2014年10月14日 星期二

2014年5月香港長洲兩日一夜遊---Part 3

仲係頭痛....噚晚已經迫自己早d訓...可惜訓極都訓唔著......希望今晚訓得好d啦~~~明明秋涼應該訓得好舒服先岩架嘛~~~~



行飽街之後~我地就出發去我地出發之前傾好要黎食既鴻福海鮮四季火鍋飯店...地址:九龍土瓜灣落山道86C及D地下....電話:2865 0112/2334 8528....對於遊客黎講係好難好難搵的~~~最近哥個地鐵站叫油麻地....我地去到油麻地地鐵站後.....轉的士~~~~~~好似都搭左成40幾蚊架~~~其實地鐵站去落山道條路都幾遠...好似搭左成7-8分鐘車~~~~~~好彩有搭車咋~~




記得記得一定要訂位呢!!!我地打極去都無人聽~所以我地就搏下早d去..好似6點半已經去到...佢問我地有無訂位...我地話無....佢自己諗左一陣話:算啦..俾左佢地先啦~.....好彩~~~不過環境都幾惡劣架喎~小強還在得戚地走來走去~




叫左野食就放低4種醬料~最上係豉油...右邊係蜜糖...左邊係泰式辣醬...下邊係辣椒豉油~~~期待ing~~




來了~~~~呢度出名食既係炭爐打邊爐~~~仲有自玩燒烤呢~~~~~好過癮呀~~~~~~~~~~~




d料有分燒烤定打邊爐既~咁講下燒烤先~~~生蠔 $45(隻).....應該係香港蠔.....一隻$45實在好貴~但又忍唔住叫黎試試~




大蜆 $35(隻)..又真係幾大喎~~~




雞中翼 $32...仲有司奄 $45......依家睇番先知~~~得哥幾隻雞翼都要咁貴?傻了~




鮑魚 $48(隻)...蟶子 $45(隻).....咦~依家回頭望番又幾貴喎~~~哈哈~~




火鍋料我地都唔算叫得多~~就係以下哥d....兩隻肥牛都有叫黎試~揀手美國肥牛肉 $78....本地肥牛肉 $148....我記得好似係平d哥個好味d有牛味多d既~~~~








叫到成枱野食真係好開心呀~~~~~~








個邊爐既湯底就要左香茜皮蛋湯 $35........睇下d人d手幾心急~~~用炭爐又真係幾夠熱~而且佢會不停的為你加炭~唔使出聲~




講下d燒海鮮先~~~~我對燒蠔期望最大~但係就係令我最失望的~因為燒好左食....咦....無味既~~~~第二輪試下一路燒一路加豉油......結果係比無落好味好多....但係同好好好好味係扯唔上關係~(如果d蠔好新鮮咁燒應該好正架??)




燒大蜆我地咩都無落....慢慢睇住佢開口~~~但係食落超鮮味呢~~~~~~~~呢個大推!!






蟶子都不錯吃~~但係鮑魚係最令我估唔到既好食呢~~~而且估唔到地幾大隻下~~~平時我麻麻地鮑魚架咋~但係燒左之後超重鮑魚味呢~~~~好正!!!大蜆同埋鮑魚我都大推~




燒司奄都係第一次見~~~~又估佢唔到幾好味喎~

呢餐食左每人兩百幾蚊~好飽~又唔算貴喎~~~



食飽飽又搭番的士去油麻地地鐵站...番去銅鑼灣~又經過時代廣場~原來夜晚會圍起d展品架~~咁仲好~~~仲容易影得靚d~~~(因為下午太人山人海了~~)









2014/10/14的開心事:
今晚約左Diana食飯呀~
去試一間口碑唔錯的葡餐~
期待呢~

30 則留言:

  1. Hi小T、好叻喎!住澳門都識搵到海鮮四季火鍋店!我都去食過!都要早三四曰前訂位!可能㚷好早去所以唔使等有位!香港仲有好多炭爐烤㗎地方l 架!d野食好貴、我都係两三月去一次咋!叫咁多野食、我都心郁郁、下星期去念下先!其實爪土有灣巴士去銅鑼灣㗎!

    回覆刪除
    回覆
    1. 都幾貴架不過幾有特色叫做試過下啦

      刪除
  2. 但環境好似麻麻地呢
    你要休息多d呢知冇 唔好令我擔心呢

    回覆刪除
    回覆
    1. 係呀~幾污糟~
      我知呀....不過真係唔知做咩好頭暈

      刪除
  3. 間嘢聞名已久,但是劣評如潮.睇落都幾貴......

    回覆刪除
    回覆
    1. 都貴架不過幾有特色~試過下咁囉~

      刪除
  4. 小強周圍走泥走去...單單睇到呢句我已經唔敢去食TAT

    回覆刪除
  5. 你時刻頭痛...訓極都訓唔著...係因為天氣乾燥...身體火重
    秋涼應該飲多些湯水或去火涼茶...你就好舒服訓架嘛

    回覆刪除
  6. 妳仲頭痛、快d再睇下醫生啦~~~或者打番支針會快d好呀

    回覆刪除
    回覆
    1. 妳頭痛冇心機寫blog呀~~~~咁休息多d啦...take care

      刪除
    2. 睇左啦...醫生無幫我打針呀..淨係開藥我食咋

      刪除
    3. 我真係好頭暈..好想叫救命

      刪除
  7. 炭爐打邊爐...仲有自玩燒烤海鮮呢...真係好過癮呀
    不過...有小強在...得戚地走來走去...好惡劣喎

    回覆刪除
  8. •*★又係瞓覺覺豬時間☁•*¨♦甜夢 \(^▽◕。)/ ¤・゚天天╠ ╣ a Ρpy喇喂

    回覆刪除
  9. 好似好好味呀~~
    不過有小強出沒... ...
    又頭痛?多啲休息呀,仲有病向淺中醫,check check穩陣啲

    回覆刪除
  10. 識食喎,這間炭爐打邊邊,好出名﹗

    回覆刪除
  11. 這一餐者幾貴喎,不過又好有風味!
    為甚麼銅鑼灣會這樣少人?它不是不夜城嗎?以前零晨3、4點下班還是人山人海的。

    回覆刪除
    回覆
    1. 係呀~試過下啦~幾有特色~
      哈哈~係因為圍住左d展品所以你先覺得無人~

      刪除
  12. 小t 頭又痛......呢幾晚有無好瞓啲呀? 頭痛快啲走啦!!!
    哈哈!! 睇到你寫 "小強還在得戚地走來走去" 我真係笑咗出嚟呀!!! 你形容得好好笑!!!

    回覆刪除
    回覆
    1. 真係因為頭痛所以我訓唔到呀...
      哈哈~因為佢地真係好癲咁行黎行去~完全唔驚人~

      刪除
  13. 你好勁呀, 點解你咁都搵到呢間打邊爐既?? 你係點搵出黎架??
    我住香港都唔知><....不過我我好驚小強, 我睇黎去唔到你話呢間舖頭食喇~~

    希望你快啲好返呀~~~無病無痛, 做個健康的小T~

    回覆刪除
    回覆
    1. 我都係跟阿sam同大比去架咋~我都唔知佢地點搵...好似話係拍戲做過~
      我係咪害左間鋪呀話佢有小強~
      謝謝你的祝福呢~

      刪除
  14. 保重保重,早日康復啊!一隻45蚊嘅生蠔真係要好好品嘗先得!呵呵~

    回覆刪除
    回覆
    1. 呢個真係太貴~法國生蠔都唔使咁貴~~哈哈~

      刪除