我的生日會2019@Japas Macau

星期日....中午起身老夫人整台灣代購既清燉牛肉麵..都唔錯...然後fika time~然後做家務....然後晚餐....今日隻左腳怪左成日....我講既怪...係隻腳好似內裏震緊咁...如同將隻腳放在電磁爐上咁....呢日坐又唔舒服訓又唔舒服行又唔舒服企又唔舒服.......星期一....番工好多野做...我頂唔順隻腳....最後要睇醫生...竟然俾我約到物理治療...今日有得睇好開心~放左工去睇....物理治療師問下又按下我腳...腳板...腰.....最後發現係脛後肌發炎....然後要做超聲波加電療...感覺好像好了點....星期三再去覆診....星期二...隻腳好番好多.....雖然都有出現哥種感覺...但係已無咁強烈~希望快啲好~......星期三....今日番工落左場大雨....放工去左覆診...已經好番啲~~不過物理治療師叫我覆多次診~~好彩有醫療券....睇埋下次都唔使錢~......星期四...今日都幾多野做~放工好攰奶奶~呢日勁早訓....好想快啲到聽日放工哥刻.........星期五....今日有少許腳痺~工作量還好~放工去左食兄弟煲打邊爐~~~~..........星期六....中午本身出去食...但老夫人有D唔詩酷~所以我唔出街啦~毛寶買左法國佬麵包俾我地食...fika完我就開始做家務...做完我都有D膝頭痛XXXXD頂...好老~夜晚係屋企求其開罐辣魚同食泡菜又一餐~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



又完了一個遊記~又寫一篇食記~舊年生日~公子為我同杯一齊慶生~因為我地生日超近的~所以年年都一齊慶祝~舊年我地揀左Japas Macau~地址：澳門區神父街165-307號八達新邨地下EE座...電話：28521199....想食記特要訂位...當日係周五...都幾多人食~(餐廳環境係我地食完D人走哂才影~因為開始食時人太多~)

七公子聖誕百元限定哭福袋派對2019(第八屆)@16號碼頭德興(澳門)海鮮火鍋

星期日......唔知點解晨咁早9點幾起左身~中午鼓起勇氣出街食..又去左Toff食樽仔烏冬XXD毛寶問我...到底我地有無去左Toff 30次XXXD...打算去買餐具點知無開...諗住買酒又無開....好彩最想買既凍肉有開!買左啲靚靚牛番屋企食...好好味呀~~仲叫左啲麻辣海鮮外賣食..好食!.......星期一....放左工就跑番屋企做家務~不過做完有啲頭痛XXD.....星期二....起身哥刻諗...點解今日才星期二?....今日啲客都好串串貢...不同國籍都有...是約好的嗎?......星期三...番工無咩~係放工前叫左個超煩的客....唯有晚飯同我媽㗳番杯輕鬆下~夜晚最近都追緊木村兩個幾月前既Grand Maison Tokyo....夜晚睇真係令人好糾結...好想食食木村個套餐呀!個衰豬咁多年都係咁靚仔~(但還是仕燊最帥~~)....星期四...近排都係生意慘淡~算啦~輕鬆D唔好咩~我終於接近少少周末喇~.....星期五....放工就去左超市小掃零食~因為我今晚食飽飯又要開梅酒P~.....星期六....起身做少少家務~係屋企食完野開展左一個下午既購物樂~又Gorilla啦~又at home living啦~又九號酒鬼啦~又凍肉啦~好滿足~又散盡家財~夜晚痴痴貢~



好喇~又來一年一度既七公百元限定哭福袋派對喇~要唔要重溫舊夢?好~我幫你整傳送門~~第一屆..第二屆..第三屆..第四屆..第五屆..第六屆..第七屆...家陣黎到第八屆...你準備好了沒?XXXD...餐廳方面我地都係揀番舊年既火鍋~不過舊年哥個點已執左...今年去左佢前少少哥間~野食就差唔多架喇~如果想睇野食介紹就睇番第七屆哥篇就OK喇~揀佢因為哥日個個都要番工~貪佢唔使去咁遠~(你知啦~哭袋好重架~)...二來有其他粉絲好欣賞我地D哭物~又叫到成枱野~~(仲未黎齊~)

我的生日會2018+媽媽生日會2019@京花軒

星期五....呢日生意額唔錯~本人甚是滿意~放左工去左攞之前狗仔堂張證書~然後...去左食棽莜~星期六....中午人地諗住試金非豬潤麵..點知今日臨時唔開!!!!勁失望!!!!!於是求其係美食廣場食左個海南雞脾飯~但唔好食~下午又執下野啦~夜晚行左陣威尼斯人~晚飯食左鼎泰豐~~再加糖朝盛世芋圓~~滿足~~.......星期日....一早貢左起身....中午食左食味方丈外賣~下午執左成個下午相簿...我唔係講緊電腦哥d相簿呀!!係堅曬出出黎哥d相簿呀XXD....毛寶仲幫我一路執一路笑~~~夜晚痴痴貢~~星期一....一年一度既7月1日~~萬人空巷啦梗係~~~~~不過順利收工....已經好好啦~理你今日有幾多人丫~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



2018年既公子生日會..我諗呀諗呀諗~到底要大家去邊度幫我和杯慶生....最後揀左我想試好耐既京花軒~~係永利酒店入面既米芝蓮二星北方中式美饌餐廳~~~~電話：8986 3663....建議係外圍搵路入易搵d~係星際斜對面....係入面行搵黎搵去都唔知點行好~

七公子聖誕百元限定哭福袋派對2018(第七屆)@16號碼頭德興(澳門)海鮮火鍋

星期四....放左工無飯食呀~去跑跑~跑左5.25km......咁凍都跑真係叻到呢!...好耐無跑過5k…感覺叻叻…因為我無飯食....所以我一路跑一路心諗…堅持多1k俾你食鍾意既野好無?最後我堅持到…亦選定我想雪雪入口泰式熱湯麵加個小食…點知路過既兩間泰麵都無開…我既努力白費左…最後我行去間齋舖食左個飯…重點係…我堂食呀!!身為一個孤獨外向症患者既傳統天秤座…呢件事係無可能發生…(但哥間野一定要少人我先會入去)…我係絕對唔會一個人堂食…十次有十次我都會外賣番屋企嘆…今日既我又打倒昨日既我!打咁大段野認屎認屁你見過未?星期五...千年等一朝~~~放工去左食關東煮…跟住行行行下光影節…假行…又坐低食下蒜蓉包同糖水…星期六…中午試左Comma Cafe....飲完啡然後又去Pace Coffee度試埋佢杯手沖(今日飲左好多啡)....然後又買左鐵餅號個雞蛋仔食~(我知!鐵餅號要吃手抓餅嘛~但哥刻無好肚餓~~下次試)....爛鬼樓哥頭真係多左好多新鋪!幾好呀~活化下~夜晚就舉行哭福派對!照舊笑到痴哂線~~~~星期日.....中午去左路環食...叫路環碼頭麵館....不過食完好口渴..........之後去左威尼斯人買優力高!....然後就回家乖乖打blog~諗住送呢篇blog俾大家做聖誕禮物丫嘛~~~~夜晚又痴餐~星期一.......番工都覺得無咩野丫~點解呀?呢個禮拜番4日之嘛~~星期四又放回歸假咯~~~跟住又去台中咯~~~~唔緊要啦~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



係咪好感動呀???我送聖誕禮物俾大家呀~~~仲要係新鮮滾熱辣既七公哭福袋~~~~



今年我地揀呀揀呀揀左好耐....最後選定左16號碼頭德興(澳門)海鮮火鍋作為我地七公好重要既第七屆哭福袋派對既場地~我地揀左上海街分店~地址：澳門上海街72A至北京街170號廣發商業中心1樓 (維景酒店斜對面)...電話：2870 1186.....點解佢可以成為咁重要既第七屆哭福派對既場地?因為佢乎合左3點....1.就係岩食...打邊爐誰不愛?仲要有d小炒~....2.有房....因為我地真係好嘈.....3.開得夠夜~~收凌晨3點...因為呢個頒獎禮真係媲美叱吒頒獎禮咁長~~(今年仲要新增左人數~~有無好緊張想知加左邊個~~)...好喇~先說野食啦~~椒鹽去骨九吐...$78..好味~~

毛寶生日會2018@寶雅座(Aux Beaux Arts)

星期五....勁~多~野~做~~做到我頭痛~~唯有快快食藥~~跟住放工諗住同毛寶去Uniqlo買哥隻交叉眼公仔..點知佢話呢日既7點開始派購買劵...無購買劵無得買~好巴閉咩~....買唔到咪去左紫來坊食齋囉~~星期六....中午食左Toff....下午毛寶幫我剪頭毛去旅行...同埋我就黎要換特區護照喇~咁就10年~但本護照都係未吸滿印~剪定頭毛去影相..(重點是要兩條眉都要見到~)....夜晚痴餐~食飽去左UA睇怪獸與葛林戴華德之罪~星期日.......中午起身落雨ing...所以去左唔會濕身既羅浮....查實澳門既朋友有無唔濕身既好推介??....下午無咩做...仲訓左一個鐘美容覺…訓醒覺得自己好靚XXD…悠悠閒咁過~夜晚約左一堆人食中菜~呢個周末過去無咩太唔開心~~因為我要迎接黎緊既旅行周末喇~~倒數ing~~星期一......由於呢日既申請個案都比較複雜...所以呢個blogger都有d頭痛...唔出blog lu~(等你地掛下我~).....星期二....落雨...唔跑步~仲未抽假...但我睇到要同好多人爭...;[....星期三....一朝早宣佈~我地又換老闆~咁短時間狂換~呢度真係好好玩~~(仲係未抽假...希望等我去完旅行番黎先抽)....想跑個步都難...又係成日落毛毛雨....星期四......痴哂線....多野做到痴哂線....遲成45分鐘....不過係人為架囉~(梗唔係我~我邊有咁大既權力~又一好好玩例子)...真係好戇居~生生性性番埋聽日工呀~又可以變開心癲狗喇~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



毛寶今年既公子生日會揀左係澳門MGM酒店既寶雅座(Aux Beaux Arts)....係一間法國餐廳黎既~可以上網訂位~但哥次我上網訂7人就訂唔到啦~要打去先訂到~電話：8802 2319.....同毛寶食之前....其實老夫人之前請我同毛寶食過一次~所以撈埋今次一齊講~好啦~講左老夫人哥次先~(其實好耐之前都有食過一次~不過哥次覺得一般...可能因為哥次係任食)

麥公子生日會2018@當奧豐素1890意式料理(Don Alfonso)

星期二....今日我係公司樓下叫左個腿蛋包....然後....佢俾漏左火腿我....今日已經開始執行李~~我發現我好多野要帶~~~..................星期三.....無咩特別野發生~也是好事~收到我今日第二同第三封生日利是~~~~星期四.....收到生日第四封利是~差唔多喇差唔多喇~~~~到我做癲狗喇~~~~~~~此刻已開心到彈起~



係咪好耐無見過七公子呢~係咪好掛住呢~知你地架喇~去片~~~~~~~~~~~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



當時由於麥公子生產在即~提早幫佢慶生~佢點名!要食Don Alfonso~~~~~地址：新葡京酒店3樓....電話：8803 7722

七公子聖誕百元限定哭福袋派對2017@泰潮

星期二.....番番下工又覺得個頭有條筋戚下戚下....感到將要頭痛....於是......我下午買左杯筋勞飲...(記好的星期四至日先飲呢??)...飲完又生猛番哂~~(如果有人贊助我每日一杯筋勞就好喇....我今日諗住放手一搏不如果以後日日獎自己飲一杯筋勞咯...但計計下...原來每個月要用多$1,000!!!即時禁止自己有呢個念頭)....今日空氣差...禁止跑步!!呢晚我食左紅肉火龍果..很擔心自己明天沒有粉紅色booboo!!(好可愛呀~~)....如果無就係有宿便!!好緊張!!!!星期三....各位各位~~我一早就有粉紅色booboo喇~~~~番工順利~~放左工同毛寶去試左新開既鍋心粥底火鍋~都唔錯~..星期四....又到法定飲筋勞既日子~飲完開工真係舒筋活絡~~~~好野~好野~又到星期五喇聽日~~~~~咦..呢幾日都無跑過步添!



hi~又黎一年一度公子哭福袋大賽~無見一年~大家係咪好掛住呢?要唔要重溫番之前既哭福袋盛況??等我幫下你~2012年哭福袋..2013年哭福袋...2014年哭福袋...2015年哭福袋...2016年哭福袋.......即係話!!!今年已經係第六屆!!!!!出年就係第七屆!!!第七屆有個7字真係要搞得好好睇睇!!!唔好失禮7公子個7字!!!!!



今年我地都係去番舊年搞哭福袋哥間泰潮呀~即係百老匯入面哥間呢~明明年年都揀新野試架..點解又揀番呢間?因為d野都幾岩我地食~(而且唔貴)...仲有間房~(你地應該估到我地有幾嘈啦~)....同埋佢開到夜晚12點....岩哂我地舉行呢個活動(因為年年都搞成4個幾5個鐘架!!成個叱吒頒獎禮咁長~)......野食舊年講左啦~今次唔講喇~一野進入大直路喇~俾你一次過睇哂成枱餸~大家有無見到哭福袋派對有新面孔呀?係戈巴呀~戈巴依家正式黎澳門住喇~佢真係好彩喇....攞到我地呢個哭福袋頒獎禮既入場劵!!知唔知好多人想俾錢買都買唔到?!(記得做公子既首要條件係咩?)

七公子香港一天遊@郭富城舞林密碼演唱會2016-09-03

星期五....好開心有得食subway...但同時又知道埋星期一要ot~~~~好開心呀真係~~~~~~多野做就梗架喇......好彩放左工有得去食新麻浦韓燒~~~~~~但....我食第四次喇..今次d肉真係好難食....肉質差...食完都覺浪費自己胃口....一多人d服務就搞唔掂...我唔掛住你喇.........之後去左探菓子軒~點解無見你一個星期你面肉多左咁多既?????好可愛呀~~姐姐好鐘意你~~~~~~星期六..去左南湖明月飲茶~~之後去左毛寶家睇下d四國住宿~~點解四國d住宿咁難訂架~~~~~有d住宿仲要得日文無中文~~~睇到我呀~~~~(唔好以為我識睇~我都係google translate~~)...好攰呀~~~~呢日睇左成個下午先搞得4晚住宿~~我暈喇~~~夜晚去左食風味居~~去慶祝我既唯四大學同學露仙既生日~~~~~~好開心~~次次都傾到人仰馬翻~~星期日中午食左花道中午set...之後又去左毛寶屋企訂埋哥兩晚房..(但都係仲有一晚未訂...要3個月之內先訂到...)....之後又再睇租車d野....又要研究上高速d收費...又研究張TEP卡...真係攰屎人...仲未研究完...下個禮拜又要繼續~~~~~~夜晚食左牛仔屋~~好耐無食過~~再食埋聰少甜品個龍眼冰~~~星期一....要開ot嘛......但算啦~~唔過呢日點會去到星期六去睇Supper Moment喎~~~~~Sunny bb~~~~~~~~~~~



又完左一個遊記~又黎出下無聊野間下場先~~(因間又俾人話我邊個得閒睇你d無聊野呀~~快d出旅遊blog啦~~~係喇~~~下一篇就出公子釜山遊喇~~.....咦....但今日都算係旅遊blog黎架喎~小旅遊呀嘛~)



點解我地會突然之間哥次又去香港...因為朗主席一句：我要睇我既兒時偶像城城既演唱會!.....之後公子就乖乖的陪主席去香港睇演唱會了~~~哥日過到去香港中午時份...我地安排左去當時開左無耐既奧海城Muji旗艦店度逛逛~~~兼食埋野啦~(其實我真係幾鐘意行無印...可惜澳門無~~)....

七公子聖誕百元限定哭福袋派對2016@泰潮

星期五...都算多野做呀~忙得無時間抖下~放工去左銀河間Apron試下~又幾好味喎~星期六過左去香港..預約左整自己既專屬枕頭~希望真係可以減輕我肩頸痛既問題!!又開始頭痛...係劇痛..痛到無哂心機......不過係香港食左好多野~星期日....中午食左阿蘇..夜晚食左家常便飯.....星期一..成晚都訓唔著又頭痛...搞唔掂去睇醫生....放左兩日病假...連網都無上...電腦都無開.....星期三..上午還好..下午比較多野做...個人覺得好攰...但唔算係做得多野攰..係個心好攰......算啦~呢d野都係唔到我管~.....星期四努力工作~因為又期待星期五中~過埋聽日工作日星期六有公子生日趴呢~~好緊張~~



好~係咪好突然呢~~咁快就出到一年一度既7公哭福派對~~~~今年經麥公子提議下.....揀左銀河百老匯入面間泰潮...電話：6336 6888.....貪佢有免泊車有房之餘...收夜晚12點夠晏~而且麥公子食過話不錯吃~加上有米芝蓮既美食推介~好啦~試下啦~~~

七公子香港一天遊2016-07-09 Part 2(酷熱天晴)

今日星期一多野做~~但心情不錯~~星期五一放工即刻衝去星際風味居同另外4位公子食飯~~好味~~~~hehehaha又一晚~星期六一早起身突然一約~去毛寶家先剪頭髮~然後約埋另外兩位公子去羅浮咖啡午餐+下午茶~開心~再去埋Garment Park~禮成~去800伴走一轉~純走走~無收獲~晚飯係食左自家煮辛辣麵~yumyum~星期日起身終於去試左哥間Triangle Coffee喇~佢個Affogato好好味~(比昨天在羅浮咖啡的好味~)...而且佢個pizza也真的不錯吃~~以cafe黎講佢算係咁~~之後番左屋企將d相過落新既移動硬盤~~夜晚叫左海榮外賣~~又有送抹茶大福~~yumyum~~



到左中環落左船~我地向海濱哥邊行過去~華~~~~~我係第一次見呢個摩天輪咋!!!一場黎到....點少得一張公子最有代表性既"就是你"呢~香港朋友~我們帥不帥?我聽到遠方有人叫：帥慘了~~~~~~~(誤)

七公子香港一天遊2016-07-09 Part 1(酷熱天晴)

其實本身聽日先寫blog架嘛~~但你又估我唔到~星期三既呢個時間先上黎寫~~其實我今日出左去諗住聽日先寫既..點知今晚有個不速之客聽晚要拉我去食飯....即係聽日都係唔得閒...(咁你咪下星期一先再上黎囉...又無人等你.....)....唉...咁你知出blog係我既小確幸黎架嘛.......再唔出咪呢個星期先得一次小確幸?!同埋如果你準時星期四黎探我...咪等於我地準時見面囉?!我真係一個貼心的孩子~.......星期二...比平時早醒...因為要起身睇一睇有無打風!!香港8號風球...澳門鄰近既廣東省地區都係紅色預警....偏偏澳門呢個福地由始至終掛左10幾個鐘3號波....哥日番工成身濕哂...d雨唔大但打橫咁黎....上網睇成街塌樹~招牌都塌仲係3號~澳門..就是與別不同~(#曲線要說明)



哈哈~公子又黎佔一佔位置先喇~~~完左一個國家既我地又插一插播公子七月時過黎香港玩玩既行程全紀錄(可能無人想知).....首先講講點解會有呢個香港之旅呢?...因為我地七公子主席(好似無係度講過我地主席係邊個...哥個係朗公子)開到聲過想約埋...一齊去大澳行下..........所以就有呢個香港之旅產生喇...咁點解要哥日去呢...因為哥排噴射飛航同埋金光飛航都有優惠出...咁就.....出發咯~



華~哥日晨咁早搭8點船~~~~痴線架~~~仲早過番工~多謝毛寶車埋我去碼頭~~~報數~~1~2~3~4~5~6~7公子出發!!七公子帥慘了~~~~這是公子第一次一起去香港~要好好紀念~我好耐無去過香港喇~~~真係好窮呀~~~因為過黎一日要洗好多錢架~~~(凱公子個樣好乖孩子好想抱下佢~)

七公子澳門一天遊2016/05/28[Don Alfonso 1890(當奧豐素 1890)->小黃鴨->The St. Regis Bar]

幾神奇呀~~~~我星期二下午放工番屋企時行過信箱.....靈光一閃打開佢.....頂!!!!!我終於收到我地係復活島寄黎哥張postcard喇!!!!足足4個月...真係足足4個月先收到~~~~~~~痴線架~~~~~意味住...我秘魯哥3張postcard係真係寄失了...好可惜.....;[.............今日超多野做...但我都出blog~你又估我唔到~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



那次難得的星期六~七公子人齊去玩玩~點解會有今日呢個一天遊呢....係因為同落少少既一個行程有關~但我地呢個一天遊同平時遊客黎澳門玩既野係完全無關的~~我地既行程都係同飲飲食食有關~~~~第一個景點...哥日中午~我地午餐地點係Don Alfonso 1890(當奧豐素 1890)....地址：新葡京酒店3/F.....電話：8803 7702....如果係網上預訂佢會要你自己download一份野填信用卡資料做guarantee....填好又要send番俾佢...如果你唔去又唔提早打去取消..就會收你手續費.....其實都幾煩~

Naughty Nuri's Macau刁廚.紐利

今日幾好呀~星期一唔似星期一~~~呀~點解個個星期五都咁辛苦既~放左工約左小青蛙食飯~食左之前好鐘意食既Quick...都仲係好味~不過無左平哥個餐...同埋貴d哥個餐既份量都少左~星期六中午食左馬慶康..好開心終於有位~~佢d飯既種類真係好多..但我今次無食...因為...........我要去TFT買chio湯媽ki丫圖~~~~可惜無我想食哥個包~~~上午係屋企聽左Supper Moment既無盡之後...好有鼓勵成份....一鼓作氣咁樣下午在毛寶家訂埋機票!!!去邊?落少少先講~~~~夜晚去左食新老地方...d海鮮仲係咁好食~~好多謝有老闆請食飯~~~星期日去左800伴買d野..但由於我張新既亞洲萬里通信用卡未出...所以....一切都要忍耐~~再去埋拜老豆..再買阿蘇廚房食...食完就繼續趕工南美blog d相..我真係好乖.....夜晚同左屋企人食飯~食左濠江~



好耐無寫過食評添~應該舊年公子哭福趴之後都無寫~有成4個月~掛住寫旅遊blog~(有人叫我專注寫旅遊blog唔好再寫日常野~但有時日常野又好值得記低嘛~)....因為依家係d卡喇位~南美d相又未整好~之前d野食相又係舊手提未差番電又未執過....所以真係順唔到序寫.....有一篇好新既餐廳要介紹~~~~~~我諗呢個blog好耐無d咁新既餐廳資訊寫過...通常新開既去食到我寫哥時人地可能已經開左大半年(誤)......呢個blog依家好緊貼潮流~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對唔關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



呢間新餐廳新到仲係試業階段(我個blog真係好潮~~)..就係Naughty Nuri's Macau刁廚.紐利....地址：澳門福隆新街7號(近紅窗門)...電話：2853 0425.....之前成日行過....唔知係咩餐廳.....原來係連鎖餐廳來的...重點...總店是在峇厘島.....咦...咁咪即係印尼野????仲要係中港台澳的首間分店....揀係澳門開???有推屎!!(依家都仲係紅紙都未摵架~)...我去食過兩次~集埋係一個blog介紹~

七公子聖誕百元限定哭福袋派對2015@尊Expert

哈哈~識左大家咁耐~都好似無送過聖誕禮物俾大家~經麥公子的提議~話想我送聖誕禮物俾Blog友們~那我先放下遊記~寫寫呢個"如果抵抗力比較弱..都會笑到賴尿既"公子聖誕哭福袋派對俾大家~大家知我條懶筋好嚴重架啦~一般都過4-5個月先會出到blog~旅遊blog除外~就知我幾咁愛大家~(巧喇~重點來了~這裏沒人在期待唷)



今次公子揀既地點係尊Expert...地址：澳門巴黎街86號富達花園地下....電話：2838 3887......我地都好有自知之名....想問佢有無房可以訂~點知佢話依家已經無左間房喇~~~~估唔到原來佢已經開左年幾~成日經過但都無諗話入去食~因為覺得佢裝修唔錯~覺得佢好貴~公子選哭福派對地點都好嚴謹架~又要有私人空間(因為我地真係好嘈..失禮呀女)....又要d野好食~

依家發呢篇文我真係覺得自己個Blog好時髦呀~我個Blog終於有d節日氣氛喇~~~~~~

8鍋台式臭臭鍋

我又要講下我噚晚既心路歷程.......我噚晚食飽飯七點幾打打下blog....突然好眼訓...係眼訓到要即刻跑入房吸被訓哥隻........所以我由七點幾...訓到九點幾醒左.....諗住唔好訓咁多啦....起身睇下電視陣間再訓...費事訓咁多訓唔到......於是我就半夜玩到十二點半再帶睡帽要訓喇....點知......我去到朝早六點都訓唔番...我唔係模模糊糊咁訓喎....我真係知道自己係無一秒有入睡.......................................我不停咁諗：4個鐘都好啦..都訓下啦....再倒數：3個鐘都好啦.........到最後係得番個幾鐘.........我決定起身.......我係廳坐係度玩...玩到六點九開始眼訓..........但....訓得哥一個鐘.....又要出我另一名句：未曾擁有過...就唔會覺得失望........我知我呢次一訓應該唔會起到身番工...所以....我決定刷牙....................展開我無訓過既一個工作日...........................................好辛苦呀~~~~~~~~我今晚一定要早訓!!!!



其實我一直都唔知台灣臭臭鍋係咩黎~直到有公子帶土土的我去試~呢間叫8鍋台式臭臭鍋~地址：澳門馬交石街102號南華新村第3座地下E座...電話：2876 0818....唔知係咪無得訂位既呢??因為我記得要早d去攞位.....同埋都幾多人食.....位唔多~

下午茶@MGM

我今日成日不在狀態......因為有花痴煩惱...........搞到我今日工作時都係空空白白狀....點解......睇落少少.......



咦~又係下午茶喎~~~今次約左公子~~公子好似好少約出黎下午茶~多數都係重型吃晚飯~~~今次去左MGM~去左露天廣場哥邊~都係哥句~貪佢有日光似坐係室外得黎又有冷氣涼~

貞公子生日會2015@風味居

我都話有d野會小氣架啦............我今日遇到我呢11年以黎最痴線最瘋癲既一個人......其實無咩可以透露....只可以講佢玩左我全日.......令我既hp值好似我個電話d電咁可以由仲有50%一秒間跌到1%.....任你EQ幾高都頂佢唔順......我覺得我會有陰影....好x恐怖.......以後唔想再見到呢個人..........我只想順利的過埋明天的工作日...算我求你啦~~~~求求你!



好野~貞公子生日趴喇講到~~今次揀左星際酒店5樓的風味居..係食川菜的.....電話：8290 8668...網址......都幾多人食~最好訂位~~............其實食飯之前笑左貞好耐....話說舊年凱生日時係公子谷度討論緊要食咩...點知貞提議食"荷里活"........(我諗係澳門人都知邊間荷里活卦...舊式扒房)....點知公子反應激烈...不停話貞....眾公子：你生日就去食荷里活啦..唔好講...........所以哥3個月我地都不停話貞生日去食荷里活...講到連佢自己都信以為真打定輸數....直到到達星際佢先知我地呃佢

講明呀...唔係話荷里活唔好食呀.....係個意思係：閒日會去食...咁使咩生日特登諗去哥度食?!?!?!......我地好衰....整蠱貞~

東講講西講講2015年2月

前世今日應該做左d好事~~~~~~今日既工作....hehehehehehe~我唔講~~驚小氣~~~今日麥公子通報哈緊大出左新味呀!!!!!!!!係奶茶味!!!!我好想試呀~~~~哈緊大我最鐘意食既味係開心果...綠茶...新加入牛奶......我真係好想試埋奶茶味~~~頭先放工經過7-11見到佢有~~即衝入去睇~~~有喎!!!但係最細size...賣$29.9....華...................於是..我就忍口了........................................



應該係新年之前~公子又上左麥公子開個大食會~yoho~上麥公子家最開心~~~~~~

七公子聖誕百元限定哭福袋派對2014@花道葡萄牙餐廳Fado Legendary Portuguese Cuisine(哭福袋篇)

好想快d到4月30日呀~~~快d啦~~~番多兩日工就放假啦~~~5.1又要諗定要咩地方食野喇~~因為又會三工啦~~~~我依家諗諗下...如果癲d.....其實3日假....都可以去旅行喎~~~(我忽發奇想je~)



哈哈~~好喇好喇~~等左咁耐~~~終於講到公子哭福袋喇~~~每年都係咁既~首先就抽左百元福袋先既~等大家開心下嘛~~~我地今年抽籤既方法係...首先抽一個出黎....被抽中哥個就自己抽籤...睇下抽中邊個哥份~咁樣會比前幾年既抽獎方式快d~~~~唔使重覆~~~~好喇~俾大家睇今年既百元福袋先~

七公子聖誕百元限定哭福袋派對2014@花道葡萄牙餐廳Fado Legendary Portuguese Cuisine(食物篇)

初頭仲係度懷疑可能唔係個mon壞...係張display card壞之際....點知毛寶一句：我俾我個mon你試下先啦....再決定換咩...............依家一換之下....果真係個mon壞囉~~~~呢招借屍還魂...得左~多謝毛寶的慷慨~~~~~不過佢依家個mon比我之前用緊哥個細......其實就唔係細好多既..但就硬係覺得望野望少左.....................我好想.......買個比我之前用緊哥個大既mon(好貪心)....但毛寶說：有得用就用住先啦..........係囉...我又話要慳錢喎.....er.....內心糾結中~(等出雙糧時買?).....一個周末過去....點解咁快?



今次公子既聖誕百元限定哭福袋派對...揀左係我同麥公子都覺得好食既花道葡萄牙餐廳Fado Legendary Portuguese Cuisine...地址：東望洋得勝馬路2-4號澳門皇都酒店M樓.....電話：2855 2222...今次我地仲訂左間房坐~~(有最低消費..但我忘了幾錢~好似係$4,000)