北非摩洛哥之旅2019-05-02第八天(天晴)

星期日.....起身食糭做中午...係...直到呢日先食第一隻糭...之後玩下濕爬隻黑膠....瘋狂影相...再做家務...食飽飯睇濕爬演唱會....好似陪佢唱足成個演唱會咁...聲都沙哂XXD.....星期一...靜左好耐~今日無啦啦旺番哂.....下午哥個位做到我腰都痛~但咁攰我放工番屋企仲有玩ring fit~我好勁~.....星期二....放工又來ring fit~今晚做到我腳軟~好救命~.....星期三...噚晚訓覺時覺得自己隻腳痺到怪怪地咁....好驚呀~~......星期四...下午番工勁眼訓....好彩有人救駕俾半杯凍啡我飲....我發現...我人生中對我黎好重要既野....除左阿爸阿媽毛寶之外....仲有吸塵機同咖啡!!!.....就好似眼睛不能沒眼淚一樣(呢個人講緊乜XXXD)......星期五...終於都有番啲生意....企到我腳勁攰XXXD放工去左試文華東方哥個用impossible meat整既牛油果漢堡...不過唔係幾夾~之後過左銀河買aesop~.....星期六...中午煮日本素麵做午餐....諗住烚隻來自香川縣既蛋做餸.....唔小心整左温泉蛋~好正~然後做家務......點知做完左膝超級痛..........拉開褲睇個膝頭哥腫左....我咁大個人都未試過個膝頭哥咁痛.....只能講我老了:(.........夜晚痴痴貢....(我同菓子軒講我整親腳....問佢可唔可以攬下我安慰下我....佢跑埋黎問我做咩整親然後攬埋黎....真係好孩子)



2019/05/02
Day 8(摩洛哥,馬拉喀什 Mococco,Marrakech->索維拉 Essaouira)
早呀~雖然呢度既早餐好豐富....但係我已經頂唔順喇~捨棄西式早餐~食自己帶黎既媽媽米~無印湯~身心舒暢~




今日好似天陰陰咁既




係一個中途站休息時又睇到有靚磁石~~一個賣水人...一個L蛇人....乜解究你L蛇L得你個樣咁招積XXXD...(其中有一粒本身係毛寶的~不過佢話讓俾我幅磁石牆喎XXXD你真係大愛喇~)




又另外一個中途站...有少少觀光購物feel...但其實主要俾我地去廁所~參觀下呢個摩洛哥堅果油既銷售店~除左玫瑰水...摩洛哥既堅果油也很出名的~







仲有薄荷茶招呼~又幾好飲喎~




除左堅果油既護髮呀...護膚品...仲有制成醬狀物體沾麵包一起食...老實講...都幾好食~正當我諗緊...也要不要趕緊買點甚麼做做手信....望下價錢....我唔覺得係原產地既價錢喎XXXXXD....走先~我媽左罐醬~




經過4個小時車...黎到另外一個摩洛哥西邊城市索維拉(Essaouira)....wow~沿海城市呢~呢日一個景點都未行~已中午~




一落車見到一大片芒草田~襯著金光閃閃既陽光仲有微風吹吹下~靚~令我諗起...前幾年戈巴係釜山帶大家睇既油菜花田(好似無咩直接關係XXXD)





第一個景點就係一落車行幾步既哈桑廣場(Place Moulay Hassan)....黎到另一城市變番勁好天~好曬呀喂XXXXD





行過馬路過對面已經係海!!係大西洋呢~




俾你發現左我偷拍你添XXD等我扮無野行開先~





你又有偷影佢磨?




自由參觀15分鐘後...就到食午餐環節~行番過對面哈桑廣場再行入去少少~藍色招牌就係我地既午餐地點喇~





喂!環境掂喎!好似去左希臘咁喎!開頭激到安排我地係烈日當空下食飯....我真係搞唔掂...烈陽喎!辣肉架喎!無遮無擋喎!...係呢度曬5分鐘我相信會曬傷...全團要求係有遮擋既位置坐XXXD





坐低一陣上菜...喂!!!唔係呀!!海鮮餐???掂喎!!開心到我地8個呢~而且勁大碟!!真係要影張合照留個念~





都幾豐富下~蝦就麻麻啦~唔知乜蜆~都ok既~




蟶子都有呀喂~怎麼看起來形狀有點怪怪的感覺XXXXD




最正係咩呀?!生蠔呀!掙紮左一陣食唔食好...但見佢個樣好肥美醒神呀...唔理喇~~又幾好味新鮮爽甜喎~兩隻係咪唔同品種呢~





食完海鮮盤上主菜....華下!!!




係每人有一整隻唔係半隻既龍蝦意粉!唔係講笑!都幾大隻下!!






咪咁開心住...跟旅行團...邊有咁大隻甲拿隨街跳...食左先再講...隻龍蝦係燒既方式整既...入口...肉係爽爽的!好食喎!食得出係新鮮既!!好開心呀!!好好味呀~意粉也算是不錯~




甜品係加左果汁既生果~




好~食飽走前影張靚相先~





食飽後既景點係走走逛逛索維拉舊城區~




短短一條街...勁多野望!多野望既意思係吸睛!




好少可毛寶一條街會影咁多張相架~








呢張我覺得好神來之筆~




然後行下行下就行到去索維拉炮台~






對開就係大西洋喇喇喇喇~








毛寶你D相真係影得好靚~主要係影得我有型~最鐘意第一張~影到隻鷗係我頭頂飛過~









係炮台影番落頭先條街D檔仔好過癮~





然後又帶我地行下古城區既另一邊~




呢邊D橫街好好望~






除左橫街之外~仲有你地都好好望~





隻面罩仔好得意呀<3...我想講呢...摩洛哥呢度係超!!!多面罩仔!





再行到街市~






呢檔薄荷超~級~香~好鐘意~




其實穿過呢個街市就係為左帶我地睇呢個古城牆~






趴屎~




呢日景點就完喇~好早番到酒店~呢日住Hotel Atlas Essaouira & Spa





陳設係老土既~浴室沖涼又漏水~不過幾夠大~






好可怕的備品顏色~頭一支好似D廉價甲油顏色XXXD




窗外係內園景...呢間酒店好大...揾房都揾左好一陣子...又分得散~同媽媽隔到超遠~





係房抖左陣就再出去啦~因為行出酒店過對面馬路已經係沙灘~





潮退ing的樣子~老夫人想學我拍chok照呀?XXXD






係沙灘騎馬見得多...係沙灘騎駱駝?!有趣有趣~




隻雀跟住人~好可愛~






行左一陣~合照完就走啦~




晚餐在酒店食~





食自助餐~




唔算多野食...但味道ok的~最驚喜係雞~因為個味佢整到似中式既豉汁雞~好正~~~




表姐食飽出去散步時又見到蝸牛湯XXXXD(其實之後有朋友都去左摩洛哥玩佢有飲過話叫我無飲過唔使咁有遺憾感XXXD)








2020/07/18的開心事：
夜晚個膝頭無咁痛....起碼唔郁唔痛
郁先痛(誤)



報時：距離七公子台北帥氣行之旅仲有---81日~