷,咁短時間內去兩次!
    係呀,你估中咗,我係book咗新阪急酒店,本身想住你果間,但真係好貴,退而求其次喇,anyway 多謝你的提示^^

    回覆刪除
    回覆
    1. 係喎..我話我好羨慕你但原來我唔記得我自己其實10月都去東京...wakakakaka~

      刪除
  5. 你條片笑x屎喎......
    如果唔識講英文跟足你行程去唔去到日本自由行?

    回覆刪除
    回覆
    1. 梗係..當我流架~
      梗係去到啦~去日本唔使識英文架喎~周街有好多漢字~唔使跟足我個行程架~~除非你認為你岩玩~

      刪除
  6. 果架哈波列車真係幾型........同埋頂史路比帽好搞笑XXD
    如果係一心去玩我都覺得買express好D,見到條人龍已經想暈@@

    回覆刪除
    回覆
    1. 咦,見你set到唔可以right click copy啦喎!!點整架?

      刪除
    2. 係呀LE~~~~~~史奴t真的很可愛~
      梗係~~我都唔想排~~~

      刪除
    3. 其實係venus教我架~~~~~~~~~~~~
      我可以教你呀~你有無e mail address呀?我可以send方法去你度~
      因為唔想公開講唔想d不法之人又知道我地點整而破解到~

      刪除
  7. 想問下,而家仲有無哈利支魔杖買?@@

    回覆刪除
  8. 您不老,還未到十八廿二。
    面出粒粒,擺明是口大勤力。
    肥車長型D~~~
    燒排骨,正正正

    回覆刪除
    回覆
    1. 野~~~~~~
      wakakakakka~~~我無呀~~我好乖呀無亂食野~~~
      係錯肥車長得意d~

      刪除
  9. 上年個車長有韻味好多~~~[😆😆😆享受眼]下次再去可以帶埋金妮嗎???[😍心心眼]

    回覆刪除
  10. 上年個車長有韻味好多~~~[😆😆😆享受眼]下次再去可以帶埋金妮嗎???[😍心心眼]

    回覆刪除
  11. 隻耳仔好似好得意呀, 不過我唔係好明..你可唔可以同毛寶拍條片解釋下~

    回覆刪除
    回覆
    1. 唔係好明d咩呀??
      我好鐘意狗耳仔~~

      刪除
  12. 心情呢家野,有時真係會時好時壞,唔好太在意.
    唔好時,見吓自己喜歡嘅人,做吓自己喜歡嘅事,會好快修正!

    回覆刪除
    回覆
    1. 知道~我依又好番好多喇~~~
      無錯~所以咁岩線有星期六日真係岩岩好~~

      刪除
  13. 哩度無去過.入到去可以年青番啲,
    我會買快票,唔使排咁耐,
    每個場景都翻製得好似,
    我至like喲紀念品,大耳😍😍

    回覆刪除
    回覆
    1. 真係會啦~~好開心架~~
      係呀!!我好鐘意~~~
      我都好鐘意~

      刪除
  14. 嘩~~~好忠心做左12年、大家姐喎........
    妳唔x老呀....仲有青春豆出、還係青春無敵小肥t........哈哈哈
    現在好番D未?

    回覆刪除
    回覆
    1. 或者我唔係忠心..只係因為懶...
      下~~原來係咁架~~~
      好番好多喇~

      刪除