2014年4月24日 星期四

澳洲探險自由行之旅2014-03-23第二天Part 1(晴天)

今日...係忙碌碌的一天~不過聽日已經係星期五喇~~~諗起都開心~~~~過左成3個禮拜....每個禮拜都係番4日....梗有一日係公眾假期黎既....黎緊哥兩個禮拜都會係咁樣番4日....我真係好驚到左5月中哥時我係會唔習慣番足5日工架~~哈哈~~~



2014-03-22
Day 1---Part 1(澳洲,悉尼 Australia,Sydney->塔斯曼尼亞,荷伯特 Tasmania,Hobart)
食飽個小型早餐盒就日出了~可惜我哥邊窗係西邊唔係東邊~無緣睇日出了~下次網上mark位我要計埋方位先得~哈哈~




wow~到悉尼了~~~我地到既時間係早上既07:30~~港澳慢悉尼3個鐘的~降落時見到個天色咁....我以為悉尼唔好天添...




入境過海關前先去個廁所定定驚先~~點知佢會唔會好似美國海關咁問咁多野架.....咁就梗係同埋英文最好既神秘團友一齊過關啦~有咩問題都問佢先嘛~點知....過關一句野都無過....連我地將簽證紙都無睇過(大概簽左佢地個電腦就會睇到卦~).....吸左印就過關了~我諗連埋等大概15分鐘左右就過左關了~之後攞行李超快的~也是10分鐘左右搞掂~

好喇...到最驚最緊要既物品檢查哥關.....佢會睇左我地張入境表再分類的....由於我同毛寶同朗公子都係藥物哥個填左"不肯定"標示.....所以我地3個一齊....但神秘團友比我地畫多項係佢帶左奶類制品(其實只係一大包花生醬餅)....所以佢分左去另外一邊...(唔好走呀英文達人~~~~).......於是唯有自己硬闖~~毛寶行先...海關問佢帶左咩.....於是我一於順勢答咀~~搶答話:其實我地3個都係帶左d藥物過關....但係澳洲唔知算唔算係受限制......於是個關員話:下?!無喇??就係咁??........於是就咁放左我地過關~~~gip都無開過....好彩我d下三欄英語都過到je~~~~~不過其後就諗:頂....早知帶熱浪過黎啦~~~.....那邊廂...我地出左去禁區....神秘團友仲未出...我地仲話:死啦...佢肯定有排開gip俾人查喇...都唔知查幾耐喇...係咪衰...學咩人帶花生醬餅過關?!!?之際......神秘團友已經出左黎~根據佢所講...個關員問佢帶左咩奶類製品...佢答左佢之後....佢就同一排5人一齊排排企.....俾隻偵察犬聞佢地個gip....然後....走得~又係gip都無開過~~~~其實...又好似唔係傳聞中咁嚴喎.....其實野食我估帶左....最多記得申報話自己有帶囉.....不過我睇左佢地既規定...又真係無講話唔俾帶薯片喎~~話有d密封既食品..糖果(不含蛋﹑奶﹑肉)..都屬於低風險食品...可以唔使申報的...成盒無開過哥d成藥都ok....如果醫院開哥d就要有處方....唔知我做咩咁驚~~



好喇~出左去之後....咦~搵唔到check-in counter既?毛寶提我:會唔會唔係呢個terminal架?.......係喎~我即刻睇番張機票~呢個係international terminal喎~我地要去terminal 2 domestic哥邊飛~~~毛寶~~你搭完長途機仲係咁清醒既~~~不過望黎望去都唔見有可以去T2既牌既??點知有個舉緊牌等緊人既澳洲人聽到我地望望下去T2...佢就同我地講話出左門口搭TBus先去到....噢~我真係學左好多野呀~~咁我地咪出左門口搵...就見到呢個牌(呢個我係T2 domestic哥邊影的...所以如果你係international哥邊應該個牌係寫住Domestic Transfer Bus先岩~)....我見佢個牌寫d班次好似要成10幾分鐘一班的....咁岩線我地一出就有....一上車我就問司機先生係咪去T2...佢話係..仲問我地咩航空公司以作確認......原來呢種TBus.....係要錢的!!!!!!!仲要係AUD5.50=38.5hkd一程!!!!!!使唔使咁貴呀???????????????點解咁都無免費巴接駁去不同的terminal????????或者無人駕駛哥d????其實都幾遠....搭巴士都搭左成7-8分鐘.....




其實其後我地係T2發現係可以搭Train由international去到T2的....但係都一樣係要錢....wow~英國香港法國都有免費的接駁去不同的terminal....咁樣做法好似有d姑寒喎............T2少人好多~




check完in又入到禁區~搵野食咬~不過發現無咩吸引~最後竟然揀左食麥當當的早餐....毛寶揀既咩咩卷好鬼難食....我揀的火腿芝士多士最穩陣.....受胃部不適的團友繼續嘔吐...同埋沉睡.....鄧佢慘~




邊個同我講話澳洲機場個wifi好過香港好多架.....勁斷線喎!!!!香港好好多呀!!!!!無野做唯有行下同埋搵下個登機閘口...內陸機場黎講佢都算幾大喎~




我地揀左搭jetstar由悉尼去塔斯曼尼亞的荷伯特(Hobart)...其實我地都搭左好多程內陸機....主要內陸機都係virgin呀..jetstar呀...qantas.....我多數揀廉航的jetstar~因為格過價真係平d~呢個gate我來來回回經過過幾次~去同番都係同一個gate~




好喇~我地係搭Jetstar既JQ723...11:30起飛去塵世美的塔斯曼尼亞~




不過廉航的缺點就係:無飛機餐食~好彩上機前食左野~~(哈哈~~其實我都好鐘意影雲既相架~~)




大約兩個鐘....咦~到了呢~~~~~~~~~d海水好似好靚咁喎~個天仲好藍下~~~~~








welcome to Hobart~~~~~~~






哈哈~~荷伯特個機場超細~~攞行李哥度得一條輸送帶~唔怕搵唔到~~




攞完行李出門口....過對面轉右邊行.....就見到有car rental既牌......好似個中心咁......好多租車公司係哂入面....我地揀左Thrifty....網址.....揀佢係因為我地會係Hobart租車...但係北面個城市Launceston個機場還車....因為有d租車公司係Launceston機場無得還車....有d又睇唔到d車每日幾錢要問價....揀下揀下得呢間....Thrifty...不過...呢間野勁衰!!!!!!!!!!!!!差差差.....跣到我地灘灘腰!!!!一路睇...一路再數佢!!!!我地租左架日本車....貪佢無咁食油....每日淨車租金係AUD41=287hkd.....計哂所有行政手續費呀...信用卡手續費呀..GPS呀...保險等等...6日4人既租車錢係AUD668.58=4680.06hkd.....即係每人1170.02hkd.....每日才195hkd.....又幾抵喎~join local都唔得啦~呢架就係陪我地玩6日既車喇~攞車時請詳細檢查有無野壞...花之類....再用相機先影低~留個證據




好~出發~~由機場出去荷伯特既市區喇~都幾近的~大約10幾分鐘就出到市區~好好天呀~~~~~~~~~






將架車停低係我地食野間餐廳前面個停車場....呢度係一個碼頭黎架~有餐廳有小食亭~不過我地依家唔食野住~有d正經野做左先~






停低車入咪錶.....呢度AUD2.20=15.4hkd一個鐘~唔算貴~(比起悉尼哥d).....咁又唔係一定要你入哂一個鐘既~如果你入幾毫子都得架~佢幫你計番可以停到幾點的~幾自由~部機用法好簡單....入錢....入到你認為夠喇就按綠色制...佢就會印呢張單出黎架喇~有哂時間印埋出黎~咁你將張單放係車入面擋風玻璃當眼處就得喇~其實我地係塔斯曼尼亞都無咩入到咪錶~因為除左呢度....都無見過咪錶位了~(其實我懷疑大家都係講個信字同公民意識~因為....佢地咁享受生活型...點會check??不過我見個個都有入的~)









2014/04/24的開心事:
今日chlo仔請我食百佳飯團做早餐呀~~~
好好味~~~



報時:距離日本東京自由行之旅2014仲有---58日~

44 則留言:

  1. 乜咁姑寒嘅。。。transfer bus都要收錢?係我個認知下。。。transfer bus should be free ga wo.....

    回覆刪除
    回覆
    1. 我都覺得係囉...所以佢要收錢既時候我有少措手不及呀....周圍搵錢咁囉

      刪除
  2. 哈哈,澳洲嘅immigration唔問嘢㗎,反而美國同瑞士會比較嚴緊啲,會問吓嘢。你哋成日對人講嘢,應對唔會有問題丫。澳洲機場又真係cheap咗啲喎,好多地方terminal transportation都係免費囉。自駕遊真係爽呀。

    回覆刪除
    回覆
    1. 我上次係英國都好嚴呀~~驚驚~唔知架~驚左先囉~驚佢問我野用d好專業既名詞我會唔識嘛~
      我都覺得係囉...所以佢要收錢既時候我有少措手不及呀....周圍搵錢咁囉

      刪除
  3. 又真係姑鬼寒,嚟到你嘅地方玩,好心d transfer bus就免費啦,真係有d趕客
    好正呀又好天,感覺寧靜又舒服,睇到都開心^^

    回覆刪除
    回覆
    1. 我都覺得係囉...所以佢要收錢既時候我有少措手不及呀....周圍搵錢咁囉
      但係呢個地方既天氣變化好大~睇少眼都唔得~

      刪除
  4. 邊一個揸車呀、一定唔係妳啦

    回覆刪除
    回覆
    1. 4個裏面~有一個識揸車~有一個唔識~你自己估啦~

      刪除
    2. 我講錯了~4個裏面~有3個識揸車...有一個唔識~你再估下~~~~~

      刪除
  5. 我試過俾一罐有機提子乾阿仔帶返去,都冇事。

    回覆刪除
    回覆
    1. 生果唔係唔帶得既咩??
      不過乾果我唔知呀~

      刪除
  6. 我好怕坐日出的那邊, 因為日頭一晒到我, 我會唔舒服的.

    回覆刪除
    回覆
    1. 哈哈~~我志在睇下日出影張相~一曬即刻落窗~

      刪除
  7. 飛內陸的TERMINAL, 一切都會差D, 國際TERMINAL會好D

    回覆刪除
    回覆
    1. 呢個內陸既狂斷線...可惜國際線...連線都連唔到

      刪除
  8. 真係好姑寒~咁都要比錢既~ /_\
    個天藍到爆 超級正呀 ^^

    回覆刪除
    回覆
    1. 我都覺得係囉...所以佢要收錢既時候我有少措手不及呀....周圍搵錢咁囉
      係呀~不過仍天氣變得好快~

      刪除
  9. 個天好藍呀...正正正...\(。◕ヮ^)/

    回覆刪除
  10. 同毛寶一齊旅行真係安心好多 幾時都保持咁頭腦清晰 叻呀!!!

    回覆刪除
    回覆
    1. 無錯無錯~同佢一齊去我總係比較安心的~

      刪除
  11. 都未正式開始已經覺得好靚......

    回覆刪除
  12. 回覆
    1. 咁去塔斯曼尼亞係幾好既....好過去大城市哥d~

      刪除
  13. YEAH..又快快手留言先..貢耐冇黎..好彩你仲記得下我..WUWUW..(爆wakakakakak)
    真係完全冇諗過機場內d接駁bus要俾錢..大佬..係你起到貢遠唔方便d人客, 但又要收番我地費用..*~*
    藍天白雲真係好正ar..仲要去出左名靚既地方...

    回覆刪除
    回覆
    1. 點會忘記你~我的好blog友~
      我都覺得係囉...所以佢要收錢既時候我有少措手不及呀....周圍搵錢咁囉
      塔斯曼尼亞風景係真係唔錯既~

      刪除
  14. 你啲雲相好靚呀,其他相又係好靚喎,比起我嗰啲...唉,有啲唔敢再post我嗰啲添,心灰中~~
    天氣好似好好咁,開心呀~~

    回覆刪除
    回覆
    1. 傻啦~我都用傻瓜機影架咋~撞岩天氣好就影咩都係好~我都好鐘意睇你個blog架!!!唔好心灰呀~~~~
      係呀~不過佢d天氣變得好快的~~

      刪除
  15. 好靚呀~我都好鐘意影雲相架~~

    我都好期望有天可以係飛機度見到日出~~~

    回覆刪除
    回覆
    1. 哈哈~~我次次坐飛機都影的~~真係好靚~
      有機會既~~你記得睇埋坐向先mark位喎~~唔好好似我咁失x(唔記得左隻字點打~)

      刪除
  16. Hi 小丅!也澳洲咁姑寒架坐Transfer Bus要收銭咁少家架、嘩第一天個碼頭都咁靚、往後個十四日一定好多靚人靚景睇啦!一個正字!bye!!!

    回覆刪除
  17. 超快過關!接駁巴士要錢,好狼死!

    回覆刪除
    回覆
    1. 我都覺得係囉...所以佢要收錢既時候我有少措手不及呀....周圍搵錢咁囉

      刪除
  18. 自駕遊好正呀!.....D陽光日日咁勁你唔曬到隻燒豬咁走先奇呀,去得旅行有時有D未能預計既洗費都冇所謂啦.....最緊要係開開心心麻。

    回覆刪除
    回覆
    1. 係啦....佢d陽光真係勁猛.....可能d紫外線又勁啦...搞到我依家都未白番呀...
      咁又係~個個團友都係咁講~

      刪除
  19. 神秘人仍然係神秘喎!terminal bus都要收錢仲咁貴添!你地有冇搭過市區巴士?貴唔貴?

    回覆刪除
    回覆
    1. 佢好快就會出現~
      我都覺得係囉...所以佢要收錢既時候我有少措手不及呀....周圍搵錢咁囉
      我無坐過市區呀~悉尼哥度我地主要搭train同的士~

      刪除
  20. 仲有邊喥妳未去過嫁........相信只有男厠.................

    回覆刪除
    回覆
    1. 唔好意思~~男廁我去過了~~
      其他就仲有好多地方未去~

      刪除
  21. 學咩人帶花生醬餅過關《----我大笑咗出嚟

    回覆刪除