2015年10月26日 星期一

Karen生日會2015@澧收火鍋

Hello Ha~Hello Ha~Hello Ha~~~~點先~有無掛住我先~~~~其實我上星期三就番到澳門~不過我懶~今日先出blog~~不過冰島blog我就無咁快出到喇~~~你知啦~~去成25日....影左咁多相~我諗都有排整~~~不過我會努力的~~等我呀~~~今次冰島格陵蘭之旅~異常精彩~~有我fb的blog友都睇到個大慨~不過唔好穿橋住啦~會減低追看性架~~~~~~(喂..邊個話要追看你的臭blog?!)....去完旅行我好開心好開心好開心~~~~~~~~~旅程總會完結...放左一個月假~希望心靈上成為更好的自己:](打完之後都打冷震~).....(放假過後...聽得最多既係:你肥左呀"又")



4月時去試當時新開火紅火綠個個都要打卡post相既火鍋試試~為了要慶祝我唯四的大學同學生日~(可能大家好多大學同學仔~但我確係無乜邊幾個熟既~)...呢間叫澧收火鍋~當時仲係試業中~一定要預約先可以食到~地址:澳門筷子基俾若翰街349號地下H座...電話:6676 6288.....門面裝修有少少懷舊feel~裏面其實都新派既~坐得都算舒服~總算唔怕連隔離枱講咩我都聽到~







一坐低就有杯welcome drink荔枝特飲送俾大家濕濕口開開胃先~




叫左野食之後就會有調味料車推過黎自己落醬料~~




開胃蘋果醋 $56......係好飲...面且真係幾開胃...但好貴!




日本帶子刺身(4片) $68.....價錢同出面d日本餐差唔多~還可以~無咩新唔新鮮~都係急凍野je~




叫左個胡椒豬肚湯底 $58.....湯底唔錯~好彩食完都唔怕話好口渴~




珊瑚蚌 $86....好貴~~~~得少少~~~




生根 $32......5個生根$32.......................wow~從歐洲來的嗎?




彈牙蝦滑同埋鮮製墨魚滑....各$32.....唔記得邊個打邊個....感覺好唔正常....呢d鮮製既就$32好合理丫....但上面5個生根又係$32.............






皇帝蟹柳 $58......其實我都係覺得好貴...得幾條.......




芋頭 $32......呀....呢間野d標價都幾鐘意$32架喎~




紐西蘭羊仔片 $88.......好大片....好厚....食落有d硬~




生菜 $28.....砌得好靚..但又係得少少...




百花釀油條 $54......係油炸鬼度加左好少好少墨魚滑...佢淨係同我地講話墨魚滑哥邊要向下滾.......但佢無同我地講大約幾耐度食....點知滾左一陣舊油炸鬼已經吸哂d湯....變成成舊都淋pat pat.....我完全唔覺得鬼馬...我淨係覺得好難食....




厚切午餐肉 $48.....係切得幾厚既...係放得幾有氣勢既~但.....$50食午餐肉真係個心都實埋~






黑木耳 $32....其實寫到黎呢度我心理好唔平衡呀救命~~~~少到咁~~~~~




什菌 $32.....




粟米 $28......一kone粟米都無呀呢度....(可能有既...佢無俾個尖je...安慰自己)




澧收肥牛皇 $188.......好有氣勢!!但我半點牛味都食唔到~~




廣島蠔 $92...正常味道




花雕酒香雞 $76....無酒香味...不過雞唔錯




西班牙黑豚腩 $88...又係擺得好靚但我又唔覺得好味之作




黑柏葉 $68......又係無味....點解佢d野咁勁既~~~我係上游食過佢d黑柏葉真係好正架喎~證明我對呢間野無偏見啦~




呢間野真係擺明食裝修......查實服務係唔錯既...但當呢餐每人要食$3xx又唔知自己食左d咩既時候(其實我地無咩食過咩特別野).....你就會諗.....不如果都係去番d普通既火鍋店度食好過啦....雖然裝修係無呢度咁新......服務又無呢度咁好....但起碼價格合理d...同埋d肉有肉味d~~~~~~(我認真的覺得呢間d肉係唔好味同無味得離譜)....公子約食飯我係一定會出席的....但有一次佢地約去呢間度食....我係唯一一次拒絕出席的!!!!!!!!真係寧願番屋企食杯麵好過..........我唯四的其中3個大學同學仔~~~~~~(另外一個係朗公子)




最後我地甜品都無食~寧願去行過少少既麥叔叔度搞掂算喇~~~祝karen你生日快樂身體健康~~~~毛寶的粉紅色火焰蠟燭真係好搶眼呀~~~~~









其實你地鐘意睇我個blog每篇寫長d但一星期出少篇d..

定出短d...但一至四都會出?



2015/10/26的開心事:

我個iPhone5呀...出發前舊電已經虧虧地
成日由90%電一下子跳去20%....
去到冰島....俾d勁風吹一吹..
直頭由100%.....吹到直頭熄埋機...
要用奶媽叉電叉足半個鐘先救得醒佢...
成個旅程我都要一路叉住奶媽做人....
所以番到黎真係頂唔順.....要即刻買電話~~~
家陣換左新電話第一日用~爽~!!



報時:距離台北跨年倒數之旅2015仲有---65日~

報時:距離南美洲4國新奇探險之旅2016仲有---109日~
所以報時一下子都變得有異常的前進呢~
不過南美仲有好多野未搞~心驚~

45 則留言:

  1. 哈哈哈,好多人追看你的blog架!
    那個理由換電話不夠爽,給自己的生日禮物囉~~~~
    Happy Birthday!

    回覆刪除
    回覆
    1. 真既~~係就好喇~
      哈哈其實係媽媽送我的生日禮物~~~~
      多謝~

      刪除
  2. 好嘢,你返來!!啪啪啪啪啪!!!!!又有精彩生鬼有趣嘅blog睇咯!!!!!!
    我很愛胡椒豬肚湯的,但呢間嘢只合影吓相,佢係擺得幾特別嘅...但啲價....
    如要二選一寧短日日出.

    回覆刪除
    回覆
    1. 多謝你既捧場~~~~
      我覺得係囉.....影相哥時幾開心..食入口同埋單哥時唔開心~
      識貨~不過我試下盡量唔長氣~

      刪除
    2. 但又長又侵氣啲嘢先特別好睇

      刪除
  3. Welcome Back~~~Baby~~~
    但呢間野真係擺野食擺得好有心機好靚~~~
    但每個人成300幾蚊XD 真係dump心口呀~~~
    Baby換左咩新電話呀???

    回覆刪除
    回覆
    1. hi~hello~~~~~~~~~~
      係擺得好靚但食唔飽同唔好味~~~~~
      我換左i6s~~~~

      刪除
  4. 妳想偷懶就真~~~但妳自己喜歡寫幾多幾啦

    回覆刪除
    回覆
    1. 哈哈~想睇下大家鐘意睇長篇定短篇~

      刪除
  5. 姐......我建議單雙周 ^^'"
    一周一至四出短
    隔一周寫三篇長~~~:目

    回覆刪除
    回覆
    1. 好喇~你姐我記性奇差~
      我諗我分唔到單雙周~~~~~

      刪除
  6. 嘩....d食物好吸引呀!
    笑死我, 一吹就熄機?!
    我到宜家都未睇晒d相, 叫住自己唔好影咁多, 但都影左過萬張, 妳話我係咪癲架?! 自己都覺得undingable呀! 但我真係好想好想睇妳個冰島格陵蘭trip呀, 加油加油, 快d快d ^^

    回覆刪除
    回覆
    1. 冇所謂, 寫blog呢家野, 隨心就得啦, 妳寫乜我都睇架 ^^

      刪除
    2. 但係得個影相靚~
      係呀~我有團友都係咁呀~~~~~~
      我都係啦...明明話....每日都delete d唔要既相...到揀相就無咁選擇困難.....點知每日揀相時就會:呢張幾好呀..哥張都唔差丫!!咁就咩都無delete.............................
      我地都要加油呀~~~好想睇你仲玩左d咩~~~

      刪除
  7. 小t 番黎喇。・゚゚我好番好多呢*¨`*唔使食藥喇
    ★º°¨✬好友☾。・゚゚¨✫good night甜夢安睡☁。。゚*♦
    今天我又忙裡偷閒❀¸.•*✿培植毬蘭給好友新居入火
    ∵♣♧♣∴ ೋ*。⊹吃飽回家又忙準備好今晚D鎹菜喇

    回覆刪除
  8. 呢間澧收火鍋...仲係試業中...都咁貴...我唔會去囉

    回覆刪除
  9. 嘩...小t 有fb的...點解我唔知呢...快俾網址我加番你做朋友

    回覆刪除
    回覆
    1. 一係你找 Grace Wan 或 Kimmy Lau 的fb
      就找到我...我都係這相片...相片內有
      神鳳=神婆...字...名字是 Anna chan

      刪除
    2. 在Grace Wan (孖G妺) 的fb...一定看到我回應的
      Grace Wan 在fb 都係這名字
      Kimmy Lau 的 fb 名字是 Mi Mi Po Po 都看到我回應的

      刪除
    3. 頭先就咁搵搵唔到你~

      刪除
  10. 原來唔覺唔覺就廿幾日,透路得''精彩''就好想睇呀
    冰島一定會寫到出年^^

    回覆刪除
    回覆
    1. 真係又開心又精彩~點解假期咁快完~不捨~
      我都覺得係~去台灣哥時都未寫哂~

      刪除
  11. 餐火煱真係好唔抵喎,比我都唔會去呀!不過佢攞放又真係攞得好靚,比人影相呃LIKE就好。

    你終於返黎喇,我有成日追你啲BLOG架~~我相信你去冰島實玩得超開心,期待你冰島遊記~~
    你不如都開個FB 比我地呢啲BLOG友ADD下你啦~~

    回覆刪除
    回覆
    1. 就係因為成日有人放相上fb見到靚諗住去試~點知..................
      哎呀~多謝你捧場呀~~~~開心呀~~~~我會努力的排相~~~~
      我搞唔掂有咁多個專頁呀哈哈~呢度已經花好多時間~~~
      如果想睇我fb你可以打tiffany lei add我fb啦~

      刪除
  12. Checked your blog basically every day to see if you returned!!! welcome back!! miss your posts!

    回覆刪除
    回覆
    1. 好多謝你既熱烈歡迎我回歸~~~~我依家會努力排下d相架喇~~~

      刪除
  13. 見你好似叫唔中野食,其實礦泉水雞同蟹雞煲好食,真係用齜蝦整既龍蝦丸都好食,手工野既福袋都好食,甜品個雪糕三文治係必食

    回覆刪除
    回覆
    1. 哈哈~我去哥時佢仲係試業中~
      所以礦泉水雞同蟹雞煲...仲有龍蝦丸哥時都未有~
      福袋我就無記憶~
      不過一間主打打邊爐既連牛肉都唔好味既好難令我回頭第二次~~~~~重點佢唔平~
      哥次都成每人300幾蚊~~~~~~
      加上我食之前已有幾組朋友去食都係話好貴但又唔係幾好食~~我見佢擺得靚靚都係忍唔住去試試~~~不過可能依家有進步既~澳門食肆在天天變~不過加上哥頭難搵車位~所以打消再試既念頭~

      刪除
  14. 係喎咁多$32,係咪方便埋單計數!
    生根油炸鬼午餐肉芋頭同粟米都几貴@@
    係咪寫短冇咁攰?同埋我可以回應多几次XXD
    擔定凳仔睇下係咪肥咗又靚咗kakakaka.....

    回覆刪除
  15. welcome back, 太耐太耐啦,幾乎每日都睇,呢個long trip無upload,開頭幾日忽然唔習慣乾脆唔入黎,點知你已經返黎啦,哈哈

    回覆刪除
  16. 睇相都吾覺你肥左噃^_^厚切午餐肉 $48,你呀媽實話,衰女,$48我買到好多罐午餐肉比你打邊爐啦>_<

    回覆刪除