2015年10月27日 星期二

8鍋台式臭臭鍋

我又要講下我噚晚既心路歷程.......我噚晚食飽飯七點幾打打下blog....突然好眼訓...係眼訓到要即刻跑入房吸被訓哥隻........所以我由七點幾...訓到九點幾醒左.....諗住唔好訓咁多啦....起身睇下電視陣間再訓...費事訓咁多訓唔到......於是我就半夜玩到十二點半再帶睡帽要訓喇....點知......我去到朝早六點都訓唔番...我唔係模模糊糊咁訓喎....我真係知道自己係無一秒有入睡.......................................我不停咁諗:4個鐘都好啦..都訓下啦....再倒數:3個鐘都好啦.........到最後係得番個幾鐘.........我決定起身.......我係廳坐係度玩...玩到六點九開始眼訓..........但....訓得哥一個鐘.....又要出我另一名句:未曾擁有過...就唔會覺得失望........我知我呢次一訓應該唔會起到身番工...所以....我決定刷牙....................展開我無訓過既一個工作日...........................................好辛苦呀~~~~~~~~我今晚一定要早訓!!!!



其實我一直都唔知台灣臭臭鍋係咩黎~直到有公子帶土土的我去試~呢間叫8鍋台式臭臭鍋~地址:澳門馬交石街102號南華新村第3座地下E座...電話:2876 0818....唔知係咪無得訂位既呢??因為我記得要早d去攞位.....同埋都幾多人食.....位唔多~





0我~原來臭臭鍋係咁~有個一品鍋咁既物體...再加個飯~款款都係$68....都幾多選擇~




係一個自助區度攞醬料的~我記得左邊中間哥個辣幾好食~




咦~呢度有麥公子好愛既飲冰室茶集喎~$25.........我就叫左冬瓜茶 $16....好淡~唔好味~




韓式泡菜鍋.....er...好抱歉一黎就要講我地叫既5個鍋當中最食既一個鍋(係呀..後面哥d無興趣可以即走架喇~).....韓式泡菜湯其實一諗就知咩味.....可以話係最穩陣既~辣辣地幾開胃~




美式磨菇鍋.....就...唔係好飲得出菇味既~就...唔係好知係咩味~




呢個我叫既蕃茄蔬菜鍋...一聽都覺穩陣啦~你點知會一飲就係超級假既茄膏味~~~~飲食業既野你識幾多!




清膳養生鍋.....飲落很味精的湯~~~(其實$68我係咪唔好要求咁多呢?)




牛奶豬肉鍋.....開頭食落幾唔錯的...但越食越漏~

其實只可以就佢湯底講講~因為d料其實鍋鍋都係差唔多..都係粟米呀...豆腐卜呀..冬菇呀..牛丸呀...芋絲呀..丸呀.....咁囉....不過勝在會飽囉~因為有個飯嘛~



除左個鍋之外仲會有其他配料可以另外叫的~我地叫左王子麵($10)同埋芋絲($10).....基本上其實你都幾難再落其他野...因為佢個火好短時間...湯又少...又好難為情咁叫人加完又加....不過我想講王子麵同韓式湯真係好夾~




呢日貞公子無出席~(當時仲未用無黑角廣角鏡~)




哈哈~仲坐埋係度食冰~上圖係香芋千層綿綿冰...下圖係牛奶千層綿綿冰~(各$28).....都唔錯喎~而且價錢唔貴~~~我好鐘意食牛奶冰架~








哎呀~噚日淨係記得沉醉係新電話既喜悅哥度..
竟然大逆不道...唔記得鳴謝送我電話的媽媽~
多謝媽咪送我的生日禮物*3*~~~~~~~~~~~~~~~~~~~~
有媽媽的孩子真像個寶~



2015/10/27的開心事:
貞呀~今日貞送我小丸子既杯緣子呢~
多謝你呀~~好可愛~~
振奮了一下下~~~(然後又進入慢動作mode)



報時:距離台北跨年倒數之旅2015仲有---64日~
報時:距離南美洲4國新奇探險之旅2016仲有---108日~
近日都在參考雪雪bb係台北有咩好味野~
希望我今晚可以睇埋先訓~

21 則留言:

  1. 小丸子真係好得人中意~~~~~~~~~~~~=v=
    原來係阿冰送你架!冰媽真抵錫~~~

    回覆刪除
    回覆
    1. 我今日一路做野都有一路偷望小丸子~~巧嗨心~~

      刪除
    2. 係呀~同你一樣囉~
      係呀媽媽係最好的~

      刪除
    3. 咁你望下你自己都一樣好開心啦~你擺塊鏡係自己張檯咪得囉~你都係小丸子je~

      刪除
  2. d食物睇落似好好味咁, 妳d相美化左佢地o既味道, 間食肆應該免費請妳地食 ^^
    咁大舊冰$28堅抵喎!
    雪雪bb~~~~~~~~巧驚嚇

    回覆刪除
    回覆
    1. 哈哈~咁其實佢地既外表又唔算差既~不過又真係個湯唔好味囉...但$68咁大個鍋我仲想點~~~
      個真係好抵~~
      哈哈~~~~呢個名好襯佢呀~

      刪除
  3. 妳仲有時差定旅遊的心情呢。
    還是已經變咗懶肥 t 豬呢、瞓醒就食、食完又瞓-~~哈哈哈

    回覆刪除
    回覆
    1. 我都唔知呀~我不嬲都無時差呢回事~
      我不嬲都係咗懶肥 t 豬..哈哈~

      刪除
  4. 返咗嚟喇?
    一定好好玩...
    臭臭鍋...個名好衰,聽到都唔想食,
    牛乳鍋好怪..

    回覆刪除
    回覆
    1. 係呀~我回來了~~~
      好玩呀~遲下係度分享~
      哈哈台灣係咁叫~~~~~
      食落其實唔肉酸既~

      刪除
  5. 失眠難捱哩......俾我一係典一陣(一陣好啦)都瞓唔到一係直情唔瞓,如真係想瞓就睇咸片,包掂!!
    貞公子真好人呢

    回覆刪除
    回覆
    1. 我咪5點半貢左起身囉...我唔訓唔得啦..要番工嘛..點都想迫自己訓下
      梗係~佢係好女仔黎架嘛~

      刪除
  6. 好慘呀~~訓唔返真係好慘~~~果種感覺好辛苦~~~
    我弱弱一問~BABY真係會帶睡帽訓架@@~~

    回覆刪除
    回覆
    1. 係呀..仲要成晚都訓唔到..
      wakakakakaka~帶睡帽只係一個形容je~~~形容我將會訓覺~~~~~我梗唔帶啦~~~

      刪除
  7. 快啲訓喇,你真係好勁,既然可以咁都返到工!!小心身體呀~~~
    如果比著我以前份工,我會請病假就算架喇!

    個臭臭窩,好似同台灣個啲好有分別。。。。佢而家只可以話係一人一窩左喎!

    回覆刪除
    回覆
    1. 哈哈~無計啦~咁我睡唔到只係我自己衰je~我地請病假要有醫生紙~
      我無食過台灣哥d呀~係點架?

      刪除
  8. 又真係鍋鍋差唔多料咁喎@@剩係湯底唔同!!!
    嘩!返咗來咁多日仲未校返掂个生理時鈡,慘!
    果然係世上只有媽媽好^^

    回覆刪除
    回覆
    1. 無錯~重點係湯底不好吃~
      我都唔知係咪因為咁呀....不過真係好辛苦~~~
      係呀~~媽媽是世上最好的~

      刪除
  9. 失眠好慘的!
    講明臭臭鍋喎,一定唔食,哈哈哈~~~~
    有好多好朋友真好!

    回覆刪除