六公子峴港嘆世界之旅2019-04-07第四天Part2(晴天)

星期日....好開心呀~噚晚9點已坐定定等睇hocc9點半既網上live唔使錢演唱會~~堅唱兩小時!好好睇!佢話仲有下一次~希望下次會唱出走太平洋啦~~(次次聽親都會諗起南非哥次旅行)...然後竟然一覺訓天光~~開心~~~中午煮左個韓國麵食~嘆自沖既Long Black~下午又執野~其實我哥啲毛寶已經執好哂~毛寶今日仲著手幫我媽執左大部份野....好變態~毛寶你好無唔好咁勁?..用3日時間就可以由12個紙箱變淨得番一個...夜晚食媽媽飯~~~~星期一....訓醒媽媽煮麵食~之後嘆啡~我去左做家務~媽媽去左買餸~毛寶幫我砌左幅磁石牆~下面再擺幅法國既畫~我地自稱呢個係我既GalleryXXXXXXXXD...仲話不定期會 換展品XXXXXXD.....下次影俾大家睇下我個GalleryXXXD....我呢日深入咁做清潔....一做就做左5個幾鐘...好攰但見到同聞到既乾淨覺得好幸福~夜晚媽媽整左海鮮煲俾我同 毛寶食~.........星期二.....之前疫症唔使番工時公司要抽 籤番工所以呢日補番日假俾我~好開心~毛寶都係番到12點就放工買好味烏冬我做中午飯~仲買左我最鍾意既燒雞脾~下午欣賞我自己個gallery....上網睇下宜家有咩買...好勁~我搬番舊居有4日無出街都唔覺得悶~夜晚梗係媽媽飯啦~......星期三...復活節假放完..要上班了~今日屋企洗水缸無得番屋企食中午飯...係公司食飽飽訓到成個身斜哂XXD.....星期四...無驚無險....下班阿媽整左煎蛋煎午餐肉....好味~~~~~~.....星期五....放工又去gorilla放血XXD買埋湯爹番屋企...沖完涼再開梅酒P~~~~.....星期六....起身整早餐~(其實我只係剪左4隻蛋XXXD)....食飽做家務(好攰呀).....之後毛寶幫我剪頭毛~夜晚痴痴貢~



2019/04/07
Day 4---Part 2(越南,峴港 Vietnam,Da Nang->澳門 Macau)
一食飽中午飯又跳上另一架Grab~去食另一越南出名既椰子周邊甜品~(係!呢班人話唔肚餓食左個中午飯然後依家又去食甜品!)....叫Dừa Bến Tre 196...地址：196 Bạch Đằng, Phước Ninh, Hải Châu, Đà Nẵng 550000 Vietnam...同一條街好多同一類型既甜品舖~





我地上左上一層...有一排望河景既半露天位幾舒服~但係滿座~





個餐牌有D有英文...有D純越南文XXXD真係唔識睇XXXD




Rau câu Flan Trái Dừa Đặc Biệt...150,000VND=61mop...我都唔知係咩...但係見佢貼到周圍都係...唔通好出名既?




Er...食到成口野...但椰味又唔突出...有D椰肉物體係入面...但都硬硬地既...好多野咬呀喂(點解我耳邊出現直升機既聲既：伏伏伏伏XXD)





Kem Ý Trái Dừa...60,000VND=24.4mop...上網係雪糕椰青皇...有杯椰子水跟...Er........唔好迫我講咯不如好嘛?直升機聲又在我耳邊響起....




Râu CÂu Sấu Riêng Trái Dừa...50,000VDN=20.9mop...食到黎呢度我都有D懷疑人生...呢個其實就係平時D椰皇布甸上面再加Pat榴槤醬...華!我終於吃到好吃的喇~~




見你最叻~獎你同越南國旗影下相啦~...可能唔係唔好食既~可能係我食唔慣Je~一定係~除非唔係~




行行下又行番去Hàn Market喎~




因為D女仔話好想買生果番去俾老公同家人吃喎~華~真係乖~我真係好懶唔想攞XXXD...種類好多好繽紛~




D紅毛丹大粒到痴線!




搶呀~~我記得佢地番到去食話好好食~




然後又跳上Grab XXXD...沿途見到個好勁既叔叔~






係呀!我地又去飲咖啡呀!點丫!...毛寶揀左43 Factory Coffee Roaster...地址：Lot 422, Ngô Thi Sỹ, Đà Nẵng, 550000 Vietnam





外面有呢D水池圍住既位...同朋友傾計幾岩~不過我想涼冷氣多D~




又係另一網紅店...我地行左上二樓望完又落番樓下搵位坐~幾鐘意佢裝修...覺得用自然光好精神加好開揚既感覺~






有手沖仔呀!!




好多冰滴~




由於黎左越南...所以我忠於要繼續飲椰子咖啡~華~6人有但個人都叫~Coconut Cold Brew...60,000VND=24.5mop




多功能公子又出動~




送上凱公子傑作~呢個時候一定要用人像模式~




我都唔執輸咁又打橫又打直咁影下網紅打卡位先!...杯啡唔貴...但啡味唔岩我~





有人叫熱Latte...65,000VND=26.4mop




凱公子叫左手沖仔!!叫左Colombia既豆...65,000VND=26.4mop...平時澳飲既手沖仔都要60mop...呢杯平...但份量都少一半




呢間係咩野食叫...得少少蛋糕同曲奇...而且都不吸引~我地淨係飲左啡咋~無食野~飲左370,000VND=150.5mop..每人25.1mop...係平既...但係呢間啡唔係好岩我~




又叫左Grab番酒店~我地係酒店攞番行李就係大堂等車黎接我地去機場啦~發現呢間酒店幾多貓貓喎~因為第一晚已經見到兩隻~Hi又Bye~我地走喇~




架車好準時仲早到左~走喇~(來回機場接送係連埋一天遊哥度一齊計左錢)




咩事呢位人兄心事重重咁既樣...好似要俾人賣去南洋打工咁XXXXXD...大約10幾20分鐘左右就到機場架喇~都幾近~






我地早左到...check in counter仲未開~坐埋一邊等等~禁區外無野好買無野好逛~




好啦...check左in...回程行李才12.8KG...就同越南講拜拜啦~過海關入禁區~(好彩出境無入境哥時咁多人)




入左禁區後商舖多D~但我地要正經野~




梗係要去Lounge啦XXXD...PP Card得一個Lounge可以入...就係CIP Orchid Lounge...依家無左任入架喇!要慳D使呀!...過左海關轉右行一陣就見到...要再上樓梯~





都算幾大幾多位坐既~我地入去哥時唔算人多~後黎越坐越多~




有得免費沖涼~我記得好似毛寶有沖到XXXD...由於好夜番到去...佢話沖左先喎~




野食唔算話好多~但夠食了~第一張個小朋友好興奮咁同大家揮手~點呀沖完白白舒服哂開心哂呀?XXXD









雖然係杯麵~但都幾有誠意丫XXXD~




下?!食食食!




又話人地少野食~但又食咁多野XXXD...綠色包好難食....春卷好出色!我狂翻食!見唔見到...我又食咸蛋粥~不過隻咸蛋都係酒店哥隻好食D~又杯麵又粥又春卷~我好滿意!!(唉呀~人地食咁多野咪好乖咁食埋賢者囉~)




好啦~我地走喇~拜拜越南~我地搭澳門航空NX829號航班係21:50由越南峴港直航回澳門~航程大約1小時20分...由於越南慢澳門1小時...所以番到去好夜架喇~(除左麥公子之外~我地其他人都要番工~)





去程同回程飛機餐一樣~一盒攰記餅~係凌晨一點終於番到澳門喇喇喇~~




攞左行李一出禁區.....痴線架XXXXXXXXXXD




凱同杯出先過我地XXXXXXD睇佢兩個笑到XXXXXXD仲影住我地XXXXXD笑到我肚都痛XXXXXXXXD





呢個男人真係接機都接得有氣勢過人!果然係七公子既粉絲~~難怪得到我家麥公子垂青XXXXXD救命~氹得人地好開心架戈巴~好衰架~




之黎番到澳門有試過飲下D貓屎咖啡同埋食過下D越南芝姑力~(D芝姑力仲要係人地買既我食人地哥D咋XXXD)...不過洗哥個滴滴仔好煩呀~~我玩過一次咋XXXD





好啦今次旅程係咁先啦~拜拜~





總結：
1.使費：1,571mop(機票)+2,189.6mop(3晚酒店)+20mop(電話卡)+92mop(保險)+2,000mop(食買玩)=5,872.6mop...大約5,700hkd~以3日3夜又住靚靚酒店黎講~很可以~
2.第一次去越南~唔會係最後一次~但下一次..唔會係胡志明市~
3.多謝人時間~多謝由貞..軚泰同埋麥公子聯合成為王龍德做核數~因為條數太多個零~唔識計~...多謝凱公子行前訂one day tour~仲有次次叫Grab都係佢搞掂~...多謝毛寶搵左好多cafe同景點~又帶我地行去~...我今次行程好似無咩作為~咩無呀!!佢地話我知原來間酒店係我搵架!
4.今次試左3間cafe...最鐘意係wonderlust!但最熱都係佢!好糾結~
5.好開心今次試左好幾地道既越南野~
6.唔記得講...第一晚咬我哥隻蚊..第二晚咬我咁...第三晚咬我條眉...而我係咁多日都捉唔到佢...佢飛得勁快!你好野!
7.今次越南之旅我玩得好開心...其實我無諗話去越南...但因為有7公子一齊去~呢個地方變得有趣同充滿左我地既回憶~多謝大家~拿...我地係七公子~所以我又寫到第七點呀~

~The End~

~多謝收看~

2020/04/18的開心事：
剪左狗毛~



報時：距離泰國曼谷揼揼揼之旅仲有---69日~
報時：距離七公子台北帥氣行之旅仲有---172日~