六公子峴港嘆世界之旅2019-04-07第四天Part2(晴天)

星期日....好開心呀~噚晚9點已坐定定等睇hocc9點半既網上live唔使錢演唱會~~堅唱兩小時!好好睇!佢話仲有下一次~希望下次會唱出走太平洋啦~~(次次聽親都會諗起南非哥次旅行)...然後竟然一覺訓天光~~開心~~~中午煮左個韓國麵食~嘆自沖既Long Black~下午又執野~其實我哥啲毛寶已經執好哂~毛寶今日仲著手幫我媽執左大部份野....好變態~毛寶你好無唔好咁勁?..用3日時間就可以由12個紙箱變淨得番一個...夜晚食媽媽飯~~~~星期一....訓醒媽媽煮麵食~之後嘆啡~我去左做家務~媽媽去左買餸~毛寶幫我砌左幅磁石牆~下面再擺幅法國既畫~我地自稱呢個係我既GalleryXXXXXXXXD...仲話不定期會 換展品XXXXXXD.....下次影俾大家睇下我個GalleryXXXD....我呢日深入咁做清潔....一做就做左5個幾鐘...好攰但見到同聞到既乾淨覺得好幸福~夜晚媽媽整左海鮮煲俾我同 毛寶食~.........星期二.....之前疫症唔使番工時公司要抽 籤番工所以呢日補番日假俾我~好開心~毛寶都係番到12點就放工買好味烏冬我做中午飯~仲買左我最鍾意既燒雞脾~下午欣賞我自己個gallery....上網睇下宜家有咩買...好勁~我搬番舊居有4日無出街都唔覺得悶~夜晚梗係媽媽飯啦~......星期三...復活節假放完..要上班了~今日屋企洗水缸無得番屋企食中午飯...係公司食飽飽訓到成個身斜哂XXD.....星期四...無驚無險....下班阿媽整左煎蛋煎午餐肉....好味~~~~~~.....星期五....放工又去gorilla放血XXD買埋湯爹番屋企...沖完涼再開梅酒P~~~~.....星期六....起身整早餐~(其實我只係剪左4隻蛋XXXD)....食飽做家務(好攰呀).....之後毛寶幫我剪頭毛~夜晚痴痴貢~



2019/04/07
Day 4---Part 2(越南,峴港 Vietnam,Da Nang->澳門 Macau)
一食飽中午飯又跳上另一架Grab~去食另一越南出名既椰子周邊甜品~(係!呢班人話唔肚餓食左個中午飯然後依家又去食甜品!)....叫Dừa Bến Tre 196...地址：196 Bạch Đằng, Phước Ninh, Hải Châu, Đà Nẵng 550000 Vietnam...同一條街好多同一類型既甜品舖~

六公子峴港嘆世界之旅2019-04-07第四天Part1(晴天)

星期日......朝早痾早尿醒一醒驚見落超大雨!好驚呀因間要搬幾袋野番舊居喎...驚到訓著番~好彩搬野時無落雨~叫左發達外賣~下午執下野係舊居做家務~毛寶幫我吸塵拖地...真係好孩子~~夜晚叫左魚婆婆~(本身我地呢日要出發去日本佐賀玩的;[ )....星期一...今日補假~又可以訓晏D~...呢日落左差不多成日雨...我都醒目今日唔揀送外賣...揀左到店自取....但都比佢俾我既時間等多左超耐....食飽嘆左杯越南咖啡粉整既long black...好正~然後又去左800伴瘋買...聽到日文又當自己係日本行緊百貨公司....夜晚回暫居地食.....星期二....訓得唔好呀!我懷疑我就快可以搬番去心情太興奮訓唔著XXD.....星期三....放左工番舊居鋪好地板...等過兩日搬屋唔怕整花地板~~好興奮呀~~~可以搬番去喇~~~......星期四...最後一日住係暫居地喇~~~~好開心~~~今日我有好好的再望下番放工行既哥段路~好野~~天氣開始熱我唔使戴住口罩熱辣辣咁樣行番工喇~~~~放工番左暫居地食係呢間屋既最後一餐晚餐住家飯~~~再執下野~~~~.....星期五.......今天是風和日麗的一天~~~今日我搬屋呀~~老夫人真識揀日子~~呢日天氣超好...我驚左好耐落雨~~同事推薦哥間搬屋公司真係唔錯~我來回都係揾佢~呢日我準備好未到預約時間..諗住send個短訊話聲佢知~佢靜靜的無回我...過兩分鐘我打開門去垃圾房...佢已經企係出面等我XXXD....佢地好有禮貌~又温柔對待我搬家物....重點係收費勁合理....係我裝修以黎完全好評既其中一樣服務~45分鐘由暫居地搬回自己屋企~跟住係屋企附近食早餐嘆啡~~再回暫居地執細碎野..總共來回3次~~好攞命~~老夫人真係好堅挺!多謝毛寶呢日又早又狂車我地走黎走去~之後去左800伴...我要買聽日整日野食索性唔出街~之後番屋企執野~~毛寶仲要幫我執衣櫃XXXD唔該哂~夜晚叫外賣~~........星期六....wow~第一晚番自己屋企訓~雖然未至於 話訓得好好~(我估我攰得滯~)..但係係自己屋企就是舒爽~訓到9點幾 醒左...滾到10點幾起身準備整早餐~煮俾我親愛的娘親和毛寶吃~好似旅行咁...炒下菇煎下蛋~我媽係第一次食我整既野咋~之後梗係嘆埋咖啡呀甜品呀咁先啦~然後又進行無盡既執野~我真係好多謝毛寶呀~佢幫我執左勁多野~仲多過我自己執XXD......夜晚在家吃媽媽飯~今晚Hocc有Live呀~我要準時收看~




2019/04/07
Day 4---Part 1(越南,峴港 Vietnam,Da Nang->澳門 Macau)
早晨~最後一日 起身望住呢個景喇~

六公子峴港嘆世界之旅2019-04-06第三天Part3(晴天)

星期日....中午買左誠興記外賣....成個下午都係自己屋做家務~~做左3個幾鐘....好攰~夜晚叫左日本餐外賣~好乖呀我地~無聚集架~.....星期一...今日午餐有蕃茄魚同口水雞食呀XXD番工午餐咁樣食好似有啲曳.....我有個疑問...明明我日日戴口罩出街又隔病毒又隔花粉又隔塵...點解個鼻窿仲多鼻屎過無戴口罩之前?XXD...你地怕唔怕呀?.....星期二...番工都係咁...無乜生意...放左工同毛寶去攞上周六訂既小紅楓~~好靚~~~.....星期三....6點半札醒感到頭好痛..唔知係咪突然又轉凍有關....陳下陳下番左成日工....我kai到以為今日係周四...明天要過周末了....星期四...又生左粒好大既石頭瘡係下爬...想點...谷到好痛又無白色膿位....想咇都無位咇.......星期五....早餐有人幫我買肥仔記~好開心~放左工又去Daiso當去左日本~再去埋gorilla喪買一輪~~開心愉快~~我呢日喪食熱氣野~務求令石頭瘡起白膿頭俾我咇~而我也成功了~....星期六....又搬幾袋番舊居~中午買左法國佬d包番去食....呢日清明估計好多茶餐廳一係唔開一係加三~執左少少上次去日本同法國買番舊居用既野~越睇越開心~夜晚同軒少開個小小生日會~



2019/04/06
Day 3---Part 3(越南,峴港 Vietnam,Da Nang)
行完Hàn Market出黎又叫左Grab~華~日落ing~終於無咁熱...對面種左好多植物哥個露台好靚~我都想種咁多植物~

六公子峴港嘆世界之旅2019-04-06第三天Part2(晴天)

星期日....中午買左passion外賣...不過我覺得佢差左~亮點係我自己沖左杯長黑黎送甜品~噚晚沖有D呢hea...今日有少少成就~等我星期五去買D咖啡粉先~食飽飽又去左日本(Daiso)掃貨~~買少少廚房野~夜晚叫左刁廚外賣~......星期一...我今日番工換左4個工作崗位...累趴.....呢日一早暫居地發生左一件非常駭人既事......星期二...噚晚勁攰...攰到我睇緊法證烏冬時已經訓著左....最後頂唔順....10點前已睡....直睡到今朝番工...到底我累甚麼?訓左咁多...我決定獎自己食牛脷蛋豬仔包XXD(好似唔關事XXD)......中午訓醒接既第一個客係一個好臭串上左年紀未婚又有公主病既女公務員....上左年紀未婚女公務員唔可怕...可怕既係有公主病XXD...淨係識留難比你弱(年紀)小可愛的...好吧~陪你玩一下下吧~...星期三....噚晚又係一早訓....但今日中午係公司食飽飯又係訓到成個人斜哂XXD有咁眼訓嘛?我唔確定自己有無鼻塞XXD.....星期四....今晚又俾裝修哥啲人推卸責任激到我紮紮跳.....仲要大番我轉頭...本身我好開心架嘛中午食左kfcXXD.....星期五.....朝早有人請我食肥仔記呀!!好開心!!然後俾個聲大大既同事串X我...但你認為我好蝦嗎?.....放工去左行daiso....又當自己去左轉日本...悲不悲哀?....買左外賣番去食....再飲少少玄米茶...又當自己去左轉日本....噚晚設計裝修公司班人串XX咁回我微訊...你以為我會放過你嗎?????雖然我好怕煩...但為免你以為無人回你就等如你KO了我.....我也不跟你客氣了....一路以黎...忍得既我都忍...一直唔該前唔該後....換黎係乜?係佢以為你係笨X呀!正所謂話你戇X又驚你嬲.....自己唔啱仲大我(下刪七萬鬧佢既字)......星期六......去買午餐時順路行埋去Bloom買咖啡豆~佢仲即場幫我磨埋~買左兩隻黎試~兩隻都超香~買左八分目外賣番舊居吃~吃完又自製長黑嘆下~咁樣自己整咖啡我應該慳番好多錢~(前提我要用1780買部咖啡機先~)....之後去買被買衫買植物~好忙~跟住毛寶幫我剪頭毛~好彩呢日早左少少起身~做左好多野感覺好充實~~夜晚痴痴貢~



2019/04/06
Day 3---Part 2(越南,峴港 Vietnam,Da Nang)
好啦~食完越南Pho我地途步行去我地既景點喇~呢段路堅堅堅熱!我成個頭濕哂!我地行到黎呢個號稱粉紅教堂既耶穌聖心主教座堂(Nhà thờ Thánh Tâm Chúa Giêsu)...呢個IG應該都好常見既景點~地址：156 Đường Trần Phú, Hải Châu 1, Hải Châu, Đà Nẵng 550000 Vietnam

六公子峴港嘆世界之旅2019-04-06第三天Part1(晴天)

星期日....又食toff樽仔烏冬....搬左4大袋野回舊居....然後我成個下午做清潔~~~做左成個下午~~又抹野又掃地又拖地...毛寶好乖呀幫我手拖地...留左係舊屋成日好想快啲搬番入黎~~夜晚叫左韓燒外賣係舊屋食~~........星期一...今日下午好多野做..好彩晚飯有雞脾食~~澳門今日破左40日不敗紀錄...新增左確診個案....星期二....今日全部客都古古怪怪咁.....星期三...點解今日啲客都係古古怪怪???XXXD....快啲到星期五好嗎?.......星期四....今日成日天陰陰...不過啲客正常番少少喇...我好安慰...加上今日臨天光俾我發夢見到仕燊bb..真係好開心XXD......星期五....噚日行番屋企覺得腳踭好痛...應該係對高筒鞋内踭位啲布行蝕左..令到腳踭磨到甩皮..但暫居地無膠布..唯有今朝照著番工沿路買膠布...越行越唔痛..仲諗住唔買膠布但最後諗住看門口買定...係公司食飽麥叔叔心諗好啦買左膠布順便痴下啦...一剝鞋發現成對襪同鞋內係哂血XXXD係成泡血...可能我流血流到無左知覺...後尾我諗下...其實我今朝換另一對鞋咪無事囉XXXD做咩迫自己呢.....夜晚買左cheap壽司番屋企食..毛寶成隻麥兜咁狂叫我俾個腳踭佢睇....但我都係回佢:點睇呀我痴左膠布呀XXD....星期六....放假但噚晚竟然訓得好差..浪費哂~中午搬左一大堆新煲番舊居....再買左永安外賣食...下午等4件電器黎又浪費左我兩個鐘....同埋裝修又有野煩我...真係好麻煩...夜晚都係叫外賣食~



2019/04/06
Day 3---Part 1(越南,峴港 Vietnam,Da Nang)
早呀喂~又起身食早餐~今日發現....係喎!飲品吧上面放住鼎鼎大名既越式咖啡~~~好!今日要試下先~

六公子峴港嘆世界之旅2019-04-05第二天Part3(晴天)

星期日....中午又上左屋企睇....買外賣食後....逐樣逐樣日本住宿..酒店..租車取消...因為澳門宣佈埋日本回澳需14日居家隔離.......算喇算喇~搞掂左之後覺得好攰又耍廢訓晏覺~夜晚回家吃.......星期一....今日有個講普通話既客同我講:你說話好好聽喔~........好鬼衰架讚人既.....星期二...突然決定幾時搬番去舊屋XXD好開心呀~我要用新野~~無得去旅行...我要當係屋企北歐風地渡假!!!嘆下午茶~煮靚早餐~.....星期三....凌晨又頭痛痛醒...起身食左止痛藥又訓唔番...個遊戲好難玩...成日都呆下呆下咁番工...放工行番暫居地時獎自己聽兩次日光......星期四...好開心呀訂左部咖啡機同抽濕機~~又窮喇~~~但咁窮下個月中有ot番又唔報名XXD咩je...要執屋丫嘛~~星期五...好開心..周五..約左毛寶買老麥番舊屋食~毛寶講左一句令我好安慰既說話:係呢度好舒服!!......令我一年既裝修之路個心得到慰藉~好想快啲搬番入去呀~~.......星期六....朝早去左找除甲醛尾數~又一洗如貧~中午去左食Padre....然後去左買香薰機去攞埋d床單~再去買清潔用品聽日清潔清潔一番~~~~夜晚痴痴貢~~



2019/04/05
Day 2---Part 3(越南,峴港 Vietnam,Da Nang)
上番車再次出發....家陣呢個時間外面係酷熱呀大佬~

六公子峴港嘆世界之旅2019-04-05第二天Part2(晴天)

星期日.....中午叫外賣食左真點心同茶茶子...下午睇完破壞之王就耍廢午睡...夜晚買食味方丈外賣回暫居地~~聽日要番全日了...頂住呀!....星期一....正常上班....今日特別多怪人~唔緊要~~放工晚飯食燒鴨脾~~~~星期二.....個肚冤冤下....同埋番工張枱瘋狂做消毒....又煩裝修啲野.....星期三.....頭痛...難道是因為落雨??番凍??吹東風??轉天氣??...我唔知..我淨係知生意額好差得3位數....星期四....無咩特別~係個頭仲有少少痛~不過好似話日本下周一起對中國南韓旅客實施強制於醫療機構隔離14日...仲要港澳人士暫停左免簽證...我個佐賀之旅應該都可以說再見了吧~...星期五...以前逢周五癲狗咁開心會約毛寶出街食飯~家陣就乜都無~快D回復正常啦~~依家番工無咩期待~~無旅行期待...無得放工開心癲狗玩~星期六...一早就貢起身(係8點起身呀!星期六喎!)...因為要出去舊屋開門俾人上去做清潔~~之後我同媽媽就去左飲啡~~再去行Daiso~再去行超市~然後先到中午飯時間去食Comma cafe...再去埋約除甲醛同防爆玻璃~再去睇植物~再去買埋枕頭床單~(好開心呀!!!做左成個幾月既隱青!!!我今日終於滿足左購物慾!!!!!!!!!其實我平時無咩購物慾架XXXXD).....再番去睇清潔....夜晚痴痴貢....到底我今日點解可以做咁多野~



2019/04/05
Day 2---Part 2(越南,峴港 Vietnam,Da Nang)
食飽飽我地Call車番房~去個廁所攞埋袋袋就出去啦~我地呢日靠凱公子上網Book左個一日遊~呢個一日遊再加機場來回接送共3,500RMB....每人就係583.3RMB....到依家....我仲係一蚊越南盾都無~我地去番酒店正門大燈位等一日遊領隊黎接我地~

六公子峴港嘆世界之旅2019-04-05第二天Part1(晴天)

星期日....8點半急屎急醒....痾完訓唔番...11點已經食完中午飯~係餃子唷~之後見同道地星期日影院仲有D時間...做下家務...做完就岩岩好睇瘦身男女...見住佢地兩個咁食我又好想食零食~睇完又食湯圓~今日就係飲飲食食又早起咁過~諗起舊年2月23呢日...我睇緊濕爬演唱會澳門站架!!今年呢日我只能留家中...星期一...番工番工!!放工去左買台式撈米粉做午餐!!又有同事請食葡式焦糖布甸!!開心開心!!!......星期二....華!今日番工公司未開門時終於無人係出面排隊喇!好欣慰~由於要頂5小時上班...所以今朝決定食飽D~食左個雲吞撈幼~~(其實我噚日早餐係兩個包XXXXD但都肚餓XXXXXXD)....中午放工去買口罩~好順利~~買左個先辣款番暫居地慶祝下~~呢兩個禮拜還是幸福的....放左工食完野....係廳打blog時....悠悠閒聽一首"飛"...望住窗外的陽光灑入黎....我覺得有少少似以前放緊暑假~..連氣溫也像~.....星期三....朝早番工食左個炒米..驚唔夠飽隊多個咸煎堆....個咸堆好味到係世界級既!因為我發現我買到新鮮出爐既!芝麻味極級香!...番完工買左台式蛋餅同埋鹽酥雞做中午~加埋老闆萬歲既花膠雞絲翅...過得很快樂~....星期四....放工去左買發達做中午加下午茶呀~~yaho~....又俾我知道sunny聽晚同釗峰又有live~~好開心~開心到去訓左一個鐘晏覺~....下周正常番工~無得訓晏覺架喇~加油~.......星期五....晨早攞野番屋企...再去買麥叔叔番公司食~今日又去玩數學題~落黎見同事整緊烤雞串順手食兩條XXXXD放工今日下午茶去左買軒記食...但係差左好多~呢個禮拜...下午茶食左兩次台式..一次雲南..一次越式..一次緬甸~心滿意足~~下周正常上班~加油~..下午我又訓左個幾鐘晏覺...好舒服~~夜晚又有sunnyX釗峰既joox live~~好開心~除左唱日光..仲唱一首我超鍾意既不來也不去...eason架!!!佢地兩個唱得好好聽呀!!!!.....星期六....中午食Toff....好開心呀!!!!!好耐無食~飲一杯啡同食一啖焦糖醬waffle已經覺得好幸福!!!!!!!之後番左屋企等餐櫈~~~好靚呀~~~~人家等3個月從北歐運來也是值得的~~~~(反正我都未入住)....夜晚痴痴貢~~~~



2019/04/05
Day 2---Part 1(越南,峴港 Vietnam,Da Nang)
早呀喂~(如果尋晚無蚊嗡嗡嗡會更加完美~)...一早起身...原先安排我係第一個起身...第二個毛寶...第三個係杯....點知我起身時毛寶已經跟我一齊起~拉開一邊窗簾睇：華!乜原來咁靚架~......遠遠望到海~

六公子峴港嘆世界之旅2019-04-04第一天(晴天)

星期日...食完中午今日既重點行程係睇華Dee同三米係足足廿年前拍既孤男寡女...係我心中既真經典~而主題曲感情線上一響起...我就會諗起美國XXD因為呢套戲係當年去美國探表姐時睇既~一睇完套戲就喪聽首歌XXXD分叉的感情線~正等我為你蔓延~~~~夜晚阿媽整左茄汁大蝦意粉~好正~(話題轉得好快XXD)...星期一...今日復工~不過無上次咁驚喇~同埋時數呢個禮拜番少D~抽到今個禮拜番早...所以好早放左工..番舊居睇睇...有D問題要解決...之後陪媽媽買餸~又買一個禮拜既餸~搞到成4點幾先食中午飯~....星期二....今朝番工又有計數遊戲...以前麻麻因為有時條數好難計XXD依家梗係好啦對少陣啲客減低風險...華..到今日仲到利是XXD....夜晚仕燊X釗峰個IG live俾左小確幸我XD..又俾佢甜親添....星期三...好開心呀!今日收半日早毛寶又係!我終於都見到佢喇我好開心呀!!因為我地足足有16日無見過!!!好似除左以前中學放暑假耍廢我從來未試過唔見佢16日!!係一個歷史性紀錄!!佢話我戴住口罩都知我笑緊XXD....星期四.....天呀!!!我今日既早餐係杯請我既肥仔記薯仔雞翼米少辣呀!!!!!佢個湯既香辣..雞翼既甜..薯仔既黏糯...簡直係一個壞女人!!!!番工成日煲無米粥..由佢....因為我中午係食園林既魷魚豬扒撈米多咖喱!!!雖然有啲退步...但係一日裏面食左我兩間心頭好...真係好頂癮....星期五...天呀!!!每個同事番4日..我竟然抽中左放周五呀!!!下周照樣番半日...但係要番足5日了.....呢日食左個杯麵開展我呢日...睇完電視劇就開始我既家務...wow...上周我隔日做..都多塵架..今周要番工...隔左成個星期先做....你諗下有幾多塵......攰到條腰就黎斷開~....星期六...好開心食左間麵舖D魷魚同園林一樣~~~~~下次可以再食~~~~下午終於都有人幫我剪下個垃圾狗頭~~~~~真心開心~~~成個月無剪過~~~~~夜晚痴痴貢~~~



2019/04/04
Day 1(澳門 Macau->越南,峴港 Vietnam,Da Nang)
wowwowwowwow~我終於都出到2019年既第一個旅行Blog喇!乜野新聞都變舊聞~最衰裝修搞到我忙忙的~唔得閒寫~不過依家出越南篇好似有d諷刺....因為疫情問題依家越好似唔俾港澳人士入境.....................無論如何..好喇~2019年既第一次旅行~係同瘋瘋帥帥的公子一起出發~~最衰呢次得6個公子...集唔齊七公...我地4月4日朝早仲要番工架~番完成日工之後~我仲沖埋涼先出發~呢晚大家齊集係機場~(我記得係貞車埋我去機場既~唔該貞~)....毛寶就好似係杯車埋佢黎....我記得毛寶好有型咁落左車之後...然後成個書包留左係杯公子老公架車度XXXXXXD(然後個畫面就係佢跑出去追書包XXD)....有人帶細Gip出發~利害~我Gip出發時9.2KG~