2016年6月13日 星期一

日本大阪之旅2016-05-15第二天Part 2(天晴)

今日星期一~~個肚有d痛~~好多野做~~......星期四係糉子節~~~大家有無食呢~~我就前幾日已經食左喇~~小小的那種~哥日放假去左新葡京水晶廊...不過覺得d野細左又貴左~短時間都應該不去了~睇左非常盜2(Now You See Me 2)~晚上去左新故里阿媽話同我做節~好好味~~星期五真係多野做到你唔信~~~~~~~放工有老闆話請我同毛寶食飯~~我地去左食路環雅憩~~好耐無食~~不過一般~~食唔飽之下車老闆去黑沙食肥佬燒烤....點知去到...依家整路......全部燒烤檔拆哂....一行四人呆左......................聽講話整野拆左唔再有...................咁咪執囉?!?!?!?!?!!?!?點解肥佬執無人話我知架?!?!?!?!?!?!!?我隻燒雞翼呀!!!!!!!!還我燒雞翼!!唯有一行4人又去番氹仔食越南河....好變態一晚食兩餐~~多謝老闆~~星期六中午食左世記~~~飲左Starbucks~~好開心~~下午毛寶在排冰島行程~我乖乖的坐在旁(但腦袋放空)...晚上去了華生堂飲湯~星期日去左南灣湖試左IFT新開的cafe~食物種類少..但d三文治好好味~~~下午砌lego~晚上我大顯身手整左兩味...我的確係新好女孩人選~~好家嫂的不二之選~好喇~今日認屎認屁完喇~放過你地~



2016-05-15
Day 2---Part 2(日本,大阪 Japan,Osaka)

因為d野實在太重~~所以番左一轉酒店放低d野先~~就係再出發既時候因為我地要去哥度搭西梅田哥個駅就會唔使轉線~咁我地就出大駅既南口過對面搭西梅田哥個駅啦~就係過馬路既一剎那..........原來blog友Jackie見到我同毛寶!!!!佢即時係我blog留言我睇到~~~~~~仲講埋我地當時著咩衫~~咁肯定唔會認錯啦~佢話最衰當時太多人話馬路同埋行得太快叫唔切我地~我話俾毛寶知佢都覺得我地好有緣~~(因為大家原居地一個在東一個在西~但有緣在大阪撞到~)



好喇~係東梅田駅搭四つ橋線去到四ツ橋駅落車4號出口就會黎到堀江喇~~~一出就會見到New Balance既旗艦店喇~~~地址:大阪府大阪市西區北堀江1-6-2




哈哈~~一場黎到梗係要逛逛啦~~由本身兩人都話"買唔買丫?我唔買都得"....到後黎既試下囉....試下又唔使錢既.....有d野一試就出事架喇....日本d野...你除左買佢件貨之外....仲會買到佢既非凡服務....淨係試鞋都跪係度幫你整好哂鞋帶著埋入鞋再放你隻腳上佢膝頭綁鞋帶..............真係好好服務...咁我唔買唔得喇..........................而且其實我都幾鐘意呢對波鞋隻色......................幾樣因素加埋.................




岩岩先放低哂野...又一袋拿上身~~~~~喜歡走在堀江街頭~唔人多~好好行~




又差唔多日落時份~上次黎都係差唔多時間~




行到黎呢個街口就開始好多野行...呢間BIOTOP我地上次都有去佢地下既Cafe坐低飲下野....杜如風關西攻略都有介紹過~話有好多潮牌crossover....上去睇睇...個價位嚇親我~~仲見到佢之前介紹哥對蜜瓜綠色的Stan Smith~




望住BIOTOP既左邊街有間Supreme...不過無野岩我




BIOTOP既右邊條街就多d野行~




其中一間我係上一次同今次都買買買係咁買既Pesa...地址:大阪府大阪市西區南堀江1-15-5...地下哥層賣麵包的...望落唔錯...上面哥層就賣衫既~






仲有少少餐具賣~~




由於佢d衫既士die佬幾岩我.....仲要岩我碼....所以又要唱買買買係咁買~~~~~可惜呢間無得退稅......買左23,434(稅込)=1663.8hkd....買完呢間我開始心慌...........日本是唯一令我不能放下...就是擁有的國家.....................................平時我會好理智叫毛寶:諗多陣先啦..都係麻麻地je......係日本:買啦~~買啦~~




有人唔小心又係Paul Smith買左野喇~~~~講真日本間Paul Smith d野真係唔錯~~~~~連我都睇到忍唔到手買左.....本身我想買佢支香水的...點知佢無哂....................(上次貞和毛寶都一人買左一支)...我記得上次又係有日光入去..買完出黎已經日落西山..........................(Paul Smith隔離就係North Face....哥間都幾大..某d紫色牌既日版哥度都有得買)




有間傢俱店d野好靚.....好想要...但....實在無能為力...我同毛寶一齊說:d野好靚...但帶唔到番去..唔好再睇喇....




淨係堀江...兩個人又買到咁..................




番酒店放低d野...見仲有d時間Lucua 1100仲未收~~又行下~~我地最鐘意行呢間生活百貨~~賣d商品d公仔好抵死~~~





好喇~又到食晚飯時候喇~~~呢晚我要食我好!喜!歡!的壽喜燒~~~~~又食番Lucua 1100 10樓既モリタ屋...上次同貞有食過~~~~兩次黎都唔使等位~唔知係咪因為呢間價位算中價所以唔好咁多人排呢~因為10樓其他餐廳都排到成行成市的~最近上到去發現佢去左好多新餐廳~~我下次要試~




好彩我地係坐番普通既枱櫈~~假榻榻米我都唔想坐~(攰呀~)




上次叫左幾個唔同既餐試....今次唔諗喇!!!兩個都叫Suki Yaki!!!!!!!上次個價位我地就揀左梅[4,300(稅拔)=305.3hkd]同竹[5,300(稅拔)=376.3hkd]....其實個價位不同在於牛的等級..內容大致一樣..除左最貴哥個之外~...因為上次咁食真係食得出兩個價位既牛真係貴d哥隻好食d....所以我地今次就挑戰再上一級的松!!6,300(稅拔)=447.3hkd....好緊張....我知毛寶唔係好鐘意食甜甜的壽喜燒...但都陪我食~真好~(記得一張枱只可揀同一樣既野..唔可以一個Suki Yaki一個Shabu Shabu的!)




上次講過佢係京都開過黎的~係明治二年即係1869開業!!有成147年歷史!!犀利!!




我叫左梅酒飲~呢隻萬歲樂加賀梅酒....650(稅拔)=46.2hkd....好好飲!我喜歡梅酒加冰多過加水或梳打水~




好喇~~~d架生攞埋黎喇~~~




先上餐的前菜~三樣都好味~




有人過黎開始為我地準備喇~~~~首先問我地要唔要蛋汁~~梗係要啦~~~~佢仲超細心的打完隻蛋落碗度用筷子夾走蛋黃同蛋白之間條白色小管再開始撈勻~細心~上次哥個野黑口黑面好似欠左佢咁~今次個姨姨常常掛笑臉!!加分~




我地碟牛肉來了~~~~~~~好靚呢~~~~~




仲有碟蔬菜~




開鑊~用舊脂肪擦擦先~~~~




然後落糖~




d牛肉好靚呀~~~~~~~一落鑊...好香呀大佬~~~~~~~~~~~~~





煎到咁上下再落汁~~~





呀~~~仲唔係"係時候"要上鑊喇~~~~




個餐仲有配飯..醬菜..麵豉湯~~~




蛋漿同牛肉真係夾到去一個點!!!!!!!!!!!!!加左蛋漿既牛好滑好滑...而且好香好香!!救命...日本d蛋真係好好食!!!!加埋Suki Yaki個汁...加埋牛肉既脂肪香......救命~救救救命~個飯連埋牛一齊食又係好夾~




上次食有影片~我地黎重溫~動態版d聲好好聽~貞~能喚起你的記憶嗎???~~~




當我地食緊哥時姨姨又再開始整第二道了~~~~(每人有兩塊牛~~)




呢個就係同d蔬菜一齊煮既~~~牛肉不會先救起~所以食落會比之前哥塊鞋少少~不過味道都ok~~~~~~~d蔬菜都好好味囉~~~~~~~~~~~~吸哂d汁~牛蒡絲好吸汁~






又俾上次個動態版你重溫~



飯後有水果和茶~~~不過上一次個哈蜜瓜甜d~今次變蜜瓜反而無咁甜~雖然毛寶唔鐘意食壽喜燒...但佢今次都話好正~~~我下次都要食~有5個級別既牛~~我地今次試到第3級....我下次直接跳到最貴哥隻試~~~~~~~毛寶都係咁話架~~




呢餐盛惠14,850円(稅込)=1,054.4hkd......每人527.2hkd....哈哈~哈哈~一下子成個公數包無哂錢~~~~~~~~~~~~~~




毛寶寶沖涼時就係我反轉d戰利品既時候~~~~華~今日收獲唔錯喎~~~~買左5件衫俾自己~~右下哥件我買俾我阿媽架係Helly Hansen既速乾衫黎架~~~~~咁kawaii估佢唔到呀可?又買左6支我最鐘意既香水~平但我鐘意隻味~~~但我番到屋企盤點....原來計埋今次...我有成11支.............................唔緊要啦都唔知下次幾時去日本~~(咪10月囉)




拿拿拿!!自由行呀!!隻眼藥水真係平到痴線........喉痛露噴劑我次次岩岩喉嚨痛起一用就會好快好番~澳門都有得買..但無呢隻勁涼版~




我仲係堀江買左兩頂帽添呀~~~好靚呀~~我好鐘意~~~第一頂仲要係Hand Made架~~~另外哥頂去旅行遮太陽好岩用~





呢個係Tokyu Hands度買既...套住係手指....擦塊面話可以去角質喎...都唔平架~咁細個成百幾蚊........佢有個大既哥擦成身...但要400幾............我諗住買個細既黎擦下個鼻咋....




隻杯太出色.....就係我頭先講哥間Lucua 1100入面間生活百貨買的~個男人超靚仔~(弊喇..我幾時變得咁鐘意買杯架..)




唉呀~唉呀~咁佢服務好好呀嘛~~~仲有呀23,000円(稅拔)=1,633hkd.....依家有得退稅呀上年黎都無~~~仲有呀~都係Made in USA架~~~點可以唔買喎~~~而且隻色又好睇~




今日抽既杯緣蛋黃哥~3隻中有兩隻重覆了~




另外抽了大下巴動物系列~~~~~好開心抽中了樹熊~我仲有一條鯨魚無影~下巴兜兜晚年無休呀你地~~~~~~~~~~~~









之前哥套Now You See Me我都係戲院睇~
今次黎到第二集我好期待的~~~
期待的原因有幾個....
第一就係繼續有我喜愛的男演員Mark Ruffalo~
第二就係有我既哈利阿波~
第三就係今次有無澳門取景~~~
雖然佢只係不停的係福隆新街...爛鬼樓加金沙取景....
但真係要講下佢後製d廠景係唔係呢個年代既廠景囉....
第二集一向都會爛過第一集架啦
呢個系列都唔例外~都係第一集新奇d精彩d~
但預計會不停有續集架啦~~~
其實我都係會一直的追下去~~~~~~~~~~~~~~~~~



2016/06/13的開心事:
頭先睇一綫娛樂~~
見到個女主持好似花痴咁望住彭于晏做訪問..
我覺得好搞笑~~~~~~~因為我諗起我自己.....
雖然我唔鐘意彭于晏...但我深信如果佢坐我隔離..
我應該都會成個人軟哂變花痴~~~~~~~~~~~~~

*************************************************************
仲有一樣啦~~~Ozil bb噚日好叻呀~~~~
係歐國盃助攻令隊友入左一球~
真係好叻仔~



報時:距離"七公子"帥帥出使東京之旅2016仲有---109日~
報時:距離冰島環島自駕遊之旅2016仲有---144日~~~~~~
報時:距離合家歡台北聖誕之旅2016仲有---198日~

38 則留言:

  1. 嘩,只係第二日就買咗咁多嘢,去日本就係咁,好難停
    我九月都可能去大阪,我都想試吓呢間壽喜燒!!
    你話買俾媽媽果件,是否有熊公仔果件呀,好Q喎,可否俾個地址我,我都想睇吓Helly hansen d 嘢,感激!!

    回覆刪除
    回覆
    1. 無錯~~不過都係呢日最多je~
      華~~~正呀~~~唔通去睇紅葉??好呀~~食壽喜燒啦~不如你代我去食最高哥級先啦~~~~~流口水中~

      刪除
    2. 係呀~熊仔呀係咪好qq呀~~查實無地址架~因為我係堀江咁岩行過見到哥間野咋...唔係專門店來的....係我上面講我好鐘意去哥間pesa再行前少少有一間賣運動爬山野咁既...我就係哥間買~~~我地係搭到去四ツ橋駅落一出4號出口就見到new balance喇~你上網睇pesa個地址行到去佢就係佢再行前少少架咋~

      刪除
  2. 壽喜燒D牛肉唔錯喎~~~~yummy
    嘩~~~~買唔多野.....妳似走水貨喎.....哈哈

    回覆刪除
  3. 耶, 感激妳肯同我分享巾巾經驗, 錫晒!
    見到啲牛肉就流晒口水, 我都鍾意喺外地買衫, 覺得冇咁易同人相同 :)

    回覆刪除
    回覆
    1. 不客氣~~其實萬寧都有售呀..不過澳門賣成$50一盒太貴了..我用哂應該唔捨得再買~~~~
      好好味好好味好想再食<3
      係呀~我都鐘意係澳門以外地方買衫~

      刪除
  4. 大下巴獅子好威風呀
    New Balance隻色真係好靚
    去日本真係買野唔停手 好開心好開心
    你10月可以再買過 Haha

    回覆刪除
    回覆
    1. 係幾有型既~
      係呀係呀~~~本身人地諗住唔買架嘛~好衰架~
      hehehe~~~係呀~~唔覺唔覺
      我真係呢幾個月要慳下先得喇

      刪除
  5. 我鍾意食甜甜的壽喜燒﹗

    回覆刪除
  6. 係啦 我知道見到你哋嗰時真係覺得好開心呀!!! 因為好似你咁講 咁遠都撞到喎!!!!! 仲要係呢 我哋其實喺大阪頭尾都係得兩日(主要係在立山黑部嗰邊) 咁都有幸俾我見到你哋 勁開心呀^^!!!!!!!!!

    回覆刪除
    回覆
    1. 野~好衰架~最衰唔可以相認啦~
      華...咁我地真係好有緣喎~~~~~

      刪除
  7. 噢.... 我今個月又買左好多野啦, 跟你一樣..... 其實, 你可否SHARE一下, 點樣係屋企放咁多野咖? 我就來無位用放了.

    你D帽好有特色, 加記要去D專門店買了.

    回覆刪除
    回覆
    1. 拿~咁代表可能你屋企可能有好多無用既野~你要開始執執喇~~
      呢兩頂真係唔錯~我幾鐘意~

      刪除
  8. 係呀,當時Jackie有講看見妳們,我都覺得太奇妙啦 ^^

    回覆刪除
    回覆
    1. 唔知我下次去新加坡會唔會撞到你呢~~~~~~~~~~^^

      刪除
  9. 係日本買野係會完全失控,呢個全世界都會明白!

    回覆刪除
  10. 又買到心頭愛又食到美食,一次過滿足晒好多願望啦^^
    小丸子果個係咩黎呢?

    回覆刪除
    回覆
    1. 呢日真係好滿足~~~~
      係面膜黎架~

      刪除
  11. 肥佬執咗???......又-一樣和她的回憶......
    你個背影幾雄偉,唔係大屁屁會以為係麻甩佬.
    你真係買得多嘢

    回覆刪除
    回覆
    1. 係個坐係海灘既實q講架咋..唔知係咪真....不過應該唔會啦..如果唔係哥班人應該實嘈架喎......一係就有新地方安置佢地...但我覺得有燒烤既黑沙先有風味
      你食屎啦~呢d先叫健康呀~
      係呢日je~

      刪除
    2. 如果堅消失(搬都唔好)會好失望
      健康咪心廣體胖囉,你灰諧慣唔怕肥啦肥婆

      刪除
    3. 我都覺得哥個位好好..一路食可以一路望海灘好舒服
      你就肥叔叔

      刪除
  12. 老闆對您們很好呢!
    嘩嘩嘩,洗荷包,好清潔~~~
    不過,那餐飯更加正~~~

    回覆刪除
    回覆
    1. 實在買得太多野~失禮~
      餐飯真係好正正~~

      刪除
  13. http://map1.maploco.com/visited-countries/mine.php?c1=m7sicbo9z6-b5jg8kdf6a-jf7ouy2bcw-b67w3bpv0g-2s2f577bb8

    原來你已經去過咁多地方,真係好羨慕你

    回覆刪除
    回覆
    1. 華~好多謝你咁有耐心呢~其實我去過既地方真係唔算太多的~我淨係睇到地圖有好多白色地方我係未去過~~~~~~~~~~~~~

      刪除
  14. 嘩, 我好鐘意食壽喜燒架, 不過我仲未搵到香港邊到有得食正宗壽喜燒呀, 所以好掛住日本!
    你今次大出血喎, 咁快就買左咁多野, 你係咪爆喼返呀!

    回覆刪除
    回覆
    1. 係呀係呀我都好鐘意~~~~~下?!香港咁多日本人開既日本餐都無好食既壽喜燒呀?咁又真係有d失望...................
      我個gip仲有位喎~~~其實係呢日多少少je~

      刪除
  15. 妳知道嗎 , 不能每天看到新的 blog 是何等失望,空虛 .

    回覆刪除
    回覆
    1. 我明白..我不能天天寫blog我都好辛苦~~~~~~~~~
      可惜我心情真的差................

      刪除
  16. 我有食傻呀,你係咪食到傻吓傻吓呀~
    個價位嚇一跳‌?杜如風已經有講到幾錢噃⋯
    喂! 你果間生活百貨張相,乜夏蕙姨做左代言人咩?

    回覆刪除
    回覆
    1. waakakak~糭呀~你就傻~~
      因為望完哥件貨....我完全唔覺呢件貨原來係呢個價..我真係有眼不識泰山~~所以都係當去參觀下~
      wakakakak~又幾似喎~

      刪除