華......番左三日工好似世上已千年~~~之前仲話充滿力量....都係唔夠d人黎~~~~~you win~~~~~噚日你仲特登打黎關心我做咩事唔寫blog~~~我無唔舒服呀~~~只係好攰好懶咋~~~
前排有個朋友....佢有份黎自英國的手信~份手信係我同貞公子一直都好想好想好想試既....哈利波特巫師世界入面既柏蒂全口味豆~~~~~~~~~~~麻瓜世界無架~我地係哥個朋友度留言話好羨慕佢有....然後不停問佢咩味~跟住佢好大方咁話請貞食~~~~~(其實我地都好唔知醜喎~~~)
wow~好靚呀個盒~~~
咩顏色都有~~花花碌碌咁~~~
但係.....柏蒂全口味豆.....並唔係一般既jelly belly口味~~~~請睇睇.....以下口味介紹.......附上中英對照圖~~~~~~點先~~~你夠唔夠膽試~~~~
我地就夠喇~~~~因為我地係讀葛萊芬多架嘛~~~~~~~~~試哂想試既核突味......結果係點.......
真係好可怕~~~~睇下我地個樣就知~~~嘔吐味放入口真係酸酸臭臭咁~~~~~我地經過耳垢味..蚯蚓味...灰塵同鼻屎味既洗禮之後.....食番d西瓜呀棉花糖味....平時都覺得無咩野~~依家食落份外好味~~~~~~~(我地真係好無聊~~)...所以...柏蒂全口味豆...都係唔好亂試喇...
前排呀~我試煲左我人生第一煲老火湯~~幾似模似樣呀可~~超多料~~
睇下d湯幾清先得架~~~我有煲之前將d豬汆水先架~~~不過今次落多左陳皮~下次再努力~~~~第一次煲~算係咁啦可~~同埋我覺得煲湯其實唔煩....煩就煩在.....要切d料!!
野~多謝你呀~~~my late late birthday present~~~我好鐘意~~~
2014/10/08的開心事:
唔......er......呀......
如果一定要諗一件既話....
我諗係中午食飯時隻豉油雞翼好好味囉...哈哈~
我就出門行超級市場...886
回覆刪除88~行得開心d啦~我都好鐘意行超市的~~
刪除早出晚歸**天氣好涼又出太陽•☁**☀小t帶長袖衫才出門
回覆刪除你都係呀~唔好凍親~~
刪除小t 試煲左人生第一煲老火湯~~幾似模似樣呀
回覆刪除wakakaka~多謝~~
刪除我~~我~~~上鏡丫!!
回覆刪除如果要我講我尋曰有咩開心野~就係你說掛貞^v^
係呀~係你呀~你上鏡了~~~
刪除hehe~~~好衰架~你夠話你有諗起過我~~
睇落個湯都似模似樣﹗
回覆刪除真既~~~~多謝~
刪除識煲老火湯嫁得人啦~~~恭喜恭喜
回覆刪除真係架~~太好了~~~~
刪除哈哈, 你地表情好攪野`
回覆刪除因為真係好難食~
刪除Hi,小T,我覺得妳同貞公子好似两子妹,好似樣!巧叻女識煲老火湯!一定好好飲喇!繼續努力!bye!!!
回覆刪除唔知點解好多人都話我同佢似樣
刪除估唔到真係有葛萊芬多嘅糖食架,我會全部試哂啲味,人一世物一世吖嘛!
回覆刪除煲湯其實一啲都唔難,只係功夫多.
嘩,生日禮品好重手喎!
真係實在係太難食喇~~~~認真救命~~試完一次唔想再試~~
刪除哈哈~真係好煩的~~好多野要洗要切
哈哈~~好多謝佢呀~~~我好鐘意份禮物~
又學到嘢,原來鼻屎耳屎灰塵都有味,咁啲味究竟似咩?唔好答似鼻屎耳屎灰塵味或自己去聞吓呀吓......
回覆刪除你個樣真係似食咗屎,
好難形容哥d味...唔知點解食塵味時我真係覺得好似有灰塵係個口度咁..好恐怖....我淨係記得嘔吐味真係酸酸叔叔咁囉
刪除wow..wowo..wowo..真係好耐冇黎la...你已經完埋沖繩個happy trip tim...so jaelous ar!!
回覆刪除wakakakak..你地竟然有貢勁既膽量試晒個d怪味糖...好佩服ar!!
老火湯,好呀, 煲多d飲ar, 買料/切料就煩d,不過有益...冬天飲多d,,滋潤d..:p
係呀~好耐無見你喇~~~~不過我仲未開始寫沖繩blog~你得閒黎睇下啦~
刪除係呀~~~~~~~因為我地想試好耐~~估唔到真係咁難食~~~
我真係煲過哥一千零一次咋~~~真係好多野要洗要切
哈哈哈,您同貞公子好好戲呀!
回覆刪除煲老火湯,人生要踏出一步了。
生日禮物好靚喎~~~~~~~
當然~我地演藝畢業架嘛~(講笑咋~)
刪除哈哈~~試左一次..有排都唔試第二次~~
多謝你呀~
有一派學說話,演技要從心出發,所以人真情自然演技好,哈哈哈~~~~~~~
刪除wakakkakaka~~又幾有道理喎~~~~
刪除一般一家人飲既湯, 係放一角就夠, 全隻果皮通常係由一個柑皮, 正宗就會劏開三份既 (渣斗既先會開四), 所謂一角, 即係用其中一塊, 放咁多就夠煲一大煲湯架啦. 唔需要放得多架, 有時二人份, 我只會放半塊. 記住凍水落喎.
回覆刪除我真係唔識~睇完你咁講~下次識做~
刪除