2019/04/30
Day 6(摩洛哥,歐薩薩 Mococco,Ouarzazate->埃本哈杜古城 Ait Benhaddou->馬拉喀什 Marrakech)
早呀早呀早呀~食個靚早餐先~~

部咖啡機D有中文翻譯XXXXXXXD怪怪的~咁似台灣D譯法既~~

呢間酒店勁大~大 到係會令我迷路哥種~番房條路其實幾靚既~因為佢周圍種滿好多植物~






好囉~出發~今日超級好天~曬到~


停左係個休息站...呢個位望過對面...華!好似唔好掂掂D場景呀!( 咩叫唔好掂掂?係迪士尼其中一套由黃子華配音既卡通片...叫騎呢大帝...呢度D景就係勁飲似呢套卡通入面D景XXXD)


有人係度買左幅 畫呀~100MAD=84.2hkd

點解有興趣買?除左因為畫得幾靚之外...係佢畫既方法好得意~首先用呢D顏料畫係畫紙上~但畫出黎...係好似無色咁架~

然後佢就攞住張畫紙 係火上面烤一烤~然後就出色喇~~




對比上面哥張~毛寶買哥張係幾簡單幾得意既~

好喇~黎到景點喇~(係對面座城呀~)

咦....乜要過河架?!er.....我蛇ghere症又發作XXXXD

然 後排隊過河時望到...華...條橋好似唔係好穩陣喎...華...水流好急喎~我過橋過得勁腳震震...(企係條河係當地人...如果無信心過河可以幫襯佢地扶你過河~記住...係幫襯~)

過左河就會望到我地既景點~就係埃本哈杜古城(Ati Benhaddou)...毛寶再一次講:呢度真係好似唔好掂掂呀!


一路行過去有好多攤檔...其中一檔又係賣哥D燒烤畫!重點係賣50MAD=42.1hkd...XXXXD有人頭先買100MAD喎...然後佢自己話:唔係既..我買哥張係靚D既~




好熱呀喂....睇睇資料介紹呢個世界文化遺產先~呢個古城係由泥去砌成...係摩洛哥原住民“柏柏爾人”村落...當地人長期都係用呢個方法起屋...用D橘紅色既泥加入稻草而成...曝曬下會更堅固...呢個地方真係勁爆曝曬....




要不停行上樓梯參觀...加上曝曬(哥種曬係無遮無擋下一定會曬傷)...我娘宣佈放棄...企係陰地方等我地回程...我係孝順囡嘛~梗係陪我阿媽啦~(其實我自己頂唔順咁曬XXXXD)...我表姐同表姐夫都放棄~只有毛寶...毛寶爹娘...同我舅父有上~我叫毛寶影相俾我睇得喇~(毛寶話上到最上查實個差別唔太大XXXD)




好睇都唔執輸係呢度都有毛寶幫得留個倩影~

回程見到有人寫生....華...佢赤裸上身曬住寫生呀...沒在怕曬傷.....俾我真係唔得....熱到搞唔掂...我回程過河驚到忍唔住幫襯左佢扶我過河呀XXXXD

行完呢個景點就食中午飯喇~餐廳其實係景點個停車場附近...行過去就OK~好熱呀~快D入去啦~~

裝修都幾靚既~


向外面望~原來餐廳可以望到景點架~有時D野...都係涼住冷氣望係最好既~


餐廳仲有景點既模型添~

參觀頭先個景點熱到頭先計仔都濕哂...有個小朋友好少飲可樂...竟然會自己走去買罐可樂飲喎!...佢話:呢個moment真係想飲啖可樂~阿拉伯文可樂~哥期仲要係Avengers~



好似有好多種調味粉~


餐湯~唔記得係咩湯~~

er......我無諗過呢日...又要食煲煲雞...救命呀~~~~肉丸..不好吃~

飯後水果~我唯一欣賞摩洛哥團餐...就係甜品多數係生果~唔使食甜椰椰既甜品~

食飽飽行上車見到隻可愛小狗~笑咩jack~衰鬼~

餐廳外既可樂廣告好靚~

其實呢日得一個景點...食飽飽就係車程環節~呢日一共坐5個半小時既車~

而且仲要全山路~全山路~全山路~

不停的上山落山上山落山...不停的S型路...D路又窄...又多對頭車....我舅父話:我見到都牙煙!我好驚呀...我驚到....訓著左~XXXXXXXD...一個人驚到訓著...都真係好驚下~

而且海拔好高~睇下我包薯片~就黎爆炸咁款XXXXD

然後就到左今晚既酒店~Kenzi Menara Palace Hotel~

等緊攞房時出室外望下~華~泳池又幾靚喎~

由於哥每人100美金已經山窮水盡...唯有係酒店再換啦~同機場差少少...不過又唔係換得多~無咩所謂~

呢間酒店又係好大...行到遠一遠~一入房...華!正呀!!大到~~呢間住兩晚~~好開心~






但...冷氣壞左...要搵人黎修理.....同埋..明明係二人房...洗手盤都有兩個...但佢就係俾一隻漱口杯俾你XXXXXXXD
仲要有露台~

呢晚晚餐係酒店食~

係食自~助~餐~(係~又係自助餐~)...不過呢間酒店算係好多好多野食~而且靚樣添~D蛋糕都幾四正~所以我同毛寶密謀....






都唔係得個睇字架~食落都唔錯架~湯係啡啡地色既魚湯~不錯喎~

叫領隊問下餐廳可唔可以點蠟蠋...於是.....生日快樂呀老夫人~~~祝430穿梭機小朋友生日快樂身體健康~陪我一直玩落去~係摩洛哥過生日開心無~



查實個領隊勁唔醒目....我生日跟過咁多次團...唯一一次個領隊完全無留意到有團友生日...之前跟哥D領隊勁醒目...團友生日都有主動攞個蛋糕~仲試過收小禮物~其實真係唔係要你送D咩...但都可以主動問下有無D咩可以幫我地做到去慶下生都好丫...仲要我問出口才如夢初醒......
2020/06/27的開心事:
整左買奇鬆餅~好少女~
報時:距離七公子台北帥氣行之旅仲有---102日~
住的酒店真係好大好靚,如果冇估錯你参加的旅行社應該是勝景遊,你摩洛哥遊第一天的博文有講無線耳機,舊年我去土耳也是参加呢間旅行社,在機場每人派一個旅程完畢交還,我唔鍾意跟團,但我老婆细妹最喜歡跟團話乜都有人安排好唔使煩喎.
回覆刪除呢晚酒店又真係唔錯~我無講呀我無講呀我無講係邊間架~哈哈~
刪除一DD地方啦~如果去摩洛哥我就想跟團XXXXD
燒烤畫第一次見。
回覆刪除我都係~覺得好得意~
刪除我哋都知道妳真係好好好鍾意SUPPER㗎,哈哈哈。<3
回覆刪除係呀係呀~~超喜歡的~
刪除"諗起都濕哂.....眼仔"@@
回覆刪除過嗰條河實在太驚險,實在太刺激.
係呀~感動丫嘛~唔濕眼仔濕邊度喎~
刪除你係咪笑緊我細膽呀XXXXD
張燒烤畫真係好出色呀~ 好西利呀毛寶爹娘都攻頂 ! !
回覆刪除好曬咁呀真係~
係呀好靚呀~
刪除我連兩個老人家都不如XXXD
我最驚曬~
生日快樂^^
回覆刪除唔錯呀幾特別張燒烤畫!
間酒店都靚呢
多謝~
刪除係!尤其睇住佢烤出黎!
實在係正~
嗰位乎工藝畫家唔錯,
回覆刪除哩個團入住哩間豪華酒店,
自助餐好豐富呀,
真喺正
幾得意我都係第一次見~
刪除酒店同自助餐都真係唔錯~
嘩..幅畫真係幾靚,拎返屋企貼堂都幾好喎XDD
回覆刪除對團餐從不抱期望的我表示,我覺得個橙幾吸引XDDD 切好曬一片片,岩曬我啲懶人
好似買哥個人真係有意話要攞黎我屋企擺XXXD
刪除橙幾好...好過食甜椰椰既甜品
咁多日呢餐早餐最正喎~~
回覆刪除妳又頭痛、真係又去搵醫生找出原因來啦.......
晚餐自助餐睇落唔錯喎......
都唔錯~
刪除其實已經定期有睇緊醫生~放心~
都幾好呀~
最近兩個禮拜中都有一日假,時間好似過快左~~
回覆刪除燒烤畫又幾得意,而且畫得幾靚~~
係古城內行應該似阿拉丁的背景,睇模型就似係秘魯~~
個人仲懶左添~
刪除係呀第一次見覺得好得意~
感覺係幾似~不過真係又熱又攰~XXXD
S型路係其中一個出名景點, 當時去都有落車影幾張相. 個導遊真係唔識做,有團友生日都唔知.
回覆刪除我地無得落車影XXXD影相影得S型路好清楚架?~
刪除咪囉!我第一次跟團咁架咋!!