九州自駕遊之旅2019-10-06第一天Part 1(天晴)

星期日....中午起身食老夫人揾代購買既紅燒牛肉麵..又幾好味~~之後宅左成日係屋企...夜晚又在家吃~收拾心情明天又番工~番一個禮拜又回歸假又聖誕假~.....星期一...番工~無乜野~幾好~夜晚食飽飯就做運動啦~話哂上個星期食左咁多野要還架嘛~......星期二...有少少頭痛~呢日都幾凍~~唔知係咪轉天氣頭痛呢?...放工食飽飯又做運動~我實在係太勤力喇~(其實係因為下個禮拜知道自己有好多日放假做唔到運動XXXXD).....星期三...都仲係有少少頭痛~今日天氣仲凍~夜晚食飽飯決定食少少零食唔運動喇XXXXD....星期四...今日風定左D~但都係咁凍~乜解究呢輪季候風凍得咁認真?(冬天丫嘛小姐~)....今晚夜晚有之前同屋企人做冬食淨既羊腩煲~今晚食特別好食特別暖笠笠~.....星期五...今日下午做到好爆肺~放工約左唯三大學同學去左食hiro鐵板燒餐~好開心~連放4日公眾假期~~......星期六...晨早起身毛寶幫我剪頭毛....然後衝去揾臭蜆~~隻豬仔好可愛!!!!為左隻蜆豬子中午食杯麵都ok!.....夜晚去左食天頤....頭有啲痛....聽日先出blog啦~~......星期日....今日中午食左媽媽搵台灣代購買既阿宗麵線!!好掛住好好味!!.....跟住做家務啦~然後夜晚去痴毛寶家做冬~



2019/10/06
Day 1---Part 1(澳門 Macau->日本,九州,福岡 Japan,Kyushu,Fukuoka->熊本縣熊本市 Kumamoto)
開唔開心!興唔興奮!期唔期待!終於寫到舊年日本九州之旅喇~(最興奮應該只有我一個XXXD)....之前同毛寶兩個人自駕遊去鳥取去到上哂癮....於是舊年再黎多個九州之旅~點解揀九州去呢?唔.......因為澳門得東京...大阪...福岡飛....又唔想飛東京好遠...次次自駕飛大阪周邊揸到車想去既城市又去過~咁呀~又真係未玩過九州喎~不如試下咯~...其實開頭諗住同毛寶揸車落鹿兒島行屋久島~不過係福岡揸落去都幾遠XXXD算喇~咁玩住其他縣先啦XXXD~



yeah~出發~呢日約左6點鐘電召的士~接完我再接毛寶就去機場啦~check完in...寄埋行李(去程9.4kg)...入到禁區...才剛日出~你會同同一個人去幾多次旅行?我同呢個人去左50次旅行XXXXXD....無錯~呢個九州之旅係我同毛寶既第50個旅行~如果你由第一個旅行遊記睇到依家~你已經睇左我地一齊旅行40幾次XXXD(因為頭哥幾次無寫過blog~)....我成日話佢係我既阿拉丁~成日揸車車去周圍去玩~但我唔係茉莉公主...我係企係佢膊上既阿布XXXXD你睇下毛寶既擔子幾重XXXD膊上既馬騮肥到咁XXXD但都希望你繼續帶住隻肥馬騮去見識世界啦~(如果仲可以去旅行；[....)

2020年生日澳門一日遊

上星期四....好喇好喇~終於feel到D涼風喇真係凍左好多~(氣溫係凍左...同埋今日有黑球)....凍左公司又少左人黎喎...咁就驚左喇?XXXXD...好緊張呀!聽日係七公子第九屆哭福宴呀!!.....上星期五...番埋今日放一星期呀~~~~~放工後哭福宴呀XXXD笑到我氣咳...遲下講~~~......星期六...朝早搞完啲野係fika食左個唔好食既早餐...跟住去左同臭蜆玩左成個下午...佢真係好得意!...好似大隻左又肥妹左!!!...夜晚同左屋企人食造節飯....有好多海鮮食~~~......星期日...中午食飽飽...做家務~夜晚在家吃~~.....星期一....放假嘛~中午帶左3隻小妖去葡京個葡餐...之後去左搞一堆銀行野....夜晚痴痴貢~~.....星期二...朝早約左神秘團友去terra食all day breakfast~~之後同臭蜆玩左成個下午...痴到我周身貓毛但我好開心...成個bb咁抱住佢訓左....心都融哂想咩都俾哂佢XXXD.....夜晚同媽媽食左鮨玥提早造冬~~.....星期三...朝早去左檢查...之後食摩珀斯lounge...再去威尼斯人買野~揾臭蜆玩...痴痴貢...又一日~~.....星期四....打算全日宅在家~~中午媽咪買左好味烏冬...下午在家為濕爬mv衝銷量(呢個都算係節目？XXXD)...洗下咖啡機....做運動...又一日~~~星期五...同左小妖們去丹桂軒飲茶~之後去D日本代購乜都買D~~之後去左臭蜆屋企打邊爐~~~~粒衰豬真係好得意<3~~~~~~........星期六....中午煮左肉醬天使麵(個醬梗係現成架啦~)....又做左成個下午家務~夜晚痴痴貢~~~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



係喇係喇~講到正日生日喇終於XXXXD....講極都係我同毛寶既生日既野XXXXXD....有人悄悄地問：係呢~幾時先出旅遊blog呀?.....我：無計啦~越寫越少旅行喇~要慢慢出先得架~下篇出喇~....好喇~今年我生日時係我同毛寶第2次放假~....本身都無諗住去旅行既...純放一日假開心下~哥日放假又去行行走走食食~首先中午去左食好耐無食既興記XXXD牛尾湯米~(其實係罐頭牛尾湯XXXD)....雖然自己都整到~但我都係食得好開心~

我的生日會2020＠風雅廚 Voyages by Alain Ducasse

我唔係偷懶唔寫blog呀!有原因架!!!睇落少少咪知囉~~~上上星期日....中午起身食媽媽煮既賈以食日~又做一陣家務~食下午茶~嘆下~訓下午覺~夜晚在家吃~.....上星期一....今日番工好忙~放工飯飽飽就做運動~....上星期二...喉痛地過左成日...頭好似又有少少扯扯下....好煩....夜晚食飽飽刀片手跑入房睇濕爬online concert~唱哂新碟13首歌~好正~.....上星期三....又唔舒服....醫生寫左兩日病假俾我休息....隻耳又唔知搞乜咁.......上星期四...今日都係病假....食左日幾藥隻耳好左少少....朝早煎左兩隻蛋做早餐...中午媽媽買三文治我吃...做左成個下午家務....做埋運動....一靜落黎因藥力作用個人就好眼瞓......聽日番工振作!好彩明天已周五......上星期五...無驚無險又放工~我到放工靜落黎哥刻先覺得藥力發作...勁眼瞓XXXD幾好..放左工先眼瞓~~....夜晚去左食Lofi...要等40分鐘...除左仕燊bb之外...邊個夠膽叫我等!(死八婆你咪唔好食囉XXXD嘈嘈貢)...證明我係幾咁心心念念佢個雞肉丸子~個時令飯同麵都深得我心...頂...佢餐牌轉好快....搞到我成日想食.......上星期六...點解呢日我懶左無出blog?因為大比同阿sam朋友隻貓生左一堆貓貓...佢地認養左一隻貓女呀~~~~超勁可愛~~~佢個名叫臭丸<3........掛住同佢玩玩到凌晨先番屋企XXXD.........星期日...中午媽媽煮日本拉麵~~下午做少少家務...搞下我個哭福袋XXD...又一日....今晚媽媽煎菜甫芫茜蛋角~~~......星期一....噚晚訓得差XXD今日番工都浮浮下~~放工食飽飽做運動~~.....星期二...順利工作日~....星期三....下午番緊工時突然勁肚餓...諗住忍一陣...點知過左一個鐘我餓到失焦XXXXD食左包餅好D~唔知忍咩~...夜晚番屋企食飯時食食下又勁眼訓~想好似D小孩咁係餐桌上訓著XXXD好難搞~但我都堅持做左運動~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今年生日毛寶話請我食飯~問我食杜卡斯好無....查實有分兩間...一間平一間貴...貴哥間係Alain Ducasse at Morpheus....平哥間係風雅廚 Voyages by Alain Ducasse...但貴哥間單點真係好貴...唔多野揀(前菜有4款...主菜4款...芝士同甜品咁上下)...最平哥個前菜係$628....有個sinature menu係$2,688/人!貴到...我查實唔想食咁貴既西餐XXXXD....所以我提議食感覺輕鬆D既風雅廚~....地址：摩珀斯酒店3樓....電話：8868 3436.....貴同平哥間係同一層....只係一出電梯轉左定轉右je~

我的生日會2020＠鮨玥

有無好掛住我呀~無事無事~我懶咋~~~~上星期日....中午媽媽煮麵....休息左成個下午...夜晚約左兩個神秘團友去taipa cafe飯聚......上星期一....訓到12點XXD...中午媽媽買左好味烏冬我食~....夜晚痴痴貢....上星期二.....中午食鮨玥~(即係今日出Blog講既呢間餐廳~)...哈哈~試完夜晚就想試中午~覺得午餐都唔錯~性價比幾高~多謝老夫人請我食舊曆生日飯~(新舊曆都係同一間慶祝XXD)...然後毛寶請我地去文華東方飲啡~...啡後又去gorilla購物XXXXD...晚上在家吃~.....上星期三....中午去左食路環橋記~然後去左新濠影匯玩VR....$215/人任玩兩小時.....玩左13個遊戲....不過玩完VR好反胃XXD....夜晚去左大脾家開蠔仔趴~~.......上星期四...中午食左富壹.....下午試左間新啡...剪頭毛準備番工....夜晚痴痴貢......上星期五.....中午食左潮興隆...好耐無食~下午約左3隻小妖去風雅廚飲下午茶...再去行龍環葡韻...再去食鼎泰豐.....3個星期大假放到最後一個工作日喇...嗚嗚~.....上星期六....中午自煮牛尾湯米(梗係罐頭啦XXD).....下午做左4個半鐘家務...又除塵又消毒又換床單....好攰~下午茶係叫外賣....兒時好鐘意食既冷撈~~係同一間叫埋關東煮做夜晚既餸~~~~為左紀念我將離去既3個星期大假....我決定今日唔出blog~~(懶就懶啦XXXD)......星期日....噚日做哂家務今日可以盡情耍廢~....中午食自己夾既包....fika....再耍廢~~呢兩日係Netflix追左套短劇Dash & Lily~都幾有聖誕氣氛~輕輕鬆鬆咁追完~.....夜晚去左食長腳蟹慶祝毛寶爹娘既結婚周年~~~.....星期一....wow~無番3星期工.....但我覺得我好犀利...我完全無唔適應~仲覺得好快到星期五~不過噚日開始頭痛...噚晚好難好難先訓到....喪搽油震痛...今日都係陰住陰住痛~....星期二...個頭繼續陰住陰住痛....但起碼噚既訓得好少少喇~.....星期三....清晨6點極頭痛...放工去左開公子生日趴...食左開番無耐既風味居...但....唔好食囉.......星期四...今日仲係有少少頭痛...不過已經好過前兩日~快D好番啦~聽日周五喇~........星期五...喂...今日終於好番少少...但好似番工有啲集中唔到咁~放工食左柏~......星期六...訓左成9個鐘~中午突然又衝左去食Lofi~又俾我有幸有位同叫到最後一客炸雞飯喎~....毛寶送左個聖誕花環俾我仲幫我掛好埋~~我屋企依家有d聖誕氣氛喇已經~~~~~~夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~又講下我今年生日去左邊度慶祝先~感覺上呢幾個禮拜都係出生日飯既blog咁~無辦法啦~我預左未來一年都無得去旅行(台灣都要2021年第四季先保守估計先開關....何況其他地方回澳唔使隔離)....D旅行blog真係要慢慢出先得XXXXD....好喇~講左老夫人請我既生日飯先啦~我揀左試鮨玥....地址：澳門冼星海大馬路300號...電話：2892 0382....記得要訂位...都幾多人食~

高雅扒房Copa Steakhouse

星期日.......今日約左公子們同一堆小公子仲有菓子軒去野餐~~~~玩得好開心~晚餐食番野餐淨左既野食XXXD.......星期一...中午去放低架車洗再行去食terra...行水務局後面條步道影下相...再去路環嘆杯凍檸茶....夜晚在家吃...今日節目真係好豐富~......星期二....一早起身~先去威尼斯人沙北食早點...繼而12點前擦入場玩team lab~因為早場平啲XXXD...我覺得澳門好玩過新加坡哥個!...大啲靚啲(可能係因為呢日閒日又早少人啲)....玩左個幾鐘後去上埋巴黎人個鐵塔(買team lab送的)...係咁意睇下啦...反正免費的~之後去左食立食壽司....再去買埋近排新開很火係台灣開過黎既鮮芋仙~不過好難食....呢日既節目相當豐富!!!......星期三...喂喂喂!我又活過來呀!!做左個幾星期死狗...我終於收到好消息~~~~即衝去風雅廚飲香檳慶祝~之後買左林高冰滴咖啡去路環影相....夜晚流水水宴約阿媽去兄弟煲慶祝!!!.....星期四....一早帶3隻小妖行龍爪角...之後去左朝飲茶...啲野又幾好味喎~下午耍廢...夜晚痴痴貢後去LoFi個夜貓~.....星期五...中午去左路環食野...景好靚但係野食好狗屎屁....再去koncept cafe啡一啡...再去買凍肉...再去耍廢...再去夜貓食佢個好好味既雞肉丸子~~....星期六....中午煮麵食~下午家務~夜晚在家吃~之後仲開紅酒P同埋睇N年前好鐘意睇既The Mummy~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



前排去左食澳門金沙酒店入面間扒房...叫高雅扒房 Copa Steakhouse....位於澳門金沙三樓...電話：8983 8222....之前去都幾爆...去之前 最好打電話訂位...我去哥期淨係開星期四至日.....
 

艾爾曼尚廊 Pierre Hermé Lounge(已結業)

星期日...休息日...食飽飽就做家務~夜晚又係屋企食~.......星期一...自然訓醒後....老夫人買左好味烏冬俾我食~下午無無聊聊睇埋套You~好似4日煲完....運動...夜晚在家吃...咁就一日~~星期二....晨七咁早去行山~行完係路環食野就去左間新開既cafe飲啡....夜晚屋企食~~.....星期三...一朝早又俾個消息打沉~中午食左卡夫卡~下午去左行宜家~夜晚食左鼎泰豐~....星期四..中午約左朗公子午餐聚會...行一陣又買下野...之後剪頭毛...夜晚痴痴貢~......星期五....一早起身帶左3個阿媽去影粉紅芒草...然後去mgm飲茶...個點心set抵到呢!...下午hea下....夜晚食左日夜咖啡室......星期六...中午食豆皮杯麵~做家務~夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



某日~本身去拜完我老豆好早...又想有啡飲又想同媽媽坐得舒服 d~本身諗住去MO個Lounge...不過咁岩線我地之前哥晚食完~又諗另一個我想試既意大利餐廳...點知又太早佢未開~諗諗下....不如試下去摩珀斯個艾爾曼尚廊(Pierre Hermé Lounge)咯~我都想去Brunch一Brunch~....位於大堂reception對面~(喂!不過依家已結業XXXXXXD....我估唔到呢D都會結業)

奧羅拉 Aurora

星期日...中午毛寶請左我食風雅廚~再去行下aesop~夜晚屋企吃下~......星期一...本小姐生日~毛寶一齊放假陪我玩左一日~好開心~....星期二...今日去睇番上個月份驗身報告...樣樣都達標正常....但醫生叫我留意某樣野唔好俾佢再升高....我成個人梅左..............星期三...有喜~事~呀~...我地貞公子同春艷成左婚喇~~...請左鐘去觀禮~恭喜哂春艷同春艷夫人~好咯~.......夜晚diana請左我去蜀道食生日飯~多謝哂~~.....星期四...順利收工..最開心係咩?番埋聽日我就放3個星期大假喇~yeah~~~~.....星期五...今日打3號風球~啲小孩又湧哂黎~點都好~我終於都放大假了~~~.......星期六...今日雖然係大假第一日...但今日俾一件事搞到我無咩心機..中午食左個好難食既牛尾湯米..夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



由於今年無旅行去...所以以前無諗住去食既餐廳都悶到：試下啦....之下.........就試左呢間又係哥排見到好多人去食既...因為有D好抵既set lunch呀~就係呢間位於新濠鋒酒店(Altira)餐廳大樓10樓既奧羅拉(Aurora)...電話：2886 8868....呢間無上個禮拜寫哥間雅舍(The Manor)咁難訂~

毛寶生日會2020＠雅舍 The Manor

星期日...中午食左台灣代購芫茜麵...fika之後又做下家務...下午茶...再追埋Emily in paris大結局..又要等下一季了~夜晚在家吃~......星期一...星期一總是令人眼訓~唔緊要啦~番埋今個禮拜我就快有假放~但又話有個風...聽日唔知會唔會打風.....星期二...又估佢唔到打得成風....上次個10號波咁勁放半日...呢個8號放左全日....不過一打風個頭就痛...發呆咁係屋企過左成日......星期三...中午OT一小時~為下周做準備~下周做咩~下周話你知~XXXXXD....成個下午都好眼訓XXXXD.....好彩有杯麥叔叔凍檸茶頂住~.......星期四....今日...又無咩特別發生喎~係同本小姐生日又近左一日囉XXXXD最開心係今日中午番工撞到毛寶<3成個下午都好開心~.......星期五....yeah~放工同左公子去食我同杯既生日飯呀~~好開心~多謝公子~.......星期六....中午又食Toff...再去拜老豆...再去Barbie...再去八佰伴...再去食鮨玥...老夫人同我提前慶生~好開心~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



OK~今日講埋毛寶正日生日做左咩先~(係~上個禮拜講哥餐唔係正日食XXXD)....呢日係我同毛寶呢年既第一次放自己假~心生感恩~我係點樣可以9個半月無放過假?XXXD....中午就去試左間毛寶想試但係食後感非常兩極既餐廳(係!生日正日先黎冒險XXXD好刺激)....就係St. Regis入面既西餐廳雅舍 The Manor....電話：2882 8898....想食記得要訂位...因為真係好爆好爆....基本上你星期一諗起星期六想食時已經無哂位....最近佢仲推出左D午市套餐....$250(未加一)左右有3道菜...望個價係幾抵既....但有食過既人話set唔好食....呢間有4個公子食過話極普通(包括我...哥次我無同毛寶一齊食~有親戚生日去食...普普..無邊一樣留下深刻印象...但未到難食)....其中一個神秘團友直說不好吃......然後網上很多人說很好吃~常常去之類.....咁兩極...唔通你個心唔痕既咩~(依家金沙城擴建緊...最近St. Regis既停車場封左...除左停車場之外...酒店入面都瘋狂改路....行左好耐先到!)

毛寶生日會2020＠天頤 Yí

星期日...中午食左阿媽搵台灣代購買既蒟蒻麵...好難食~下午行行企企咁就係為左等食夜晚哥餐~阿媽請我同毛寶食外賣生蠔大餐呀~呢間生蠔食左5次都無令我失望過~跟住仲有湯+蒜蓉包~然後媽媽再煎牛扒俾我地食~滿足~......星期一...呢日都係假期~醒左見到10點...又落住黃雨...同自己講...唔好翻訓呀...1點都唔醒架喇XXXXD...起身一路睇真情一路嘆左杯啡~跟住媽媽買左驅阿虎詩俾我食~下午打blog同做運動~夜晚在家吃~咁就5日連假完左~~唔緊要~我就快放大假~....星期二....估到你個衰野啦~放左5日假~點會唔多野做丫~中午做到趴係到~但呢日我無放棄自己喎~我飯後仲去做運動~........星期三....本身工作量還好的~但係到下午某時間做到我趴係度!....唔得喇...飯後我要飲少少喇.......星期四....整天都梅梅的~因為頭有點痛~老夫人：咦~果然知道聽日周五喎~放假先黎頭痛~...我：妖XXXXXD.......星期五...今日又係虧虧地....番工都呆呆滯滯....好不容易放工了...行左陣就去左食puffin cafe~~.......星期六...中午起身仲係有少少頭痛~做左D家務等要番工既毛寶接濟我午餐XXXD下午繼續做家務~驚覺秋涼到打開門窗好舒適~聽日都試下下午打開門窗嘆茶先~夜晚出左去食灃收火鍋~我唯三既大學同學同我慶生~多謝哂~

(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~呢篇食記又搶住出閘...原因：想試好耐...但我唔捨得~...佢開既時候已經想試...但係我覺得太貴~同埋應承左自己..唔準係澳門食D咁貴既餐廳~去旅行先可以~....點知...今年根本無旅行去...呢間餐廳疫情後關左門...到最近先開番~....前排毛寶話：開番喇~去唔去試下?....我：唔好啦~好貴~(其實係想係佢生日時請佢去食)......前言太多~我地都想試既就係摩珀斯既天頤 Yí~位於摩珀斯既21樓~電話：8868 3446
 
 

狂歡三寶台北快閃瘋食之旅2019-06-09第三天(天晴)

星期日...中午起身整麵包食嘆啡...好似去左外國食早餐咁....做左少少家務....下午就休息休息...夜晚在家吃...星期日完全唔想出街......星期一...番工下雨~今朝忙忙的~又做碌碌又夾三文治(工序既代稱XXXD)....下午又閒一些~.....星期二...有人生日~我也一起放假~但我是廢柴...放假先頭痛XXXD...悠閒地過左日~~~呢日....係我今年第一日放既自己假....我地係點樣忍到9個半月都無放過自己假XXD......星期三...起身仲係有少少少少頭痛...順利完成工作日....好開心呀連放5日假~~~...放工同左姑媽去食泰國餐慶中秋....食食下落極爆大雨!香港仲黑雨!......星期四...中秋+國慶!!....都唔使旨意出面啲舖有開....貢左入酒店lounge食...如果呢晚唔出街我情願留係屋企食中午~夜晚毛寶爹娘請我同老夫人去食南湖明月做節~多謝哂~.......星期五....放假~在家整冷麵吃~下午做家務~夜晚吃左taipa cafe~好開心天團合體~講番之前去旅行D野真係好開心~......星期六....今日食日本豆皮杯麵~加左隻日本溫泉蛋~仲有平時係日本街頭販賣機成日都會買既熱辣辣栗米湯~當自己去左轉日本啦唯有~下午寫下blog飲下茶~好開心~夜晚痴痴貢~



2019/06/09
Day 3(台灣,台北 Taiwan,Taipei->澳門 Macau)早呀喂~今日要走喇~又係勁好天~

狂歡三寶台北快閃瘋食之旅2019-06-08第二天Part 2(天晴)

星期日....中午媽媽整左台灣代購買既蚵仔麵線...其實係即食麵煮法...無蚵仔既...媽媽落左午餐肉代替XXD....之後做左陣家務...嘆下午茶...夜晚在家吃~~.....星期一...今天工作順利~我好開心~......星期二....唔知發生咩事....中午有久未開舖既姐姐魚餅麵加雞絲翅....仲有毛寶買黎既palette泡芙!!泡芙超級的好吃...真心推!!what a day~~......星期三...放工後回家心情差差的...番工同番工後都受氣...飯後自己來個梅酒P~~......星期四....中午試左個新飯盒~~又平又大件~~夜晚食飽有做運動~~.......星期五...放左工同左公子去食慶生飯~~~~.......星期六...中午食左日式素麵...食咁清因為今晚會食好野~然後Fika...然後家務...夜晚出去同提早毛寶慶生~食左天頤~~(提早食係因為佢生日哥日餐廳唔開~)



2019/06/08
Day 2-Part 2(台灣,台北 Taiwan,Taipei)
食飽飽又落番一樓然後行過隔離既商場行街街~梗係要行下進駐微風南山既atré啦~日系商場~

狂歡三寶台北快閃瘋食之旅2019-06-08第二天Part 1(天晴)

星期日...中午食鍋燒烏冬!仲加左隻日本温泉蛋...好正~~fika完由於噚日已做家務...今日可盡情玩~~下午砌哈波lego人仔~~毛寶送的~~夜晚媽媽整冬瓜粒湯飯...飯後睇海嘯奇蹟.....星期一.....算係唔攰既星期一上班日~開心心~夜晚食飽飯做運動~......星期二...唔....呢日唔算多野做...但個人又覺得好攰喎XXXD我會賴係天氣既問題~唯有食飽飯飲少少又食少少零食解決啦~.....星期三.....放飽飯有做運動...我以為呢日係星期四..完。......星期四...番工順順利利~係有兩件無聊事發生左...第一件事係：無啦啦係counter認我做契女XXXD但佢係認錯人既XXXD...第二件事係：有個同事係內部落左黎counter做某D正經野...然後佢望到我同我講sunny結婚喎XXXXD頂~嬲你~我無野喎我無野喎~我無受情傷喎~....放工食飽飯做運動~.....星期五...番工下午有少少忙...少少咁多....放工又去左食chiado~~.....星期六.....中午在家煮肉醬意粉~...下午做左一陣家務~落超大的雨...夜晚去左食小查理~



2019/06/08
Day 2-Part 1(台灣,台北 Taiwan,Taipei)
早~呢日起身既第一個環節~就係食中午飯XXXXD~由於食飯地點係兩個捷運站中間...所以狂歡三寶無懸念咁搭的士去XXXXD(我記得呢程的士個司機超級多野講...由sell包車sell到去保健產品...俾我停下好無?XXXD)...呢個商場當時新開左無耐~好多新既餐廳進駐左~我揀左其中一間試試佢!呢個商場係微風南山(Breeze atré)...地址：台北市信義區松智路17號...atré商場係日本d JR站附近成日見到既商場~呢次進駐微風南山係海外首站~wow~

狂歡三寶台北快閃瘋食之旅2019-06-07第一天Part 2(天晴)

星期日....中午食烏冬...fika然後做家務...下午茶煎日式年糕配煉奶...夜晚在家吃.....飯後睇左the green mile...真係估唔到劇情係咁....好睇.......星期一...今日過得幾好~又唔算太多野做~所以今晚飲少少梅酒開心下~~......星期二...一早起身見到落勁大雨....個天黑過我放工番屋企....通常落雨個人會灰少少既...但今日無...我覺得好似去左冰島XXD.......星期三....今日出門口有少少陽光...覺得好舒服....今晚食飽又自己做少少運動XXD希望今次唔好又玩round我自己XXD........星期四....估到你啦~教師節丫嘛~實多野做~幾鬼多屁孩呀~大部份都有禮貌既~我心感安慰~遇到個又唔可愛又無家教既真係陰功~明明5歲左右既小孩會得人歡喜偏偏你就唔係囉XXXXD....雖然放工好攰~但食飽飽做左陣運動都幾舒服~.....星期五....今日工作算係悠悠閒咁過~同噚日教師節真係無得比~~放工去行左陣800伴....行超市掃掃貨~~之後就去左同我地唯三既大學同學去預祝毛寶既生日~~好衰架露仙讚人地塊面瘦左既我做番運動只係3日咋喎XXXD.....毛寶今年正日生日我已經訂左餐廳...間餐廳我都好期待!!!!!!.....星期六....中午去左試間新開既Cafe...叫Lofi....係同我最鐘意既啡bloom同一間公司~佢地杯iced black真係幾正~甜品也不錯~係主食差少少~....就係嘆緊啡時睇到仕燊ig話自己求婚成功!!!好興奮~~~.....食完野就行左陣買左陣野....然後番屋企做家務~好開心~~~今日做哂家務~~聽日可以玩成日~~夜晚痴痴貢~



2019/06/07
Day 1-Part 2(澳門 Macau->台灣,台北 Taiwan,Taipei)
頭先食壽喜燒食得勁飽~本身想坐的士....但想想還是走走去下一地點好了~行左大約15分鐘...我地說到達下一站....也是吃的喇~XXXXXD...這個也是軚泰選的~Woosaパンケーキ屋莎鬆餅屋......地址：台北市信義區忠孝東路四段553巷28號1樓(台北松菸店)....佢全台都有好多家分店~單單台北有3間...可以線上訂位...不過唔同分店可能訂位有少少唔同...有D假日只接受walk in....想去就自己上網睇睇~由於我地唔知幾點先至食完壽喜燒~所以我地就無訂位既~

狂歡三寶台北快閃瘋食之旅2019-06-07第一天Part 1(天晴)

星期日...中午阿媽煮 台式拌麵吃~食完就fika~然後做家務....一做就4個鐘...又換床單又抺塵又消毒又洗廁所...攰~沖左涼就學習語言~夜晚在家吃~........星期一...朝早做哥個崗位做到 我 嘔血~D臭小孩明天番學喇~我好開心~~~放工我又飲少少熱sake~食少少 零食~點解? 呢個星期要驗身喇....梗係試下放縱情況下有無超標啦...好驚呀我好似特登玩緊踩鋼線~.....星期二....呢日超開心~因為我同朗公子同毛寶3個中午都放同一時間!我地稱為天狗食日~所以一齊去我屋企食KFC慶祝XXXXD......星期三...噚晚訓得好差...俾某樣野嚇醒....所以今日心情有啲差....完~........星期四...終於訓番個好覺~心情好番好多~~不過下午開始頭痛....er.....星期五喇....醒少少好無........星期五.....凌晨頭痛到醒左....夾硬翻訓;(.......起身呢日約左體檢....發現係5年前同一個醫生幫我做番....佢話我瘦過5年前...但個肚腩要減減XXXD....下個月再睇報告..放工又去左食hiro...今晚帶埋阿媽同神秘團友去試~.....星期六...呢日起身做左少少家務~然後貢出街~去左Gorilla買少少野~再去奄豬奄間沙北吃中午~再做左好多體力勞動~包括買少少懷舊零食~再去另一度買米~(真係好勁..買左10kg米).....再去買納米樂~20.9一支真心抵~呢日d活動好師奶仔~然後剪頭毛~夜晚痴痴貢~



毛寶問我：呀~你出左好多篇食記喇喎~....幾時出台北篇呀?..........既然你咁想睇...好啦~就依家啦~now~is~the~time~~~



2019/06/07
Day 1-Part 1(澳門 Macau->台灣,台北 Taiwan,Taipei)
hi~終於來到了舊年6月去既台北遊記~一路寫~一路感到非常稀虛~已經有一年無去過台北~超想念台北的一切呢~到底幾時先有得去旅行?我好掛住去旅行既感覺呀...哥種一路番工一路期待去旅行既感覺....家陣只有番工...沒有期待的感覺好差~好喇~介紹下我地既團友先~~有我~毛寶~仲有杯公子(又名軚泰)~ 呢日~軚泰老公健佬車埋我地一齊去機場~軚泰跟先生人真好~今次搭廉航呀~我窮呀~我無買行李呀~隨身行李去程5.2kg~(好像同行人士都無買行李~)

Diana生日會2020＠金樹日本料理

星期日.....成家都訓到好晏XXD...唔知搞咩XXXD....起身阿媽整左雲呑水餃麵~食飽fika後做家務....夜晚在家吃~......星期一.....多野做到痴左線!!!!我地哥更仲要有4個人放左假....但我地咁都準時收到工~除了優秀...都唔知可以用咩黎形容我地~但真係太攰...食飽飯我happy hour左一陣~噚晚發夢見到我老豆.....我覺得係有啟示既!!!........星期二...無咩特別野~不過下午番工就見到個天勁黑....但黑左咁耐都落唔出雨......星期三....華...噚日靜左一日...今日又忙到痴線...勁攰...放工又要少少酒精放鬆下~今日係仕燊32歲生日~生日快樂身體健康呀我家仕燊<3...諗起今年淨係見左你一次就心傷痛.....星期四...依家無得去旅行...只可以同毛寶傾計自J...講下疫情後去邊度旅行...呢朝講到好眉飛色舞~開心左一陣~....有時番工就見盡光怪陸離....尤其係專業人士.....最麻煩可以話係律師....今日見到醫生都幾麻煩....以為自己高人一等乜都唔使交...禮貌係有既...但你憑咩覺得自己唔使交野XXXD憑你識做手術就唔使交文件?XXXD....係我地度無人會覺得你高人一等架....只會俾人內心反你白眼XXXD.....星期五...yeah~終於都周五!放工跑左去食chiado!!兩杯落肚覺得無咩事難到我~......星期六....中午去左路環間Koncept Cafe食...本身諗住去哥間佢無輕食~得咖啡同蛋糕~0我~咁我去第間食左中午先啦~試左Jak's Kitchen...都唔錯喎~食飽行番轉頭飲啡....佢杯啡又真係幾唔錯~可惜我肚突然勁痛(抵死丫噚晚仲飲緊白酒)...無哂興緻~去左威尼斯人車展望下...望下je~又去超市入貨~夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今年Diana生日~諗左幾個地方俾佢揀~我地最後一齊揀左試金龍酒店入面既金樹日本料理....電話：2899 3866....其實佢初初開既時候我同毛寶食過一次....但哥次覺得普普...但又未試過佢個omakase....Diana都未試過...咁...試下囉~

譽瓏軒 Jade Dragon

星期日....9點幾醒左之後訓唔番...係床戀到11點..起身煮who冬食...fika後再做少少家務....然後盡情休息和學習...學咩?學我學左兩次都失敗既語言...之前出去學...依家在家慢慢自學XXXD(慢既速度可謂相當驚人)....唔知會唔會成功呢.....夜晚都係在家吃......星期一....好銀攰呀....點解可以咁多野做~~~放工晚飯後用酒精同零食麻醉下自己先......星期二...今日都多野做~不過又無噚日咁多~無啦啦下午落超大雨.....放左工又去左物理治療.....物理治療師話我唔使再覆診喇~~~拜拜~~~~好開心睇左3次都係醫療券找數~好開心~~.....臨訓時掛左8號風球......星期三......好驚呀!!訓到凌晨4點幾被嘈醒.....打開電視驚覺已變9號風球...仲話5點會掛10號....雖然我家剛裝修好換好哂門窗但都勁驚....驚到6點幾我竟然夠膽關哂啲鬧鐘再訓無等9點公佈風球消息XXD訓到9點幾開電話睇又突然11點幾掛3號...真的快來快去~下午要番2點...好彩有醒到....起身食左個包食左個麵飲左杯啡就上班去.....好彩唔算好多好多人~......星期四...番工無咩~放工去左食新開既濟州島韓餐為麥公子慶生~~~......星期五.....今日好多人....但佢地黎唔係我負責既範疇XXXD好開心....放工去左食hiro個omakase....個主廚係永利間泓個主廚過去架!!!我覺得價錢合適而且好食.....好開心.......星期六....中午去左試aurora....之後進行一連串既散錢活動(好可怕XXXD我散左差不多兩千.....明明我平時就極慳)....然後剪頭毛....然後痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



某日...覺得好耐無飲過靚茶...所以就想試下好耐好耐無去既譽瓏軒~地址：新濠天地新濠大道2樓....電話：8868 2822....其實首選唔係佢架~不過疫情後澳門好多中餐廳都無開一係就好難訂~之前黎過一次...哥時好似唔知係米芝蓮一星定二星....依家已經係三星~咁......就去試下啦~

我的生日會2019@Japas Macau

星期日....中午起身老夫人整台灣代購既清燉牛肉麵..都唔錯...然後fika time~然後做家務....然後晚餐....今日隻左腳怪左成日....我講既怪...係隻腳好似內裏震緊咁...如同將隻腳放在電磁爐上咁....呢日坐又唔舒服訓又唔舒服行又唔舒服企又唔舒服.......星期一....番工好多野做...我頂唔順隻腳....最後要睇醫生...竟然俾我約到物理治療...今日有得睇好開心~放左工去睇....物理治療師問下又按下我腳...腳板...腰.....最後發現係脛後肌發炎....然後要做超聲波加電療...感覺好像好了點....星期三再去覆診....星期二...隻腳好番好多.....雖然都有出現哥種感覺...但係已無咁強烈~希望快啲好~......星期三....今日番工落左場大雨....放工去左覆診...已經好番啲~~不過物理治療師叫我覆多次診~~好彩有醫療券....睇埋下次都唔使錢~......星期四...今日都幾多野做~放工好攰奶奶~呢日勁早訓....好想快啲到聽日放工哥刻.........星期五....今日有少許腳痺~工作量還好~放工去左食兄弟煲打邊爐~~~~..........星期六....中午本身出去食...但老夫人有D唔詩酷~所以我唔出街啦~毛寶買左法國佬麵包俾我地食...fika完我就開始做家務...做完我都有D膝頭痛XXXXD頂...好老~夜晚係屋企求其開罐辣魚同食泡菜又一餐~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



又完了一個遊記~又寫一篇食記~舊年生日~公子為我同杯一齊慶生~因為我地生日超近的~所以年年都一齊慶祝~舊年我地揀左Japas Macau~地址：澳門區神父街165-307號八達新邨地下EE座...電話：28521199....想食記特要訂位...當日係周五...都幾多人食~(餐廳環境係我地食完D人走哂才影~因為開始食時人太多~)

北非摩洛哥之旅2019-05-04&05第十及十一天(天晴)

星期日.....噚晚帶住頭痛入睡...朝早未夠七點起身頂唔順食止痛藥再訓~中午起身媽媽煮左賈以食日個泰式酸辣寬粉俾我地食~然後fika~然後做家務~不過今日個心情麻麻地...唔知係咪因為天氣陰陰落雨的關係呢?夜晚有媽媽煲既洋蔥雞湯~真係好好飲~噚晚已經睇完天堂醫生...有點失落......夜晚電影時間睇左1997年既網上情緣(You've got mail).....星期一...好彩今日番放工都無話落好大雨je~不過今日對腳唔知搞咩...硬係覺得腳底感覺怪怪的.....同事們叫我拉多D筋.......星期二....呢日腳底係好番D...但都係有少少怪...但係比噚日好好多~今日要拉多D筋等自己好訓D~....星期三....呢日落好大雨~番工條褲濕哂~......星期四...我噚晚發夢去睇supper演唱會....超勁開心.....夢入面哥種開心我醒番我覺得我應該係掛仕燊掛到痴左線XXXD大拿拿已經7個幾月無見過4隻仔...好掛住........星期五...噚晚訓訓下又覺得對腳古古怪怪咁...忍唔住放工去睇醫生....但醫生淨係開左啲喜療妥同維他命俾我....看來有點不靠譜...睇完醫拜去左食鼎泰豐~然後衝番屋企睇天堂醫生大結局!!!!!唉~下周見佢唔到喇~嗚嗚~.......星期六....中午同左3隻小妖去8飲茶~....然後去左MGM飲咖啡~飲完咖啡睇埋依家MGM個假露天位有個海豚既表演~(假既搖控海豚)...都幾得意~好似去左水族館咁~....夜晚係屋企叫左外賣生蠔食~好開心~



2019/05/04~2019/05/05
Day 10&11(摩洛哥,拉巴特 Mococco,Rabat->杜拜 Dubai->香港 Hong Kong->澳門 Macau)
早呀喂~房間窗外景~梳洗完諗住落去食早餐....毛寶同我講：我個胃唔舒服....銀住銀住咁~...我：點解既?食左咩呀我地噚晚?......毛寶：唔知係咪個咸餡餅個酥皮太油....而我又食多左.......兩秒後....我：係喎!我個胃都喎舒服呀!....XXXXXD我係咪低能架XXXXD...人地唔講我都唔發現自己個胃唔舒服XXXXD

北非摩洛哥之旅2019-05-03第九天Part 2(天晴)

星期日....中午起身我整左日本温泉蛋烏冬~~下午做埋未做完既家務....阿媽今晚買左蟹呀!!!我地今晚全蟹宴加蟹粥!!仲話梅加花雕~最後有人飲到嘔收場~我唔講係邊個~~~......星期一...今日都幾多野做...不過中午食左好味烏冬~好開心~上個星期四終於用完消費卡既3000蚊喇~今日增值左5000~8月1日又可以買買買係咁買~~~~....星期二....平平淡淡的一天~最開心今日食左蔬士沙律~腳板底好像有點痛痛的......星期三...起身....又有點點的頭痛......死啦...我最近睇戀愛可以持續到天長地久(J2叫"天堂的天使")......睇到有少少心心眼添....有天堂醫生呢種眼神咁引死人既醫生嗎?...大佬有個咁靚仔既同事點樣專心做野呀XXXXXXD....放心~我最愛仲係仕燊~......星期四....我唔知係咪生眼挑針呢....隻左眼卡卡下咁...係咪我睇得天堂醫生太多XXXD......星期五....番工過得幾好~放左工就去左食我好鍾意既味藏<3...然後刀片手跑番屋企會合天堂醫生<3.....我抖唔到氣呀XXXD天堂好靚仔呀<3....星期六...本身唔出街食...最後又出街食~中午食左Terra~之後仲試埋Fika.....呢日勁大雨.....下午我自己忍唔住上網睇天堂醫生...唔等J2....但我依家差一集就睇完....我好唔捨得呀.......毛寶幫我剪頭毛~夜晚痴痴貢~



2019/05/03
Day 9---Part 2(摩洛哥,索維拉 Mococco,Essaouira->拉巴特 Rabat)
集合哂團友一齊行番落山上車既...好驚喜行到某個位然後有得坐低....仲有免費薄荷茶同點心~

北非摩洛哥之旅2019-05-03第九天Part 1(天晴)

星期日....膝頭痛...噚晚只可平躺...想打側身睡也不容易...落床去廁所更加攞我命....但平躺得多唔郁又會訓到痺...中午食左賈以食日個泰式酸辣粉..都幾好食...仲有蔥阿伯...觀望下個膝頭點先決定睇唔睇醫生.....下午睇葉問2~好緊張~....基本上起身坐低都膝頭痛但好過坐係度唔郁都痛....夜晚屋企食....夜晚再來舊戲之夜~(基本上依家個個禮拜日晚都會開套戲睇~)...呢晚睇左catch me if you can~......星期一...膝痛到伸唔到腳去著褲...我決定放棄XXXXD...等毛寶放工車我去睇醫生....醫生趁斷結果是：我老了~...俾左3日假我...叫我坐輪椅式休養......星期二....起身...坐著...坐著幹麼?等毛寶買中午飯我吃XXXXD我真是廢....人家要上班還要來買中午照顧我...我只好弄一杯長黑給她....左膝頭哥今天好了點...但右膝開始有點赤赤痛...還是乖乖坐著~......星期三...以為自己會起到身整個西早俾自己食....點知訓到11點3.......還是起床等毛寶買飯接濟我好了~順便耍耍廢~(毛寶擔子好重...佢仲要接濟埋我媽XXXXD)...成個下午好乖咁坐著打blog~.....星期四...放左3日病假要上班了~今日隻腳好好多~不過都係有啲冤冤下~幸好無驚險下收工~.....星期五...多野做~~朝早飲左咖啡....中午回家貪飲黎多一杯.....點知成個下午狂心跳加手震....我唔敢了~放工去左食chiado...如果想食新派精緻葡國菜真係要食佢~真係好好味~服務又好~好開心佢疫情後終於開番~~~......星期六...呢日早早起床...拜左老豆先!差唔多到老豆死忌....老豆咁就走左10年...但佢留左好多美好既回憶俾我同老夫人~~...拜完老豆毛寶車我地去摩柏斯個lounge食中午飯~之後行埋grand mart就回家....見好早做左一半家務~然後夜晚痴痴貢~~



2019/05/03
Day 9---Part 1(摩洛哥,索維拉 Mococco,Essaouira->拉巴特 Rabat)
早呀喂~早餐都係噚晚間餐廳~呢日最正係乜?係佢pat噚日有試食過既堅果杏仁醬呀~同麵包一齊食真係好正~

北非摩洛哥之旅2019-05-02第八天(天晴)

星期日.....起身食糭做中午...係...直到呢日先食第一隻糭...之後玩下濕爬隻黑膠....瘋狂影相...再做家務...食飽飯睇濕爬演唱會....好似陪佢唱足成個演唱會咁...聲都沙哂XXD.....星期一...靜左好耐~今日無啦啦旺番哂.....下午哥個位做到我腰都痛~但咁攰我放工番屋企仲有玩ring fit~我好勁~.....星期二....放工又來ring fit~今晚做到我腳軟~好救命~.....星期三...噚晚訓覺時覺得自己隻腳痺到怪怪地咁....好驚呀~~......星期四...下午番工勁眼訓....好彩有人救駕俾半杯凍啡我飲....我發現...我人生中對我黎好重要既野....除左阿爸阿媽毛寶之外....仲有吸塵機同咖啡!!!.....就好似眼睛不能沒眼淚一樣(呢個人講緊乜XXXD)......星期五...終於都有番啲生意....企到我腳勁攰XXXD放工去左試文華東方哥個用impossible meat整既牛油果漢堡...不過唔係幾夾~之後過左銀河買aesop~.....星期六...中午煮日本素麵做午餐....諗住烚隻來自香川縣既蛋做餸.....唔小心整左温泉蛋~好正~然後做家務......點知做完左膝超級痛..........拉開褲睇個膝頭哥腫左....我咁大個人都未試過個膝頭哥咁痛.....只能講我老了:(.........夜晚痴痴貢....(我同菓子軒講我整親腳....問佢可唔可以攬下我安慰下我....佢跑埋黎問我做咩整親然後攬埋黎....真係好孩子)



2019/05/02
Day 8(摩洛哥,馬拉喀什 Mococco,Marrakech->索維拉 Essaouira)
早呀~雖然呢度既早餐好豐富....但係我已經頂唔順喇~捨棄西式早餐~食自己帶黎既媽媽米~無印湯~身心舒暢~

北非摩洛哥之旅2019-05-01第七天Part 2(天晴酷熱)

星期日....中午去左飲食齋菜既茶~然後去參觀人地新居~然後回家吃飯飯~~~......星期一...哦~番工~累~~食飽飯又玩ring fit....還在等濕爬的演唱會珍藏版....依家又諗緊....有500隻...到底我哥3隻黑膠既編號係幾多呢?係幾多呢?個心好痕...會唔會係019呢???好想要019~(點解?!19moment嘛~19又係我生日~).....星期二...臨醒前一個夢係我睇緊濕爬演唱會XXXD下午番番下工又有少少頭痛~我覺得係因為口罩條帶太緊緊到我扯住個頭痛~做前線真係慘...長期番工都要戴住口罩...今晚仲要係“想見你”係J2既大結局!我又睇多次李子維結局~之後我可以好好的放心的玩ring fit了~......星期三....放左工食飽飯玩ring fit~....星期四....放左工去同我既唯三大學同學去慶生~去左食green Leaf by Japas~......星期五....放工去左食味藏~終於試到令和の怪物~不過我麻麻....叫做試過~.....星期六...今日做左超多野!!...首先朝早去左altira按摩...勁唔勁呀?係5星酒店按個摩~查實係因為毛寶用ctm啲積分以半價換的~用佢啲分換仲要請埋我~點好意思呀~~跟住食左zen..再去攞番個吸塵機...你估都估唔到....佢維修失敗換左個全新既吸頭俾我XXXXD不枉我等左你3星期!....再去買急凍食品....攞野回家就收到supper個包裹呀!!!!自覺3隻黑膠都係靚冧把!!!!!好開心!!!!夜晚痴痴貢~再剪埋頭髮~



2019/05/01
Day 7---Part 2(摩洛哥,馬拉喀什 Mococco,Marrakech)
放飯喇~~開頭幾日都覺得野幾好食~但去到依家...每餐前都諗：係咪又係食雞?XXXXD...但今日導遊話：今日午飯有驚喜~.....喂!!睇下餐廳名!!Le Petit....Thai?!?!

北非摩洛哥之旅2019-05-01第七天Part 1(天晴酷熱)

星期日.......今日中午起身媽媽煎餃王俾我同毛寶食~真幸福~然後又係fika time~然後嘆下茶~寫下blog~再玩下ring fit~呢晚叫左好好味既C+food食~好開心~夜晚臨訓前睇左濕爬加拿大演唱會~好highhigh~......星期一....番工番工番工~不過今日無咩煩人~算係咁~同埋今日收到濕爬確認已收款演唱會珍藏版email~心都篤定了~我離珍藏版黑膠不遠矣~...毛寶仲送左個ring fit俾我...連swich都幫我借埋...零成本.......星期二....放工食飽飯掃完地晾完衫我就做運動啦...好攰呀...崩潰喇XXXD....星期三...同事們都說這天是幾個世紀以來最清閒的7月1...我不信...但銷售量就老實的告訴我了....放左工去左金樹食omakase....慶祝diana的生日~~~....星期四...番工無咩特別~放工食飽飽就玩ring fit啦~雖然都幾大運動量(仲幾攰下)...但我都係鍾意跑步步多啲~但依家既我實在唔敢係外邊除低個罩跑步:(............星期五...放左工去左補祝貞公子生日~食左Padre Cafe....呢次係疫情以黎7公一齊聚餐!我地真係好乖~~~笑到喉嚨有D痛XXXXD........星期六....毛寶要番工....我起身做住家務等佢買野放入我個口XXXD......下午再家務~夜晚自己煮烏冬~~



2019/05/01
Day 7---Part 1(摩洛哥,馬拉喀什 Mococco,Marrakech)
早晨~早餐都係噚晚食自助餐既餐廳食~同噚晚一樣咁多野食~麵包好食奄列好食~仲要有煙三文魚~感覺高級~我忍唔住攞個無印湯飯食下~

北非摩洛哥之旅2019-04-30第六天(晴天)

星期日...起身中午煮左海老味既日式拉麵食...九唔搭八咁加幾粒雲吞一齊食~之後fika time~然後掃下地~用ring fit做下運動~睇下fb人地影既日偏食既相~夜晚有好好味晚冬瓜粒湯飯食~幸福~.........星期一...呢日番工好多野做呀...但係放工食到姑媽整既豉油雞~真係好好味~(其實佢整既椰汁咖喱雞都好好味~D汁點麵包好正~)....食飽飯掃地...係...吸塵機攞左去整我要用掃把掃...掃到我就黎崩潰!!好想吸塵機快D番黎!掃完要用布甸安慰自己..........點算呀!!濕爬紅館演唱會要出blu-ray喇!!我屋企買既藍光機就係為左呢一刻!!!我一隻碟都未播過!!第一隻一定係要播濕爬紅館演唱會!!諗起都濕哂....眼仔!!!...仲要星期三有三十小時限時播放紅館演唱會~好興奮~.......星期二....起身哥刻：救命呀~我唔想起身呀~仲有幾多日到周五呀 ~....番番下工諗諗下...咦~原來番埋聽日...就放一日公眾假期喇~好野~又可以訓晏D~.....又一年既6月23~開心~~........星期三...妖~又頭痛~....放工快快手做好要做既野(包括食飯掃地左行右行)...8點前入房坐定定等睇supper moment live in the Coliseum首播....好開心呀睇足3個鐘~佢地有隻演唱會珍藏版有黑膠碟!!我好想買到...點知佢係呢晚以網上形式發售!!!好驚搶唔到呀!!點算喎!!!......星期四...好野~端午節~可以訓晏啲~不過我仲未收到email唔知買唔買到濕爬演唱會珍藏版...心好戚戚然....中午食左潮興隆...然後去左Brew Lab飲啡....夜晚同左屋企人去北海道食做節飯(今年仲係一隻糭都未食過).....星期五.....今日都幾多野做喎~放左工去食加東...諗住食好耐無食既蝦麵...可惜疫情下佢cut左好多味餸..蝦麵係被cut既其一....食左海南雞飯同辣沙...但食完真心口渴.....本身想食甜品...諗黎諗去都唔知食咩好..最後番屋企睇李子維食雪葩算喇~~~~一番到屋企我就收到好消息!!!我收到email買到濕爬隻演唱會珍藏版喇!!!!!!好開心呀!!!!!!500隻我佔到其中3隻!!!!!!好開心!!!!!前幾日係youtube睇番佢地演唱會先知自己鍾意得佢地幾痴線!!!!!!我好鍾意Supper呀!!!!!!.......星期六....中午毛寶整左韓國芝士麵我食~之後我地煎熱香餅~送咖啡~~跟住做家務~夜晚痴痴貢~



2019/04/30
Day 6(摩洛哥,歐薩薩 Mococco,Ouarzazate->埃本哈杜古城 Ait Benhaddou->馬拉喀什 Marrakech)
早呀早呀早呀~食個靚早餐先~~

北非摩洛哥之旅2019-04-29第五天Part 2(陰天及後轉晴)

星期日.....諗住呢日無野做放任俾自己訓...點知同噚日差不多時間起身~中午老夫人煮式台式麻醬麵俾我同毛寶食~食飽又做家務~做完食奶油豬~夜晚在家吃~(好彩颱風打唔正又強度不大~)......星期一...買左隻專係入咖啡既暖杯~自己沖long black番公司飲~再自己整芝士風乾火腿豬仔包~好正呀呢個星期一~.....星期二...救命呀~~又頭痛~~.....星期三....噚晚又凍又熱又頭痛咁過左一晚...今朝起身以為自己好番...點知都係醃下醃下咁過左成個番工日......星期四....起身還是頭痛...唯有去看醫生....醫生俾左兩日假我休息....中午毛寶買左好味who冬上黎探我..你人真好~....星期五....起身煎左兩隻蛋吃做早餐~感覺今天精神好多了~然後做家務~然後毛寶買飯團我食~然後又做家務~我真勤力~.........星期六....今日...本身...係我去泰國玩既日子...為左紀念呢日...我做左好多野XXXD...首先起身...純去飲啡XXXD...然後去左聯記食雞腳麵!(十世無食)...再去食埋保健薑汁撞奶~~我地叫呢個做新馬路美食半日遊~之後去試蘇富匙個牛肉酥皮角~好好食~再去整吸塵機(係...用左兩個月舊電就虧)...再去行威尼斯人~買左對阿迪達波鞋~係屋企做運動~都幾抵~抵到半價~再加埋用消費卡~我俾左300咋~之後行埋新開既Taste~再去堆金悅軒食晚飯~wow~個行程full到~



2019/04/29
Day 5---Part 2(摩洛哥,艾佛德 Mococco,Erfoud->撒哈拉沙漠 Sahara Desert->歐薩薩 Ouarzazate)
好啦~睇完日出~回程了~依家日出左先睇清條路~(喂~做乜家陣咁好天架!)

北非摩洛哥之旅2019-04-29第五天Part 1(陰天及後轉晴)

星期日....朝早又係落雷雨....打個大雷嚇醒我去痾篤尿...翻訓之下就訓到11點幾XXXD...起身老夫人煮烏冬我吃~然後Fika time~最近係bloom買哥隻咖啡好啱我飲~我好開心~fika完反正整個下午無事幹我走左去抹牆角線...到底一個人是多閒才會走去抹牆角線XXXD...要保持屋企一塵不染查實真係好難~夜晚老夫人煮我好鍾意佢煮既茄汁蝦意粉~~~簡直係全世界最好食既!飯後再黎電影夜~又睇begin again~真係真係好好睇~成套戲D歌都好好聽~一路睇一路食我好耐無食既齋牙時薄荷朱古力雪糕~但食落粉粉地咁既?.........星期一...凌晨突然好肚痛...諗緊依家痾定係忍到起身番工先痾...但諗諗下哥時發現已經唔可以再諗XXXXD勁痛....坐係廁所成身出哂汗...肚極痛但痾唔出....令我諗起我上次去南非慘況....諗諗下：唔會好似上次咁要嘔左先痾得出?... 諗左好耐嘔係邊好...好彩前面有個垃圾袋~嘔完就即刻Her一聲痾到...好虛弱...訓番上床諗：如果起身前仲有一次咁樣...我就去睇醫生唔番工!點知翻訓訓到流哂口水XXXXD乜事都無起身~我懷疑係個齋牙時雪糕出古惑!.....星期二.....我今日係公司樓下自助機買咖啡...俾提供咖啡機公司職員問我意見點解揀呢部唔揀哥部....好啦...見你咁有誠意...咁我就話你知啦XXXD其實因為我揀既呢部機..有冷氣凉到XXXXD.....星期三...無啦啦臨放工前一個鐘忙忙的....回家我用一杯酒精解攰~~~~..........星期四...今日熱到痴哂線...放工時餓到手震...( 兩件事好像無咩關係).......星期五....番工預左最後半個鐘多野做....放工去左食味藏~佢依家有埋飛機貨真係好正~雞魚刺身好好味...我最鍾佢個餃子~~~.....星期六...中午同左三隻小妖去譽瓏軒飲茶....好幾年前去過...覺得一般...佢依家升左米買豬連3星...又試下~ .....之後去行一陣gorilla... 再去買咖啡豆...再回家...熱到我丫...即沖涼!打風天要做好準備!(其實只係買左 零食~)...夜晚自己煮~試左 用新豬肉整 煎豬肉餅~都唔錯喎~真係幾似豬肉~



2019/04/29
Day 5---Part 1(摩洛哥,艾佛德 Mococco,Erfoud->撒哈拉沙漠 Sahara Desert->歐薩薩 Ouarzazate)
早~呀~喂~噚晚落雷雨~好彩依家無雨~然後又訓得麻麻~然後凌晨3點幾就要起身了~做咩?睇日出嘛XXXXXD...好似凌晨5點左右我地就係酒店門口坐四驅車出發喇~~(每車5人...計埋司機..我跟左毛寶同毛寶爹娘坐)

北非摩洛哥之旅2019-04-28第四天(晴天及後轉陰)

星期日...起身阿媽煮餃子食~煎餃皇呀!.....下午舅父表妹上黎睇下我新裝修~夜晚食左京都~.....星期一...今日過左第二邊做野~成5個月無做~好彩無驚無險~放工食飽飯就繼續”想見你”啦~~最喜歡李子維似笑非笑既樣...是要把全部少女殺死嗎?....如果17歲時遇到他真係會面紅耳熱XXXD.....星期二....我食飽飯同我媽各自極速跑入房.....為既係咩???為既係李子維呀!!!!我同老夫人講:你睇完一集唔好走入黎揾我呀...你去定廁所等我過黎開下一集你睇XXXXXD...各自睇左兩集後(我快佢慢)...我話今晚唔好再睇喇聽日再睇...點知佢求我開多集佢聽日中午請我食姐姐麵XXXD.....我預計聽日會睇大結局...我有啲唔捨得同我同姓既李子維(看到出我在拉關係嗎XXXXD)....怎麼姓李的都那麼可愛?(我要提提仕燊個名先..仕燊還是在我心中呀...我唔係驚大家唔記得我鍾意仕燊...我係驚我用情不專XXXXXD)......星期三...成日發生咩唔緊要...重要的是我已跑走今晚睇想見你大結局.....好唔捨得就咁樣睇哂!!好唔捨得屁孩李子維...真的好喜歡李維呀XXXD好多粉紅色的夢呀.....post感想上ig發現許多許太太XXXXD.....星期四.....今晚開始無劇追....無左李子維....失落感滿滿......唯有又轉番去J2跟住睇~就像李子維沒有離開我一樣XXXXXD.....星期五....我媽噚晚睇完想見你大結局訓唔著XXXD...其實今日番工又唔算好忙既....但係番到屋企就攰到機都唔想打XXXD.....星期六...落左成晚雨(查實我訓到無知覺係毛寶話我知XXXD)...朝早開電視聽完最後晚餐淚眼漣漣地起床....中午起身整左個西式早餐~我仲烤左蒜蓉包~食完毛寶話我個口好香呀~霞~~~又做成個下晝既家務...對靚腳勁攰~本身諗住去毛寶家痴痴貢~但因為落左勁大雨好耐~最後決定自己係屋企整撈米同蔥阿伯做晚餐好了~好味~之後仲準備一堆零食同白酒一路嘆一路係屋企睇戲~爽~



2019/04/28
Day 4(摩洛哥,菲斯 Mococco,Fes->伊夫蘭 Ifrane->阿特拉斯山脈 Mt. Atlas->艾佛德 Erfoud)
早呀喂~臨天光時除左播經文...群狗亂叫..雞蹄之外...仲有堆羊好hea好短咁叫：咩!.....(叫得咁鬼hea好鬼心唔好叫啦XXXXXD)....呢日車程長呀~要早D出發~

北非摩洛哥之旅2019-04-27第三天Part 2(晴天)

星期日....去左食toff...之後去左下環街市買海鮮~有基圍蝦~蟹~蟶子~象拔蚌~大蜆~鮑魚~阿媽今晚搵蒸海鮮俾我地食~番到屋企玩毛寶噚晚買晚ring fit~都幾好玩~夜晚食蒸海鮮~個蒸爐底 整左粥~一路蒸一路D汁落落 個粥度~D蝦蟹鮑魚大蜆都好 正~蟶子象拔蚌就麻麻~我地一路食一路飲白酒...唔知點解兩杯落肚我痴左線XXXXXD毛寶明明平時最快醉哥個XXXD但今次佢飲sake乜事都無XXXD我飲醉左不停地拍毛寶：喂!XXXXXD....毛寶 ：喂咩呀XXXD......我都唔知喂咩XXXD痴左線.... 最後個海鮮粥底火鍋超勁正~我地仲攞D蟹膏入粥扮我地好鐘意食既台北 合鍋物~(最後D碗毛寶一個人 洗哂XXXD 真慘).....星期一...一早起身周身痛!一定係噚晚既ring fit~諗住咁眼訓叫杯咖啡~我明明係機按左凍美式...最後佢出左green tea latte出黎....靜哂...唯有攞上去請同事飲!中午食左噚晚D海鮮粥~好好味~.......星期二.....今日又無啦啦落大雨...係似打風哥啲雨~......星期三...唔知係咪噚日抺野扭親條筋呢...硬係覺條頸筋好似有D痛咁既?......星期四....番工無咩特別...J2呢日播想見你..毛寶說好看叫我看.....睇完J2第一集就不能自拔上網睇第二集...怎麼劇情第二集就這麼的虐心!!!!!!好想繼續看下去呀!!!!但現在我要睡了XXXXD.....星期五...番工到尾段個膊超痛.....放工去左巴黎人....夜晚回家煲想見你....如果我回到17歲....我想我也會喜歡上王詮勝XXXXD(仕燊...我只是說一下下而已呀XXXD....當然是你比較好一點喇~~你除了帥還會唱歌寫歌~~~~)......星期六...朝早超級勁爆大雨!仲行左好大個雷~wow~嚇我唔醒~起身整台式早餐~食完嘆完啡就開始做家務~今日真係做得好攰...但我又唔係做得多喎~之後去痴痴貢.....之後番屋企睇想見你.....今天 真的很累~


2019/04/27
Day 3---Part 2(摩洛哥,菲斯 Mococco,Fes)
行完El-Cherratine Medersa神學院...再繼續行程~(查實行左好耐~放飯未呀~)

北非摩洛哥之旅2019-04-27第三天Part 1(晴天)

星期日....起身整蔥阿伯個蔥抓餅...一塊都搞左超耐...毛寶話如果我地開鋪就死硬...實上美食團俾人投訴到痴左線XXXXXD...呢朝好似玩自己咁...食飽飽就去左做家務...一做又是3小時...夜晚係屋企食~.....星期一...今晚阿媽叫我 食飯後果~話係紐西蘭麒麟果...我心諗原來紐西蘭都有麒麟果個磨~打開個果好似外星生物咁...好似好多蟲 卵咁...又酸又澀...忍唔住上網揾...原來叫火參果kiwano....睇黎...阿媽俾人呃左...我係hip埋眼吞左佢就算~感覺聽日好多屎痾~.....星期二....又係訓訓下頭痛...到訓醒極頭痛...整日工作都係頭痛...到肚痛...到頭痛...又到番肚痛咁過~.......星期三...起身都係有少少頭痛~不過好過噚日好多~......星期四....今日終於都精精神神無頭痛~為左慶祝~我買左公子推薦既咖啡機咖啡~家陣特價中~又幾抵 幾好飲喎~.......星期五...放工約左主席食飯去左食新記~~~咸魚煎肉餅呀~~~之後仲去埋食糖水呀~呢排都在想我到底會不會看too hot to handle?點知今晚就一連睇左三集XXXD.....你話係咪好好睇...咁肯定唔係架喇...湊下熱鬧囉~~......星期六....中午整左韓國辣麵食~同埋蔥阿伯~今次呢個好食過上次哥個蔥抓餅~食飽飲埋啡就做家務~夜晚約左人出去食飯~



2019/04/27
Day 3---Part 1(摩洛哥,菲斯 Mococco,Fes)
早呀喂~食早餐~餐廳望哥個景幾靚~早餐選擇亦算多~~值得一提既係....呢間酒店訓得好舒服...但成晚好似有兩次播D好大聲既歌....如果講歌不如講係播緊經文....有可能係回教教徒夠鐘祈禱?臨近天光...又有雞同群狗亂叫~

北非摩洛哥之旅2019-04-26第二天Part 2(晴天)

星期日...噚晚hocc開生日網上演唱會~我超開心~終於唱左我最想聽既出走太平洋~...中午同我媽同埋毛寶爹娘一齊去食新故里慶祝母親節~之後去左Venetian行一陣街~條街勁熱...然後就番左屋企~夜晚本身諗住叫外賣~但諗諗下呢日叫外賣可能玩命...加上個天勁多烏雲...都係買條菜番屋企煮飯食算喇~(最後證明我決定是正確的XXD)....星期一...妖...又頭痛...發呆到放工....夜晚又落超大雨~仲有隻飛蟻飛左入屋(但明明我無開窗喎).....星期二....無乜特別~特別在我以為聽日係星期四XXXXD....星期三...我發現自己肥左好多...好多~由於有D唔開心...我買左一包大包裝我心中最愛薯片第三位....同老夫人飲住梅酒食哂佢~好啦~開心番喇~.......星期四....今日又係無乜生意XXD今日發生一件老尷事....我放工同一個同事打招呼...佢都有好開心笑回番我....最後發現...原來我唔識佢XXXD.......星期五...放左工去左食800伴food court...食完好口渴...唯有買啤酒番屋企一路飲一路睇18年後的終極告白XXXD.....星期六......又超早起身去Ikea~買左少少咁多野~跟住去飲茶...呢日熱到痴左線!要飲凍啡解熱~之後去買盆栽~之後剪頭毛~之後番屋企自己煮飯食~(煎左噚日買既韓牛片食!好好味!)



2019/04/26
Day 2---Part 2(摩洛哥,卡薩布蘭加 Mococco,Casablanca->梅克尼斯 Meknes->菲斯 Fes)
飯後又再去參觀~去參觀沃呂比里斯遺跡(Volubilis)

北非摩洛哥之旅2019-04-26第二天Part 1(晴天)

星期日.....勁早勁早起身~早到8點~咁早起身做咩?就係澳門岩岩新開左Ikea!(終於都有...本人等左三十幾年XXXD)...因疫情問題佢依家只可以網上做到預約先可以入...以控制人流....而我地一個禮拜前預約已經約到呢日...仲要得早上10點先有位XXXD頂硬上啦大佬XXXD岩岩搬完就有野想添置(不過控制左人流確係幾好行~)...宜家同Daiso真係好幫手~揀佢地除左因為平同性價比高~而且係個款好睇~我本身無諗住係Ikea買玻璃杯既...但行埋去睇隻紅酒白酒杯望落唔錯...再望落少少Made in唔係RPC..係法蘭西呀!!而且係30幾蚊咋!優秀!....買完去左食小籠包~之後帶住滿滿既戰利品番屋企即拆哂黎用~夜晚係屋企食~.......星期一....訓訓下頭痛...起身去睇醫生...病假.....星期二.....仍是病假中...起身煎兩隻蛋做早餐...飲杯咖啡感覺好精神~.....星期三...今日屋企有野整...中午無得番屋企食~我噚晚就已經諗緊食咩中午飯...我諗諗下好想食某間餃子...點知我今日一番到去就有人問我今日食唔食哥間餃子喇XXXXXD....星期四...唉呀~今晚有仕燊既fb live呀~睇咯~好開心~~(不過等左個半鐘佢先出場唱兩首歌XXXXD好彩係屋企張床上面等XXXD)....星期五...食左麥叔叔早餐~家陣周五晚都係番屋企食~......星期六...午餐食自煮烏冬~跟住就做家務~今晚出街食慶某人的生辰~



2019/04/26
Day 2---Part 1(摩洛哥,卡薩布蘭加 Mococco,Casablanca->梅克尼斯 Meknes->菲斯 Fes)
早呀~天氣好似唔錯喎~時差關係好似訓到在點幾醒左...玩左陣電話~再翻訓到鬧鐘響

北非摩洛哥之旅2019-04-25第一天(晴天)

星期日....起身煮左韓國芝士麵食....仲有整左芝士辣魚豬仔包...嘆完啡同毛寶一齊做家務~~毛寶真係好~~做完嘆茶嘆花生醬豬仔包~~玩毛寶送我的一套1984年(佢話佢專登揀架)....一套1992年既麥叔叔車仔~~夜晚食牛肉餐.....星期一...噚晚成兩點先訓到...今朝起身好鬼眼訓...算啦~呢個禮拜番3日就連放4日~頂住呀~老夫人今個禮拜生日有好多慶祝活動架~......星期二...今日做做下公司停電...完~XXD........星期三....起身又有D頭痛~放工開心到發瘟狗咁衝去800伴超市狂掃貨~~布甸乳酪火腿乜都買一餐~買得好開心~你話唔去旅行其實又點會慳到錢~....星期四....老夫人生日!!!中午毛寶請左佢去玥龍軒飲茶~疫情後第一次去...忠粉覺得...服務同野食都差左..服務差左原因係唔夠人手...我茶見哂底都無加要我出聲..野食最好食最有驚喜係petit four XXXXD....下午係屋企hea下...夜晚叫左生蠔~我地再整左啲沙律呀~芝士呀~火腿呀~我再煎塊鹿兒島和牛~就係我娘生日大餐啦~好味~呢日我地飲左4隻酒...香檳白酒紅酒甜品酒...好癲XXXD係屋企食就係可以瘋瘋的....星期五...brunch在家整左黑松露炒蛋....勞動節嘛~做下家務囉~3年前既今日....我第一次同我家仕燊相見XXXD.....夜晚阿媽煮飯......星期六....訓到....12點幾XXXXD......驚醒起身刷牙洗頭吸塵淋植物...毛寶放工上到黎見到我好乖咁準備食野了XXXD...之後去左買蛋糕...下午寫下Blog~夜晚去食日本野~~



2019/04/25
Day 1(澳門 Macau->香港 Hong Kong->杜拜 Dubai->摩洛哥,卡薩布蘭加 Mococco,Casablanca)
好喇~寫到2019年既摩洛哥之旅~我好怕要開摩洛哥呢個頭XXXD因為想起好多相要排又要做後期(後期係加字唔係美圖秀秀呀我本身就咁靚XXD)...諗起都驚驚...但我又有強迫症鐘意順序寫~那也唯有硬著頭皮~又講到不情不願咁但又無人迫我既XXXXD...好喇好喇~講咁多出發喇喂!



咁我地今次係報左團既~唔係自由行呀大佬咁多老野我搞唔掂呀~有領隊招呼佢地好D~至於係跟邊間旅行社...我係唔會講既...因為方便我要數臭佢XXXXXD...又無去到數臭咁嚴重既~不過我不滿是真的...我跟過咁多次...最差個領隊係今次~.....我地個團係4月25日凌晨機既~所以我地24號晚已經搭機場船去到香港機場禁區喇~搞掂哂check in我地就去食野先啦~呢個近Gate 40既PP Lounge我2018年先去過第一次(係...我好老土...之前幾次都係去Gate 1隔離哥個)...呢次係第二次...難得我有少少愛上呢個Lounge...(雖然呢個Lounge都係好多人...但我鐘意佢開揚D...Gate 1哥個好黑好暗~)...點知呢次係最後一次入XXXXXD.....頂~呢個Lounge係2019年12月已永久關門...新哥個好似係Gate 35附近

七公子聖誕百元限定哭福袋派對2019(第八屆)@16號碼頭德興(澳門)海鮮火鍋

星期日......唔知點解晨咁早9點幾起左身~中午鼓起勇氣出街食..又去左Toff食樽仔烏冬XXD毛寶問我...到底我地有無去左Toff 30次XXXD...打算去買餐具點知無開...諗住買酒又無開....好彩最想買既凍肉有開!買左啲靚靚牛番屋企食...好好味呀~~仲叫左啲麻辣海鮮外賣食..好食!.......星期一....放左工就跑番屋企做家務~不過做完有啲頭痛XXD.....星期二....起身哥刻諗...點解今日才星期二?....今日啲客都好串串貢...不同國籍都有...是約好的嗎?......星期三...番工無咩~係放工前叫左個超煩的客....唯有晚飯同我媽㗳番杯輕鬆下~夜晚最近都追緊木村兩個幾月前既Grand Maison Tokyo....夜晚睇真係令人好糾結...好想食食木村個套餐呀!個衰豬咁多年都係咁靚仔~(但還是仕燊最帥~~)....星期四...近排都係生意慘淡~算啦~輕鬆D唔好咩~我終於接近少少周末喇~.....星期五....放工就去左超市小掃零食~因為我今晚食飽飯又要開梅酒P~.....星期六....起身做少少家務~係屋企食完野開展左一個下午既購物樂~又Gorilla啦~又at home living啦~又九號酒鬼啦~又凍肉啦~好滿足~又散盡家財~夜晚痴痴貢~



好喇~又來一年一度既七公百元限定哭福袋派對喇~要唔要重溫舊夢?好~我幫你整傳送門~~第一屆..第二屆..第三屆..第四屆..第五屆..第六屆..第七屆...家陣黎到第八屆...你準備好了沒?XXXD...餐廳方面我地都係揀番舊年既火鍋~不過舊年哥個點已執左...今年去左佢前少少哥間~野食就差唔多架喇~如果想睇野食介紹就睇番第七屆哥篇就OK喇~揀佢因為哥日個個都要番工~貪佢唔使去咁遠~(你知啦~哭袋好重架~)...二來有其他粉絲好欣賞我地D哭物~又叫到成枱野~~(仲未黎齊~)

六公子峴港嘆世界之旅2019-04-07第四天Part2(晴天)

星期日....好開心呀~噚晚9點已坐定定等睇hocc9點半既網上live唔使錢演唱會~~堅唱兩小時!好好睇!佢話仲有下一次~希望下次會唱出走太平洋啦~~(次次聽親都會諗起南非哥次旅行)...然後竟然一覺訓天光~~開心~~~中午煮左個韓國麵食~嘆自沖既Long Black~下午又執野~其實我哥啲毛寶已經執好哂~毛寶今日仲著手幫我媽執左大部份野....好變態~毛寶你好無唔好咁勁?..用3日時間就可以由12個紙箱變淨得番一個...夜晚食媽媽飯~~~~星期一....訓醒媽媽煮麵食~之後嘆啡~我去左做家務~媽媽去左買餸~毛寶幫我砌左幅磁石牆~下面再擺幅法國既畫~我地自稱呢個係我既GalleryXXXXXXXXD...仲話不定期會 換展品XXXXXXD.....下次影俾大家睇下我個GalleryXXXD....我呢日深入咁做清潔....一做就做左5個幾鐘...好攰但見到同聞到既乾淨覺得好幸福~夜晚媽媽整左海鮮煲俾我同 毛寶食~.........星期二.....之前疫症唔使番工時公司要抽 籤番工所以呢日補番日假俾我~好開心~毛寶都係番到12點就放工買好味烏冬我做中午飯~仲買左我最鍾意既燒雞脾~下午欣賞我自己個gallery....上網睇下宜家有咩買...好勁~我搬番舊居有4日無出街都唔覺得悶~夜晚梗係媽媽飯啦~......星期三...復活節假放完..要上班了~今日屋企洗水缸無得番屋企食中午飯...係公司食飽飽訓到成個身斜哂XXD.....星期四...無驚無險....下班阿媽整左煎蛋煎午餐肉....好味~~~~~~.....星期五....放工又去gorilla放血XXD買埋湯爹番屋企...沖完涼再開梅酒P~~~~.....星期六....起身整早餐~(其實我只係剪左4隻蛋XXXD)....食飽做家務(好攰呀).....之後毛寶幫我剪頭毛~夜晚痴痴貢~



2019/04/07
Day 4---Part 2(越南,峴港 Vietnam,Da Nang->澳門 Macau)
一食飽中午飯又跳上另一架Grab~去食另一越南出名既椰子周邊甜品~(係!呢班人話唔肚餓食左個中午飯然後依家又去食甜品!)....叫Dừa Bến Tre 196...地址：196 Bạch Đằng, Phước Ninh, Hải Châu, Đà Nẵng 550000 Vietnam...同一條街好多同一類型既甜品舖~

六公子峴港嘆世界之旅2019-04-07第四天Part1(晴天)

星期日......朝早痾早尿醒一醒驚見落超大雨!好驚呀因間要搬幾袋野番舊居喎...驚到訓著番~好彩搬野時無落雨~叫左發達外賣~下午執下野係舊居做家務~毛寶幫我吸塵拖地...真係好孩子~~夜晚叫左魚婆婆~(本身我地呢日要出發去日本佐賀玩的;[ )....星期一...今日補假~又可以訓晏D~...呢日落左差不多成日雨...我都醒目今日唔揀送外賣...揀左到店自取....但都比佢俾我既時間等多左超耐....食飽嘆左杯越南咖啡粉整既long black...好正~然後又去左800伴瘋買...聽到日文又當自己係日本行緊百貨公司....夜晚回暫居地食.....星期二....訓得唔好呀!我懷疑我就快可以搬番去心情太興奮訓唔著XXD.....星期三....放左工番舊居鋪好地板...等過兩日搬屋唔怕整花地板~~好興奮呀~~~可以搬番去喇~~~......星期四...最後一日住係暫居地喇~~~~好開心~~~今日我有好好的再望下番放工行既哥段路~好野~~天氣開始熱我唔使戴住口罩熱辣辣咁樣行番工喇~~~~放工番左暫居地食係呢間屋既最後一餐晚餐住家飯~~~再執下野~~~~.....星期五.......今天是風和日麗的一天~~~今日我搬屋呀~~老夫人真識揀日子~~呢日天氣超好...我驚左好耐落雨~~同事推薦哥間搬屋公司真係唔錯~我來回都係揾佢~呢日我準備好未到預約時間..諗住send個短訊話聲佢知~佢靜靜的無回我...過兩分鐘我打開門去垃圾房...佢已經企係出面等我XXXD....佢地好有禮貌~又温柔對待我搬家物....重點係收費勁合理....係我裝修以黎完全好評既其中一樣服務~45分鐘由暫居地搬回自己屋企~跟住係屋企附近食早餐嘆啡~~再回暫居地執細碎野..總共來回3次~~好攞命~~老夫人真係好堅挺!多謝毛寶呢日又早又狂車我地走黎走去~之後去左800伴...我要買聽日整日野食索性唔出街~之後番屋企執野~~毛寶仲要幫我執衣櫃XXXD唔該哂~夜晚叫外賣~~........星期六....wow~第一晚番自己屋企訓~雖然未至於 話訓得好好~(我估我攰得滯~)..但係係自己屋企就是舒爽~訓到9點幾 醒左...滾到10點幾起身準備整早餐~煮俾我親愛的娘親和毛寶吃~好似旅行咁...炒下菇煎下蛋~我媽係第一次食我整既野咋~之後梗係嘆埋咖啡呀甜品呀咁先啦~然後又進行無盡既執野~我真係好多謝毛寶呀~佢幫我執左勁多野~仲多過我自己執XXD......夜晚在家吃媽媽飯~今晚Hocc有Live呀~我要準時收看~




2019/04/07
Day 4---Part 1(越南,峴港 Vietnam,Da Nang->澳門 Macau)
早晨~最後一日 起身望住呢個景喇~