偷懶了一晚~噚晚同媽媽係家中開P~但係開完P既後果就係......我生左粒暗瘡係咀唇對上~...好沮喪.......狂搽無比滴同埋保膚靈....搽到成條人中麻哂.....................
2014-09-28
Day 2---Part 2(日本,沖繩 Japan,Okinawa)
好囉~食飽飽早餐又再出發喇~~~好好天呢~~~
好囉~~先來介紹介紹一下下~~這是我們全車最帥氣的司機!!!(我們全車只有一個司機)...毛寶說:架車幾好揸...環保車..係張櫈矮左d(因為佢話整到最高都係比佢揸開哥架矮)
跟住我地既節目就係想去整玻璃~~到達琉球玻璃村....地址:沖繩縣糸滿市福地169....電話:098-997-4784....網址....係國際通揸車去既話大約40分鐘~可以預約整玻璃杯..玻璃碟(呢兩樣都係每日3班..11:00..14:00..16:00)...仲有玻璃球(10:00-16:00每小時整點開始).....我地想join整碟架....本身我地諗住上網預約...但佢又無得上網約喎...咁見佢話可以有walk in嘛...咪諗住黎到先囉...點知....全日全部班爆哂...可能哥日係星期日都多本地人卦~有少少失望~
只能係外面睇住工作人員整....嗚嗚嗚~仲諗住可以整隻屬於自己既碟添~~~下次啦唯有~~~(記得打電話訂位喇~~不過唔知佢識唔識講英文~~)
無得自己整~咁唯有參觀下佢地既玻璃商店啦~琉球的玻璃可是非常的出名呢~~~~~~樣樣都好靚~樣樣都想買~我失手咁買左兩隻諗住用黎食涼麵既玻璃碗~好靚~~不過有一樣野要提提大家呀....因為除左會售賣沖繩工房賣既玻璃之外...原來佢係越南都有工房....(點區分...就係金色Label是Made in Okinawa...銀色Label是越南的)....雖然大家都係同一工房...而且都整得幾靚....但我才不要在沖繩買一件Made in Vietnam的玻璃回鄉呢~
呢日真係好曬~出到黎係佢個小食亭食番個Blue Seal既紅芋味雪糕~都挺不錯吃~
雖然仲有d咳~但都熱到忍唔住要係自動販賣機買支超冰凍既野飲~~~~幾過癮喎~有14種野菜味係入面....但係就唔係濃味哥種...係淡淡的...幾好飲~
好喇~帶住我們的玻璃戰利品再出發~~~(毛寶也買了不少~)..經過見到有風車~沖繩其實好適合風力發電呢~
可能我地整左話唔行收費公路...所以行既路都無高速公路~大多係民居既路呢~由於呢d路多數限速40或者50左右...毛寶話揸到好眼訓喎~~哈哈~~
諗住去下一個目的地既途中..........咦!!!!!!初見沖繩的海呢!!!!!!好靚呀救命!!!!!!!又藍又綠咁~~~~~~即刻目的地都唔去!!!!將架車調頭落海灘望望先啦~~~~
由於落到去發現搵唔到位泊車....咁岩線落到去一個有水上活動玩既地方...見佢有停車場假泊入去...佢問我地係咪玩水上活動..我地話唔係...佢話如果你想停低淨係去游水就500円=38hkd可以俾我地泊全日...見又唔貴~咪泊囉~橫掂都無地方停車~~~~一跑落去~~華~~好靚呀~~~~~~~呢個海灘既海岸線唔算長~~
其實我地都唔知呢個叫咩海灘架~沖繩既海灘大大小小真係唔知有幾多個.....總之如果唔係特別話要去某一個....咁就你見到覺靚就衝落去就得啦~~~~~
你話喇...係咪毛寶哥張最靚喇~~~梗係啦~因為係我影架嘛~幾有味道~
寶寶也來留倩影~(好可愛)
但係沖繩既海灘我就唔建議你赤腳浪漫行喇.....因為佢地d沙....係一d都唔滑既呢...大部分都超多珊瑚.....超卡腳呢~~
最好就好似我咁著鞋行啦..除非你游水~
好靚呀砌得~~但唔係我地砌架~~人地砌完我地執人口水尾跟影~~~
我和我媽的合照.....本身我都覺得我對腳又白又滑(我強調係本身以為).......又唔覺得太特別好肥....但一拍埋我媽度..........er...阿姨....你的腿怎麼可以幼成這個模樣???重點係你沒有把你的幼細白滑長腿遺傳給我呢!!!!!
我地醒呀~~~我地有帶自拍神器同我地一齊去旅行~~(提下大家~原來自拍神器係某d國家機場會被示為伸縮性武器...所以不要hand carry上機呀~).....呢個海灘大風到呀...睇下我個頭就知...好似想吹甩我對con為止~~
瘋狂傻傻的自拍~~~~~
呢張使唔使咁chok呀~~~~~仲要無夾過兩個都係咁既角度~~~wakakakakaa~~
超喜歡這張向天影的~寶寶在右下角有搶鏡~
好咯~雖然是無無聊聊的在海灘一輪瘋狂自拍~但係我都覺得好開心~~~因為真係好靚呢~~~拜拜靚靚不知名海灘~
2014/10/30的開心事:
唔......今日見到你囉~
快d到聽日放工啦~~~~
人地周末好多野做呀~~~
我好想去迪士尼玩之前粒暗瘡會謝~
等我同鋼牙大鼻可以影張靚相呀!!!!!
最乞人憎啲暗瘡生喺嗰啲位,我啱啱都整咗粒大嘢喺人中隔離鼻窿對落少少.
回覆刪除個沙灘咁靚有冇後悔冇帶泳衣太陽油?
我都係哥個位呀...我用左好多方法去殺死佢..算有小成績~~如果唔係就唔靚靚咁樣去迪士尼喇~~
刪除我有帶太陽油~泳衣都有帶~不過我係唔識游水~
生暗瘡證明你種青春呀哈哈!!!
回覆刪除D玻璃製品好靚呀...同埋呢...係咪日本製貴過越南製架??
海灘有冇貝殼係到呀>_<
唔......我唔想生暗瘡呢~但又想後生喎~~~
刪除又唔係喎~~~我見差唔多價~
都有架~不過我無去執~
偷懶後果,就係生暗瘡~~~哈哈哈
回覆刪除嚟香港玩得開心D
又偷懶~偷懶~偷懶
刪除哈哈~~係呀~~~都係我衰啦~~~掛住開p~
刪除噚日真係好開心呀~
你都話我玩得開心d咯~~~~噚日邊有時間寫blog喎~~~
刪除又係喎,我錯~~~收番一個偷懶啦
刪除多謝:]
刪除睇相都見到啲沙好粗吓,水超靚又清又綠﹗
回覆刪除係呀....行到隻腳超痛~~~(好彩我醒有著鞋~~)
刪除係呀~~~~~海灘真的超美~~
真係點解媽媽對靚腳竟然無你份,太過份喇!如果有埋就一百分啦!
回覆刪除佢對腳出哂名又白又滑又長又幼~~~我輸了~~~
刪除陽光海灘都喺沖繩標記,
回覆刪除玻璃產品好靚,可以自家試整就好喇!
日本好多產品都喺祖國貨,要睇清楚!
去到沖繩真係好開心~望到咩都覺得靚~
刪除最衰我無預約啦~~~
係呀~~所以d玻璃係沖繩製的我先買~~
寶寶很搶鏡!XDXDXD~=
回覆刪除去到邊佢都係最搶鏡的~
刪除藍天白衣人…呢張枂至鍾意…超正|
回覆刪除係呀~~天氣好好~影咩都靚~
刪除您的玻璃碗無出鏡喎,怕醜嗎?哈哈哈~~~~~
回覆刪除駕內街其實都好玩呀,隨時停都得。
我覺得您都有Auntie 的好遺傳呀!
您45度臉都超OK喎~~~~~
哈哈~~我其實唔記得左影佢~~~~
刪除但係毛寶係車手~~咁慢又成日停紅綠燈佢覺得悶~
wakakakakkaa~
今天・゚康復些回覆大家呢
回覆刪除天氣得22度・゚轉涼好多呢
・゚。大家都要著多件衫呢¤*¨
你點呀?????感冒了??
刪除唔洗理有名無名, 開心就得
回覆刪除其實有時去旅行自己發現到d野~比起搵到旅遊書所講既野...開心好多~
刪除下次莫非係我地七公一齊玩整玻璃??:):):)
回覆刪除下次七公一齊食海鮮添~
刪除自拍神器真係幾掂喎
回覆刪除無人幫人影相時超好用呢~
刪除