日本瘋狂之旅20081006---第十天(竟然落大雨呢~)

寫到最後一日喇…..即係第十日….一早起身….我地要搭十一點機….所以今日係無行程喇………..等左大半年….終於要完喇…………可能係日本太過唔捨得我地….連個天都喊呀(嘔)….不過今次我地完全唔使係室外搭車…個巴士站就係我地酒店樓下咋…..咁爽都係第一次咋……好彩去大阪每一日都係咁好天咋……….如果唔係我對大阪既印象可能會差少少啦

這天在機場買的唯一手信…拉面一大盒!

日本瘋狂之旅20081004---第九天(都係晴天)

今日起身都好地地……一番到工又係咁……一去到十四號窗就開始頭重重咁……………不過好彩最後都無事…..可唔可以唔好成日都頭痛呀…真係對我造成好大困擾呀!!!今日係去旅行之前的最後一個工作日…..唔……好似好懶呀…..成日都行黎行去咁……睇下呢個人又睇下哥個人…….雖然只係去十日….但我都有唔捨得d同事仔haha…..



噢….我既日本之旅就黎去到尾昇lu~其實自己寫番出黎既時候都覺得好開心……..所以如果下次有機會去旅行都會咁樣繼續寫…..希望好耐好耐之後自己睇番都可以回味….



呢日係第九日喇……今日既目的地係神戶…..之前都對佢有d期望既………….佢同大阪既車程都幾近….不過由於我地訓著左所以過左一個站!!去到哥度我地就搭哥d觀光巴士…..遊下神戶既景點咁…….去左一個叫咩北野異人館(唔記得係咪叫呢個名呀)…….本來都諗住入去玩下…點知佢係逐個逐個館收錢….由於我地覺得太貴…..所以就無入到去lu..只係係外面影相……呢個就叫做風見雞之館…但我唔係咁清楚佢係乜囉

日本瘋狂之旅20081003---第8天part3(天朗氣清)

一天post三次…….我真係好得閒…..但係我仲未執gip呀….救命…….食左粒藥依家先好少少無咁頭痛



我地係京都仲有參觀另一個神社……入到去當然第一時間係衝入去買我最鐘意既符啦……仲要係xx符tim呀

日本瘋狂之旅20081003---第8天part2(天朗氣清)

好了……到了part2喇!!!!!!!!我地行番落黎諗住走既時候俾我地發現呢間食甜品既鋪頭呀!!!!雖然我唔係咁鐘意食甜品……不過如果夏天係度食冰都幾有風味呀~

日本瘋狂之旅20081003---第8天part1(天朗氣清)

救命呀!!!!!!個頭今日又爆痛喇…………坐下坐下仲覺得自己有少少發燒呀………….希望我唔會有事啦……….我唔想被拒入境呀……….點解我成日都要頭痛呀????



已經講到第八日既行程喇….今日既行程係京都……又唔知清晨幾點起身lu…好似係五點幾呀救命…仲早過番工……..一出到黎搭JR個天都好似未光咁呀……..見到火紅色摩天輪呀

搭左八個字車…終於黎到左京都喇……呢朝早既天氣係…..好凍好凍好凍呀…………….早餐就梗係….飯團兩個啦

日本瘋狂之旅20081002---第七天part3(大大大晴呀哈哈哈)

終於都做完ok sir份功課喇……..我地仲好勇敢咁第一個出去做presentation……好叻呀我地!!!不論個分數係幾多分…..個重點係…….已經做完…….唔…..明天會開審判大會喇…..等我食好d先…..第一日坐14號窗……..自我感覺良好…..但係我唔相信我仍然不敵臭男人囉………….慘….不過今日既新坐法都幾新鮮…..我與小貞…..見面十次…..一個鐘內…haha



我地去universal studio好似玩左四個game度咋喎…..有shrek 4D…..E.T adventure…….back to the future….spider man………都唔夠上次去迪士尼玩得咁多…可能我地無俾錢買哥d express卦……而迪士尼就有free fast pass攞………唉….又係要錢既…….不過黃昏時都幾靚既

日本瘋狂之旅20081002---第七天part2(大大大晴呀哈哈哈)

噢………雖則今日係星期日呀……….但係真係好難捱…….今日朝早完全唔知醒…….因為我原來完全無較鬧鐘囉………唔知想點………..直至sasa打電話黎同我講話我地下一組就要做presentation……我先如夢初醒咋….即刻彈起身….番到去…..好彩有佢地頂住……….d ee狂問我地問題…..超衰d人…..好彩有d好勁既人擋住咋…….點知出去點番名時趷腳佬又諸多留難我…….又話遲多過一個鐘學校要當absent呀…乜乜物物呀….我第一次求趷腳佬咋………如果一年之前我係絕對唔會求佢………..仲會串佢….求佢既原因係………因為再當我缺席我就會唔夠出席率喇…….haha……又以為又過一關….點知佢下晏秋後算帳…….話我地有一堂無番……無交一堂堂課要我地交番…明明d堂課一組組做…..佢地又寫埋我地個名…..有乜理由唔計我地呀……….佢話你哥堂無番就當我無做…..食屎啦…..我地哥組有個人成份功課都無掂過啦…..人地仲無番過學做presentation呀……咁佢又有無分呀…..佢真係靠害……由於今日太過當黑喇…………..所以今晚要食番好少少啦…..得我一個人食…..孤獨既天秤座當然就係買番屋企食啦…..仲唔熱氣既唔食……..一包鹽酥雞…一個牛肉薄餅包…一杯最愛的comebuy蜂蜜蘆薈…………食飽d呀要…因為天氣真係好凍喇!!!!!!!!!!!!!!



又黎日本之旅喇……..繼續係有我地既universal studio呀~~哥日太陽好到呢…全日維持係高溫水平…..因為東京好多日都係陰天……..所以都曾經擔心過去玩樂園時落雨就無癮啦……….好彩咋………如果唔係我哥日就無咁風騷喇….好難得阿寶出黎影相喇………..上次阿寶去唔到迪士尼今次去番呢個新地方補數啦!!!!!!!!!!!!仲有難得的一家人合照呀~

日本瘋狂之旅20081002---第七天part1(大大大晴呀哈哈哈)

哎呀………今日……也蠻享受和同事們相處的感覺……加上小貞歸隊嘛……….好鐘意對住佢微笑既感覺…..因為佢都會對住我俾番個溫暖既微笑我……….哈哈……最衰今日有人參觀….搞到我遲左收工……實屬我今日美中不足的地方……….算啦……又和媽媽在家對飲…….我覺得我地真係好癲………兩個人搞掂一支花雕大支裝…………好開心……..飲完之後……….原來我發現我還是會想起你………………..食完之後…..我地仲食左呢個甜品………..噚日細鴨請過我食…….覺得好好食再買番去同媽媽一齊食囉……….法式燉蛋….不過幾貴架

講左4parts都係大阪……….終於可以講到第七日既行程喇……就係去左環球片場喇~~去之前我好興奮…..因為我之前從來都未去過日本既環球片場…………….不過……..我發現佢連同d景物影相都係要俾錢囉….超姑寒呀!!!!!!!!!!!!!!!!!!!!!!!!!不過值得開心既係…………….哥日超級天朗氣清呀!!!

日本瘋狂之旅20081001---第六天part4(初時有雲及後大晴)

今日…..今日……陰天囉…..今日….朝早食左個杯烏冬囉…以為佢係撈烏冬…點知佢係湯烏冬….超鹹…真係蠢…..今日….今日…小貞休假後首個工作天囉…..食左佢好多手信囉….今日….今日…下晏俾人打我個頭囉…..超嬲……..今日今日…..無咩事發生既就係今日囉



噢…你睇下行程緊密到要講到去part4呀…..食完章魚燒之後我地就行下行下…..見到有一間賣懷舊糖果既…見番好多以前細個食既零食呀……感覺超有親切感

日本瘋狂之旅20081001---第六天part3(初時有雲及後大晴)

今日下晏真係好正呀……….得哥四個人做野……真係神仙難救…………今日歷史性有八個人同一時間屈係我個小小counter裏面(我個counter係最小既)……..不過好彩都可以有少少準時收工……..好開心今日小貞番黎喇!!!!今日番學測ok sir哥科…………..可以話係毫無預備地行入去………..噢…..好彩有毛寶的友情協助囉………..如果唔係我都過唔到呢個難關



續上回既第六日行程………..同完固力果男人影完相之後….我地就去左道頓堀極樂商店街……….佢係有樓高三層….但係裏面係模仿日本舊時古代d商店呀咁….

日本瘋狂之旅20081001---第六天part2(初時有雲及後大晴)

今日同噚日一樣……..特多首次呢……最值得一提就係我今日同gil鬥做得多首次…………但係好對不起………..我又再一次輸左俾哥個臭男人………今次輸左支野飲俾佢…..終有一日我係會嬴番番黎架!!!!最感動係毛寶話幫我班幾個尼泊爾fd過黎撐我!!!!超窩心呢~但係你係邊度搵d尼泊爾人呢??哈哈



好了….黎到part2喇….仲係講緊第六天既大阪呀~好了好了….去完心齋橋之後…..我地就要去黑門市場喇~又係關於食既活動喇…..hehe…又係立頭喇

都唔明點解人地d市場可以咁乾淨同光猛既?

日本瘋狂之旅20081001---第六天part1(初時有雲及後大晴)

我受夠喇……….受夠喇……自問雖然我唔係係我地哥班同事之中最好……最勤力…..最唔會懶散哥個既………………..但都唔會話淪落到要俾人話係無責任感卦………..話我無責任感對我黎講……係一個好狠既批評…….但個問題係……我自問我做足我本份……可能係你心目中做足本份係唔夠……但係…..一d本黎都已經係咁做既野……之前從來無人話過唔可以咁樣做(甚至我係問過係要咁做)…..就算真係做錯左…….亦都無人提過我地要改……….一黎就會話你推哂俾內部做….咁樣係不負責任………….根本就完全地唔協調…….成日講完d野d人自己又會唔記得……明明問過你地….最後又會話番我地無問過……內部呀內部……你想我地點呀…..問多你地一句又覺得我地煩…………唉………..不過我決定以後跟你地既方式做野………有d咩唔清楚我會即刻上黎俾你地班大帝過目左先架喇…….放心放心……..遲籌既事…who cares?!…………按照哂你地既吩咐做呀………….唔好發脾氣呀老油條們…………………一定係我地做細既唔0岩既………我有既係青春…..都仲有幾年俾你地屈下……………………..我攞野上黎俾你地睇記得關照我喎!!噢……還有今天要成為實習律師的那位…..對人既態度好到呀…….我以為你係讀屎片架…不過都唔應該咁講…..咁講好似侮辱你既老師咁…….其實係你個人素質有問題咋…….與任何人都無關…..好心你啦…以為自己好叻…..你係成為”實習”律師咋…唔係律師呀….未做到律師就學人牙斬斬………..仲學人蔑我…..你收皮啦…你做唔做到律師都仲係一個迷咋…..都仲未搞清楚自己位置就學人認叻………無腦



好彩今日心情咁差……仲可以番屋企避下…………..仲有我屋企人安慰下我…..好彩今晚主菜食蟹……………………..好彩我屋企有一大支話梅花雕同我媽媽對飲………..十數杯落肚之後………….原來都無乜煩惱事…………….之後爸爸加入………..飲得盡慶而歸………..我平時飲酒係唔會面紅架………..今晚係我飲得最紅既一晚……………….明天起身…..我又可以做我蹦蹦跳跳既小t囉!



又係到左日本之旅既環節喇…………..講到今日係第六日呀……….噢…之前一晚我地無沖涼呀…………………..好臭呀個頭…………..坐夜間巴士落大阪…十點半上車…..晨早六點半就到左大阪喇…………….最正係……….我地咁早去到酒店….那是還未有得check in的…………所以我地係無得沖涼的……………所以我地係要做”立”頭的……….一路立頭一路去玩………………….好喇…..唔緊要啦….最重要係我地經歷過一輪苦難之後去到關西地區的大阪喇!!!!黎到第一次到達的地方………..好興奮呀………我地擺低左行李之後就去左同事推介的食街食早餐啦(時間不過七點過dd啦)………..哥間野叫0食人…..ok啦….都係d居酒屋咁啦…………仲去埋寄信tim….因為係東京時間唔岩無寄到…所以就係大阪寄喇……….之後我地就出發去大阪城公園喇…黎到大阪…本身綠色的JR也變成了驚喜的藍色呀~不過JR在這邊是比較陳舊的…………

日本瘋狂之旅20080930---第五天(又下雨了)

唔講真係唔知呀……….成家人我諗淨係得我阿婆一個人知咋…..我都係番到屋企先知~原來今日係我舊曆生日呢…..阿paul仲俾左隻雞脾我慶祝我生日…..謝謝paul:]……..今日又係咁……..超多人……噢………不過連續兩日都有人話我比真實年齡後生……….做人聽到咁真係……夫復何求呀….我真係好鴨呀…..以呢樣野黎麻醉我自己大一歲既事實……hehe



好喇………….第五日喇………..今日係0係東京既最後一日喇….好唔捨得呀…..因為好似都仲未玩夠咁…………又有d地方仲未去到(因為我地安排得太過緊密喇haha…)….朝早起身以為會有轉機………點知今日個天都係有少少落雨………今日第一站….我地就去左上野……以為佢又無乜野買……淨係有批發手信買….點知又有少少驚喜喎…….一早就到左上野就首先出發去左電玩城….最初諗住假行….因為以為係俾電車男行…..點知………………..噢….淨係一樓d bb電話繩我同阿杯就企左係度大半個鐘係度睇…….行開完又再行番轉頭再睇……..原來有好多野行呀…..本來安排左一小時係呢度既行程…..多左一倍時間呢……淨係個(車立)門都咁搞怪你就諗到佢賣d野有幾得意啦

日本瘋狂之旅20080929---第四天(下雨下雨再下雨)

今日……諗下先…..平平穩穩咁啦…..又無乜話大上大落咁…..小貞又去左澳洲渡假……唔知佢係咪玩得好開心呢??不過超級多野做呀今日…….d人真係多到吹佢地唔漲…..成日都約埋一齊上黎辦野……但唔緊要啦…..其實只要我保持到開朗既心境…….有各位同事同我傾下計吹下水……話實在都唔係話咁辛苦je~~~希望各位繼續多多支持我啦



我終於都再寫呢個日本之旅喇…….拿……唔係我偷懶呀….係我真係咁0岩上個禮拜唔得閒…..haha…..終於講到九月廿九號哥日喇…..呢日好特別…..因為係我地親愛的團友毛寶既生日…….噢~如果我生日哥時都可以係日本過咁就非常地幸福呀~~~不過有一樣太不好喇…..因為這天下著大粒大粒的雨…..今日我地既行程就係去sano premium outlet喇……由於我地聽人講話哥個outlet其實無咩野買…..於是我地就安排左比較少既時間(四個幾鐘…180多間鋪頭)………但係點知…..有兩名少女同告失守……….

日本瘋狂之旅20080928---第三天part2(天陰陰夜晚有少微雨)

哈哈哈………yeah~~~~~~~我今日好開心好開心呀……因為我今日收到今年第二份生日禮物呀…..係欣欣杯送俾我架….佢今日中午打俾我偷偷問我番幾多點……跟住就係counter度送左俾我喇~~~~見到個袋我都未知係咩黎….不過到打開到得番個盒時我就估到係咩喇…….好靚呀~~~係agnes b深粉紅漆皮散銀包……因為哥時係日本搭飛機番黎見到機上面賣既免稅品…..我對agnes b一套三件(有卡片套…散銀包…行李牌)非常有興趣……加上佢哥隻鮮紅顏色係cathay pacific airlines先有…..更加想買….但後尾唔知係d咩淋熄我把火…所以無買……雖然阿杯送俾我唔係鮮紅色既…..但係我都有一千個%鐘意呀……多謝阿杯~~~好開心呀…..星期六就要去香港哈囉喂喇….不過我真係驚嚇死番唔到黎呀…不過重頭戲係我番黎之後………………大家會一齊約埋飲野呀….希望會齊人一齊去啦…..咁就可以順便倒數我既生日嘛~~~~我愛我的朋友們…..多謝你地……..我愛毛寶…..我愛阿杯….我愛小貞….我愛waiwai………多謝你們給我濃濃的愛….令我知道…我係有人愛的……哈哈…..快d睇下我第二份生日禮物啦!!!

好喇……黎到part2部份喇(好似d演唱會咁)…….呀….我地仲留左係吉祥寺既井之頭恩賜公園度……我地食飽早餐之後….就係個公園度行左陣…….好舒服呀……我諗如果我地有多d時間(到我去日本唔係為買野時….但係應該好老喇)……我會去到呢個公園坐下……感受一下……佢地平日既生活…..感受一下…..內心可以平靜既感覺…….我諗我會好享受呢一切…..

日本瘋狂之旅20080928---第三天Part1(天陰陰夜晚有少微雨)

噚晚又約左mandy食飯…..毛寶都有去……去左金象食泰國野….其實今次出去都係同佢傾下計同埋俾手信佢啦!!!!係買左條hello kitty既電話繩俾佢……….不過原來發現我記錯左佢根本就唔係鐘意hello kitty……..而係鐘意米老屎………真係無用呀我…..連朋友鐘意d公仔我都記錯隔離……但佢d野甚至講d咩我就記得咁清楚….唔得….我要緊緊咁記住我的朋友們所有野!!!!!!!!不過人腦唔同電腦….唔係話click個制delete就可以delete哂既…….今日星期六都要番學真係好煩呀………..仲話要測驗…..去完旅行番黎…..只係想繼續盡情玩樂咋:]………我發現我一路測驗一路心不在焉………..雖然已經有得抄下隔離架喇……..但係就係連抄都唔想抄…….個腦就諗緊其他野……………..跟住有少少訓著feel呀………今晚係屋企毛寶幫我改變形象……佢話ok…..但我未有勇氣影相…遲d先…..睇下同事反應先



好喇…..團友們黎到我地第三日既行程喇…….東京既天氣真係好反覆呀…..簡直可以同人類既心情媲美……今日個天又好陰好陰喇……..一起身離開左昌庭之家之後……..諗住行出去JR池袋站搭車出發去我地既行程……..不過今日既天氣除左係好陰之外仲…………好鬼凍呀~已經著左兩大件衫加埋條巾………凍到人都震呀~~~~所以我地係d自助買野飲d機度買左三大罐熱野飲黎保暖…….唔係咖啡…唔係綠茶………..係我地三個都好愛飲既粟米湯呀~~~我兩啖就飲哂喇….d少女真係擺係隻手仔度暖手…….搞到我揸住個吉罐扮少女取暖….haha….就係毛寶手上面哥罐喇……好凍哥時飲真係覺得好滋味……好暖…好粟米!!!

日本瘋狂之旅20080927---第二天(大晴)

講番今日發生既事先…..今日番工都唔算辛苦既….唔知其他人係咪咁諗呢?….又或者其實只係自己差足十二日電所以先覺得唔辛苦呢?不過今日有個人同我鬥話要同我鬥做得多單….如果輸左既話就要輸餐中午飯…..因為其間佢係行開左好耐先再做……所以我以為我自己會有少少贏面…..但張埋數紙出黎之後……我只係希望自己唔好輸得咁難睇!!!!!63對82….徹底….失敗….就係咁我就爭佢一餐飯…..總有一日我係會東山再起架!!!!!!今日終於收到自己係日本寄番黎既postcard喇……都寄左好多日喎….本來諗住係東京第二日寄既……點知第二日去到郵局太晏收左….遇0岩第二日又係星期六.日唔開lu……所以去到大阪先寄…..好似係10月1號寄…原來要成8-9日先寄到番黎….除左寄俾自己之外….我仲寄左俾另外一個朋友…..不過我都傻既….都無諗到人地收到既時候會唔會感到驚愕………….



好喇….到左日本之旅第二日喇~不過今日可以話係一場災難……所謂災難就係我地自以為是地以為我地可以走完原先設定既行程=築地—->涉谷—->原宿—->新宿…….華…..我都唔記得左係五點定五點半起身喇…………哥晚又成一兩點先訓……之前哥晚又淨係訓得兩個幾鐘度…..我地起到身已經係好好架喇!!!!!!我記得好似係7點幾鐘去到築地!!!但係我已經好肚餓…..但又唔夠膽買飯團食….因為怕食飽之後食唔到築地d海膽~~~~~~~~~~唯有餓住先啦

日本瘋狂之旅20080926---第一天(超陰天)

好耐無寫過blog喇…..其實寫blog都係我其中既一個興趣黎既….因為俾我知道原來有一d我唔知既朋友原來都會睇既….咪就係你囉….你以家咪睇緊囉….haha…今日係去完旅行番黎之後第一個工作日…..星期一哥日本身都要番工….但係由於番黎之後唔舒服….所以星期一哥日請左病假….至於係咩事….就等我講到去日本既第十日行程先再講番喇…..我決定左會將每一日既行程都會寫哂出黎……等我都可以回憶下d開心野嘛………好啦….咁我依家就由第一日講起啦…



哥日我地係搭9點25分班機既…..所以要搭四點鐘船過香港…之前一日我地仲係要番工架…..所以哥晚十二點幾執好行李就上床訓…..由於本身有d事唔係咁開心…..但又懷住太興奮既心情入睡….但我話俾大家聽…..係根本訓唔到架…..但兩點幾又要爬起身喇!!!!好眼訓呀我….我臨出門口時就係帶住一個中gip同一個agnes b袋去….我媽媽問我…就係咁多喇…我話係呀….有咁大件事咩????…我係同欣欣杯一齊搭的士去碼頭……去到碼頭見到佢地個gip我先知大件事….我上次去7日帶個大gip…今次去關東加關西10日我竟然帶中gip….我個gip拍埋佢地度……好似一個智障咁….