2014年10月28日 星期二

沖繩陽光海灘海鮮自駕遊之旅2014-09-28第二天Part 1(晴天)

今日先星期二咋....唉~點解好似過左好耐咁既呢個禮拜....係因為今日幾多野做下定係因為我太期待下周一呢~~~~好想快d到星期五呀~~~



2014-09-28
Day 2---Part 1(日本,沖繩 Japan,Okinawa)
哇~早晨~第一晚訓得好爽~唔使鬧鐘叫都自己彈左起身~天氣好好呢~我地間房個窗對住國際通呢~




之後我地預約左租車公司OTS今日9點攞車....我地係網上預約左會免費黎酒店接我地去攞車~開頭都諗...佢點同我地相認接我地呢~點知我地一落大堂(我地提早左10分鐘)....就見到有個叔叔攞住OTS既標誌等緊我地~跟住我以為攞旅遊巴車埋其他人一齊去攞車...點知...佢帶我地上一架的士!!車我地去~~哈哈~~我地就係DFS Galleria呢個商場入面既OTS分店度攞車~都幾多人下~~不過都算幾快~15分鐘左右就搞掂個手續~




係呢度仲可以平少少咁多買d景點既入場劵~(有琉球村啦鳳梨園啦水果樂園啦~之類之類~租車時可以睇睇~)...如果一早知自己去邊幾個景點就不妨係呢度買定先~慳番d買飛時間又平少少~(不過要俾現金~)...我地就買左沖繩美麗海水族館既入場劵喇~原價1,850円=140.6hkd...係佢呢度買係1,600円=121.6hkd...都平成20hkd一個人架~




我地辦好哂手續俾哂錢之後就落下一層~有職員帶我地去攞車喇~你好~呢架車就會陪我地4日喇~講講租車費用先~基本租車費用(4日)9,072円+免責補償保險6,480円+安心保險2,160円=17,712円...由於匯率低~我地梗係唔俾現金租車啦~~當時兌hkd既匯率係7.02左右...即係1,243.4hkd!!如果俾現金就係1,346.1hkd~~華~平左100hkd~叻~咁依家每人每日才103.6hkd!!抵!!不過唔知呢隻車4個人去既話夠唔夠放行李喇...我地一個大gip兩個中gip其中一個已經要放前面~




領教過冰島同埋澳洲既GPS...沖繩算係幾準下(雖然都有玩過野~)...而且d轉彎位提示都好足下~一去到就黎轉彎佢會放大個圖提你~唯一缺點係佢把普通話女聲d語氣好差~~會講:向右轉...馬上!!!!!......而且沖繩的GPS好方便~只要輸入目的地電話....又或者mapcode都可以搵到~~~而且入電話都多數搵到~~景點就入mapcode都ok~佢攞車時會俾一本指南你~有好多景點既mapcode都有齊~仲有提一提...可以係GPS度整話唔要行收費公路...咁就可以避開好多收費公路架喇..我地玩左4日先至行過兩次...至於點整...就係員工教你點用GPS時叫佢幫你整埋啦~因為都係佢主動幫我地整我地先知~




好啦~去食早餐先~~~我地成功揸車去到我地既第一個目的地~~泊Iyumachi魚市場.....地址:沖繩縣那霸市港1-1....電話:098-868-1096...營業時間:06:00-18:00...網址...華~有個姐姐露腿呀今日~~~就係影完相之後....灑左...一分鐘既密雨......哈哈~




其實真係幾鐘意行日本既魚市場~因為乾淨~多野睇又無異味~不過要留意既係...有d鋪頭星期日唔開的~呢個魚市場比第一牧志公設市場細d...但感覺上就無咁迫同埋無咁多遊客~






終於見到傳說中既1,000円=76hkd有3盒刺身既鋪頭喇~(就係入口右邊第一間~)..超多blog友都有講的...真係幾抵~任揀3盒才76hkd~不過我地睇定d先~




逛下其他魚檔~目不瑕給呢~






跟住行過有一檔....佢呢個魚缸係有我耳仔咁高....睇下佢隻蟹幾大!!!!!!仲有右邊哥隻巨型夜光貝!!!!我諗佢已成精~~




行行下就開始望到我地既目標~~~慢慢就將1,000円3盒哥種刺身忘記得一乾二淨~~~~~~~~








我地買左幾樣海鮮之後發現無地方可以食....佢有枱有櫈...但係枱同櫈就唔係放埋一齊的...距離超遠...都唔知揀枱好定係櫈好~~~~~跟住見到市場入面一千零一檔有得坐低既熟食檔~~~~~~即刻衝入去~~




咁又無理由話咩都唔叫坐人地d枱櫈架嘛~咁梗係要幫襯幫襯一番~不過又係呢種先買飛後取食物既機~~係一粒字都唔識睇~~唯有撞下啦~~~~~




毛寶想食茶漬飯....買飛時見有個漬字就買.....點知一黎~~~原來係吞拿魚漬既丼飯~~~680円=51.7hkd....er.....太平宜了吧~~~仲要跟埋麵豉湯呢~~~我仲另外叫左隻溫泉玉子50円=3.8hkd....好好味~~價錢真係好良心~如果係澳門邊有4蚊一隻既溫泉蛋賣呀....1/4隻都買唔到呀......個吞拿魚漬真的不錯!!見到碗入面右上d綠色一粒粒嘛??就係沖繩響噹噹特產海葡萄!!!!!!!!!好似蟹籽咁爽~但係係海藻類~健康野~要食多多~




我本身想叫杯茶飲...見有個茶字咪禁制買飛囉~點知.....今次真係茶漬飯~~~~380円=28.9hkd...係喎...點解我咁傻仔當時無諗...點會賣成$30一杯茶呀白痴~~~咁錯有錯著啦~我將呢個俾毛寶食~我食吞拿魚漬丼~這個將吞拿魚用熱湯燙至半熟.....味道很好咧~~~~~~~~而且口感很嫩~~~~~值得一試~而且係澳門$30都食唔到個碟頭飯....呢度已經有吞拿魚吃了~




頭先講既...只係我地早餐既一部份~~我地係其他魚檔既收獲~~~~點先~~~勁唔勁先~~~~~~~~~~




這個一定要介紹~~~~因為食完我先番黎上網睇睇~原來食吞拿魚刺身係分兩種的...一種叫赤身(頭先個吞拿魚漬丼就係赤身喇..肉紅紅的..佔全條魚既50%).......另一種就係拖羅(肉粉紅粉紅的....佔全條魚少於30%)...拖羅還有分大拖羅同中拖羅(有d會有再細分d)....由於拖羅係魚腩位...郁得比較少~所以脂肪又多d~(跟我一樣~)....而大拖羅又比中拖羅肥美一點...(以上係我上網睇既總結~)..........以前淨係知食大拖羅一定係貴野啦...而自助餐既吞拿魚刺身又多數係赤身...唯一一次食過大拖羅就係2008年同狂歡二寶去大阪的黑門市場買既一盒1,000円=76hkd 4件既大拖羅壽司.......但係係沖繩...這麼大的一盒大拖羅..............係2,000円=152hkd咋!!!!!!!!!!!!!!!!!!!!!!!!!!!!!平到喊!!!!!!!!!!!!唔食真係對唔住自己~~~入口真的真的肥美到不行!!!!!!!!!!超抵食!!!!!!!!!




第二樣俾我地睇中既就係呢盒.....雖然我地對魚無咩研究...亦唔識日文....但係一睇佢令令的魚皮同魚肉顏色...我同毛寶同時叫出:係秋刀魚呀!!!!!!!!!!!!上年係澳門係餐廳食一條係$220.......呢度雖然唔係餐廳亦唔係砌到靚靚原條上...但係一盒只需500円=38hkd!!!!!!!!!!!!(我看了價錢後擴了擴鼻孔表示驚訝.....平到喊~~~~~)....好好好好好味呀~~我好喜歡秋天吃當造的秋刀魚刺身~正正~如果係點酸汁會更正~~但係呢個價真係無得挑剔~~~~~真係超新鮮~




生蠔一個250円=19hkd....雖然很平...但沒有給我很驚艷的感覺...其一原因可能因為佢係開定哂擺係度俾人揀...其二係我比較不喜歡味道很creamy的生蠔~還是喜歡pacific oyster多一點~




原個即開海膽..一個1,000円=76hkd...好變態咁買左每人一個~~~~好好味呢~~~~(不過有其中一隻個味好搶...懷疑變了~)




早餐我地吃了8,240円=626.2hkd...每人吃了208.7hkd...以海鮮來說的早餐...我覺得平到癲!!!當年係築地食左間唔係幾出名既壽司都要200幾hkd一個人了~




這個泊Iyumachi魚市場...真心推介去~好正~唔怕多遊客~而且真的很平宜呢~~~~~~~~~~~~~~(我們那天吃得超飽~我未試過早餐咁heavy~嗝~)







噚晚已經自己發哂花癲上網狂睇迪士尼地圖~
我好想同鋼牙大鼻影靚相呀~~~
點知睇下睇下發現...
我最鐘意玩既飛越太空山..........星期一開始..
會進行維修保養............嗚嗚!!!!!
無得玩喇!!!!!咁我要玩兩次灰熊山谷個過山車~
希望星期一會好天啦~



2014/10/28的開心事:
確係無咩~
夜晚食左姑媽整既咖哩雞囉~

31 則留言:

  1. 嘩!!你露脾呀!!收藏啦要!!毛寶著得咁花喱碌嘅

    回覆刪除
    回覆
    1. d衫著得好多下喎..華~~咁我著比堅尼咪不得了~
      睇清楚d...佢個袋黎架...老眼昏花

      刪除
  2. 嘩!!!我見到D魚生流晒口水啦!!種要咁平咁新鮮T_T
    我都覺得時間過得好慢LO=.=
    明明好似過咗差唔多半年,點知先過得兩個月=.=

    回覆刪除
    回覆
    1. 係呀係呀真係好平呀~~
      都唔係既~好好享受你既大學時光啦~出黎做野就無呢支自由自在既歌仔唱架喇~

      刪除
  3. 好正,好想食呀。~~~引到流口水

    回覆刪除
  4. 哩度D食野真係平到要喊住食
    可能你早去有拖羅,我唔見有呀>.<

    回覆刪除
    回覆
    1. 哈哈~~~係呀~~~真係激正~~~
      我地大約9點幾10點去到囉~~~你上次係咪下午先去到呀~

      刪除
  5. 哈哈哈...個GPS把普通話女聲咁衰呀...要"向右轉...馬上!!!"...呀!!! 哈哈哈...笑C我......
    一望你哋租車張相就被毛寶個袋吸引著了 好靚呀~~~~~

    回覆刪除
    回覆
    1. 係呀超衰呀把聲!!好反感~~
      係呀上次係英國買的~

      刪除
  6. 好抵食呀~~搞到我都好想食呀, 可惜我唔識楂車......><
    點解個度物價仲低過香港/澳門既................咁住個度咪好開心:)

    今日星期三喇~~~ 好快就放假架喇 KEKEKEK~~

    回覆刪除
    回覆
    1. 搵d識揸車既朋友~~~~我都唔識架~~
      我覺得真係低過港澳囉!!(食野哥方面咋~)
      希望快d到聽日收工啦!!!!

      刪除
  7. 早餐都咁正,最緊要吾貴,抵啦,我就無福消受啦,我只可以食幾件咁多魚生,生蠔,海胆我又吾食,唉>_<

    回覆刪除
  8. 勁多海鮮,去沖澠唔食海鮮真係對唔住自己呀!

    回覆刪除
  9. 您地計劃得好好,save a lot of $$$$$。呵呵呵~~~~~
    飛越太空山,下次再去過。永遠有期待,才有理由再去過。

    回覆刪除
    回覆
    1. 梗係~~~慳得就慳喇~~~
      你講得岩~~~我再再再去過玩呀~~~

      刪除
  10. 回覆
    1. 下次你都可以諗下自駕遊黎沖繩喎~好正~

      刪除
  11. 如果愛食魚生的去到一定勁開心

    回覆刪除
  12. 其實唔識渣車係咪玩唔到沖繩呀? 見而家紙水好吸引, 去沖繩平, 但真係無人識渣車呀

    回覆刪除