2014年10月9日 星期四

2014年5月香港長洲兩日一夜遊---Part 1

點解放完國慶假咁耐....都仲有咁多野做既??????????巧難頂話~~~~~~好彩聽日係可愛的星期五~~~~~~呢個周末同下個周末都節目滿滿的~~~~(有好多都係為慶生的呢~).......雖然有好多節目.....但係個心都係....有d唔知點咁....你知啦...女仔一過哥個歲數......個心理關口好大架嘛~~~~~~~~~~



我記得哥次過香港搭超早船~~~唔知好似係搭7點半定8點~~好癲~~~為左行街而過既香港~~我真係未試過搭咁早~~哈哈~~一上左船之後~我地就衝去另一個中環5號碼頭再搭船衝去長洲~~~周一至周六...同星期日d船飛錢唔同的~又有分普通渡輪同快船~價錢又唔同~我地哥好似係搭快船的~星期六個價錢好似係$24.6~想睇船期表同埋價錢就去佢網站查詢下~呢次我地有4人出發~我和毛寶和大比和阿Sam...冰島填友~歸位~




我都唔確實記得搭左幾耐~好似大約半個鐘多d就到喇~~hello~長洲~~次次去親香港我都係行街為多~有幾可會去離島??以我記得應該仲係小學雞哥時同媽媽一齊去大嶼山睇大佛呀~~~~哈哈~~夠耐未~






黎到超早~好似9點幾咋~~幾少人下~~早到連好多鋪頭都未開~~~天陰陰的~但異常熱~




幾驚佢落雨呀~~點知過左一陣又有藍天喎~~~~海邊有好多船仔~咁樣影過去幾靚~~~今次Homer個阿爸都有跟埋我地一齊黎呀~~~我地簡稱佢叫阿爺~佢仲寫意到踩住單車黎長洲~有佢同我地一齊黎真係一樂也~






係大街周圍行周圍望~見到有好多呢d牌~望真d佢寫咩....原來係結婚呢!!!!好有趣呀~~除左新郎新娘名寫係上面之外....連幫手做兄弟姊妹既都有~~而且寫d名都幾啜核~唔係真名~~係花名~~有架仔..石頭輝..高佬文..肥仔強..仲有雞仔棠~~~~~~~淨係睇都覺得熱鬧~~~~~我覺得幾有特色!!




見好多鋪頭未開~又未食早餐~咁就求其係大街度~見咩食咩~張記~地址:長洲海傍道83A






真係熱到發瘋~5月已經咁熱~哈哈~一於叫杯菠蘿冰飲飲~$18~解解暑~




咁佢外面大大隻字寫住魚蛋同墨魚丸我梗係要叫黎試下啦~叫左豬手魚蛋撈麵 $27.....撈麵無咩味.....魚蛋一咬.....er...都幾腥下喎....如果怕食腥味最好唔好試.....反而我覺得豬手幾好味喎~




魚蛋米 $23....郊外油菜 $17.....毛寶說:d湯好多魚皮浮出黎.......




大比佢地叫既三寶撈麵 $35反而唔錯~(除魚蛋外的丸..不過唔知牛丸係咪佢地自製的~)




食飽飽又再出動~今次行下反方向睇下有無驚喜先~(其實我地黎到都唔知有咩睇架~)




我覺得呢d模仿搶包山d平安包造型既產品超Kawaii呢~~~同埋我覺得幾有諗頭喎~




忍唔住手買左兩條電話繩俾媽媽~幾得意~




然後轉入內街~見到有檔食魚仔餅喎~~~~~又停低~珍珍蛋卷小食...地址:長洲新興海傍街1A地下....魚仔餅(紅豆餡) $9.....如果佢有吉士饀我一定食....可惜我唔太鐘意紅豆~於是我就叫左芝士腸仔燒 $14...點知異常的難食!!!!








行行下就行左去長洲個東灣泳灘~哥日黎到唔算多人~不過都有人係度曬太陽~~~連阿爺都要停低睇下呢個泳灘~感受下靚景~






你講~食完野有幾耐~~~~其實主要再坐企既原因係:真係好熱......熱到無哂心機.....又要坐一陣先喇~~~哈哈~~~~Rainbow Cafe....地址:長洲新興海傍街63號地下






由於我之前食d野都未落格.....所以淨係叫左杯凍既蜂蜜薑茶飲下算喇~~~~$30....甜到喊~




佢地3個仲要一人叫一個雪糕!!!!香蕉船同鮮雜果船...各

$40.....睇住佢地一人一個食得超辛苦....最醒都係我~~不過麻麻地好味..因為隻雪糕既士多啤梨味既顏色一睇就知係....不過$40...仲想點~都係想有個有冷氣既地方坐下~





之後又轉番出黎~咦~又見到有另一檔燒烤喎~買隻$45既燒魷魚嘆下先~~~華~~~呢個真係好好味呀!!!!!!!!!!!超咸鮮!!!好想買d曬乾左既魷魚番屋企自己烤下~~一路食一路飲啤酒~(但可惜我地唔係即日來回~會係香港住一晚~所以放棄了~)...真係好咸鮮呀~










噚晚呀...
屋企無啦啦無水.....
好彩一早番屋企時已經沖左涼~
但係無水哥時....唔知點解....
特別想排泄既呢~~~~尤其係大的....
哈哈~~我諗係心理作用~~~



噢.....
我今朝係fb度睇到...
Ozil bb傷左呀...
要休息3個月..........唔通係因為我無睇佢出賽..
佢唔開心所以分左神>..<?!



2014/10/09的開心事:
好開心呀~我今天在上班時見了你一面~

38 則留言:

  1. 去長洲有冇計劃吓行程?......
    咁真係要開大,咪落賭場囉,我喺賭場都唔知擺過幾咁多堆......

    回覆刪除
    回覆
    1. er...可以話有~又可以話無~因為想去哥d..都無去~去哥d都係興起去既~
      華...行到話去我都賴左啦

      刪除
    2. 哈哈~想去哥間雜貨鋪無開呀嘛~

      刪除
  2. 我最大心理關口反而係由二十變左廿一果陣,原本就好地地既,點知有次報名果陣,前面果個講二十,到我就口快快翕二十,突然醒起先加個一字,果一刻,好似俾雷劈中咁呀~~~

    回覆刪除
    回覆
    1. 哈哈~~點解呀~~因為由兩個音變3個音咁讀呀~

      刪除
  3. 我家都有平安包, 十分討人歡心.

    回覆刪除
  4. 以我咁老,真喺好少去長洲,計起十多年前去過,妳地真有心,咁遠由澳門嚟住一日,真喺只有食下嘢!

    回覆刪除
    回覆
    1. 哈哈~~我以為長洲好多野玩添~所以咪諗住一日去長洲玩~一日用黎行街囉~點知....哈哈~~

      刪除
  5. 你過來香港玩,長洲風景吾錯,不過食物質數就好參差﹗

    回覆刪除
  6. 妳開始short short地~~~Ozil 傷左妳都..........諗想太多啦

    回覆刪除
  7. 好友•*快樂時間過得好快★又係瞓覺覺豬時間
    我又好眼瞓呀⊹周公子見呢•*大家¨♦晚晚甜夢安睡☁

    回覆刪除
  8. 長洲西式甜品當然選(一家大細)

    回覆刪除
  9. 我地都只係一年先入一次長洲咋, 現在天氣涼涼地, 入去行下都好架!!

    回覆刪除
  10. 去長洲仲可以去行山架,山上都幾多野睇,上次成班人去,路線就唔記得lu.

    回覆刪除
    回覆
    1. 下次試下先~我d團友應該都幾鐘意的~

      刪除
  11. 我覺得個心理關口對您的生理關口沒有影響,活得開心就好了,哈哈哈~~~~
    初頭以為您們去看太平清醮添!

    回覆刪除
    回覆
    1. 哈哈~~~女仔總係咁~~一到每十年又覺得唔同左~
      唔係呀~應該係之後先去架~

      刪除
  12. 食咁多餐都好似無一餐好食......真係揀錯餐廳
    好彩風景唔錯

    回覆刪除
    回覆
    1. 係呀~因為我地亂行亂食~諗住求其玩下咁囉~
      都係既~見識又多了~

      刪除
  13. 佔中沒有影響你來, 真好HAHA

    回覆刪除
  14. 嘩, 我好耐無去長洲喇~~等緊你寫埋落去~~

    我多數去南丫島, 貪佢船程短啲~~唔洗坐咁耐先入到去:)

    回覆刪除
    回覆
    1. 但係我地係長洲做左超少野咋~~哈哈~~令你失望了~
      有幾短呀??我下次都想試下去南丫島呀~

      刪除
  15. 嘩 長洲真喺好多年無去過啦 多謝你呀 帶我睇吓而家嘅長洲係點嘅. 都好似幾多嘢睇咁喎 下次返嚟都想去長洲睇吓
    仲有 講起你班冰島填友 實在太喜歡啦!! 最記得係你地拉高件衫過頭影嘅那些相 好經典 好好笑 超級like呀!!! :)

    回覆刪除
    回覆
    1. 我覺得好似大澳好玩d~野食又好食d~不過你咁耐無去番黎去下又ok既~
      hehe~~~~~~~弊喇~~~仲有人記得添~~~~~~wakakakakaka~~~

      刪除
  16. 鑽戒是訂婚戒指嗎?from阿脾

    回覆刪除
  17. 我岩岩星期六都去左長洲
    長洲仲有大粒魚蛋同長薯棒都好特別
    下次黎hk可以去試下

    回覆刪除
    回覆
    1. 大粒魚蛋我覺得麻麻~因為可能佢無汁~~我鐘意食魚蛋有汁汁的~~~~~~
      我係5月哥時去的~超熱~~

      刪除
  18. Hi 小丅,咁早去長洲玩、妳去張記魚蛋粉麺係長洲好出名㗎,假期來食嘢要排隊等位囉!長洲有好多好嘢食!是否玩二日一夜呀?平安包我都有買!我覺得好特別囉!bye!!!

    回覆刪除
    回覆
    1. 下...哥間野好出名架
      但佢d魚蛋好腥喎...

      刪除