2015年2月12日 星期四

水晶廊Crystal Lounge & Deli

我塊面好左一日....今日又衰過.......今朝一起身.....右面有好多粒粒......番屋企查左d暗瘡膏之後好番d....又無紅....一番到公司做野又開始發紅.......紅左成大舊.....到底我做錯左d咩?快d好番啦...我好慘呀......



呢間係我舊年9月打後開始好鐘意去食既餐廳~~~(係要重度推介!!!!)....係新葡京酒店U1層(同粥麵莊同一層...粥麵莊在左邊佢係右邊~).....電話:8803 7711...重點是:24小時營業~~~~~我食過好多次...所以可以有好多唔同既野同大家介紹下~~(記住我唔係一次過試咁多)




就係得呢個空間架咋~不過我去咁多次..未試過爆~




不過要留意一點既係....呢個Lounge雖然係完全唔需要經過賭場入...但係因為佢無密封就可以直接望到樓下個賭場...所以一定要夠21歲先可以入去食野~~我咁young~梗係有俾人查過證啦~~~




揀靠玻璃位坐~仲可以睇埋賭場每10-15分鐘表演既歌舞~有點點似紅磨坊feel....d舞好性感的~樓下又有賭枱...所以唔俾21歲以下既人入場都係岩既~




我超憎佢個餐牌...好難睇......粒水滴型既餐牌...睇完想食咩想點餐時超難搵番哥樣野出黎(仲要底面都有)





大吉嶺茶 $32....都係Twinings茶包~唔會話唔好亦唔會話好好~不過酒店價黎講算好抵~(可以翻水嘛~傾計最岩~)




甘菊茶 $32....免費有埋蜜糖~貼心~




珍寶珍珠奶茶 $48.....屎塔咁大杯!!!唔係我叫黎飲既~但有兩個飲過既人都話正~而且除左珍珠外仲要有椰果食~我諗兩人飲一杯都夠~




Ice Cappuccino $46....飲過的人說好飲~




我平時去就飲開甘菊茶...一係就唔飲野既....點知有一次去呢...我屁屁痕走去叫左杯濃情密意佛羅倫斯熱朱古力強濃度兼香滑之意式熱朱古力特飲(個名好長呀...) $65....叫既時候....菲律賓籍姐姐向我表示:杯朱古力真係好濃厚架喎.......我都繼續去馬既情況下黎到.....嚇左一嚇.....真係......好濃呀....................................................




我覺得係直接將舊朱古力溶左佢.....連奶都無加!!!!恐怖到...........唔可以用飲品黎形容佢......應該係朱古力漿先岩!!!飲完入口之後一吞....漿住成個喉嚨...真係.......係幾香既...但太濃了~~~~~好恐怖~~~~~~




新葡京廚師沙律 $68.....激抵!!超多料!!!洗面盤咁大!!!




田園沙律 $45....呢個同埋頭先上面哥個沙律都可以揀千島汁..法國汁..意大利汁..豉味醬汁..藍芝士汁......我次次都揀藍芝士汁的....好正!!(要頂得住臭臭芝士先好呀~)




傳統葡國薯蓉青菜湯 $32.....有個包裝住先$32..真係呢.....d圍邊既葡腸仲要有煎過~香到呢~




黎呢度有一樣野必叫!!就係自創特級三文治 $68.......餡料及伴菜選擇-各三款...麵包及醬汁各一款......而且選擇是超多的!!!!!!!!!!!!!!!!!!!!!!!!!!!!睇睇個凍櫃!!!!!!!好有氣勢!!!!麵包同料都有好多選擇.....麵包款有農夫包白麵包麥包牛角包法棍意大利包中東包之類之類!!!




如果係兩個人我建議揀牛角包~切成兩半剛剛好~伴碟一d都唔馬虎!!其實如果兩個人食就唔好就咁叫個沙律喇....因為你叫包既話都有一大堆蕃茄青瓜生菜的!!仲要有酸椰菜蘿蔔絲~正~仲要唔係薯條係薯格!!!!!佢d薯格仲要炸得超超超好吃!!!比起肯德基...呢度既更加好食!!!!!!!!!!!!!!!!!!!!!!!!超香脆!




睇下d料幾多~~~~我最常揀既配料係煙三文魚..巴麻火腿同埋意大利洗皮芝士....伴菜就揀生菜青瓜蕃茄~(不過你可以另選其他款既~因為伴碟已經有一堆蕃茄青瓜嘛~)




3-4人梗係叫白方包啦~好分d嘛~而且好多料架都~你諗下...同一個集團架喎.....800伴入面間安琪兒同呢度既包一樣架喎(我覺得安琪兒無咁多料添)....但係安琪兒等位閒閒地要等半個鐘位..同埋要$100一個喎....咁點解我唔揀係酒店入面舒舒服服咁唔使等位仲要有人跳舞過我睇?




加拿大蝦伴水瓜柳沙律汁配中東包 $55...超多料!!!清新!!抵食!!




煎墨西哥薄餅卷釀牛柳及牛油果 $95....拿~呢個貴d喇~但係呢個都食得招積架~因為佢落單哥時有問我d牛柳要幾成熟~認真到~仲有後面3隻醬汁俾你點~




香炸馬介休球 $60....唔係唔好食...係相對呢度其他野食無咁抵~(叫個潛艇咁巨既包先$68喎!)




日式椒鹽雞翼 $50.....炸得過火左少少~(食既時候感到好熱氣呢~)....而且雞肉老左少少~




芝士焗薯皮配牛肉..羊肉及雞肉 $70.......可以要哂3隻黎試~或自己選擇要咩肉都得~都幾好味~而且配埋佢d醬料一齊食好好味~~




極力大推!!!香炸酥脆魚柳伴薯格配他他汁 $54......痴線架!!呢個酒店價仲要一碟有5大條!!!!!!!魚柳炸得超!!好!!食!!炸到攞出黎仲係超熱辣辣狀態!!!!外面連層炸漿都較得超好食!!唔怕太厚~內裏魚柳鮮嫩~(重點係唔怕腥~)...不過建議最好3至5人先好叫~~如果唔係既話太大份食唔哂~

我叫過呢個之後先知咩叫抵食夾大件....就在酒店!!



極力大推!!!各式沙爹(雞肉..牛肉或豬肉)半打 $55....呢個價同出面d普通唔靚裝既泰國菜一樣價(可能呢度平d添)..又係可自選要咩肉....要哂咁多隻都得~肉燒得唔怕乾仲有肉汁~個醬仲要調得超好吃!!!!!同過3批人去食過.....3批人都舉腳讚好!!!其中一個係我媽媽...哥日我同佢兩個人去食飯~佢食完之後:不如我地叫多碟咯....(重點係佢平日食肉食好少的)

總括:呢個Lounge係我吃過咁多個酒店既Lounge之中最好食同最抵的!!!!個價錢你可以見到同出面d cafe可以係一樣價的......但係出面d cafe你要冒險唔知佢好無食囉!加上新葡京地理位置超方便......實在係午餐..同三五知己/少女朋友下午茶(我見有兩位用的精選下午茶只需$108)...或者晚餐既不二之選~~~尤其係哥d法定假期要三工哥d日子...我實走入酒店食野........呢間實為我現時首選~~今個新年我應該有其中一日會係呢度食~~~~~~~(拿...我大讚佢我無收人錢...我亦唔會為人寫d咩膳稿架...因為我覺得膳稿好假....人地請得你幫佢寫...佢梗係整得最好俾你食架啦...我真金白銀食左超過10次都水準穩定我先大推架~)





2015/02/12的開心事:
哈哈...噚日有人話我地知...
日本jetstar新開航線香港-大阪呀..
今日早上十點有平機票搶.....
我地仲嚴陣以待....點知毛寶神之手手
一入就入到~~~~~~
去哥程$66咋~~~
依家包哂稅呀燃油附加費同埋行李之後...
依家一張來回機票只需$1254咋~~~
好抵呀~~~~~~好開心呀~~~
今年d旅行定哂喇~~~~
又多個報時器喇~~~



報時:距離東京媽媽慶生之旅2015仲有---21日~~~
報時:距離公子新加坡喪吃自由行之旅2015仲有---50日~
報時:距離關西哈利波特之旅2015仲有---128日
報時:距離冰島格陵蘭自由行之旅2015仲有---227日~
好似第一次全年要去既旅行一次過出哂計時器~~
好有氣勢呀!!!!!!!!!!!!!!!!!!!!!!!!
睇個名就知~~~~
我今次去大阪.......就係要去環球影城既哈利波特呀~~~
我好開心好緊張呀~~~~~~
我要不要扮哈波入去好呢~~~~~~

41 則留言:

  1. 呢間得喎,但你可唔可以唔好去咁密?我驚去幫襯時撞到你就唔好啦.......
    神之手,以後邊樹有平機票要請神之手出手先得咯......
    4個報時何其壯觀

    回覆刪除
    回覆
    1. 但係下面有blog友說3月執喎...我好驚呀............你當睇我唔到咪得囉...
      佢真係好叻~~~
      第一次咋~我都好興奮~

      刪除
  2. 妳可能燥底喎~~~~
    新葡京酒店原來有咁正嘅Lounge、下次嚟要試。新葡京自助山係合和旋轉餐廳重開呀、但價錢要5佰幾仲要加一。
    妳成日講好窮、現在又多個旅行~~~~~~佩服妳呀

    回覆刪除
    回覆
    1. 直頭超燥...無哂乎
      但係下面有blog友說3月執喎...我好驚呀
      華!!咁貴!?!?!?我岩岩食完mgm
      就係因為我去旅行所以先咁窮

      刪除
  3. I love this place too but someone told me it will close in March!

    回覆刪除
    回覆
    1. 如果係真既話我真係好失望....難得搵到間好食又平既..仲要係酒店

      刪除
  4. hehe.....我都覺得小t好似中學生這那年青

    回覆刪除
  5. 我剛食完焗豬扒飯,飽到上心口,見到你咁多重手野同炸野,真係頂唔順。
    話時話啦,你塊面成日咁惡搞,係咪敏感咋? 搽少少冷壓有機椰子油睇下得唔得?

    回覆刪除
    回覆
    1. 我依家個胃都頂到上心口...好辛苦.......
      因為我皮膚薄左呀...真係一言難盡

      刪除
  6. 呢間好正呀!!估唔到老佛爺升到要1舊水一個包囉=,=
    我諗我個樣應該都似21歲,呃到入去!!XD
    估唔到今年有咁多平機票搶,可惜我唔可以隨便去旅行...好可惜T__T

    回覆刪除
    回覆
    1. 係呀真係好貴呀....仲要等餐死的..
      唔會啦...我都有人查證...你都係唔好搏喇
      等讀完書多把機會!!加油!!

      刪除
  7. 真係好有氣勢呀四個報時器
    我都諗緊去大阪
    如果成行係六月去呢 hahaa

    回覆刪除
    回覆
    1. 希望可以撞岩時間啦~話唔定真係撞到~

      刪除
  8. Bookmark了,下次同女友來試試先,thx!

    回覆刪除
    回覆
    1. 但係下面有blog友說3月執喎...我好驚呀

      刪除
  9. 你好,我係你讀者呀,我8月1日去大阪,我好喜歡睇你的遊記,好詳細,希望你去完快啲出遊記.到時我可以參考,因為我未試過自由行,你可以比啲意見我嗎?謝謝!

    回覆刪除
    回覆
    1. 華~好多謝你黎探我呀~~
      wakakak~我都唔知出唔出得切~你知我懶啦~
      不過大阪我都有成7年無去過~一d都唔熟~
      我地既懶例就係首先買本旅遊書然後咁多個去既朋友都傳閱..
      mark低自己想去既地方~然後就再整理路線
      不過就緊要就係同朋友仔多多溝通啦~因為搞唔好好易鬧交架~

      刪除
  10. 我都覺得幾抵,以澳門酒店水平計,
    仲睇妳食評,都幾好……哩啲朱古力飲品
    喺巴黎飲過,都喺咁稠又大杯,我仲扮醒叫咗兩杯,飽到我兩公婆無食lunch(>_<)

    回覆刪除
    回覆
    1. 係呀...澳門依家d野食真係好貴架...所以我真係覺得好抵~~
      係幾好食~
      華..我真係頂唔順...我唔會再飲...

      刪除
  11. 您塊面今日又衰過,好慘囉!可能要排毒呢!
    俾人查過證?又證明我沒有講大話囉!哈哈哈
    新葡京酒店U1層,依價錢來講,真的抵!

    回覆刪除
    回覆
    1. 唉...我就黎搞佢唔掂喇....真係慘...
      哈哈~~咁我希望之後去親賭場都俾人查證~
      真係幾抵架又好食但係有blog友說3月執喎...我好驚呀

      刪除
    2. 分分鐘,還要俾人查多幾年!哈哈哈

      刪除
    3. 最好查多十幾廿年啦~

      刪除
  12. 嘩, 呢間OK喎, 下次黎澳門都要去試下先得~~~

    嘩, 好羨慕呀, 你又禁到平價機票, 我同事都話佢禁唔到你咁平, 無得去喇!

    回覆刪除
    回覆
    1. 但係有blog友說3月執喎...我好驚呀
      真係全靠毛寶神之手手~

      刪除
  13. 我真係有啲唔抵得你呀!!!!羨慕呢!

    回覆刪除
  14. 小T 塊面仔仲有無事? 這個可能跟你免疫系統受干擾或感染有關, 我認為你要開始戒食一些刺激食物, 日本魚生係其中一樣, 我昨天行經超市, 見魚生大減價都唔敢再買了, 上兩個星期, 連食了2次, 好味但又好驚. 全都是深海魚.

    跟LAS VEGAS一樣, 賭場內這些餐廳, 大多都好食D 價錢抵D, 因為要留住賭客, 而且不可以一家大細入去.

    回覆刪除
    回覆
    1. 時好時衰..好難搞....都可能係呀...我都盡量戒口中喇.....好難搞....
      係啦~咁都好呀~益左我呢d唔賭錢既人~

      刪除
  15. 嘩!!! 4個計時器!!! 確係神氣!!! 羨慕到不能!!!
    扮啦 扮啦 扮哈波入去啦~~~ 投入啲 好玩啲㗎~~~

    回覆刪除
    回覆
    1. 但我錢財已盡散~~~~~~~~~~
      好呀好呀~~~~

      刪除
  16. 喱間lounge唔錯喎,其實佢個賭場咁好收入,好應該補貼下個lounge賣平啲又可以吸到客啦
    你扮哈波一定激似hahaha

    回覆刪除
    回覆
    1. 但係有blog友說3月執喎...我好驚呀
      哈哈~~~唔知呢~~~但我試下先~

      刪除
  17. well, 我都係隔日就生暗瘡,幾粒未好又生幾粒,好想爆粗 ,呀~

    回覆刪除
    回覆
    1. 真係好嬲.....不過又要心平氣和...不可情緒太波動....頂....

      刪除
  18. 又一排冇追你blog~XDDD
    我都搶左hkexpress 7月飛東京,
    但來回都千九左右:'( 不過我都勁期待~~~
    因為我要買到仆街食到仆街XDD
    同埋有個識日文既朋友真係想點就點,
    另外8月都飛沙巴,暑假真係要嘆下hea下先得,
    Btw,好鬼羡慕咁L多旅行去><!!!!!!

    回覆刪除
    回覆
    1. 無所謂啦~得閒咪上下黎囉~~~
      都叻呀~東京d機票係貴d...加上你7月喎~暑假係咁架啦~
      梗係...去東京就係要買買買和食食食~
      你就好啦..我自己盲摸摸咋...
      好正呀~~~~又有血拚又有hea團~正~~~~

      刪除
  19. Btw,我睇返之前個篇,
    真係有人比錢你寫野?!
    好勁呀!!!但亦都好欣賞你可以繼續咁恃平^^
    要繼續加油~~~~~~

    回覆刪除
    回覆
    1. 偷偷話你知....
      就係....無呀~~~(無面見人狀)
      即係我驚人地以為我收左人錢所以先會大讚d野好味~

      刪除
  20. 剛放完新年假, 入來追返d blog, 先見到妳咁堅, 一次過出4個報時器,會唔會過份左 :p

    回覆刪除