鳥取自駕遊&大阪之旅2018-12-08第八天(晴天)

HI~有無很想我~(有啦唔好扮野~)...我終於完成個有驚無險既九州之旅~驚既係玩緊第3日就知有個好勁既颱風去緊日本....驚左幾日....怕係當地番唔到黎...最後九州不在風圈內...順利回澳...不過關東地區真係好慘...日日睇住D新聞都覺得好驚!老天爺爺保祐!我覺得今次旅行都幾精彩~番到屋企執好野之後....突然暫居地個警鐘響到痴哂線..好彩岩岩執好證件出黎....攞埋手提..銀包全部證件即走!!!跑樓梯到某層樓見到有住客上番來....話係消防系統誤鳴...唔建議用(車立)上番去...如果唔係再誤鳴就會困(車立)....然後我就踩15層樓上番去....好彩未行到落最底.....星期一....WOW~一去完旅行就番工真係好刺激呀~今日一著上件制服...咦~件制服做咩自己縮左水既~而且我仲頻頻做錯野~根本心不在焉~夜晚我仲學人一次過煲番哂6集今宵大廈~聽講話開續集喎~好呀~歡迎~.....星期二...番工D人古靈精怪咁~放工番到屋企....喂!老夫人準備左3隻肉蟹同1隻膏蟹1支白酒等我放工歸家!老夫人是最好的~我生命中的好時光除左一家三口既記憶...同老爺去旅行既時候...仲有同老夫人一路嘆酒一路食蟹既時光~.....星期三....放左工同左我唯三既大學同學慶生.......終於開到我自己既慶生趴喇~證明又就黎年尾....正到食飽飯後去左對面公園吹蠟蠋切蛋糕XXD好青蔥呀~~個ANCO芒果千層蛋糕勁好味!....星期四....好開心~我今日食左麥叔叔做午餐~晚飯後再食噚晚食淨既千層蛋糕....仲係好好味~.....好開心呀~.....星期五...放左工同左公子開我同杯公子既生日趴~一年一度的和杯一起慶生~今年食左JAPAS~.....星期六....YEAH~到左本公主既生日~毛寶問想食咩慶生.....我答我想去迪士尼樂園慶生XD~今日玩得好開心呀~我玩左4次Hyperspace Mountain~~~~~~~番左澳門仲去左食好好食既金非豬潤麵慶生~~真係真係好好好好開心~35歲既第一日估唔到我咁勤力le~



2018/12/08
Day 8(日本,大阪 Japan,Osaka->澳門 Macau)
早呀喂~~~走的那天天晴~

鳥取自駕遊&大阪之旅2018-12-07第七天(陰天)

星期日.....老爺生日呀~~~生日快樂~之前一晚我係毛寶家陪佢睇柏鳥小姐的童幻世界黎倒數生日~點知講講下發話：呢套戲係我地第一次去UA既Director's Club睇既戲~(亦暫時係唯一一次~因為太貴我唔捨得~XXD).....然後講講下：咦!上次去Director's Club咪3年前你生日囉!!...3年後又竟然睇同一套戲慶生~~中午去左食雅吉慶祝~下午無無聊行下威尼斯人~咦~買左褲喎~夜晚去左試PADRE Modern Cuisine~....星期一....就算今日要番工都覺得無咩野~因為番埋今日又可以放兩日~~衰在下午訓醒晏覺時有少少頭痛~.........星期二....放假丫嘛~起身神清氣爽~中午去左食羅浮~食完仲玩埋佢條兩層樓高滑梯~滑完....我有少少頭暈....@@....下午毛寶幫我剪頭毛....夜晚試左Goa night....星期三....今日都放假~中午去接毛寶放工前我已做左好多野!本身只係想買野...但我遲左出門口本身我以爲連野都買唔到XDD點知我買到野之餘...仲可以襯毛寶放工前10分鐘去銀行入埋張票...天呀太完美喇<3然後去左潮興隆食蠔仔包心丸貴刁...食飽之後去找埋啲裝修材料錢~夜晚就係屋企食~......星期四...臨天光又頭痛...起身食粒藥再訓...起身仲係痛...加油呀番埋今日聽日就可以去嘆世界架喇!......星期五...番番下工我身體發出從未出現過既癥狀...仲好似越黎越嚴重...嚇到我即刻同老闆講出去睇醫生...我心情有啲差...毛寶叫我放鬆心情...嗚嗚...夜晚去左加東食海南雞飯...我覺得佢個海南雞好食過文華東方...我要早啲休息先得喇.......星期六...我訓左差唔多12個鐘...感覺好似好左少少...但哥個癥狀未完全消失~希望快D完全消失啦~(我噚晚發夢見到陳仕燊＜3)....中午食左TOFF...然後去左金沙城間apple陪人整電話...跟住番左屋企執野lu~夜晚係屋企食~聽日早機去日本喇~希望呢個旅程順順利利~玩得開心~



2018/12/07
Day 7(日本,大阪 Japan,Osaka)
喂~早晨呀喂~好似陰陰地天咁既~都好既~唔怕曬~

鳥取自駕遊&大阪之旅2018-12-06第六天Part 2(陰天)

星期日....企係暫居地樓下等毛寶黎車我時覺得自己在法國街頭....因為陽光充沛加上終於無咁濕~再來聞到一陣燒雞味~真係勁似走在法國街頭~中午揾左好多間野食...一係無位泊車...一係間野好多人...最後食左興記~但今日我覺得好難食...失望......下午在家寫下blog啦~有新電腦嘛~夜晚又痴痴貢XXD....星期一.....放左工最開心就係番到屋企有阿媽整既榨菜蒸牛肉食~同埋開心既係....呢個女人為左自己買到兩蚊榨菜而開心~可以為左D咁少既事而開心既人~真係幸福~......星期二....好開心呀~~開心在....我去日本可以浸溫泉喇~你明架可~......星期三....華~今日坐足成日counter....周身骨痛....乜原來以前既我係咁攰架~仲要俾個好蠢既律師嫌我蠢發我脾氣....世界怎麼了?俾一個蠢人嫌我蠢而個蠢人唔知蠢既原來係佢自己的感覺有幾難受你懂嗎?咁蠢既律師真係唔知邊度揾~(有...澳門呢度有一個)....今個禮拜放工又覺得個天又黑了一點~冬天好像就快來了~.....星期四.....放左工今日無飯食呀~去左放肆放肆一下下~放左工周圍走走啦~行東行西~好耐無自己一個行街街~我正一外向孤獨症患者~之後就買左肉燥飯同鹹酥雞番去吃~個肉燥飯大到成個吃緊大家庭裝雪糕個杯咁大~嚇親我~........星期五....下午超多野做...企係度連做個幾鐘先至有得坐下~放左工去左同七公子食毛寶生日飯~去左星際食~由於我地個蛋糕寫住狂賀老爺34大壽...星際D人一路唱住生日歌行出黎時：happy birthday to "老爺"~~好好笑~....星期六…差唔多重陽節~去左拜老豆同阿婆~之後中午去左食comma cafe.....下午寫下BLOG悠悠閒閒咁~回想起之前搬屋執野真係好攰~依家咁樣真係己經係小確幸~



2018/12/06
Day 6-Part 2(日本,大阪 Japan,Osaka)
由Hep Five番酒店哥個方向次次都經呢度~又望下聖誕佈置先~

鳥取自駕遊&大阪之旅2018-12-06第六天Part 1(陰天)

星期日...中午去左食棽莜~又有秋之味食喇~~不過今年哥條細過上年哥條~下午寫Blog....夜晚同屋企人去左京都食飯~席間竟然收到我阿婆係21年前為屋企人準備既一份禮物…貴重在每份禮物都親手寫上我地既名…真係覺得好感動…勁催淚呀大佬…收到呢份禮物…感覺你仲係我地身邊<3......星期一...補假丫嘛~中午去左食沙北~跟住去UA睇"大叔的愛"...還是很喜歡haru pon與maki唷～雖然電影版好爛XD…然後去左金非食下午茶…我終於都食到喇！豬潤麻辣豬紅米好好味…佢啲麻辣豬紅無死辣…好香又入味…佢個脆炸豬扒都好正…而佢枱上既辣菜甫都好盞鬼…我同我媽食左佢半樽…真係真係極推呢間…諗起都想食…夜晚就試左間係我暫居地附近既扒房…勁麻麻……星期二…裝修啲野真係好煩呀…勁煩…我地依家暫居地無咩娛樂…得一部電視係房…呢晚食緊飯後果雪梨時睇既節目係窗外前兩條街既路人…我:依家應該落緊雨…媽:你睇條路…都唔濕…我:但啲人有擔遮喎…媽:係喎…好無聊呀呢兩母女XD……星期三…今日無啦啦又坐全日counter...有啲唔慣...放左工去左揀冷氣...之前買電器又用左一筆...今個月我要打開個口食風喇.......星期四...放左工又去左睇磚....我覺得今次哥間仲靚仲好！...睇完去左japas green…終於都試到！好好味！不過份量好細…星期五…放左工去左同唯三大學同學仔開毛寶生日會…星期六…中午買左Mac book air~~~~~好開心呀…有人送俾我架！話送俾我新裝修入伙喎！但我仲未裝修完XD已經收到禮物了…多謝老爺…跟住去左食潮興隆~~第一次食又覺得幾好食~~然後就去睇地板同廁所~夜晚痴痴貢~



2018/12/06
Day 6-Part 1(日本,大阪 Japan,Osaka)
早呀喂~~天陰陰的............仲好~唔怕曬~

鳥取自駕遊&大阪之旅2018-12-05第五天Part 2(陰天及後轉晴)

星期日...中午又食Root XXD...短期內都無得食喇:(...下午又幸福忙...忙下九州又忙下法國...夜晚痴痴貢...仲痴埋人地wifi聽濕爬台灣電台節目......星期一...今日都過得輕鬆...但今日個胃有啲唔舒服......星期二...中午食左個唔飽肚既飯XD夜晚放工番到屋企我仲餓到手震...夜晚睇羅天宇哥時又俾佢電到...點樣抗拒佢唱住歌示愛呀個樣咁認真?(有既...放仕燊係佢隔離唱’是你令我再次找到心跳’危機就會解除XD)......星期三...今日研究左機場lounge成日XXD你都咪話唔佩服我無聊事認真做既堅毅XXD......星期四...今日中午個肉餅飯好好味呀XXD今日又做左另外一樣工作...令我自己覺得由啤酒妹變做OL XXD...夜晚同左毛寶家人一齊食中秋節飯...個先生炒飯又幾好味喎......星期五...中秋節!放工去左同屋企人食風味居做節...之後約埋毛寶在暫居地睇煙花...幾勁呀可...睇到煙花...然後食左一堆應節食品...稜角呀芋仔呀文旦呀甜品呀XD有人話我越食越肥...我恨你......星期六...中午去食Toff...驚覺可以儲AM!...下午在家打下blog...毛寶幫我剪下頭毛之類...夜晚去左食順軒~



2018/12/05
Day 5-Part 2(日本,鳥取,皆生溫泉 Japan,Tottori Ken,Kaike Onsen->境港市 Sakaiminato Shi->大阪 Osaka)
又沿番中國自動車道直駛番大阪~~

鳥取自駕遊&大阪之旅2018-12-05第五天Part 1(陰天及後轉晴)

星期一...今日勁攰...下午做另一崗位企左兩個鐘條腰超痛...我老了...攰到屎屎下番屋企食飽飯有濕爬既kkbox live聽...好開心...聽你地講野真係好歡樂...笑聲很魔性XXXD......星期二...今日放工明顯地睇到日照時間縮短了...放工已經天色黑黑的...近排睇羅天宇同田蕊妮...俾羅天宇的笑容迷倒XD...(放心放心...我仲未變心XD雖然無人關心)......星期三...咦...今日下午另一工作崗位又唔錯喎...我媽前幾日番過屋企望...佢話見到好多磚同泥頭係度覺得屋企細左好多XXD......星期四...今天某項工種令我覺得好似啤酒妹...明知我個人最怕醜...仲叫我氹啲客XXD真係好難搞......星期五...我今日覺得好輕鬆呀XXD...放左工去食老記...因為見到人地食牛雜煲好好味......星期六...早上去左問升盤價...買電器...中午去左買八分目...下午揀磚...同埋係另一間終於買埋升盤...問埋濾水防爆玻璃膜...好忙XD...夜晚痴痴貢~



2018/12/05
Day 5-Part 1(日本,鳥取,皆生溫泉 Japan,Tottori Ken,Kaike Onsen->境港市 Sakaiminato Shi->大阪 Osaka)
噚日下午到左溫泉旅館之後落超大雨~無停過~呢日6點起身....雖然極厚雲...但望到少少晨曦色~感覺良好~毛寶有去浸私人風呂~我懶我無浸~

鳥取自駕遊&大阪之旅2018-12-04第四天Part 2(晴天及後轉陰)

星期日...中午食左Root....佢就黎暫停營業喇~~我好不捨~~~下午同左菓子軒...八寶仲有毛毛一齊下午茶~~好多小朋友呀~~夜晚痴痴貢~......星期一...今日觸礁...最煩哥個籌俾我叫到...仲係係6點至叫到XD...搞到遲左收工.........星期二...中午去銀行...明明去哥時唔算多人...但搞左勁耐...突然掛住可以番屋企訓晏覺既日子......星期三...今日最觸目...我!食!左!久!休!復!出!既!肥!仔!記!!......星期四...唔...無咩特別...普通番工日囉......星期五...好攰呀喂!...5點到6點好似做左我呢生既籌總和咁多...痴線架...放工食左pizza hut......星期六...一早起身...阿爸有儀式搞...順利完成...又放下一件心事...然後去左南湖明月飲茶...下午做左勁多野...睇左好多電器...廚房野...傢私...我覺得我地好強!...夜晚食左加東...都不錯...呢日濕爬台北搞簽唱會...我勁想飛XD...有誰知道我有多想仕燊寶寶<3......星期日...中午食左Root...係...又係Root...因佢就黎暫時關閉...我同毛寶都好捨佢個squid noodle...下午幸福忙...好多野訂...仲有揾mapcode...夜晚痴痴貢~



2018/12/04
Day 4-Part 2(日本,鳥取,三朝溫泉 Japan,Tottori Ken,Misasa Onsen->大山 Daisen->大山牧場 Daisen Milk no Sato->米子市 Yonago Shi->皆生溫泉 Kaike Onsen)
又揸車去今晚既溫泉旅館喇~

鳥取自駕遊&大阪之旅2018-12-04第四天Part 1(晴天及後轉陰)

兩周不見~有無想我~上星期日...我俾一聲巨響嚇醒...個結果係嚇到我半死...但不詳述了...中午食左toff...然後我休息左成個下午...毛寶夜晚帶左去開生日會既野食俾我做晚飯......上星期一...我經過驚嚇周末後...呢日番工都係遊魂中......上星期二...坐夜......上星期三...出殯...睇見我媽哭哭我心也很難受......上星期四...中午同左媽媽去文華東方午餐輕鬆下...跟住行左陣one central(啲貴婦百貨點會有野啱我地行丫咁啱線走既時候落大雨咋)...跟住去屋企哥頭睇下搞成點...點知行到樓下見到有人搬緊我地拆左哥個神枱上貨車XXD...見到可能沙塵滾滾還是不要上去打搞好了XXD所以去左行超市...夜晚約左屋企人食觀光塔間葡餐......上星期五...早上一早出去出左一身汗...走左2間銀行搞手續...中午同左毛寶食八分目...飯後仲買左杯bloom凍啡...好舒爽...下午又走多兩間銀行...突然覺得自己好能幹XXD...夜晚食左tree cafe......上星期六...晨早去左攞洗左既被...然後又貢黎貢去...成朝做左懶多野咁...中午食左comma cafe...下午開始幸福忙...揾九州既mapcode...夜晚痴痴貢......星期日...凌晨時分勁頭痛...5點至9點食左兩次止痛藥...中午勁爆大雨去左食羅浮...佢個餐牌完全改哂...無哂我鍾意食既野...但係佢新既藍芝士漢堡勁好食...新發現...下午幸福忙夜晚痴痴貢......星期一...還在假期中...今天在家耍廢...煲劇和吃零食...研究一下大假個旅行...張機票XD......星期二...番工順順利利...今日下午菓子軒仲黎探我班...好開心呀XXD...放工買左暫居地附近間台式小食個鹽酥雞加餸...好好味......星期三...起身又頭痛...慘......星期四...今日ot...下午勁眼訓...放工好開心同公子去永利皇宮食自助餐為麥公子慶生......星期五...放工去左食翡翠拉xxxx...好難食...同香港上次食差咁遠既?...見到菓子軒係威尼斯人食緊飯即衝過去同佢佢玩XXD......星期六...中午食恨食左好耐既狸小路...台灣開過黎既日本餐廳.....如果用試業價食都唔錯既算係....食飽飽下午靜靜咁出現左一張機票喇~~~~~~~~~~~~~~夜晚同左屋企人去食南湖明月~



2018/12/04
Day 4-Part 1(日本,鳥取,三朝溫泉 Japan,Tottori Ken,Misasa Onsen->大山 Daisen->大山牧場 Daisen Milk no Sato->米子市 Yonago Shi->皆生溫泉 Kaike Onsen)
噚晚太驚....太驚都會令人眼訓...一早訓左...又6點起身浸私人風呂.....入廁所又唔見哂d蟲...唔知係咪夜晚有燈才出現...好千與千尋!......浸完舒舒服去食早餐~不過又係我唔鐘意既自助形式~(我發現鳥取幾個溫泉區都係自助早餐)

鳥取自駕遊&大阪之旅2018-12-03第三天Part 2(陰天少雨及後轉晴)

星期一......無咩特別…留係公司食中午飯…開ot…發現我快行回暫居地原來大約20分鐘內…幾好…當做運動……星期二…咁上下…最特別呢日阿媽唔煮飯我叫左韓式炸雞…好好味呀喂……星期三…今日係七夕情人節…今日俾人甜親成日XXD…所以一放工我決定衝去入手兩隻濕爬新既國語碟黎慶祝一下XXD好開心呀…家陣濕爬係台北宣傳新國語專輯…夜晚有個電台訪問開fb live冷不防俾呢4個男人甜多一獲…痴線架你地…搞到我依家勁珍藏條片…我覺得可以媲美仕燊台上說多謝XDD……星期四…中午約左好耐無見既i子飲茶…好忙呀夜晚食飽飯又要捕係電話前睇濕爬電台fb liveXXD…睇佢地live好開心…笑到我標眼水XXD.……星期五…上班還好啦…仲攞番之前個ot鐘早走一小時…勁開心…放左工去食左間勁難食既越南河…浪費了我的周五夜…食飽去左睇下家電…幾開心呀睇到~~~~我仲擊退左個對我好進擊既阿姨XXD…其實我對sell我野既人既抵抗力勁高…如果我未準備買佢係點都撬唔開我荷包架XXD……星期六…今朝由一個驚嚇既電話驚醒…婆婆入院個多禮拜…在今天走了……



2018/12/03
Day 3-Part 2(日本,鳥取,羽合溫泉 Japan,Tottori Ken,Hawai Onsen->倉吉市 Kurayoshi shi->三朝溫泉 Misasa Onsen)
就黎到停車場對面既打吹公園...地址：鳥取縣倉吉市仲之町

鳥取自駕遊&大阪之旅2018-12-03第三天Part 1(陰天少雨及後轉晴)

星期一...搬完屋太攰......頭痛又來襲..........星期二...好開心呀搬左屋之後終於可以一覺訓天光喇....之前係個個鐘都醒一次...好難頂.........星期三.....明明打算成日都係3號波架嘛...無啦啦番番下又講到話2點會掛8號波...但又遲遲唔講幾時俾我地放工...最後2點掛...我放點九...家陣公司同暫居地有少少距離...我都擔心搭唔到車番去...行又驚全身濕哂...最後竟然毛寶放工番屋企攞車車我呀...動已感!...如果唔係我實成身濕哂.......星期四...中午走左出去攞認別證...放左工同毛寶去睇Fuerza Bruta...好好睇呀好精彩....好彩趕係佢完之前睇咋!...多謝皮幫我地買飛...多謝毛寶請我睇!......星期五...好戀攰呀...我做到眼都dup...加上無得訓晏覺...好攰...好彩放左工去食鼎太豐~~最衰今次啲小籠包皮又硬肉又鞋...失望...飯後去左睇獅子王...丁滿與鵬鵬真係好盞鬼XD........星期六中午開左個小型既生日會!...主角係小公子個妹同埋八寶...好開心~~夜晚同左屋企人食飯.......星期日....中午食左Root~因為有人又好想食魷魚麵~~~~下午就打下blog.....剪頭髮之類之類~夜晚未諗食咩~



2018/12/03
Day 3-Part 1(日本,鳥取,羽合溫泉 Japan,Tottori Ken,Hawai Onsen->倉吉市 Kurayoshi shi->三朝溫泉 Misasa Onsen)
哈哈~呢日~6點就起身浸下個溫泉喇又~~~~係咪好早呀~~~咩呀~~噚晚未夠9點已經訓到不醒人事~~6點起身其實已經訓左9個鐘~~~

鳥取自駕遊&大阪之旅2018-12-02第二天Part 3(大晴天及後轉陰)

上星期五...放早係開心d既~~放左工食八分目...食前食後都執左陣野......然去左睇反斗奇兵4...真係好好睇...d馬尿係眼狂轉轉下~~~上星期六....中午食左巴黎人間法式餐廳~~(食set幾抵~~)....下午梗係又執野喇~夜晚又痴痴貢~~~~上星期日....中午想食Toff的但附近整費事塞車...最後去左食Root....終於食得番毛寶最愛既魷魚麵....好好味...下午梗係又執野啦...夜晚食左御前上茶...之後我同毛寶兩人搬左9大袋野去暫搬地...我倆好強XXD..........星期一...都幾多野做...由佢啦...又唔係第一次咁遲XXD...將電腦還番俾毛寶...番屋企覺得有啲空虛添...夜晚睇J2既北歐潮甚麼...原來我都有啲掛住冰島!........星期二...又係好多野做~~仲知道左下年營業額可能要調高XXD呢度真係好好玩...又有新鮮野............星期三...放左工去左睇裝修啲蘇位點放...我隻眼眼訓到一路聽一路睇野化開XXD事後我同毛寶講:靠你喇我頭先對眼化開...毛寶:唔好意思我頭先對眼都化開左XD............星期四...放左工無飯食...去左買鹵肉飯加鹹酥雞...然後點算下有咩搬去暫住地........星期五...放左工食不夜天...食完又搬少少野去暫居地...好鬼攰.........星期六...盛大既搬屋日...一早起身梳洗好...執好野...her一聲就搬...人地做慣野真係唔同啲...我揾哥間又平又企理又有氣有力...勁推...雖然期間發生左啲事...但老實講...搬得勁快...個幾鐘就搞掂...嘆左杯啡之後...番屋企再執少少野(毛寶:你哥啲咁叫做少少)...去暫居地再執日常要用既野...夜晚叫左好耐無食過既關東煮外賣...結束這漫長的一天...我隻手條筋抽野抽到腫左...係暫居地度住好似去左旅行咁...我當我自己去幾個月旅行好了.........星期日...第一晚係暫居地訓....訓得麻麻.....訓得著但狂醒...好早起左身又番屋企攞左d野去暫居地再去食Terra.....好彩係噚日搬咋!!!!!因為今日超大雨!!!如果搬哥日咁大雨我會好頭痕...因為d紙皮可能會濕哂!!!!!!!!!!!感恩呀!!下午梗係去毛寶家休息下出下blog啦~~~我好耐無寫野隻手好痕呀!!!!!!夜晚痴痴貢~~



2018/12/02
Day 2-Part 3(日本,鳥取,鳥取市 Japan,Tottori Ken,Tottori Shi->岩美町 Iwami Chō->賀露町西 Karochonishi->羽合溫泉 Hawai Onsen)
好啦~離開白兔神社~我地向今晚既住宿進發喇~

鳥取自駕遊&大阪之旅2018-12-02第二天Part 2(大晴天及後轉陰)

星期二.....番工呢日算係咁....無乜意外無乜乞人憎既人~星期三......工作量簡直就係超乎我想像~~但唔好囂張呀~~敵人可能會襯你疏於防範時就會攻入黎架喇~星期四.....今日生意額奇差~不過算啦~因為聽日我要過周末了~~~~~~~



2018/12/02
Day 2-Part 2(日本,鳥取,鳥取市 Japan,Tottori Ken,Tottori Shi->岩美町 Iwami Chō->賀露町西 Karochonishi->羽合溫泉 Hawai Onsen)
"好辛苦"咁樣行完浦富海岸區我地又再出發~

鳥取自駕遊&大阪之旅2018-12-02第二天Part 1(大晴天及後轉陰)

星期五.....救命呀~~~呢幾晚都訓得好差呀~~~噚晚碌到點幾先訓到....訓到3點幾又醒左....直到5點半先訓得番....呢日番工都成舊魂遊太虛...放左工去左寶雅座同露仙慶生~但今晚d野勁難食~星期六...中午同左3個老小孩去MGM Cotai既淳飲茶~(但勁一般)...下午執野...夜晚痴痴貢~夜晚先黎幸福忙~~我地幾勁呀~~一晚就訂好哂成個九州之旅既房同排好哂行程~~~多謝毛寶豬事前研究好哂~~~乖~~~~~~~星期日.....本身想食Terra...點知行到上去無!!開!!!....望去後面..新明記逢周日休息.....唯有去食quick..............下~午~又~執~野~~~~我好攰呀~~~~~呢日真係執到攰到一個點~~~~~夜晚食左食味方丈外賣~~~星期一.....好多野做~~~~~但大單野算係落實左~~我下次出blog話俾大家知發生緊咩事~~~~~(如果你想關心既話XXD因為可能無人想知)



2018/12/02
Day 2-Part 1(日本,鳥取,鳥取市 Japan,Tottori Ken,Tottori Shi->岩美町 Iwami Chō->賀露町西 Karochonishi->羽合溫泉 Hawai Onsen)
知唔知呢日幾點起身呀~~~~~係5點呀~~~~我地7點已經Check埋out走左~~~~~又幾快日出喎~早到條街都靜靜的~

鳥取自駕遊&大阪之旅2018-12-01第一天(晴天)

星期五.......衰婆放左假~得我一人奮戰到最後~~~~放工食左日夜咖啡室...依家個新推出既北海道牛奶雪糕好好味唷~~星期六.....中午去左食Café Chéri Taipa....d餐都幾抵食~~然後去左拜老豆~~~再回毛寶家幸福忙...九州個旅行有個大概喇~係我對你唔住...掛住執野唔得閒同你一齊排行程搞到你成日都好擔心自己個旅行XXD....今日終於可以停一日唔使執野~~夜晚痴痴貢~~~好開心有浸雞食~~~~星期日....中午食左興記~好耐無食燴意~同毛寶討論點解細個時可以一袋二袋迫巴士去路環燒野食再去興記熱屎辣辣坐外位食燴意?....下午又執野~我屋企執極都有好多野~~夜晚食海榮外賣~星期一.....好攰呀今日仲要遲左收工......加上膊好痛...所以我決定今晚唔出Blog~跟住有個小朋友知道左之後求左我好耐...話好想睇...我都忍心拒絕左佢~~好多謝你咁想睇~我好開心其實~....呢晚老夫人整左我最鐘意既西芹雞柳~~~係我阿媽整既西芹雞柳最好食~.....星期二....無法想像自己可以有咁多野做~~5點後d籌簡直就係大爆發....唔明點解多一個人ot....但可以派多咁多籌~你可以話俾左錢人ot唔可以益佢既~但我係無辜架~~我無ot架~~~~~~只能說：強大!!!!臨放工我同某同事講：我頭先以為我地會死......同事：我頭先以為做到今晚要係度紮營.........我笑到痴哂線~~~~呢位同事真可愛~~~~~~~~毛寶有黎探我...仲帶左小零食鼓勵我~好開心~星期三.....放左工又去傾大單野....7788喇卦...我好攰呀~~~~傾完去左粥麵莊~星期四....一起身又頭痛......今日又好戀多野做......不過明天又周五了....吃吃好西應該可以撫平傷口~~~~~~~~~~~~



2018/12/01
Day 1(澳門 Macau->日本,關西空港 Japan,Kansai Kuko->日本,鳥取,鳥取市 Japan,Tottori Ken,Tottori Shi)
千呼~~萬喚~~又出來~~~yeah~~~~~日本出發喇~~~~~~我地呢日好似6點就到左機場~你睇下.....黎到都仲未天光~同埋呀~你睇下有人幾囂張~去日本..帶細gip呀~(個gip仲要係我既)...不過有原因既~你睇落去就知架喇~我個中gip 10.2kg~都幾輕呀可~聖誕節就到~機場仲有聖誕樹裝飾~