北非摩洛哥之旅2019-04-26第二天Part 2(晴天)

星期日...噚晚hocc開生日網上演唱會~我超開心~終於唱左我最想聽既出走太平洋~...中午同我媽同埋毛寶爹娘一齊去食新故里慶祝母親節~之後去左Venetian行一陣街~條街勁熱...然後就番左屋企~夜晚本身諗住叫外賣~但諗諗下呢日叫外賣可能玩命...加上個天勁多烏雲...都係買條菜番屋企煮飯食算喇~(最後證明我決定是正確的XXD)....星期一...妖...又頭痛...發呆到放工....夜晚又落超大雨~仲有隻飛蟻飛左入屋(但明明我無開窗喎).....星期二....無乜特別~特別在我以為聽日係星期四XXXXD....星期三...我發現自己肥左好多...好多~由於有D唔開心...我買左一包大包裝我心中最愛薯片第三位....同老夫人飲住梅酒食哂佢~好啦~開心番喇~.......星期四....今日又係無乜生意XXD今日發生一件老尷事....我放工同一個同事打招呼...佢都有好開心笑回番我....最後發現...原來我唔識佢XXXD.......星期五...放左工去左食800伴food court...食完好口渴...唯有買啤酒番屋企一路飲一路睇18年後的終極告白XXXD.....星期六......又超早起身去Ikea~買左少少咁多野~跟住去飲茶...呢日熱到痴左線!要飲凍啡解熱~之後去買盆栽~之後剪頭毛~之後番屋企自己煮飯食~(煎左噚日買既韓牛片食!好好味!)



2019/04/26
Day 2---Part 2(摩洛哥,卡薩布蘭加 Mococco,Casablanca->梅克尼斯 Meknes->菲斯 Fes)
飯後又再去參觀~去參觀沃呂比里斯遺跡(Volubilis)




華...大佬...曬到~~




好留心聽當地導遊解釋~真係乖~(我既責任係放空)...呢個遺跡係列入世界文化遺產...提提大家：呢度個公廁要付費~唔貴~但有零錢好難~




好~出發~




行經見到一堆仙人掌~




呢個遺跡係古時羅馬帝國統治時既一個西邊城市~有好多羅馬風既建築~呢~D羅馬柱呢~







呢個係浴場~好曬...我才不浸浴~地下D碎石圖案保存得都幾完整~靚~






喂~呢個係咩呀?情陷紅磨坊呀?




呀~我好鐘意蒲公英架~





行到黎一個中庭既物體....係曬到我無言...佢哥隻曬係辣肉又熱哥隻....雖然熱...但我係唔會除外套暴曬架!






及後發現有隻雀勁招積!佢霸左成條羅馬柱頂起巢呀喂~個巢勁爆大!好樣的~但係咁高...唔怕當風咩?又曬雨淋~





唔....我唔記得呢堆柱係咩一回事喇~我攰喇~(我唔攰都唔會記得~).....我們與一堆柱的一堆合照~老實講...好想知D景點既實用資訊唔使睇落去架喇~






毛寶系列~呢個景點門口有間紀念品店~我又買左磁石...我仲買左Postcard同郵票~





真係好熱~又再上車嘆冷氣~沿路見到間哂色既田~靚~(其實可能唔係田...我作既je)




途中經過一個停車場俾團友落車伸伸懶腰~睇下呢個女仔個樣就知有幾曬~





有兩檔檔仔賣野~唔知個女仔影緊咩呢?





點解人地可以影到D貨咁靚既?...D煲墊依家睇番覺得好靚!好想要!








之後就到左另外一個古城菲斯(Fes)...呢度亦係我地呢兩晚既住宿...叫Hotel Les Merinides....呢日總共搭左6小時車~





領隊去左Check In....我地坐大堂等...有人送上摩洛哥國呢茶飲薄荷茶~~極甜...飲完咁甜既野無野漱口個口即刻有少少酸~




行出去露天位看看...對面就係菲斯古城喇~~~之前睇Blog友去哥時話呢度係連Google地圖都會失靈既一個地方!!好~聽日就可以睇下你有幾咁傳奇~




招積到有泳池喎~




上房喇~咦~唔錯喎~~雖然個裝修係舊~但係起碼係乾淨既~唔梅既~呢度住兩晚唔錯呀~





我地望呢個景~應該對面房就係望古城~我都想~




既新穎又落後既鎖鑰~個牌極重!




休息一陣夠鐘到大堂集合去食晚飯....行到大堂露天位時望出去...日落中的古城好美~






晚餐再搭旅遊巴出去~今日中午行好多路先希得食~依家就落車過對面馬路行上條斜路就有得食了~




外表平平無奇...一入去...Wow!別有洞天




仲有人彈奏樂器~




好鐘意佢地樓底特高!一定要欣賞天花位!!每個天花都唔同裝飾...真心靚!






不過餐具無特別~




無啦啦我舅父叫領隊幫我地影張相~D枱櫈好喜慶~好似去左飲咁XXXXXD




一坐低佢地就放低呢兩個小食先...一個咸味既欖...一個係糖醃過既棗....極度極度好食呀個棗!!!我地張枱秒清~




先上湯~好味呀~好似abc粉D湯~(我都幾鐘意abc粉湯架)




晚餐就係呢兩大盤野....一蔬菜一雞....係佢地傳統整法...係炖煮呀~同埋係用一種佢地既鍋叫塔鍋黎煮....煮好打開蓋就咁成盤攞出黎~唔使驚唔夠~唔夠可以再加....其實算係幾好味~雞我食中左件嫩既又多汁汁~所以呢餐我OK~(難怪好味呀~出門口見到有貓頭鷹加持~)




飯後果果~華~有枇梔呀!幾好味!好耐無食~




仲有甜品配薄荷茶~甜品一般~





呢杯薄荷茶唔錯!唔怕太甜又飲到薄荷香~





一路食甜品仲一路有表演.....知唔知呢D時候我最驚係咩?最驚佢會捉人出去呀XXXXXXD





食飽飽就番左酒店~毛寶去沖涼我又玩影戰利品~




白色磁石係下午好曬哥個古蹟外紀念品店買的~





Postcard同郵票都係哥間買...但極貴...一Postcard一郵票...加埋要40hkd.....所以未敢買咁多...買哂咁多個要寄既朋友應該要破產~




呢D磁石都好靚呀~~100美金我點會夠錢用~~~








2020/05/16的開心事：
做左超多野!!
攰到痴左線XXXXXD



報時：距離泰國曼谷揼揼揼之旅仲有---41日~
報時：距離七公子台北帥氣行之旅仲有---144日~