2016年6月8日 星期三

日本大阪之旅2016-05-15第二天Part 1(天晴)

華~~星期二多野做到丫~~~意想不到的多~~~我放工放縱地係7仔買左包我心中第二位既大薯片外加一支澳洲既Sparkling Wine.....而最有型既事你知唔知係咩?係我買完根本無食!!!我純為買哥刻既快感~~姐真有型~今日又係多野做到呢......不過唔緊要~~~明天放假喇喇喇~~~~~~~~~~~~我幾乖呀~知聽日我實會有超過7成既機率會偷懶~~所以我決定今日唔偷懶~~~~~~~~勁乖~~~



2016-05-15
Day 2---Part 1(日本,大阪 Japan,Osaka)

早晨~晨早起床~我地要出發去食早餐先~由我地酒店大阪駅行過梅田駅3分鐘度啦~買飛既機~記得先入錢再揀區間價錢或者駅名~我地依家去左心齋橋先~





係梅田搭御堂筋線就會黎到心齋橋~車費240円=17hkd...都唔平~本身我預設左早餐食咩呀??食我最愛既磯丸水產架嘛!!!依家點呀?毛寶說:我想食番d真係早餐既早餐呀......我:係!收到!........點呀?上網即刻搵俾大少爺囉~~~好彩我之前有做功課不過見上網d人話要排隊我先打消念頭.....依家還少爺心願去食真係早餐既早餐.......黎~跟我行入心齋橋筋~




離哂譜....依家先10點半左右....睇下條心齋橋筋多人到........d鋪頭仲未開添囉(做咩話人je你自己咪又係咁早貢左出黎~)...間食早餐既舖就係心齋橋筋間Lowrys Farm隔離




就係佢喇.....被票選為全大阪女士心見中最想食既甜品第三位既Gram!!地址:大阪府大阪市中央區心齋橋筋1丁目5-24....上網睇話如果要食要早d黎排隊...因為我地想食哥樣野係每日得3個時間會做...而且每時段得20份!!(我就最唔鐘意排呢d架喇...............)......我地10點半左右黎到....已經有好多人排隊...唔係淨係你眼見既人喎...其他人已經轉哂上樓梯排...好恐怖呀..........唔知夠唔夠位俾我食到呢?如果第一輪排唔到我唔食架喇!!拿我上網睇話美國村哥邊都有間既...仲唔使排隊既~咁自己考慮下去邊間啦~~(有blog友係樓下留言話美國村哥間已關門大吉~自己上官網睇地址啦咁~)




排左一陣就有人黎登記....個侍應姐姐黎登記我地有幾多人同埋食d咩落定單先.......我地要食就係呢個!!Premium Pancake~~~~~~~佢每日得11:00...15:00...同埋18:00先會做....唔知係咪因為心齋橋多人黎呢?呢間每時段限定有40份喎!!!我地排20號籌....姐姐同我地講話我地個Pancake係11:40有得食....真好~知道埋時間~而且係坐住係cafe一路食一路等~還好~




排緊隊時望到對面間餐廳又係同Little 千Stars開Crossover Cafe......呢排佢地咁hit既~




叫毛寶排住隊先我過去睇下....d野食係整得幾靚既~我好鐘意個小朋友隻手指仔~~睇佢指份野食指得幾肉緊就知佢好想食~




好咯~~~到左11點開門喇~好彩第一輪已有位坐~~~~~~cafe走簡潔風~




毛寶叫了Blend Tea..400円(稅込)=28.4hkd...正常cafe價




我就叫左Ice Caramel Latte....600円(稅込)=42.6hkd...價錢同澳門一樣...不過味道就.......一般啦....(好掛住住冰島杯Swiss Mocha)




成間店都係食鬆餅的...我地諗住叫一鹹一甜~鹹既叫左Salmon & Avocado...1,050円(稅込)=74.6hkd....一黎到......都幾少料喎.................................而且鬆餅的質感.....我覺得麥當勞熱香餅唔會輸俾佢...............




食完鹹的鬆餅就諗緊呢個係咪一個伏既時候............11:40呢個緊張時刻來臨了~~~~~~~~~~~~~~~~~美人兒要來了!!!!!!!這份Premium Pancake價值950円(稅込)=67.5hkd....




有3塊~~~每塊都厚厚的~~~




但質感是你無法想像的輕軟~~睇睇短片就知~毛寶只是輕輕的搖~佢就左搖右擺~慢動作影片就是好玩~




好喇我唔客氣喇~~~~哄埋去聞佢時超香~~~~~~




再幫佢淋上動人的楓糖漿~~~~~~~~~~~~





順帶一提~上面哥舊係牛油~




第一口我就咩都唔搽就咁食.....一食~好~輕~軟~呢~~~~~~正確地講唔係我地平時食哥d pancake咁....其實話佢似梳乎厘會更似一點~~~好好味~~~~




第二食搽牛油..忌廉同埋楓糖漿....離譜呀!!!好好味呀!!!!而且佢地d牛油超香超滑的!!!!!我見有d日本女仔兩個人黎一人叫一份呢個食當早餐...我就唔得喇我係哥種唔可以食甜野當正餐的人~




呢餐食左3,000円(稅込)=213hkd.....每人106.5hkd...係澳門食一餐cafe都係差唔多價~不過真係講明...真係食左成餐野飲一般其他鬆餅唔好食淨係得呢個Premium Pancake好食...如果排唔到呢個我勸你唔好浪費時間同肚皮食!




我地身想食呢間IKR51做中午飯架.....地址:大阪府大阪市中央區南船場3-11-27.......佢係一風堂對面.......係咪睇個名唔知食咩架呢~係食刺身丼飯架~~~~~上次已經話要食但上次無開....今次就...食完鬆餅都12點幾...個肚好飽已經食唔落...又要放棄~係呢度留個紀錄提自已下次黎試~





好囉~出發行街街~梗係行左我好鐘意既Tokyu Hands先啦~地址:大阪府大阪市中央區南船場3-4-12...其實我地酒店附近都有Tokyu Hands...但係商場入面既得兩層....我鐘意呢間成棟都係佢地既~有成7層~~~睇下天氣好到....勁曬!!我好難想像同接受聽日天氣預報係落雨!!!聽日對我黎講係好重要既行程黎架嘛!!(睇下圖入面個男仔個透明袋入面袋住隻TED~~好搞笑~)




好靚既小丸子同永澤同學面膜~~~~~~~~~~我每樣買左一塊俾貞~~~~~唔知貞幾時用呢~~~~我好想睇~~~




Hi~為左俾你知道你用左面譜面膜會係點既樣...呢部iPad幫到你....你一行埋去佢對到你個樣就自動波幫你變面譜樣~~~




唉呀~好襯你呀~毛寶豬~(唔得喇我次次見親都好想笑~~~)




有人買左呢套骷髏骨同埋骷髏骨小狗套裝~各500円(稅拔)=35.5hkd.....狗仔好可愛~




將生日卡好靚靚呀!!!!!不過要成百幾蚊hkd~~~~~~~



d迷你鋪仔好靚呀~




除左鐘意呢度夠大夠多野好行之外...其次我好鐘意扭蛋~~~我抽了蛋黃哥俾凱公子~





而呢個大下巴系列亦都係我心頭好~~~之前上網見到已經好想抽~好野~




同埋我好鐘意睇隨身帶的水彩系列~(但重點是我不畫畫...)....咁細細盒好靚呀丫嘛~~~~~~提提大家~滿5,000円(稅込)=355hkd以上就可以退稅喇~~(以前要10,000円的~)......而且如果你有護照...只要你俾錢時出示...佢會俾張5%既Discount Card俾你~~~~或者你用銀聯卡俾錢都有5%off!即係我地會有13%off~~~~~~不過提提你普通貨品同埋日用品個額係會分開計5,000円~




我又好鐘意去呢間藥妝店度買野~貪佢d貪品多~好行~同埋我真係覺得佢平d喎~佢依家仲要開左4樓成層專係做退稅結帳的~~~方便~令退盾既人同埋唔使退稅既人迫埋一舊~(而且我地去哥時仲要無人唔使排隊添~佢地呢間搞退稅極快~快過我係百貨公司買件衫~)




幫朗公子買佢好鐘意用既暗瘡膏(大裝)...934円(稅拔)=66.3hkd...我無用過~唔知好無用~




然後有同事叫我幫佢買痱滋貼~其實我自己都要買....我用開另一隻既~見有另外同事用開就試下呢隻啦~934円(稅拔)=66.3hkd...我之前可隻要成100hkd




我娘親指定要買既普通人工淚液30支小裝....380円(稅拔)=27hkd..平到!!!!因為平時買成支眼藥水一開左得一個月期....但實用唔哂.....自從我上次買過番黎我娘親讚賞到不得了!!!!!話靈活d又唔使浪費成支~用先開一支滴又唔怕過期浪費~真係幾平呢度買...因為我係機場間藥妝店先到一模一樣的賣1,000円(稅拔)=71hkd一盒!!..我知機場貴d...但貴差唔多兩倍喎!而且呢間本身都寫係原價1,000円既!今期做緊特價~




然後我發現我用開哥隻膏布40張480円(稅拔)=34.1hkd...但80張多一倍才780円(稅拔)=55.4hkd...二話不說即買80張.....仲買左液體裝(即彎彎樽裝安x撈哥種)....我媽話:個膊頭好辣呀~




(男生可以飛開不看呢張相)....杜如風之前介紹的液體m巾.....查實做左咁耐人我都仲係未理解到咩叫液體m巾......如果唔係買試用裝就澳門都會幾貴下...夜用要$50一盒....呢度458円(稅拔)=32.5hkd.....梗係買兩盒試下~




毛寶說:這是新出的No.1銷量洗頭水!.........但佢話驚隻味唔岩佢所以唔買喇喎~




幫人買感冒藥~我以為屋企食顆粒裝~不過唔知點解食食下好似純哂唔再有效~無買好耐~




又係我最鐘意買既退熱貼~~頭痛用最岩~~~12塊仲要送4塊只賣313円(稅拔)=22.2hkd!!!好抵~~




我好似好耐無係藥妝店買過咁多野~~~(其實我地同黎澳門既自遊行去藥房掃奶粉個行為係一樣....................唔好話人)




買完一大袋.....快快腳諗住行完心齋橋就攞d野酒店先再慢慢行......突然行過見到Luke's Loster..(龍蝦包呀~)...地址:大阪府大阪市中央區心齋橋筋1-3-21.....隱身在Journal Standard的旁邊~即係大丸百貨心齋橋店北館後方....唔留心望我真係會行過左~既然食左鬆餅之後都無食過野...就試下你啦~





店小小的...之前聽人講話排好耐隊....我係見條隊無人我先買咋~




其實我淨係要試龍蝦包架咋..之前杜如風有介紹過東京哥間.......依家大阪都有~~蝦同蟹哥d我都唔會試~分US Size[1,580円(稅拔)=112.2hkd]....同Regular Size[980円(稅拔)=69.6hkd]......即係120g和80g之分......我同毛寶諗住兩仕份食~(因為一個包都幾貴下....雖然係龍蝦)




你俾左錢之後佢會話你知幾號....咁你係pick up度等佢會用英文叫你號碼(好彩je)




華~~~好快有得食喇~~~~~~~~~~我型唔型仔呀??個黑超我新買架~~~(極帥~).....好喇...番黎先.....講番個包先......講真.....佢同好食....應該扯唔上關係~~~其實之前聽人講已經話麻麻....不過我就係唔心死...唔可以人地話唔好食就唔試新野架嘛~~~~~一食...其實個包好香...我淨係講個包咋......個包熱辣辣...充滿香草牛油香味............但再咬落龍蝦度.....d肉係極度的冷冰冰的...............er.........好凍呀...........只能講龍蝦包個包好好食....d龍蝦就...................我應該唔會再試





之後陪毛寶去心齋橋某橫街有間賣二手相機的鋪頭.....但無佢想要哥個款~




好熱呀~~~入7-11睇下有咩期間限定先~~~~~有我之前好想試既綠茶朱古力脆皮包綠茶雪糕!!!!!!同埋有好多新味呀!!!!!!




但我張個quota俾左佢!最新出的Honey & Milk




但人生做錯決定既時候何其多?........我其實好鐘意食牛奶味既雪糕......而且我極鐘意食蜜糖...但係原來將呢兩樣野溝埋一齊...係令人咁難受....................食落個雪糕酸酸地咁.......真係夾有蜜糖的




好辛苦先行過心齋橋黎到難波固力果男人哥度.........人實在多得可怕!!沿途我都無咩心機睇....亦無買過野




我同毛寶講:影張相咯.......毛寶:又影?上次咪影左囉?!......呢d次次黎到都要影架啦............你地話喇!!.....唔通你去到冰島見到個火箭教堂你唔影咩~~~地標黎架嘛~








2016/06/08的開心事:
梗係聽日端午節啦~~~~~
阿媽話要同我去食日本野做節呀~~~
我仲唔狠狠食番佢一餐~~~~~~~~~~~~~~~~~~~~~~
祝大家端午節快樂~~~~



報時:距離"七公子"帥帥出使東京之旅2016仲有---114日~
報時:距離冰島環島自駕遊之旅2016仲有---149日~~~~~~
報時:距離合家歡台北聖誕之旅2016仲有---203日~

48 則留言:

  1. 個Premium Pancake好罪惡, 糖漿+牛油+忌廉, 我呢個年紀唔敢食, 雖然好想食 >.<
    好有興趣..液體m巾係點架?!

    回覆刪除
    回覆
    1. 真係好好味~~~~呢幾樣加埋真係無敵!!咁多d人一齊share黎食無事架~~~
      野~好衰架~好啦~同你分享下~~~岩岩試用左~~~
      其實個樣同普通的一樣~但係薄好多~
      但係平時哥d淨係集中係一點流...佢會流落塊野度之後會各前後流...會用盡成條
      用時幾舒服因為夠薄...但成日好驚佢個承戴量唔夠多~同埋佢對翼麻麻~
      野~~~人地平時好怕醜架~~~~~~~好少公開講呢d野~~~~

      刪除
  2. 龍蝦包我試過東京杜小姐介紹果間反應同你一樣'我應該唔會再試'
    個班CAKE好掂,軟到不得了~~
    有時都恨自己個肚唔夠位@@

    回覆刪除
    回覆
    1. 係囉...真係一般~不過叫做試過下同人有話題嘛~~~
      係呀~~~~~~~係幾軟既~不過我覺得似梳乎厘多一點~

      刪除
  3. Premium Pancake條慢動作片好好笑﹗

    回覆刪除
    回覆
    1. 哈哈~~多謝~~~~~~慢動作真係好搞笑~

      刪除
  4. ☆・゚✬好友☁¨*♦甜夢安睡☾。゚★
    ❉•ೋ*¨*✾.¸¸。゚ღഐ❤
    ╔═╗ʚïɞ・゚⊹。ƸӜƷ
    ║╩╠═╦═╦═╦╦╗- ҈ -
    ║╦║╬║╬║╬║║║
    ╚╩╩╩╣╔╣╔╬╗║*¨*Ѽ
    ────╚╝╚╝╚═╝端午節
    ✿∴♣∴♧∴❀∴✿∴♣∴♧

    回覆刪除
  5. 端午节快乐Tiffany!
    當然要影啦,好似飯日日都食麻^^

    回覆刪除
    回覆
    1. 多謝~我都補祝你端午節快樂呢~~~
      係呀le~你都係咁話呀可~

      刪除
  6. 你前一日個post我有留言架,..........又唔見咗T.T
    個pankcake film 好好玩,加埋配樂簡直係绝!!!!!!!!!!
    但如果俾我揀,我一定揀食剌身丼唔食pankcake,去旅行我都係鍾意食返d當地地道嘢^^

    回覆刪除
    回覆
    1. 係咩係咩~~唔驚~~我因間放番出黎呀~~*3*~~
      wakakakak~~~我覺得慢動作攝影真係好好玩~
      算囉~就下毛寶囉~~~下次再食番~~~~~~~

      刪除
  7. っˆヮˆ)っ好友♦・゚☼早晨&午安☁*`☀
    ╔══•ೋ₡*¨*•♪.¸¸♫。゚ഐ*.══╗
    ❀█▄█.█▀█.█▀█.█▀█.█▄█ʚïɞ*¨*ƸӜƷ
    ✿█▀█.█▀█.█▀▀.█▀▀.─█* ҈ *端午節❉
    ╚══✾•ೋϠ*¨*♬•.¸♩¸。゚ഐ══╝

    回覆刪除
  8. 我愛楓糖漿,我愛pancake,兩樣加埋真係流哂口水......
    個龍蝦包賣相勁吸引,好想食(雖然一致劣評)....
    液體m巾......係點架?

    回覆刪除
    回覆
    1. 呢個真係唔錯~
      真係識既人之中我無聽過有人話好食~(網上都有其他人話好食既~)
      男仔都想知架咩?...其實個形態一樣~係講佢既質地同吸力唔同je~

      刪除
  9. 我都打算下次去一定要試呢個pancake ah
    好想食呀 !!!!!

    回覆刪除
  10. 美國村間gram已經執咗!

    回覆刪除
  11. 好掛住大阪, 好想再飛呀!!!
    個龍蝦包好想試!!

    回覆刪除
    回覆
    1. 日本真係去極都唔厭~
      我覺得係個包好味咋~龍蝦凍冰冰的~

      刪除
  12. 所有網友都知道您唔偷懶時是勁乖的~~~
    可以試到Premium Pancake,其實是宇文公子還是毛寶開心D呢?

    回覆刪除
    回覆
    1. wakakak~你又講得幾有道理喎~
      應該佢開心d~但我試完都覺得好開心~

      刪除
  13. 毛寶佢病, 當係就下佢, 食佢想食的早餐,

    我這裡30支的眼水, 要14加仔, 成80-90港仔呀. 乜日本D野咁平.

    街上多唔多靚靚的咖妹?

    其實個PANCAKE唔似係PANCAKE喎.

    回覆刪除
    回覆
    1. 哈哈~~所以我咪就左佢囉~
      其實佢無做特價時都係70hkd左右...我見其地方都係70hkd呢個價...係哥日做特價先咁平~
      我覺得東京多d~
      係似梳乎厘架其實~

      刪除
  14. 好多嘢食,
    我至like鬆餅😉😉
    大阪真喺美食之都,
    唔怪日本本地人都讚關西人識食😁😁

    回覆刪除
  15. 好多嘢食,
    我至like鬆餅😉😉
    大阪真喺美食之都,
    唔怪日本本地人都讚關西人識食😁😁

    回覆刪除
    回覆
    1. 大阪都真係幾多野食~
      基本上日本d野都好岩我食~

      刪除
  16. 心齋橋咁多人,係咪好多係香港人?
    鹹鬆餅睇到港女雙眼發光!
    唉⋯ 我好憎好多人⋯

    回覆刪除
    回覆
    1. 其實係好多講廣東話既人~我諗澳門香港都好多~~~
      原來你的港女喜歡咸的鬆餅~~~~~不過咸的那個真的一般
      其實我都好憎~~~~~所以我平時食野都盡避d要排隊既餐廳~

      刪除
    2. 佢見到呢D咁有特色嘅小食都鐘意架啦⋯ 將來饑荒一定會將我用來換一件鬆餅的⋯

      刪除
    3. wakakkaaka~~~銀仔身價點只一件鬆餅呀~~~~放心~~換到兩件~~~

      刪除
  17. 呢排返新工忙到無時間黎。。
    你就咁快又去左日本。。。。

    我仲未去過日本。。。

    回覆刪除
    回覆
    1. 日本咁近我地~實有機會既~
      想你~得閒黎坐下啦~

      刪除
  18. 老人痴呆.....嘩~~~買左蕃片又唔記得食.......
    pancake都幾得意軟棉棉........
    妳都買左好多野喎.....

    回覆刪除
    回覆
    1. 唔係唔記得食...係買左唔食~有分別架下
      好味呀~
      都....ok架~

      刪除
  19. 嘩嘩, 我都好想食個個PANCAKE呀, 你地好勁呀, 排到!!!
    HEHEH, 我都好鐘意睇個啲盒裝水彩..因為好想買... 所以最近買左盒平野(即係一支支個啲), 試緊畫畫呀, 你都試下啦~
    個包我同你感覺一樣, 我都覺得啲龍蝦肉涷唔好食, 個包就好好食!

    一睇完你個BLOG, 我又想去旅行喇

    回覆刪除
    回覆
    1. 其實排左半個鐘度...可以接受範圍~
      唉~我鬼識~睇住毛寶畫就夠開心~(我成日鐘意睇人做自己d興趣我就好開心~唔自己出手..例如睇人打機~~~~~)
      我見好多blog友係自己blog都係咁講~~~
      去啦去啦~~~~

      刪除
    2. 跟毛寶拜師學畫畫啦,你得架!

      刪除
    3. 哈哈~~其實我係無耐性~~

      刪除
  20. 哦~~~~原來係面膜^0^
    喱隻細細樽眼藥水真係幾好,唔會浪費,好多時買眼藥水都只能滴三四次,多數大半樽掉了,太浪費!!
    面譜面膜要一個人時先好用,驚會嚇親人XXXD
    個輕軟pancake真係似梳乎厘

    回覆刪除
    回覆
    1. 係呀~~~
      係呀而且好方便呀!!唔使浪費!!!我都幾鐘意...而且算幾平~
      但係我好想睇下我朋友full~~~~
      好好味~

      刪除