高雅扒房Copa Steakhouse

星期日.......今日約左公子們同一堆小公子仲有菓子軒去野餐~~~~玩得好開心~晚餐食番野餐淨左既野食XXXD.......星期一...中午去放低架車洗再行去食terra...行水務局後面條步道影下相...再去路環嘆杯凍檸茶....夜晚在家吃...今日節目真係好豐富~......星期二....一早起身~先去威尼斯人沙北食早點...繼而12點前擦入場玩team lab~因為早場平啲XXXD...我覺得澳門好玩過新加坡哥個!...大啲靚啲(可能係因為呢日閒日又早少人啲)....玩左個幾鐘後去上埋巴黎人個鐵塔(買team lab送的)...係咁意睇下啦...反正免費的~之後去左食立食壽司....再去買埋近排新開很火係台灣開過黎既鮮芋仙~不過好難食....呢日既節目相當豐富!!!......星期三...喂喂喂!我又活過來呀!!做左個幾星期死狗...我終於收到好消息~~~~即衝去風雅廚飲香檳慶祝~之後買左林高冰滴咖啡去路環影相....夜晚流水水宴約阿媽去兄弟煲慶祝!!!.....星期四....一早帶3隻小妖行龍爪角...之後去左朝飲茶...啲野又幾好味喎~下午耍廢...夜晚痴痴貢後去LoFi個夜貓~.....星期五...中午去左路環食野...景好靚但係野食好狗屎屁....再去koncept cafe啡一啡...再去買凍肉...再去耍廢...再去夜貓食佢個好好味既雞肉丸子~~....星期六....中午煮麵食~下午家務~夜晚在家吃~之後仲開紅酒P同埋睇N年前好鐘意睇既The Mummy~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



前排去左食澳門金沙酒店入面間扒房...叫高雅扒房 Copa Steakhouse....位於澳門金沙三樓...電話：8983 8222....之前去都幾爆...去之前 最好打電話訂位...我去哥期淨係開星期四至日.....
 

差不多成場坐爆哂....點解咁多人去...其中一個原因應該係因為當時澳門人有7折~而我地當時因為想慶祝阿sam生日~所以揀左呢度食~




我 其實之前都有食過...翻查紀 錄原來我 係2011年去過...去過一次就無再去...哥次既體驗都應該.....有興趣自己睇番XXXXD記得自己 篇Blog最後有講：服務幾好..但塊扒差少少... 下次等有折先去~(但扒房塊扒唔得其實都幾大獲XXXD).....呢一等...就等左9年XXXXXD.....疫情時去親酒店食飯影餐具時餐枱上必有口罩套!





除左 單點餐牌...當時仲有呢個套餐...其實都幾抵食....但都係哥句 ....金沙旗下所有餐廳既餐牌都係令人咁吉眼!明明係澳門點解要用簡體字?




周圍既侍應都勁忙....好 辛苦搵人落左單....然後歷時半小時....仲要我地出聲.... 先有麵包食~個包既本體一般....但係牛油同舊蒜頭都好出色!!





我叫左杯紐西蘭既白酒...Villa Maria, Marlborough Sauvignon Blanc....$85/杯....又幾啱我飲喎~




毛寶叫了法國的紅酒...Chateau Villa Bel Air Rouge, Cabernet Sauvignon, Merlot, Cabernet Franc....$95/杯




高雅凱薩沙律...$118.....就一個普通的撕 殺沙律...但酒店價~




蘑菇濃湯配黑松露....$88.....唔...唔係好夠香濃...但飲完會好飽~




輕煎北海道帶子伴青蘋果沙律配鮮茄黑醋汁及煙燻海鹽...$178.....菜名怎麼那麼的長?XXXD....帶子煎得好...下面個茄醬唔夾...條黑醋就好味~




嫩菠菜沙律...$118....最好味係插係菠菜塊脆芝士....個充滿菠菜既芝士食一啖係唔錯既....再食多啖就漏到搞唔掂




烤八爪魚...$158....這個不錯~但只是不錯~




我地叫左5個前菜XXXD但我地得4個人...查實我地好鍾意食前菜XXXXD主菜叫左3個...其一係香烤大虎蝦(3隻)...$298....唔.....算啦唔好講喇XXXD...隻蝦食落無乜活力XXXXD...另外叫左塊煎鵝肝...$138




肉既主菜我地揀左美國特級牛柳(12安士)...$508....同埋鹿兒島A4和牛西冷牛扒(10安士)...$888.....上枱既時候已經幫我地分左4份....張枱太細....所以無見到塊扒既原型....左係和牛...右係牛柳.....佢問我地幾成熟...我地問佢推介係幾成...佢推介和牛5成牛柳3成....咁梗係信~




跟住就可以揀唔同既芥末同鹽配牛扒食~




結論...牛柳好食~但係和牛下次都係信番自己要7成熟好了~和牛我真係唔鍾意太生~太生好漏~




除左鵝肝仲叫左兩個side...鮮青蘆荀配荷蘭汁....$58.....同埋炸薯條...$58.....兩樣都不錯~薯條左邊個醬辣辣地幾好食~





其實4個人勁飽....阿sam同大比都話唔使叫甜品....但我同毛實死都要叫XXXXXD....原因我打去訂位前問毛寶：喂..想唔想睇到你姐夫尷尷尬尬既樣呀~....毛寶：梗係想~.....無性架呢班人XXXXXD....梗係又一堆人唱住生日歌行出黎啦XXXXXD....暖心流沙朱古力蛋糕伴自制雪糕...$68





自選兩球雪葩...$58....清番個咀仔~




呢餐食左$2,479....澳門人7折減左800幾...好彩有7折...如果無7折....我應該唔會再黎XXXXXD....我覺得最好食係舊牛柳....但我覺得第二度都食到.....唔怪得我9年黎都無再去過XXXXD









用左一個禮拜追后翼棄兵...
大家都話係神劇...
我都覺得幾好睇~
但又無話chur住咁追落去睇XXXD
一日睇一集咁~



2020/11/07的開心事：
過左星期三就是神清氣爽~
呢個禮拜我都過得好開心~
我問一個同我一樣放哥三個禮拜大假既人...
想問佢得番下一個禮拜放係咩心情~
因為佢做得耐我好多~
諗住佢個人淡定D可以安慰下我得番一個禮拜你覺得點~
點知佢答：我感到驚慌!
頂~~~完全安慰唔到我XXXXXXD
好~我要全心投入!好好放埋呢個禮拜假佢!