北非摩洛哥之旅2019-05-03第九天Part 2(天晴)

星期日....中午起身我整左日本温泉蛋烏冬~~下午做埋未做完既家務....阿媽今晚買左蟹呀!!!我地今晚全蟹宴加蟹粥!!仲話梅加花雕~最後有人飲到嘔收場~我唔講係邊個~~~......星期一...今日都幾多野做...不過中午食左好味烏冬~好開心~上個星期四終於用完消費卡既3000蚊喇~今日增值左5000~8月1日又可以買買買係咁買~~~~....星期二....平平淡淡的一天~最開心今日食左蔬士沙律~腳板底好像有點痛痛的......星期三...起身....又有點點的頭痛......死啦...我最近睇戀愛可以持續到天長地久(J2叫"天堂的天使")......睇到有少少心心眼添....有天堂醫生呢種眼神咁引死人既醫生嗎?...大佬有個咁靚仔既同事點樣專心做野呀XXXXXXD....放心~我最愛仲係仕燊~......星期四....我唔知係咪生眼挑針呢....隻左眼卡卡下咁...係咪我睇得天堂醫生太多XXXD......星期五....番工過得幾好~放左工就去左食我好鍾意既味藏<3...然後刀片手跑番屋企會合天堂醫生<3.....我抖唔到氣呀XXXD天堂好靚仔呀<3....星期六...本身唔出街食...最後又出街食~中午食左Terra~之後仲試埋Fika.....呢日勁大雨.....下午我自己忍唔住上網睇天堂醫生...唔等J2....但我依家差一集就睇完....我好唔捨得呀.......毛寶幫我剪頭毛~夜晚痴痴貢~



2019/05/03
Day 9---Part 2(摩洛哥,索維拉 Mococco,Essaouira->拉巴特 Rabat)
集合哂團友一齊行番落山上車既...好驚喜行到某個位然後有得坐低....仲有免費薄荷茶同點心~





我同媽咪同毛寶既~都唔錯喎~





做咩呀~係人地櫈底騰黎騰去~唔通你都想食埋一份呀~




襯休息緊 嘆緊茶時...同大家睇番頭先一路行一路影既貓貓相先~係 摩洛哥係周街極度多既流浪貓...但奧戴亞小漁村(Kasbah of Oudayas)呢個景點係超級極度爆多流浪貓....有D好慘呀...見到佢地傷哂...唔知係咪打交呢?












呀~甜心仔呀~做乜兩個咁there訓埋一齊呀~





喂~我好想知到底你望緊咩望到咁入神XXXXXD




你知唔知最正係咩呀....係摩洛哥除左極多貓之外...仲要係極度多我好鍾意既面罩貓......你在幹麼喇~XXXXD





另一隻~毛寶好鍾意呢隻架XXXXD佢話點解佢個面罩可以笠得咁靚XXXXD




好啦~食完小點休息左一陣就走啦~




下一站...係食晚飯XXXXXD




食呢間...又係有貓頭鷹推薦~





一貫的阿拉伯式裝修~但唔係呢個旅程最靚既~但一見阿拉伯式餐廳....死啦...係咪又係食雞呀......





湯~忘了咩湯~忘了應該是普普的感覺~好好飲或好難飲我一定記得~




前菜~好食~但個包都係一般~




咦!今晚好有新意呀~~餡餅狀既物體~勁大個~




導遊話北方係用海鮮餡...南方係用肉餡~呢個有D肉...有D粉絲...有D蘑菇...幾好食喎!!外表酥酥脆脆~餡料味道好好~8個人一齊食~都覺得多~飽飽~





點知.....原來呢個先係主菜...係....雞...好鞋...也吃不下了




甜品~




第一次見摩洛哥生果盆有士多巴梨~甜~




點知最黎真係再黎一個真甜品加薄荷茶~真的飽~但都想試一下~似角仔哥個原來係摩洛哥既著名甜品...叫羊角餅(Kaab el Ghazal)...食落我覺得似老婆餅...但不怕太甜~...白色哥個唔知叫咩~質感似光酥餅...極甜




食飽飽就番酒店喇~今晚住View Hotel Rabat




華...個大堂幾靠譜咁喎~不過你知啦~旅行團check in是要比較多時間~所以....我就同毛寶稍微行開一下下喇~





因為出發前毛寶幫我望到呢間酒店附近有間沙北...梗要去去~




唔係買咖啡~係我想買地標沙北杯je~點知....我想買既哥種舊款畫風杯唔再出(其實就係後面藍色字Morocco哥隻畫風...但呢隻得膠杯)...得番呢種卡通畫風的....我勁失望!(其實唔係個個我去既地方都儲架...要靚既先買...除左摩洛哥哥隻好靚之外...想想...呢個地方應該同復活島一樣唔會再去...要買啦)...家陣乜都無喇~




番到去等左一陣就有得上房啦~華~搭(車立)按鈕是電子屏幕喇~




華!!唔錯喎~個電視勁大~也乾淨整潔~





廁所都幾大~沖涼個位仲有得坐XXXD有土耳其浴感覺~





睇清楚備品...華!!!洗頭水是Hermes呢!!本身想帶走...但諗諗下...洗頭水唔似沐浴露個個人都適合用...還是放下~就是擁有~





當晚派發既出境卡同意見表...我勁唔想填意見表...導遊既表現...真係......係旅程中...我見過導遊對團友提出既問題表現出唔耐煩西樣(提下你~唔係第一次表現~你知啦~旅程第一天我同佢say hi時佢都西過我面~我是方丈~又怎樣~同埋佢D安排係假定全部團友都唔係第一次跟團好醒目既狀態)....我認為...我唔填唔交俾你...已經係對你最大既敬意同容忍....但佢竟然叫我地一定要填要交啦~公司一定要收番~呢個時候先露出笑容~話大家可以俾10分佢架喎~......方丈我心諗：你就憑什麼?XXXD...你咁想我交~我就交啦~你叫我架咋~








到底揀許光漢既李子維好...
定係揀佐藤健既天堂浬好?(查實無人比我揀XXXD)
李子維係屁孩....
天堂浬係霸氣串咀冷漠高傲帥氣總裁.....
天堂浬係連毛寶都話佢係靚仔既靚仔....
呢套"戀愛可以持續到天長地久"...劇情就.............
因為本身我就唔認同鐘意一個人要為佢去改變自己咁多XXD
但差唔多集集都派糖................................
俾天堂浬壁咚真係唔死都一身散..................
每集都睇完會少女心爆發..............
咀角不停向上揚..........................
(如果將天堂浬呢個角色換左做"咩咩姐"做...成件事係會Round哂XXXXXXD...我係唔會話你知邊個係"咩咩姐"XXXD)

(網上圖片)





2020/08/01的開心事：
剪左頭毛~~
睇左天堂醫生~



報時：距離七公子台北帥氣行之旅仲有---67日~