真係好難頂...我已經第5日頭痛....根本噚晚成晚訓到到....爆痛之下上山頂睇醫生俾左日假我...唔知佢今次d藥係咪太勁.....我訓到中午起身諗住食野..點知一開眼定眼望所有野都好暈.....暈得滯嘔左兩次....要急急再訓....之後訓到兩點半起身無咁暈起身食麵包...4點成個好似突然無哂電....好攰好攰之下衝入房要即刻訓低.........又訓到依家....個人差番一格電上黎留幾隻字...我做底做咩事?!?!?!
一早醒來去食個早午餐先~大比佢地帶左我地去食華星冰室(當時澳門仲未開)~~地址:灣仔克街6號廣生行大廈地下B1號鋪......可能大家都平時食開啦~但我真係第一次食呢~~~(其實我都幾鐘意食茶餐廳呀冰室哥d~)
檸廉 $23.....以茶餐廳野飲黎講算係幾貴!!不過大佬呀..我真係第一次聽檸檬同忌廉係可以溝得埋一齊飲...仲要係幾好飲~
炸雞脾 $16.....估唔到佢炸得咁好味!!!外皮超脆的肉超嫩!!!澳門哥間既炸雞脾完全比唔上香港的!!我係澳門食過兩次都係外皮夠脆...但內面未熟哂仲有血絲的!!!!
黑松露炒蛋多士 $38......佢d炒蛋真係好好好滑呢~~~好好味~~~
校長多士 $25.....搽左松露醬加芝士去焗~淨係諗都知好味~~~而且講明呢樣係同校長一樣~~年年$25的~~~正!!
軟硬沙爹牛肉包 $22......沙爹味道做得很出色~~~好輕易咁俾我兩三口就搞掂~(半邊)
番黎澳門之後我都有食過兩次華星.....有一次食左呢個eason推介既重口味湯底公...個湯底好正~~蕃茄味的!!!食完又唔怕口渴~~真係唔錯~~不過塊豬扒就麻麻....而且佢個重口味湯底超級的搶手!!有兩次12點左右去到都話賣哂!!(但佢收6點喎........)......次次坐低都話無...加上其實除左校長多士同香港同價外...其他野都貴過香港的!!!!而且有d又無香港做得咁好......所以最後一次我去到一坐低就問佢:有無重口味湯底?....佢一話無...我地即走~(好彩哥次唔使排隊~)
之後就去左行下上環既PMQ元創方啦~~~~~(又係行到我扯哂蝦先上到去~~)....香港有一個咁樣既創意中心~真係唔錯!!澳門就應該.......................唔會有..........有都起左賭場酒店先啦(哭)
之後落左旺角~點解?因為阿Sam推介我地要去食肥姐小食店呀~~~~~地址:旺角登士打街55號4A鋪....華....條人龍長到................起碼有40人係前邊.....(我見隔離涼茶鋪超興~~因為肥姐太多人排隊阻住佢做生意~).....但好彩又幾快喎~大約5-10分鐘已經到我地~
叫左個皇牌套餐 $23..有墨魚..火雞腎..生腸(唔知有無記錯).....我地另外再買左3串定4串墨魚.....火雞腎無咩感覺...一食到墨魚同生腸時我簡直驚為天人!!!!!!!!!!我好鐘意食凍凍爽爽既墨魚同生腸!!!!加埋佢哥d特製既醬同埋芥辣!!!真係好食到飛天!!!!如果你話食墨魚唔怕膽固醇高...我即刻排多10分鐘買多3串食!!!!!!!!!!!!!之前食過旺角d魚蛋...食過下臭豆腐...叫做掃過下街...但係都係一食無回頭哥種.....唯一係肥姐....就算無野睇要我特登去旺角淨係食佢...我都會!!!!!!真係好好味~
顏色好誘人呀~~~我流口水喇~~~
旺角真係好熱鬧呢~
行完街好攰~早左少少去食飯~夜晚訂左去左食BBQ7080...地址:銅鑼灣登龍街28號永光中心2樓...電話:3904 3693....最好就訂位啦...我地哥日六點去到...已經有人食緊~~超恐怖~呢間韓燒都好似幾出名喎~好似話韓星黎到都係食佢~
呢兩個前菜就每人有一個~豆腐幾好味~好滑~但應該唔係自己整~因為睇到豆腐邊有類似百福百腐哥後面個d現成豆腐既盒印~~~~~~後面個洋蔥我後來放係鐵板上烤~~~好正~~
另外4個前菜...不過覺得一般般.....
叫左荔枝燒酒特飲 $158......咪見到有幾支試管既...係隨自己想飲想溝咩味自己調的~幾得意~都幾好飲~
烤特級雪花牛肉 $218/150g.....我無記錯呢個係餐牌裏面應該係最貴哥個啦(無記錯既話)........但係......我唔覺得....好味..........................牛味亦不特出....又食唔到雪花融合牛肉既味..............失望!!
烤豬皮 $88/150g......點解會叫呢...因為係見到個個blog去都會叫黎食的......不過.....可能我食唔慣咁既形式既豬皮....好黏黏呢.....係咪咁架?????而且好難燒.....燒一陣自動曲起....又要禁住佢黎燒....同埋唔知佢幾時為之熟.....又易燶....剪佢哥時又難剪.....下次都係唔好搞阿姐喇~~~好攰喇~~~
烤雜錦牛肉(LA牛排骨,特級雪花牛肉,牛脷,牛肋骨肉) $368/400g......完全地無肉味.....要狂點醬先有味...唔掂!!你睇下塊牛肋骨d色.....好似瘀瘀黑黑雪左好耐咁....
辣泡菜湯 $88..一般般.......其實我有時唔係好明點解一個咁細既湯要賣咁貴?!?!
煎泡菜餅 $48.....平就幾平....但係煎到林pat pat咁....難食
烤大八爪魚 $48/2pcs.....成餐唯一唔錯既野..........聽講好似銅鑼灣店係難食d...有blog友同我講話尖沙咀好味d...但我都係想講......呢間野以後都唔好搞我!!
我的香港之旅...就係呢餐不好吃的知名韓燒後結束了~
2014/10/16的開心事:
好開心我差番一格電上黎寫我....
相信係30歲前既最後一篇blog......
依家我又要去差電喇~
在30歲的第一篇blog就用沖繩blog來慶祝吧(曬紙碎)
30歲了....個心理關口...
真係有d難過.....希望身體健康就好了~
咦~
噚日Ozil bb 26歲生日呀~
補祝你生日快樂~同埋快d康復啦~
猜不到生腸墨魚吸引了小t味蕾
回覆刪除看這篇網誌再比較今天的旺角......有點感慨
還有預祝小t生日快樂生活愉快最重要身體健康
超好食呢~簡直係極品~
刪除唉...咁又係....今日真係唔知聽日事呢...d相係5個月之前架喇
多謝你呀~~~~
小t~好開心可以識到你!你係窩嘅開心果~我要同你相愛十萬年~~要快d好返~我十分期待星期六晚~~~~好耐無同你反過啦~!!
回覆刪除快樂奔三~~~
貞貞都係我既開心果呢~~~~星期六哥晚真係很謝謝大家呢~~~~鍚鍚~~
刪除多謝你呀~~~~
我行上去元創方都係行到扯哂蝦 hahaa
回覆刪除好野 有沖繩blog睇 生日過得快樂一點 身體會好健康的 :)
哈哈~~我係每次都扯蝦~~~
刪除多謝你呀~~~~
7080個陣GD佢地慶功都去個到XDDD
回覆刪除我兩次都係去尖咀個間,我食得好high~~~
啲泡歌又播得大聲~一路隊啤一路食五花腩~
去食韓燒我多數都唔會叫太多牛肉,
(除左阿里郎個拌生牛肉XDDDDD)
因為我去韓國食佢地啲牛都好麻麻.......
重點係唔平呢~_~
(不過食真正既靚韓牛其實好貴,係韓國黎講都係貴價)
不過總結黎講....無論去邊到食韓燒,
都 係 好 L 貴 的!!!!!!!
哈哈~~我就係知有d好勁既韓星去過所以我都好期待~點知...希望越大失望越大囉~
刪除可能食五花腩會好d卦..
唔係喎~~我去韓國哥時食哥d牛好正架喎~~~~~~~
無錯~~~~韓燒就是貴呢~
當妳睇blog時己經過咗30歲生日啦~~~補祝妳生日快樂及頭不再頭痛、少身體健康
回覆刪除哈哈~~~多謝你呀~~~~
刪除做咩你成日頭痛呀>_<最好睇下醫生瞭解下好D!!~
回覆刪除做咁抖一抖有D感覺唔係咁好T_T
我見到韓燒諗起台灣間愛樂廚房呀!!~哈哈
我E家都好難過呀!!T_T一出到街D推銷員問我夠20歲未呀...我好想喊...明明我只係得18歲T_T
睇過啦..佢就係話我係偏頭痛咋
刪除愛樂廚房又係食韓燒架??
哈哈~~咁18同22都係差唔多je..而且佢問係夠20未...即係佢都覺得係未夠20啦~
又係瞓覺覺豬時間喇喂★•*¨♦甜夢¤•*☁快樂星期四
回覆刪除點解周末總係過得咁快架~~~~
刪除檸廉...我都係第一次聽...檸檬同忌廉係可以溝得埋一齊飲...等我都叫來飲呢
回覆刪除下次係都試下啦~真係幾好飲架喎~
刪除校長多士...搽左松露醬加芝士去焗...真係淨係看都好知味
回覆刪除今天我都買左黑松露醬...正呢
咁你自己係屋企試整校長多士啦~
刪除你喺澳門開番間冰室嘛,只賣沙嗲牛麵厚多士蕃茄湯底幾樣嘢都夠做
回覆刪除元創方真係聽都未聽過......
肥姐由坑渠巷間舖食到而家搬嚟大舖,以前我介紹過俾你架,與有榮焉
3字頭當務之急希望呢一年內根治好你個頭痛,頭痛徹底遠離你,樣嘅問題就慢慢啦
我邊有無咁有錢呀大老闊~
刪除下...唔係下...之前d 1000隻熊貓有去過哥度展出架喎!
係啦知你有推屎喇介紹我去食~真係幾正~
根治到就唔使咁多年都係咁囉~樣我唔使改架喇~ozil喜歡就可以了~
1000隻熊貓呢啲情侶去嘅地方唔啱我......
刪除我係叻呀嘛
最弊陳友唔喜歡呢,你整整雙眼變八字做佢同類可能有機
咁又係..你去到都無人幫你影相....
刪除係...你好叻...仲有好野食推介~
佢係八字眼無話鐘意女仔八字眼嘛~佢就係鐘意好似我咁眼仔細細~
要小心身體呀!
回覆刪除唔講,以為您得二十五、六添,哈哈哈
多謝你呀~~~~
刪除希望個個都好似你咁諗啦~~
希望你快啲好番啦~~~有冇諗下轉醫生呀?? 中醫試唔試下呀?
回覆刪除華星我好耐無食喇...因為覺得佢個常餐麻麻, 睇完你食其他食物又好似OK喎, 搵日再試下啦~~
你鐘唔鐘意食菠蘿包呀, 太子有間叫金鳳冰室, 好正架~~ 係迫啲囉, 有機會去試下吖~~(我多數外賣, 諗起都想再食KEKE)
你多啲休息喇~~~身體健康~
都有試過呀~不過都係咁~~~
刪除哈哈~~可能我哥時第一次食覺得驚為天人啦~
鐘意呀~~~我咩都鐘意食~~~所以咪咁肥囉~多謝推介~如果我去開哥頭會去試下的~~~
多謝你呀~~~~
Hi小T、首先預祝妳生日快樂!最重是頭痛永遠離開妳同去多d旅行!是個旅遊達人!灣仔华星冰室我都常去、炸雞脾我都有食!炸到d皮好正、但我九月份去食時!雞脾已加價了18元喇!PMQ我九月份去要排隊影相架!BBQ7080我下星期六會去食吓、原來麻麻地呀!咁我就唔去喇!快d好番喇!take care!!!!
回覆刪除係呀又加左價..永遠淨係人工無加
刪除無錯,最緊要身體健康。7080我覺得好一般,唔值。去三木好食好多。
回覆刪除(呵,原來我地一樣大(≧3≦))
係呀....完全唔值哥個錢!!失望
刪除哈哈~~~你都岩岩奔三呀~
三字頭就是人生另外新嘅一頁,開心迎接!!!
回覆刪除唉香港近月發生嘅事已經令到好多地方都面目全非喇..........
多謝你呀~~~~
刪除我都覺呀...何況我唔係住香港都覺
Hi小丅現在是19號零時五分喇
回覆刪除謝謝你
刪除現在是十九號𩂓時五分喇!即是妳生日喇!妙食!Happy Birthday to you ,Happybirthday to you,Happy Birthday To 小丅,祝妳生日快樂、身體健康!健康!青春常駐!毎年去好多、好多旅行!!!
回覆刪除非常的謝謝呢!
刪除生日快樂呀小t!話說我一直以為妳細我至少有五、六年!哈哈~
回覆刪除上次女友生日我都有諗過去BBQ7080,不過佢話嫌貴所以企硬唔去!好彩咋!
多謝你呀~~~~哈哈~~咁我係咪大過你呀~~~
刪除你女友醒目呀!!!避過一次又貴又唔好食既韓燒~
小T, 你無事嗎? 咁多人都無蒲頭呀, 希望你快快好番
回覆刪除依家無事喇~多謝你呀~~~~
刪除