譽瓏軒 Jade Dragon

星期日....9點幾醒左之後訓唔番...係床戀到11點..起身煮who冬食...fika後再做少少家務....然後盡情休息和學習...學咩?學我學左兩次都失敗既語言...之前出去學...依家在家慢慢自學XXXD(慢既速度可謂相當驚人)....唔知會唔會成功呢.....夜晚都係在家吃......星期一....好銀攰呀....點解可以咁多野做~~~放工晚飯後用酒精同零食麻醉下自己先......星期二...今日都多野做~不過又無噚日咁多~無啦啦下午落超大雨.....放左工又去左物理治療.....物理治療師話我唔使再覆診喇~~~拜拜~~~~好開心睇左3次都係醫療券找數~好開心~~.....臨訓時掛左8號風球......星期三......好驚呀!!訓到凌晨4點幾被嘈醒.....打開電視驚覺已變9號風球...仲話5點會掛10號....雖然我家剛裝修好換好哂門窗但都勁驚....驚到6點幾我竟然夠膽關哂啲鬧鐘再訓無等9點公佈風球消息XXD訓到9點幾開電話睇又突然11點幾掛3號...真的快來快去~下午要番2點...好彩有醒到....起身食左個包食左個麵飲左杯啡就上班去.....好彩唔算好多好多人~......星期四...番工無咩~放工去左食新開既濟州島韓餐為麥公子慶生~~~......星期五.....今日好多人....但佢地黎唔係我負責既範疇XXXD好開心....放工去左食hiro個omakase....個主廚係永利間泓個主廚過去架!!!我覺得價錢合適而且好食.....好開心.......星期六....中午去左試aurora....之後進行一連串既散錢活動(好可怕XXXD我散左差不多兩千.....明明我平時就極慳)....然後剪頭毛....然後痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



某日...覺得好耐無飲過靚茶...所以就想試下好耐好耐無去既譽瓏軒~地址：新濠天地新濠大道2樓....電話：8868 2822....其實首選唔係佢架~不過疫情後澳門好多中餐廳都無開一係就好難訂~之前黎過一次...哥時好似唔知係米芝蓮一星定二星....依家已經係三星~咁......就去試下啦~




係前枱報上名來之後(咩年代XXXD).....帶我地行一條秘密通道既物體入去~(我明明去過但我怎麼沒有任何記憶XXXD)




我地當日被安排坐係呢種又有梳化又有櫈既枱(有無人知我講咩?XXXD)...我個人黎講係完全唔鐘意坐呢種梳化~我鐘意坐普通櫈~我做唔到貴婦XXXXD....好彩我地有做貴婦既老夫人同毛寶媽XXD




有一個專係沖茶既位~




地下我見有間房既...但間房係透明既XXXD....我有行上樓上去廁所...行經有其他房~




最鍾意一坐低睇餐具~個餐牌隻龍眼係粒立體玉黎架~話哂3星喎~粒玉唔知係咪真既呢XXXXD....依家呢個時勢....去D貴少少既餐廳....枱上面一定會有俾你放口罩既套...但我都只係會信我自己帶去口罩袋XXXD





坐低~梗係叫個靚茶飲啦~自己睇自己鍾意飲咩茶啦~




仲諗緊飲咩茶時就送黎迎賓茶~好似係季節茶~我記得個茶係凍既~




開左個茶首先聞下長杯既茶香~聞完先再飲~我覺得都唔錯~毛寶媽好欣賞~佢叫左呢個季節茶~





我就叫左蘭香鐵觀音...$98......我去飲茶最鍾意飲鐵觀音既~




毛寶既桐木關正山小種...$88.....佢去親貴茶最鍾意叫就係正山小種~我媽就最鍾意金桂花烏龍~毛寶爸最鍾意飲普洱~摸清你地個底~




先上送既小前菜....上面好似係有柚子搭在一起吃的青瓜片(青瓜切既紋理好靚係我影得唔好~)...仲有鰻魚...好似好少中餐既小前菜會係鰻魚~幾好味~但我忘了鰻魚上哥pat係咩醬~




到出醬料~我每次都好期待每間貴茶既醬料~呢間D XO醬都好好味~最右邊個辣醬我都好鍾意~每隻匙都勁靚!除左柄有雕花...一直伸延到盛醬料既位都有雕花...真靚~




冰梅溫室小蕃茄...$98....一出黎好有氣勢呀!睇下不停有乾冰係兩邊龍頭噴氣出!!





當日係用左季節既荷蘭小蕃茄....小蕃茄已剝皮...配上底下的梅酒啫喱同吃(上面還有avocado oil...唔係我利害食得出...係餐牌英文翻譯有寫XXXXD)....又清新又開胃~(好味既前菜我一定係用又清新又開胃既XXXXD因為我個字庫無咩生字)....呢個不論係玥龍軒定係譽瓏軒都做得好好食~我次次都會叫~




煙熏素鵝...$98.....見到唔係我平時鍾意食哥種脆脆皮素鵝我有少少打退堂鼓架~心諗林pat pat既素鵝有乜好食...點知放入口咬有朕超香既茶味湧入鼻孔!...經理介紹原來係用普洱茶葉去做煙熏!....呢個真心讚...全枱人都覺得好食~




XO醬桂花蚌長春卷...$28(每件).....要左3件~斬開一半有6件食~(這個人相當粗鄙)....其實我不太愛桂花蚌的~但我又好想食春卷....唯有叫啦~(因為之前都食過其他酒店中餐既春卷....也沒有帶給我很好吃的感覺~尤其麗軒....可以用極度漏黎形容~不過我好掛住麗軒隻花雕蒸蟹鉗~可惜當時因為疫情關閉後佢都無開番~)....點知呢個又幾得喎!咬落去感覺好彈牙~食左半條都無咩負擔~不錯~...個人喜好係南湖明月個春卷XXXD





翡翠玉龍餃...$38(每件)...D酒店D點心名成日改到天花龍鳳~查實就係蝦餃XXXXXD不過呢個蝦餃就有D特別既~因為皮係用菠菜汁做個綠色~而內餡係用海蝦同藍龍蝦!!難怪如此活力彈牙有鮮味~(所以才會$38一件)....我平時麻麻地蝦餃~呢個又真的不錯~





灌湯日本毛蟹小籠包...$68(每件)...湯汁好吃...頂皮唔怕厚~肉夠嫩~係幾唔錯~唯一唔好~就係太貴XXXXXD






魚籽蟹肉千層酥...$108(3件)....需時20分鐘既點心....上枱熱辣辣...味道是不錯的~係嫌個皮有D油得滯~兩個人食一舊會好D~






龍蝦湯雲吞...$98(六件).....唔...我搞唔清係龍蝦湯係主體定雲吞係主體....但我覺得佢地兩個唔夾XXXXXD雲吞都係襯D乜乜大地魚湯....龍蝦湯都係同Brandy襯D~




三色布拉腸粉...$98......腸粉既米漿可以三選一(傳統白米腸..紅米腸..蔥花蝦米腸)....而餡料哥方面可以五選三(香芋素菜..石斑魚片..脆皮鮮蝦卷炸兩..蔥爆和牛..梅菜黑豚叉燒)...大家唔好好似我咁低能呀XXXD我睇餐牌時諗左好耐呀XXXD華...揀三樣料又和牛又石斑又蝦咁撈埋一齊咪好亂囉D味...原來係有3條腸粉...3條唔同料XXXXD而唔係3樣餸擺埋一齊XXXXD...我地揀左紅米腸...餡料要蔥爆和牛..石斑魚片同脆皮鮮蝦卷炸兩.......我覺得個皮有D硬~魚既質感有D差~和牛同蝦都OK~都係全盛時期既玥龍軒哥個燒汁和牛腸粉好味~




譽瓏蜜汁西班牙黑豚梅頭叉燒...$268...估唔到佢平過玥龍軒~





係用紐西蘭蜜糖燒既~不過覺得佢肥瘦分佈唔係幾平均~有D位咬唔開~




酥炸芋絲卷...$138....好芋呀~我媽鐘意~我麻麻~





伊比利黑豚鹹肉菜飯...$268....平時都幾鐘意食上海哥D鹹肉菜飯~呢個一上枱時都聞到好香...入口都覺好食....可惜越食越覺得油同鹹!




好喇~到甜品部份喇~蛋白杏仁茶...$68....我無試過~唔知咩味~




薑茶麻蓉湯圓...$68....我無試過~唔知咩味~不過覺得得兩粒有D姑寒XXXXD(可能貧窮限制了我的想像XXXXD




薑汁燉鮮奶蛋白配糖金桔...$68.....呢個就我點既....但係個糖金桔太過搶味...搶味搶到世界盡頭




最後就是petit four～茶壺入面係插住朱古力同奶茶雪糕~長碟哥小點心我覺得一般般啦~(右邊個頂有白色哥個甜甜係極度酸~)





叫左咖啡送petit four~我覺得佢杯咖啡都幾好飲~點個原來係capsule架喎~即磨(前)$60...double expresso(後)...$70




埋單時送左有呢度既主廚歐陽師傅簽左名既2020年港澳米芝蓮指南俾我地~因為入面有講今年譽瓏軒入選左三星餐廳~又真係幾巴閉既~






呢餐食左$2,556.2....人均係$511.2....以飲茶黎講..係貴既~但又以酒店米芝蓮三星中餐黎講又唔算太貴~當時好多酒店都推出好多優惠吸引人去食...好多都澳門人7折呀~消費卡7折呀~...唯獨譽瓏軒...真係無呢種折~.......環境：係OK既...可惜哥日我頭頂有盞燈輕微閃閃下...雖然輕微...但都係會令人唔舒服~...服務：係三星既~但又唔會迫得你太緊~比起我第一次黎時好同令人舒服.....食物：比起第一次黎好食好多~但係口味上我仍然係鐘意全盛時期既玥!龍!軒!!可惜我媽生日哥次食令我有D失望~但我會再比機會玥龍軒既~譽瓏都會~




來一張合照~呢餐茶係我同毛寶請3隻小妖既~希望你地開心啦~








2020/08/22的開心事：
噚日食左餐好既日本餐~

同埋今日做左好多樣野~



報時：距離七公子台北帥氣行之旅仲有---46日~
我地呢個旅行我地係訂左星宇航空~
前幾日佢打俾訂飛既凱公子....
通知航班有異動...去程改左晚上出發
可以改機票或取消....
凱公子：咁可以改幾時呀?
客服：其實你地飛唔到.....
XXXXXXXXXXXXXXXXXXXXXXXXXXXD
我覺個客服又直接又可愛XXXD
所以我地將會做退款....
所以呢個報時到今日為止~bye bye~
(有點點哀愁)