今朝本黎心情幾靚...一個唔該又俾人整到落谷底....你真係令人心情由高點變低谷既專家~~不過我係唔會咁易俾你打敗的~~~~好開心呀~~今晚本身無飯食煩緊夜晚食咩好~貞同i子約埋我一齊食飯~好開心~叫左3個主菜2個小食....每人先$50!!在那找~~~~平到~~~
2014-09-27
Day 1---Part 2(澳門 Macau->香港 Hong Kong->日本,沖繩 Japan,Okinawa)
係酒店擺低幾両又再出去~~夕陽下的國際通~~國際通好多手信買的~不過我地第一站~~唔係買手信~~都幾大風喎~唔知同外圍打緊風有無關呢~
第一站就係黎到呢個平和通商店街(張相係頭先搭的士哥時影的~有d手震~)....就唔係黎行街既~~係要黎食我地係沖繩既第一餐---下午茶~~~地址:沖繩縣那霸市松尾2-10-1
咁岩線行過有支支菠蘿食~咁就食下午茶前先開開胃囉~120円=9.1hkd.....好鐘意佢呈梯型既切法~好甜呢~~~毛寶話佢地哥條有渣~我就無喎~
行到條商業街既中間十字路口位轉右就會見到個隱閉既入口~~黎到了呢個第一牧志公設市場~~樓下街市營業時間係08:00-20:00.....樓上美食區10:00-19:00....電話:098-867-6560....網址.....地下好多野買架~~有海鮮...土產食品..肉店同小食店~~我見有好多的醃漬物賣~~好吸引~~佢地咁大方~~應該想買既話可以試到你飽為止~~不過我地無咁做~~要留肚呢~~~仲最出名既豬頭賣呢~~
豬頭應該同豬耳口感差不多吧?不過我地無買呢~
hehe~我地梗係要行下海鮮檔啦~~~~~揀下午茶時間黎喇~~(我地哥時係5點幾左右~仲唔係下午茶~)..見到好多藍藍綠綠既魚...唔敢試~~唔知咩味~~我地行左好幾檔~跟住見有檔識講"廣東話"的...咁就同佢吹兩咀睇下佢d海鮮岩唔岩價
這是沖繩特產夜光貝呢~~記得見到要一試~
呢盒就係我地揀既海鮮喇~~~不過呢...佢係有d古惑架...雖然我地揀咩都好...佢都會話平幾多幾多俾你...之但係佢放d海鮮落你個盒度就真係要睇一睇喇!!!!因為媽媽話想食龍蝦佢就 快快手放左隻落黎話計平d....點知我媽一睇:呢隻死架喎!!換左佢!!...佢先死死地氣換咋!!!小心d!!(如果得我同毛寶就實俾佢呃左食埋都唔知~)
揀好之後俾哂錢佢會問你想點整架喇~可以一味兩吃既.....講好哂之後會帶你搭扶手電梯上一樓d熟食店度坐.....由食店幫我地加工....好似每人每三樣加工費係500円=38hkd..又唔算貴~
佢加工費唔算貴~可能係博你坐低就叫下酒水~叫下其他沖繩料理食~
咁我地坐低都叫左支360ml既瑞泉泡盛飲飲~1,000円=76hkd....都唔係貴~不過泡盛既口味我麻麻地鐘意~因為可能我鐘意飲d有甜味既酒~呢隻泡盛酒味濃度太高~~~
右邊的係北海道來的海膽...4,000円=304hkd...不算便宜呀~但係幾鮮甜~~~左邊既帆立貝刺身係海鮮檔送俾我地的~都唔錯地幾好味~
0我~~~我地頭先叫d海鮮黎喇~~~我第一次食那麼有派頭的刺身船呢~~~~好雷呀~~~~~~~~(不過我地呢餐坐得好辛苦~~因為安排左坐榻榻米呢~~隻腳同屁屁痺哂~)
好喇~講下d海鮮幾錢先~左下龍蝦5,500円=418hkd...鮮甜彈牙~正!!!左上係唔知咩貝呢~800円=60.8hkd..見唔係幾貴試下~都幾爽幾好味~中間就係頭先哥條魚~我都唔知叫咩名...我媽堅稱係喜知次...我話邊有咁平呀!!感覺佢係一條大眼雞~~有無人識係咩魚??3,500円=266hkd....刺身的超好吃~~右上就係大名鼎鼎的夜光貝了!!800円=60.8hkd....咁大隻又唔算貴喎!!!!真係值得叫黎一試!!!鮮甜爽爽的口感幾得意~右下就係生蠔喇~400円=30.4hkd(一隻)....即開的~好好味~~好有海水鹹味~好新鮮~隻刺身船真係太正了~
以下係一味兩吃~除刺身外夜光貝既另一食法係蒜蓉炒...不過我唔建議咁食...寧願食哂刺身算....蒜蓉炒佢搶哂味...仲加埋黑椒....超重味...炒完之後貝既肉質超硬!!!可能佢炒到過哂火!!
魚既第二個食法我地揀左燒~燒魚燒得好香~剛好~肉質嫩嫩的~被毛寶和媽媽搶吃個一塊肉也不留~
個龍蝦頭同d殼要黎煲麵豉湯飲呢~~~超級的熱辣辣!!好好味呀!!!!!食完刺身有d超熱既湯飲下一樂也~仲要係好鮮甜既龍蝦麵豉湯~感覺好上等~除左個炒夜光貝之外~其他既加工都做得唔錯~
呢餐下午茶我地總共食左19,000円=1,444hkd...每人481.3hkd(拿~我無話過我地係慳家團呀~)...咁既然黎到~梗係咩都食啦~講真~呢個價係澳門又真係食唔到喎~....雖然第一牧志公設市場就比較遊客化d(我地仲分別撞到兩個同事)...但係食物新鮮度黎講係比較滿意的呢~(雖然我認為比其他漁市場會貴d既)...呢個下午茶好滿意呀~~
2014/10/22的開心事:
我呀~今日有新鞋著呀~
其實事緣係我著開哥對皮con開哂口話要食飯...
仲要係兩隻一齊開口~迫住買新鞋~
著左今日駁咀都駁得威猛過人~
哈哈~
本身我想今晚都繼續懶懶的過~
唔寫blog~
但係今晚食飽飯哥時....
i子:拿~依家同你食飽飯喇~乖乖地番屋企寫blog喇~我聽日要睇呀~
貞:佢星期一咪講左話今個禮拜寫少d囉?
i子:星期五六日已經無寫喇喎!唔準連星期一至四都剝削我呀~
咁我就做左乖乖學生咁番屋企寫blog了~~~~~
好喇~講到呢度先~~
我依家要去曬衫喇~~
好忙~
咁10幾歲同20歲都差好遠呀:(
回覆刪除我驚到暑假又升返呀!!!
我見到龍蝦同夜光貝好想食呀 (心心眼
如果有個人督住我寫BLOG就好啦!!我種懶過你呀哈~
er..係呀~~其實都差好遠架~~
刪除應該唔會升得咁快卦~~不過就暑假去機票會貴d~
好好味呀~~如果去沖繩食下啦~~
wakakakaka~~我成日都俾人督住我~~
邊個令妳去到谷底!!~~~柄佢.......唔好唔好開心啦..........
回覆刪除龍蝦刺生正呀、夜光貝味道如何呀?
好耐冇話過妳偷懶啦~~~妳又偷懶啦
刪除我就冇偷懶、一連起寫咗四個blog呢~~~
好啦~~~~妳take care呀
如果可以柄佢..我都想~~
刪除夜光貝肉爽爽的~鮮甜的螺味~
哈哈~~上個禮拜又真係懶左d既~~
刪除咁勁~~~我去睇睇你係咪真係咁勁先~~
☁*¨★`快樂時間過得好快又係時候說晚安安¤`•*¨*
回覆刪除周末去左邊度玩呀~~
刪除嘻嘻,我好想知,叫左3個主菜2個小食....每人先$50,係邊到?魚生好新鮮,可惜我無福啦,我只可以食少量魚生>_<
回覆刪除係水坑尾間驛站~會只先入得~不過真係好抵~
刪除係呀~~咁好慘喎~係咪會肚仔痛呀
腸胃敏感,好容易去廁所>_<
刪除咁都係小心飲食好~
刪除其實呢 因為之前你講呢個星期可能會寫小啲blog 咁我都無期望今日睇到新網誌的 但係呢你又好乖的更新了 開心呢 有新網誌睇 ^^
回覆刪除嘩!!! 隻刺身船真係好壯觀呀! 呢個下午茶真夠氣派~~~
係呀係呀我真係有乖呀~~~hehe~~
刪除無錯~~第一次食咁有氣勢既下午茶~正~
伯有真係精明,想攞隻死龍蝦呃你哋冇咁易......
回覆刪除你哋啲對話好少女,順手要多謝i子小姐唔係冇得睇
係囉...因為佢真係執得好快我都無為意~都係我媽醒~
刪除咁梗係啦..我地真係少女黎架嘛~
沖繩人真喺唔同日本人
回覆刪除文化喺近似中國好多
有蒜蓉炒、又有豬頭肉、又有苦瓜……
哈哈~都係~
刪除而且仲有好多人講普通話~
真係要多謝i子喇,督促住呢個想偷懶嘅小t!
回覆刪除'開哂口話要食飯....."你寫野真係精景到不得了.我呢幾日都有對鞋爛左,不過佢係想辦大事,係後面開大口啫!哈哈!
hehe~想懶一個禮拜~我真係好懶~
刪除你都形容得好好呀~~~~~笑屎我~~
坐榻榻米食飯實在太辛苦,通常食一陣要企起身XXD
回覆刪除係呀...我隻腳痺哂囉~~~
刪除嘩,食豬頭?
回覆刪除沖繩應該有華裔日本人囉!
海鮮,正呀~~~
我無食呀~
刪除咁應該都有既~~~度度都有華人嘛~
好好味的~~~
人多真係好可以叫多幾款,之前好想要個夜光貝貝殼種肉肉,同埋好想知佢夜晚真係會發光嗎^^
回覆刪除係呀~~最好多d人去食更多添~
刪除下~~~~~~我又真係唔知喎~~早知幫你攞番黎啦~~
hihi
回覆刪除我又嚟探你啦~~
夜光貝讚呀
又有遊記睇,好嘢^.^
你呢你呢~~~我幾時有遊記睇呀~~~
刪除一場黎到,唔整返隻勁船,對唔住張機票啦!
回覆刪除係呀~~~~所以我地都放任咁食~
刪除