2016年6月6日 星期一

日本大阪之旅2016-05-14第一天(天晴)

星期一...今個星期一真係好多野做~~~~點解既~~~唔通d小朋友已經開始放暑假???Wuhu~~~~~~~~~星期五放工哥刻真係千年等一朝~~(每個周五都有相同感覺~).....放工即刻飛去毛寶屋企佢幫我剪頭毛~舒服哂~~~真係好熱~之後就食左天潮~星期六一大早...早過番工...約左Chlo子去食文華東方個早餐...依家做緊Promote買一送一梗係去試~(我地應該係順便挑戰埋大家星期六早起既底線~)...下午梗係要訓番兩個鐘晏覺啦~~訓醒同毛寶一齊book下冰島d酒店~不過進展緩慢~10晚訂左兩晚咋~夜晚約左另外3位公子去St. Regis個Bar度食晚飯加飲野~~遲下介紹呀~~~總之好開心~~星期日中午又食左珍榮..呢間又係好正~~然後整個下午都係度再睇冰島野...唔知發生咩事連續book哂咁多晚酒店~~某項活動~~仲租埋車~~離譜~~突然快到咁~~仲要間間酒店我地都好鐘意~因為全部北歐風~~好期待~~晚上懶得出去叫左海榮外賣~~佢依家叫夠$200仲有流心綠茶大福送..真係真係估唔到..免費送既大福係我食過既綠茶大福之中最!最好食的!!!好想佢有得齋買!~~~~~~~點解周末會食得咁開心架~~~



2016-05-14
Day 1(澳門 Macao->日本,大阪 Japan,Osaka)

開心無?!開心無?!大阪旅行團要出發了~~~~~~~(灑花)...我地暫時放下南美先~~~~唔知點解次次去親日本都好似癲狗咁開心~~~~~好喇好喇~~咁呢~我地出發哥日係星期六黎既~~~~好多謝親愛的某人車我同毛寶去機場~~~真的謝謝~因為哥日幾早下~~~原來我地早到check in counter都未開~~~~等左15分鐘度開左咁我地去check in啦~超快速過埋海關(澳門個機場有幾大丫...真係兩步行哂)......野~呢張相人地求左佢好耐先肯同我影咋~~(毛寶:有咩好影呀..好靚咩?)......事緣其實出發哥日佢唔舒服~




咁快速衝入去既原因無幾多個......其實就係要去個lounge度食早餐~~~~~~魚蛋米真係唔錯~~但煙肉好難食~~我發現早餐比晚餐少野食好多~~~~~~~酒都無~





有無發現到d咩~~~~~我借左我媽對Y3黎著....型到!!!!!!!但重點係其實我唔岩著的~~~因為隻鞋好大~~~加左鞋墊仲係好大~~~~但為左潮住咁un過日本.....無計~~




嘆完靚早餐就行去閘口等上機....有少少失望因為見到佢係7號閘口好明顯無登機橋要坐shuttle上機(其實我好憎~~)..我地係搭澳門航空既NX856號班機係10:30由澳門直飛日本大阪~~~~~~點解唔揀香港飛?因為連埋佛誕節我自己攞多日假加埋星期六日都係得4日...番黎第二日即番工...所以....都係唔好咁攰係香港飛喇(仲要搭船呢!).....




一上機佢就派飲品喎~咁我以為佢派完飲品即刻上餐....點知唔係喎...d空姐停哂喎.....坐低左同埋又無d關焗爐聲(平時一上機會聽到空姐關焗爐準備飛機餐嘛)....我見無動靜同毛寶講:無飯食既咩??(我勁失望原因大家知...飛機餐控..無計..因為上次食過唔差)...唯有飲住蘋果汁...一路搞下係淘寶買既日本電話卡...好似係RMB$4X......我地次次去日本其實都無租過任何wifi或買過電話卡的...因為其實我去日本都ok認到路...而且出發前我會睇哂d車點搭...同埋我唔係咁鐘意一路去旅行一路上網的~咁點解今次無買?因為如果有日本電話卡連接到日本網絡既話...一有地震佢會有警報彈出........你知啦我地出發之前一個月熊本有一次大地震..都係安心d好~




無餐食要靠填入境表打發時間~~~~~~由於佢坐法係3-3咁樣...我地要求坐通道位...隔離係一個日本女仔...點知佢張枱爛爛地空姐幫佢調左位~~~所以我地兩個人坐3個位~~~~~~(不過隻機都唔滿~)




填填下...空姐一個華麗轉身推住餐車再出發~~~~~~~~~~點解你地準備餐點準備得咁靜既~~~無餐食會嚇壞寶寶~~~~有雞同埋牛揀...我本身想揀雞的..因為怕牛好鞋好鞋...點知佢一遞張紙埋黎俾我地睇我地兩個即刻轉軚~~牛肉原來係壽喜燒呢~~~~~~講真個餐相當日式~~牛肉壽喜燒相當唔錯!!真係相當驚喜~~肉雖然鞋但味道不錯~周圍配菜都入味~~~又有冷麵~~~最欣賞甜品係凍冰冰生果唔係甜到震蛋糕~呢個餐我讚~~~最估唔到拎轉頭望一望毛寶...佢成個餐食哂..除左咳唔係好食得咁多生果(成件事既機率係少於40%)




講埋匯率先~~~我地出發前日元試過狂升至7.2!!!!!!!嚇壞我~~~跟住我媽媽話:我借住你去先喇~你番黎見價低先買番d円俾我.......幾時都話...世上只有媽媽好~~~~(到現時我仲未還番俾佢~)......我地出發時低番少少~當7.1啦~即100円=7.1hkd~



預定15:30到大阪~早左10分鐘到~今次過海關超級多人..可能係下午機到既緣故~~不過都係用左15分鐘度就過左海關~算係咁~然後毛寶去洗手間我話係行李輸送帶等佢...點知差唔多行到去時已經見到我地舊行李快速衝走~~~~好彩我身手都仲係好敏捷~~~~~~~~~~好喇~出左禁區就上番一樓到車站~~~關西空港駅~通常我地鐘意機場出市區會搭JR之類(行李輕呀嘛..推黎推去都無問題)....市區去機場就會搭機場巴士~(因為貴d但舒服d)




好大個站~~上次黎唔識買飛但無人理我地~~~因為太早...今次黎有好多個人係幫遊客的...其中有好幾個寫明會中文而且會主動幫忙~唔錯~




今次我地勁醒啦~~~依家識買飛喇~~~~~對住部機都超醒~




我地係搭JR既關空快速出大阪駅~單程只需1,190円=84.5hkd...........上面哥隻關空特急要俾多千幾二千円但只係快關空快速10分鐘左右........咁梗係關空快速啦!!(不過關空特急可能坐得舒服d~因為有指定席)





好~!入閘~出發前可以上JR網站查一查個時間表呀~




差d走錯月台~好彩有好多職員指示~好開心趕得切坐我心目中哥個時間既車~~~




無指定席架~自己搵位坐啦~椅背可以自己拉黎拉去~即係可以自己選擇坐倒頭車或迎頭車~唯一不好真係無位擺行李~




呀~~~天氣好好咁喎~~~~~~上網睇天氣....有3日都天氣唔錯~但對我黎講最重要哥日...佢有80%落雨........................




經過左天王寺駅就會直接進入大阪環狀線~~~由機場出黎大約一個鐘就會到大阪駅咯~~~~好開心~~~~~~5點半未夠就到大阪駅~~~~~~




唔再選擇其他~仍然選擇番Hotel Granvia Osaka....搵Trivago格左價先然後再係Hotels.com度進行預訂~點解揀佢?因為佢係大阪駅內....極度方便~又可以係駅內直接行到去梅田駅~唔使日曬雨淋~而且駅內有多間商場連接~去大阪我的心水之選~不過呢間真係好爆同埋一d都唔平!




check完in一入房.............................下~~~~~~同舊年哥間差咁遠既~~~~~~~由於有周末房價晚晚不同~總結3晚係3,777hkd....每人每晚629.5hkd.....其實唔平!!而且由於最平哥隻房得番smoking room...我貪平揀左..但一入房真係極臭....之後我地頂唔順落去問佢有無房轉(諗住加錢都轉~~)...點知佢話呢幾日都爆哂~~~~~~~~其實大細還好...因為大過我平時池袋哥間~~~我係頂唔順張床單好醜(其實齋白色就好~~)...同埋煙味~~~~





俾大家回顧番我地上年同貞公子一齊黎哥時間房...哥時每人每晚才436.5hkd.....家陣我俾多200蚊一晚....但同呢間差太遠我接受唔到~~~~~~~~~~~呢間係光猛~整潔~舒適~....我下次要住番呢間酒店但我會俾多d錢住番呢類型既房!!!




好喇~~~要出去轉換下心情~~~~出發第一站係附近既阪急百貨..地址:大阪府大阪市北區角田町8番7...營業時間weeday同weekend唔同~自己出發前上佢網站看看~我地無野岩買~快走~




跟住順路行去Hep Five...地址:大阪府大阪市北區角田町5-15....最易認就係呢個紅色摩天輪~~~~係呢度我地都買左少少野~~~~呢間商場都有唔少我想行既牌子~~~幾集中~~~




行完出黎差唔多天都黑齊~~~我地就再轉戰係大阪駅內既Lucua 1100(即係前伊勢丹)...地址:大阪府大阪市北區梅田3-1-3....哎呀~我又唔小心影到有人衝入Beams喇~




去到B1層諗住睇鞋....又經過Samantha Thavasa.....我唔係鐘意佢d袋呀.....係佢連住有間小cafe...應該定時定候同某d卡通人物crossover~~~~今次黎係Little 千Stars~~~




上年係我喜愛的船梨精~~~~~~~~~~好可愛佢d椅套~我期待下次去既時候係咩卡通人物~~~




呢日既目標行哂~~~係時候坐低食飯喇~~~~帶毛寶試下之前我同媽媽係東京池袋食過既河豚餐~叫玄品...我地間分店係曽根崎の関...地址:大阪府大阪市北區曾根崎2-13-21セシボンビルB1....係我地酒店行過去唔遠~想去其他分店上佢地網站查下~我鐘意佢開到夜晚12點~可以行完街慢慢去嘆~




上年同貞公子黎哥時我地食左另一間~但比較之下呢間比較精緻d~所以帶毛寶黎呢度食~




好想食天然河豚~~~~上次同媽媽食哥時佢話咁岩線有人訂左唔要問我地試唔試...我地要左一份天然一份普通..一食之下真係有分別~~~今次想再黎食!!!但...無預訂真係無~~~有點點失望~天然的比普通的貴一倍~




好啦~返回現實~叫番普通的~佢有中文餐牌的~記得問佢攞黎睇~(池袋哥間勁到有講普通話店員..呢間唔係遊客區...店員唔係好明我地講咩~)....我地叫左最平既玄..3,980円(稅拔)=282.6hkd.......同埋第二貴既天樂...6,100円(稅拔)=433.1hkd.....其實唔同在係野食內容既多寡..唔係魚既等級~但我地唔挑戰最貴哥個玄也玄喇~真係驚食唔哂~




記得!!飲得酒既記得叫呢個河豚鰭燒酒...730円(稅拔)=51.8hkd.....上枱時佢會係你面前用火槍燒d河豚鰭~~




借用番上次食條片先~~~幾過癮~~




呢個酒熱飲的~加上係酒入面燒d河豚...勁香!!!!!!毛寶也說好飲~




先上前菜~~~兩個餐都有的~涼拌河豚皮~~個汁好好味~~而且爽爽的魚皮口感好正~~~~





兩個餐都有魚生呢一環~有厚同薄切揀~既然兩個餐都有就試哂兩樣啦~~~薄切~佢d魚肉偏爽爽地的~~同埋都算幾大碟~




這個厚切~我個人比較喜歡厚切的~~配埋佢d蔥同埋墊底既菜一齊食~佢仲有個汁撈埋一齊食的~辣辣地~幾過癮~~~毛寶話好似咬緊香口膠咁咬極都咬唔爛~~同埋佢地d蔥真係幾好食~




兩人一起埋頭吃吃吃~




呢個係天樂餐入面的香炸河豚~炸得唔錯~好香~河豚肉彈彈的魚味香濃~毛寶話佢連炸哥舊蕃薯都好好味~(但重點係平時佢唔食蕃薯的~)




又係天樂餐的烤河豚....佢有口味俾我地揀的...但我唔記得左我揀咩味~總之好味~~~~~~毛寶都話好好味~仲有兩塊魚皮俾你自己烤的....烤完黏黏地咁...我麻麻呢種質感~魚肉就基本上唔使再點醬食~因為食得出新鮮~





好喇~上到兩個餐都有既河豚火鍋喇~唔知係咪昆布湯呢~好清同埋無咩味~




都幾大碟下~~~又有粉絲喎...不過佢地d粉絲係勁粗的~我麻麻~如果你叫天樂個餐...咁你就可以試哂生的炸的烤的火鍋的河豚了~





d魚肉真係無得頂的好食~不過平時鐘意清淡既毛寶竟然話覺得佢太淡喎~少可~圖中我焯緊塊魚皮~~不過我認為熱食的魚皮都唔岩我食~口感好怪~涼拌爽爽的那個我好喜歡~




同埋佢用黎點魚個汁我都覺得好好食~~~




又係兩個餐都有既~食到最後~你就可以叫佢幫你整個粥食喇~




整乾淨個湯清哂d料就落飯~加佢地特制既鹽同埋醬油~






再加蛋~加蛋呢個環節毛寶話我上次池袋哥個加得吸引d同靚d~~(幾有態度)





完成~!從不吃蔥的我倆竟然叫人加蔥~




d醬菜超好食~~~~~個粥毛寶話淡左d~(明明人地就俾你試左味你話ok架喎~~~~)




又係兩個餐都有既甜品~類似果仁雲呢拿雪糕~好好味的~毛寶冒住咳既風險都將佢食哂~~




上年去大阪時我地都有食河豚餐~但唔係呢間...我地係食道頓堀哥間づぼらや.....兩間比起黎~我比較鐘意食玄品多d~因為佢d野食精緻d...同埋d魚係真係好食d~




番到酒店~毛寶沖涼...我既節目梗係影下戰利品啦~真係唔係好多~不過呢日得幾個鐘逛~算係咁啦~我最鐘意係Undercover哥兩樣~Undercover隻熊係個袋黎既~另外買左個手機殼~~~~最驚喜係...個手機殼才200多300hkd...但番到澳門開黎用時一睇~made in japan的!!真抵買~對迪士尼既Tsum Tsum你估我唔到我送俾我媽的~我媽勁鐘意~(佢係打Tsum Tsum遊戲愛好者~).....同埋右上角哥件衫才200多hkd....但made in USA的....我又係覺得好抵~~~好~呢日係咁先~早抖~








2016/06/06的開心事:
好開心好開心好開心~~~
番多兩日工~放端午節假~~
加油~~~~~~



報時:距離"七公子"帥帥出使東京之旅2016仲有---116日~
報時:距離冰島環島自駕遊之旅2016仲有---151日~~~~~~
報時:距離合家歡台北聖誕之旅2016仲有---205日~
其實數下數下又就黎去旅行啦......好似係.............................

44 則留言:

  1. 嘩~~~河豚餐巧正好想去試下........
    我哥哥星期四都去大阪玩....巧去想呢.

    回覆刪除
    回覆
    1. 提早祝妳端午節快樂......食多D稯

      刪除
    2. 我覺得唔錯呀~可以一試~~~
      我都好羨慕你哥哥~~

      刪除
    3. 我都祝你端午節快樂~~~我噚晚已經食左喇~

      刪除
  2. 我仍然接受吾到食河豚

    回覆刪除
  3. 好好睇!!真係好好睇!!!日本大阪blog真係好好睇!
    上年同你地去大阪嘅畫面一幕一幕咁記起!!真係好珍貴!!好期待下一次再有機會同兩位姐姐一齊去旅行!同你地去旅行真係好開好開心!!

    回覆刪除
    回覆
    1. 仲有唸返之後帶爸爸媽媽哥哥一齊去大阪,全靠你嘅筆記~我好成功同佢地去左一個好開心嘅旅行!
      I love u jiejie~~

      刪除
    2. 朵謝~
      係呀~~~我去到大阪哥時我都同寶講話我地舊年同貞黎點點點...呢度哥度同貞又點點點~~~真係好開心~~~~
      我都好想快d同你一齊再去旅行呀~~~~~~~(同埋想笑你笑到老~)

      刪除
    3. 呀~~~咁即係我平日做功課係有用既~~仲可以惠及其他人~~~太好了~~~~~~~~*3*

      刪除
  4. 日本真係好正...由其食材呢
    好友☆・゚✬晚晚甜夢安睡☁¨*♦周二╠╣aΡpy☾。゚★

    回覆刪除
  5. 嘩, 你寫完搞到我都好想食河豚呀, 不過唔知我幾時去日本喇..
    HEHE..我都無玩TSUMTUSM喇, 不過唔知點解我唔捨得DEL隻APP
    間酒店真係麻麻喎, 仲要咁貴..

    回覆刪除
    回覆
    1. 你個衰野講下講下就突然出發架喇~~唔信你~~~
      我阿媽仲係玩得極度投入~~~~~~~~~~~(拿~我依家覆緊你哥時佢都係出面玩緊~呢個係佢玩game高峰時間~~)
      唉~鬼叫我慳哥少少..今次輸哂..我下次會揀番貴少少既房(但點都唔會唔住佢~)

      刪除
  6. 澳門航空........我想問吓係咪屬於廉航,你知喇,香港D廉航好孤寒,食嘢又要加錢,仲係飯盒一個>< 我見你地個餐,绝对係正常飛机餐好正呀^^
    我諗住9月去大阪+名古屋,都諗住住Hotel Granvia Osaka,但睇过又真係貴,所以而家book咗間在梅田駅附近,酒店門口有去机場的巴士站,我諗法同你一樣走時坐巴士^^

    回覆刪除
    回覆
    1. 其實唔算廉航喇~因為佢張機票一d都唔平!!!!所以有餐食...我覺得都好應該~~~~~
      我知你講邊間~係咪新阪急酒店呀?我第一次去大阪都住過~係呀我成日要諗要方便每日交通~又要方便搭巴士走~~如果你住新阪急預早少少等巴士喎~因為架巴士係經左我平時坐哥個herbis站先既...之後先到你哥度...又無預先買飛...如果我哥個站多人上..到你哥度就可能上得好少人架喇~(但我唔知你係咪住哥間~順便提下你~)

      刪除
  7. 有煙味又真係好難頂,可惜換唔到.....
    個河豚餐200幾+400幾蚊咁多野食都抵喎!!!!
    下次如果唔知可唔可以叫酒店幫你地打定電話過去reserve定個天然餐?

    回覆刪除
    回覆
    1. 係呀....鬼叫我慳哥少少...我唔岩~
      係呀係呀~~我地係咪好醒呀~~~~~~~咁樣可以食到多d野都又唔使咁貴~太多又食唔哂~~
      咦!!!!!!!!!!!!!!!!!你好叻呀!!!!!!!我下次試下先~

      刪除
  8. 間房同上次比又好似落差大咗啲,難怪你接受唔到......

    回覆刪除
    回覆
    1. 落差勁勁勁大....我一入到房其實接受不了~~~~

      刪除
  9. 您好多節目,卻又永遠不胖,是天佑的,哈哈哈
    亞媽是 Banker 一定好~~~
    第一天已經掃了不少~~~

    回覆刪除
  10. 我都好憎無登機橋要坐shuttle >.< 有次坐business都係咁, 即刻覺得買busi嚟做乜 >.<
    叻女, 有危機意識!
    個餐咁和風嘅, set得好靚, 原來澳門航空啲餐咁掂
    傻妹, 千萬唔好smoking room呀, 點抖氣呀, 慘慘, 以後唔好喇!
    河豚鰭燒酒真係好特別! ^.*

    回覆刪除
    回覆
    1. 係啦....熱辣辣又大風咁行出去真係好掃興.......點及得有登機橋可以型型的上機~~~~~
      哈哈~~~其實係毛寶話我知架咋~~~
      我覺得都算ok架~~~~~
      我知喇!!!!汲取今次教訓!!!我唔會再貪平訂!!!!!
      真的很香~~有機會試試~~~

      刪除
  11. 有煙味真係堅難頂AR, 慘慘!
    睇完你介紹呢個河豚餐,心思思想去試下TIM..KKEKEKEKE
    D YEN真係估佢唔到AR,突然係貢跌又突然係貢升, 好彩有個好媽媽JAR,唔屎焗住貴"唱"!

    回覆刪除
    回覆
    1. 係我唔好...又貪平...
      好味呀~~~~我幾鐘意食~~~
      但最慘我到依家都未遇到岩價位換番俾佢呀.....

      刪除
  12. 速遊日本,好正...,
    我留意到杉墊紙印有中國名言...春宵一刻值千金,
    河豚肉味好平淡,肉質咬口,自然...貴,
    玄也玄..真好玄!!

    回覆刪除
    回覆
    1. wakakaka~~~南美暫時放一邊~~~
      係呀!!!你好叻留意到~~~~我都有睇~~~~~
      我都幾鐘意食既~~~~

      刪除
  13. N 年前去過大坂兩次,都是去神戶途中停留一天,已經冇哂印象,只記得心齋橋。

    剛好前幾日睇到一單老表劏河豚的新聞,只要學習幾日就可以做劏河豚的師傅,食你唔死算你好彩,事實上老表有銀両乜都得,相反人地日本仔劏河豚要學幾年仲要考牌架。

    回覆刪除
    回覆
    1. 只留一天又真係唔會對佢有印象既~~~~
      我都有睇!!!!所以真係唔好亂咁係內地食野......

      刪除
  14. 日本D野都無乜點貴到, 08年我由機場去天王寺, 都要980円了, 現在才1050円

    回覆刪除
    回覆
    1. 你好勁呀jj!!!咁都仲記得價錢!!!

      刪除
    2. 有D野唔知點解, 我咁記得, 尤其係同錢銀碼有關的, 簡直觸了我的神經呀

      刪除
    3. 我有某d銀碼都會特別記得既~不過係特別平哥d囉~~~~~

      刪除
  15. 小t嘅旅遊篇真係好好睇,無論去邊寫乜,食乜,加埋靚相簡直百看不厭!

    回覆刪除
    回覆
    1. 你真係呢~~~咁樣會縱壞我架~~~我平時已經好認屎認屁架喇~~~*3*

      刪除
  16. 睇完妳上次話好食,本來想係我2月去東京時試下,但真無無時間食,唯有留返下次啦

    回覆刪除
  17. 毛寶:影乜野影!
    呢期身邊嘅人去親日本都全部去大板架⋯
    河豚?我都想試吓~

    回覆刪除
    回覆
    1. 哈哈~~我真係好鐘意佢同我影相嘛~~
      係囉~~~我都係~~~~~~我去完番黎之後其他去日本既朋友都係大阪~
      爽爽地肉質~~都幾好食的~

      刪除