2014年10月20日 星期一

沖繩陽光海灘海鮮自駕遊之旅2014-09-27第一天Part 1(晴天)

華華華~有人正式踏入3張野喇~從此同20幾歲說拜拜~星期五:毛寶煮左餐好好味既生日飯我吃呀~平時係少爺仔黎架嘛~估唔到你煮飯又幾好味喎~...星期六:毛寶請左我去觀光塔飲茶~多哂~...->剪頭毛迎接一生只有一次的恐怖30歲~(有那個歲數唔係一生只有一次?)->七公子為我同杯子搞左個60大壽~(何謂60大壽?兩個30歲的人走在一起就是60大壽囉~)...係金龍擺左圍慶祝慶祝~多謝公子們~蛋糕超精美~....星期日:毛寶為我準備了生日午餐~也是親手做的呀~~~實在太窩心了~~很好吃~~..->去左UA睇失蹤罪(Gone Girl)->去左venetian行左陣->夜晚媽媽請了我去吃天政既呢~實在很好吃!(鼻孔噴氣狀)...我的生日周...就在這又飲又食中渡過了~謝謝每位為我慶生的人~謝謝~



哈哈~~今次沖繩之旅我都影左成800張相~計埋毛寶iPhone哥d~有成800多張~~~巧勁~




2014-09-27

Day 1---Part 1(澳門 Macau->香港 Hong Kong->日本,沖繩 Japan,Okinawa)
咦~今次既進展好快呀~我地唔係由碼頭既相講起~~由機場既相開始講起~~~(因為碼頭個check in位搬左~空間好窄~~影唔到~~)哈哈~~~哥日我地朝早搭7點半船由澳門直接坐去香港機場~按照慣例要早一個鐘即係六點半到碼頭(好多謝毛寶豬揸車車埋我同媽媽去碼頭呢~)....check好in....發現好神奇....今次哥間航空公司去到香港唔使自己再抽番d行李check in....而係係澳門直接去到沖繩...我初頭仲半信半疑~問完碼頭哥個人...去到香港機場又問check in哥個人~~~~~~



到左機場禁區入邊之後我地就去搵野食~今次本身有大好既機會食勝博殿的.....但係...早餐時段食又未免太heavy....同埋我病了又未好番~最後....食左麥當勞熱香餅餐~~~~~好耐無食過麥叔叔喇~~早餐時段的香港機場美食廣場超多的人~好辛苦先搵到位食野~~~




hehe~~~~~~要出發了~~~~今次我地乘搭香港航空(Hong Kong Airlines)既HX658號11:10班機...由香港~直飛日本的沖繩(Okinawa)~~~~~~~~今次既成員有:我..媽媽..毛寶..阿寶同埋驚嚇男~~有無人發現到驚嚇男係邊??(毛寶影得寶寶好醒目呢~~~)







跟坐我就發現左一樣野...應該係全世界得我一個人發現...與我3次同行既人都無發現!!!!!就係.....................我今年係香港飛左3次...一次澳洲(維珍航空)...一次東京(ANA)...一次沖繩(香港航空).......但係3次都係飛36號閘口呀!!!!!!!!!!!!!!!!!!!咁岩線既~~令人覺得好興奮呀~~~(係呀我係傻架..但我真係覺得好興奮XD)




我地今次都係用特區護照出發呢~~~~~睇下阿寶~~~佢今次因為去沖繩咁熱既地方玩~~已經醒目地換上背心出發呢~~~之後我揸住阿寶隻手同媽媽say hi...我:hi~阿姨~(不停揮手狀)....點知我媽超冷淡:er..hi...........我:乜你咁對人架...咁冷淡同個可愛既小朋友打招呼既????.....媽媽:er...其實點解...你鐘意親d野都係咁核突既????..............我無言...我想答一句:媽...我都好鐘意你喎...咁...................................




第一次搭香港航空咋~.....出發前都驚左好耐...因為沖繩真係好容易打風....我地去之前有個風打去....打到橫風橫雨....係出發前兩三日...又話有個風去緊喇~~~所以帶住驚驚既心情出發~~~港澳都超好天呢~~




遲左20分鐘登機~不過都可以接受既~上到機又做我最喜愛的填入境表~毛寶和媽媽已呼呼入睡~(點知個空姐派少左張黃色既物品申報表俾全機人....又要我係現場再填過)




飛機餐黎喇~~~(可以講係一個餐嗎??)....飛機包黎喇~~~~毛寶係訂機票時話想玩下:不如試下訂素食餐睇下乜料~(因為佢平時好驚食哥d好咸既飛機餐)......點知一黎....毛寶超歡喜~望落個包又真係幾新鮮幾正喎!!係蕃茄青瓜生菜芝士治~由於係特別餐會先派....我就流哂口水望住佢食~(驚嚇男d戲好真~)




普通包來了~er.....原來係一個午餐包......唔難食既..不過都唔係話好好食囉~~~~~下次有機會再搭香港航空...我決定訂素食餐!!!!!!




經過2小時20分就到左日本既沖繩喇~~~~到既時候大約3點~由於我地機票訂得早~可以mark到d前d既位坐~過關都快人一等~可惜既係...過關超快~但係行李等左超耐~~等左成大半個鐘~仲發現呢度既機場服務員好慘....由於唔想太多行李未有人攞而導致條輸送帶唔夠位出行李...所以個女性服務員一人不停狂抽每一件行李落地!!辛苦你了!!順帶一提~原來沖繩機場國際線哥邊超細~得兩條輸送帶~




一出禁區....望左望右...咦~就係咁大喇~哈哈~我地決定呢日唔攞車住~所以我地呢...今次會搭單軌列車去國際通攞酒店~諗住望下指示牌....淨係指住右邊...但右邊咩都無喎...得出口咋喎.......




原來係:一出禁區....向右邊行....出左國際線既terminal.....直行過隔離既國內線terminal!!!!!!!!睇下國內線哥邊大幾多!!!!!!人山人海的!!!!




然後按指示牌上一樓!!!!單軌係同國內線連接...唔同國際線連接的~(好彩只係好近既隔離~如果兩個terminal好遠就有排搵~)




有條相連既天橋過埋去就會見到總站那霸空港駅...咦~沖繩都好似幾好太陽喎~~~~~




好~買飛先~去開東京實識用~唔去開都會實識用(哈哈~~)....望下上面個牌睇睇你去哥個站既區間係幾錢...再係部機度揀價錢->人數->入錢->搞掂~






我地由那霸空港駅去到國際通既牧志駅係300円=22.8hkd~係喎~未講匯率添~由於我地出發之前早三個月換左錢...當時既匯率係7.6...100円=7.6hkd.....但我地出發前一個月...跌到7.0xx....真係覺得自己傻仔左~不過算啦~又唔係換得多錢~(而且我地決定...有咩大數...碌卡就好了~橫掂免手續費~而且當時個匯率咁好~)

我換左200,000円=15,200hkd去玩~加埋上次去東京用淨既90,000円=6,840hkd...我總共帶了290,000円=22,040hkd出發(預左我自己用唔哂~)



好~出發~~~~



單軌列車~唔使睇方向~唔使睇邊條線~方便~




而且佢地d單軌列車好環保的~有日光既時候運行係唔會開燈的~不過有d迫..因為個個都係攞住大型行李由機場出發~有d難落車~




華~天氣好好呢~(我既擔心係咪多餘?定呢d係暴風雨前既先兆????)




大約搭左20分鐘8個站...就去到牧志駅~得兩個出口...問左職員..去我地間酒店係左邊個出口~




由於毛寶導遊話行過去要10分鐘左右....所以...我地............試搭左人生第一次的日本的士~~~~~~~~~~哈哈~~其實真係一條直路...好近的...但係個的士叔叔都好好人無話拒載~(如果係澳門應該超多粗口出左).....短短幾分鐘車程(因為計埋有少少塞車~)....司機叔叔超有禮貌搬行李...由於我地間酒店係對面線..佢仲特登轉埋過橫街停俾我地落車(因當時好多車好難轉線的..真感動).....車費係500円=38hkd~~由於聽聞日本的士好貴的~~今次用呢個價有呢個體驗真係超值!!(你地懶就懶啦~~~)




我地第一..二..四晚既酒店~~叫Hotel JAL City Naha...地址:900-0013,那霸市, 牧志 1-3-70.....電話:098-866-2580....間酒店就係位於國際通~好方便~停車場每晚1,000円=76hkd....我地係透過booking.com進行預訂的~




係日本黎講...我覺得呢間房算係幾大架喇~~唔知關唔關係3人房事???頭兩晚係32,550円..第四晚係15,750円....三晚總價48,300円=3,670.8hkd....除番開每人每晚407.9hkd..晚晚都訓得超好~抵~而且住開東京都會覺得呢度個廁所算係幾大~




佢仲有個位幾細心~~就係有iPhone 5個差電插~~~~方便~







2014/10/20的開心事:

今天晚餐...
是我很愛的麥叔叔呀~~~~
好好味~~~兩隻雞翼~一個豬柳蛋漢堡~一包細薯條~
多謝$24.5~~~至於點解今晚無飯食..
你拉落少少再講~



好想講下失蹤罪(Gone Girl)呢套戲~

真係.....好好好好好好睇!!!!!!
條橋我真係無諗過呢~~~~~~~~
雖然我星期日先睇....套戲已經上左好耐下~
但我盡量唔去聽人地講..唔去睇影評...
唔去睇故事簡介!!
結果係....我發現我好鐘意睇呢類型既戲呢!!!!!!!
我會再睇!!!!
最近睇過兩套很好看的電影(Begin Again同Gone Girl)
很滿意~~~~~~~~~~~~~~~~我真係好鐘意睇戲!



我想講呢~~~

我有一樣野真係好開心的~
就係呢~我托麥公子呀~
佢岩岩去左德國旅行~
請佢幫我有空看看~
還有沒有德國隊的3星波衫賣~
點知真係搵到呀~~~~~~~~~~~~~
還要在減價發售中~~~
仲幫我印埋字~~~
星期六我就收到Ozil bb的8號波衫~~~~
蓋在身上的感覺...就像偶像在抱住我一樣
唔好再講喇~~~我好怕醜!!!!!!(心仔仲怦怦跳中)



O~

我娘就在我30歲的第二天就要去旅行了~
還要去5天~
所以呢~我這5天是非常的忙碌呢~~~~
放工後~我要做吃的我要洗碗~
我要洗衫~我要掠衫~
我還倒垃圾呢~
真係有夠我忙~(係咪望完同大家放工之後做既差唔多咋~)
可能呢個禮拜寫唔到咁多Blog呢~(我又在小題大造~偷懶~)
waakakkakaaa~~~



最後係呢篇特別鳴謝三位~

第一二位好重要呢~~就係30年前好辛苦咁樣生左我出黎既媽媽~~~因為我有成8磅~...咁當然仲有我的爹啦~無我爹娘~點會有咁大粒既我~
第三位就係常常都很鍚我的毛寶豬咯~
為我的生日絞盡腦汁~~~~
只為我有一個開心難忘的30歲生日~
謝謝謝謝謝謝這三位呢~
我的30歲~很~開~心~~~~~~~~~~~~
(這篇文有點長~30歲的輕熟女就是這樣長氣~見諒~)

34 則留言:

  1. 其實29同30都唔係差好遠咋嘛>_<
    唉....你去旅行...我都想去旅行啦T_T
    就算我唔係返緊工,我每晚都要洗衫晾衫T口T
    咦日円跌到7點幾咋?唔知新年歌陣會唔會升呢?
    但係我初六就要返學啦:(

    回覆刪除
    回覆
    1. 差遠了~29我可以話自己20幾歲~依家就一定要講30了~到時你就明架喇~
      我依家都好想去旅行~
      哈哈~平時媽媽幫我嘛~
      係呀~試過7.01咋~超抵~~一係你暑假先去囉~

      刪除
  2. 剛30就咁長.......................氣 ~~~啱晒跑馬拉松啦.........哈哈哈

    回覆刪除
    回覆
    1. 哈哈~~我都未試過跑馬拉松~不過我跑800就已經扯蝦~~

      刪除
  3. 快樂時間真係過得好鬼快・゚☾★又一天啦
    又係甜夢安睡時候☁*¨晚安喇喂¸.•。瞓覺覺豬囉

    回覆刪除
  4. 吾好講咁多,先講聲生日快樂先,沖繩我都好有興趣去,不過我又無朋友識駕車,吾知坐交通工具方便嗎?

    回覆刪除
    回覆
    1. 謝謝~~
      我覺得如果唔揸車就唔係好方便喇..
      因為佢有巴士...但係我咁多日一架都無見過...............................
      輕軌只係集中那霸地區...其他地方無的

      刪除
    2. 咁我要查清楚,才決定去吾去﹗

      刪除
    3. 都係架~有車方便好多~而且租車都幾平~

      刪除
  5. WoW... 乜咁啱嘅?!! 我上個月都去咗沖繩喎!!! 如果有朝一日撞到你我一定跑9條街同你打招呼, 到時唔使驚, 個傻婆唔係有精神病扮識你, wakakaka...
    小t你真有效率, 一年去咁多次旅行都可以咁快就寫好BLOG... 我4月去加拿大的BLOG都未寫完, 而家仲比沖繩BLOG打尖 :p

    回覆刪除
    回覆
    1. 係呀~~咁又真係幾岩喎~~~~哈哈哈~~~唔驚呀~~你記得你話你係拉姑我咪知囉~~
      其實我已經懶左好多~~以前日日都出blog~~~~呢兩個禮拜勁懶~

      刪除
  6. 30之嘛~~怕咩呀,仲咁索^^
    我三次都係5字頭閘口.....
    期待你沖繩呀)))))
    國際線機場已經靚左好多大左好多,上年得個籃球賽咁大咋^^

    回覆刪除
    回覆
    1. 哈哈~呢個數字真係令女仔好驚呀~~~
      哈哈~咁又好有緣喇~~~
      我覺得沖繩好正~所以我都好想寫快d~~~~~
      原來係咁架~~~~~咁已經叫大左喇~~

      刪除
  7. Hi小T,妳有冇覺得36No.是妳幸運號碼喎!香港航空以前是有飛機餐食㗎!但上年六月開始冇得食囉!曄妳間酒店在國際通附近正到比喎!原來妳同杯公子同年一齊慶祝三十歳生日好特別囉!我祝妳每年都有個難忘㗎生日喇!!!

    回覆刪除
    回覆
    1. 唔知呢..我下次試下買六合彩買36先
      謝謝你呀

      刪除
  8. 小t 生日快樂!!! 身體健康!!!
    年齡嘅嘢 好虛嘅啫 數字一個. 而且最重要係你一啲都唔似 .你唔講, 我仲以為你係25,26左右
    期待繼續睇你的沖繩之旅 ~~~

    回覆刪除
    回覆
    1. 謝謝jackie~~~~~~
      算啦~咁都係呃自己~~~~因為我真係到了30~唯有認命~
      謝謝期待~

      刪除
  9. 睇見你阿媽對阿寶既回應,好明顯,佢唔係久經訓練啦。我就唔同呢,我地屋企隻隻公仔都有名架。

    回覆刪除
    回覆
    1. 哈哈~其實佢之前有見過~但係佢就係要窒下我之嘛~

      刪除
  10. 小T,祝妳生日快樂!繼續開開心心四圍遊!我都睇左Gone Girl呀!既然又大一歲,重叫唔叫妳做小T好呢....?莫非要叫中T定大T,哈哈!

    回覆刪除
  11. 30歲生日月真係過得好開心,咁多人錫因為你乖巧人靚囉!
    身邊咁多正能量,就算媽媽去左玩,你都充滿力量做家務.

    回覆刪除
    回覆
    1. 真既~多謝~好開心~
      我有呀~~我岩岩先去左洗衫咋~~因為仲要去收衫~

      刪除
  12. 終於有您的沖繩奇遇記啦!
    哈哈哈,36是您的 lucky number 呀!
    驚嚇男的相個效果好好!
    BTW,生日快樂~~~~~~~~~~~~~~

    回覆刪除
    回覆
    1. yeah~~我無懶到喇~~
      係呀~我下次試下買六合彩買36先~
      謝謝~

      刪除
  13. 我都睇左失蹤罪呀......真係好好睇~
    不過套戲最尾就有d唔明...
    Ben Affleck係最後同佢細妹係間屋講野, 話唔可以同佢老婆離婚, 佢細妹就係到喊....
    咁其實Ben Allfeck係咪同佢細妹有路呢?

    回覆刪除
    回覆
    1. 係呀~好正~好想睇多次~
      我其實....都有好似你咁諗呀~~~~~~~
      但唔知呢...可能要睇多次先明~
      可否寫信去問問Ben Affleck呢~~wakakakkaa

      刪除
  14. 生日過得好正喎~~~祝你KEEP住日日都咁開心~~

    原來沖繩搭的士無想像中咁貴, 咁都幾好喎!!!

    等你既遊記呀~~

    回覆刪除
    回覆
    1. 多謝你呀~~~~~
      因為我地搭得唔耐同路程唔遠~所以先咁平~~~叫做試過下~
      謝謝期待~

      刪除
  15. 咁你下圍都有36嘛
    失蹤罪係幾好睇,但同時幾失望(下刪1000字)
    麥公子去德國有冇遊記睇?因為德國好似好悶......大眼仔抱住你真係唔知醜,好彩買衫啫,買褲咪......

    回覆刪除
    回覆
    1. 我諗唔止36....................
      點解呀??我想聽喎
      無架~佢都無寫blog既~~~~~德國點會悶~如果我去德國一定會去蠟像館睇下ozil的蠟像~~
      買褲無佢個名嘛~~~~~真係好開心~~我仲有聞下添呀...(但唔知聞咩...又唔係佢著過~)

      刪除
    2. 咁你又幾上鏡喎,睇落唔係豪華團
      簡單啲講其實係齣奇情小品,最啱新導演處女作,但導演懶係勁嘢嚟,唯有係佢都要拍番齣商業成功作品;有啲重要細節濛混過關似足葉念琛之流;(下刪一千字)
      陳友咁快有蠟像?......如果著過你聞......變態.....

      刪除
    3. 因為我有個好既攝影師~
      但係我真係覺得幾好睇喎~可能我無諗咁多野~
      有呀~佢好似係最年輕既運動員係德國個蠟像館有蠟像~
      聞下件衫je~又唔係褲~有咩咁奇~

      刪除