艾爾曼尚廊 Pierre Hermé Lounge(已結業)

星期日...休息日...食飽飽就做家務~夜晚又係屋企食~.......星期一...自然訓醒後....老夫人買左好味烏冬俾我食~下午無無聊聊睇埋套You~好似4日煲完....運動...夜晚在家吃...咁就一日~~星期二....晨七咁早去行山~行完係路環食野就去左間新開既cafe飲啡....夜晚屋企食~~.....星期三...一朝早又俾個消息打沉~中午食左卡夫卡~下午去左行宜家~夜晚食左鼎泰豐~....星期四..中午約左朗公子午餐聚會...行一陣又買下野...之後剪頭毛...夜晚痴痴貢~......星期五....一早起身帶左3個阿媽去影粉紅芒草...然後去mgm飲茶...個點心set抵到呢!...下午hea下....夜晚食左日夜咖啡室......星期六...中午食豆皮杯麵~做家務~夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



某日~本身去拜完我老豆好早...又想有啡飲又想同媽媽坐得舒服 d~本身諗住去MO個Lounge...不過咁岩線我地之前哥晚食完~又諗另一個我想試既意大利餐廳...點知又太早佢未開~諗諗下....不如試下去摩珀斯個艾爾曼尚廊(Pierre Hermé Lounge)咯~我都想去Brunch一Brunch~....位於大堂reception對面~(喂!不過依家已結業XXXXXXD....我估唔到呢D都會結業)

成個摩珀斯都係咁幾何圖形狀~不論外表或內裏~(我估我幾欣賞佢設計~成日係blog講)






雖然已結業~我都係要出~因為佢執之前就已經寫左....當留個念~位唔算多~不過我地哥日幾早~....其實唔係第一次黎~不過第一次黎淨係試左佢甜品~





但佢依家唔係餐牌入面樣樣既野都有!其實選擇好少~要留意~




無論何時都在霸氣的坐~因為通 常係等食~唔使研 究餐牌~




等緊野 食時的3個無聊人XXXXD




老 夫人叫左double espresso(左)...$68.......毛寶叫的熱美式咖啡(右)...$68........酒店價~偏貴既酒店價~




我叫左凍美式咖啡...$68.....毛寶熱飲偏酸....我凍飲的不怕~




呢間酒店野飲偏貴....但佢 又幾 pro咁俾佢地咖啡豆既資料你 參考參考一下下~




艾爾曼經典法式三文治...$138......其實係法式芝士火腿三文治....仲要 賣$138....但....佢就係有本事令我覺得好食 同值$138!....用康堤芝士~好咸香!...連包面都有 搽牛油烤過...好好味~




蟹肉沙 律...$138.....蟹肉勁多~菜新鮮~有西柚 ...牛油果...口味幾清新幾好食~




經典班尼迪蛋...$118....呢個一般般啦~正常野




骰子牛排丼飯...$158....本身幾期待呢個...但係牛一D味都無~失望~




甜品叫左法式千層酥...口味係朱古力或玫瑰..我唔想食咁漏...見佢推介係玫瑰(但其實我 最憎玫瑰味XXXXD)....所以叫左....Millefeuille Ispahan....$128.....甜品都成舊水一個....不過確實....之前覺得全澳酒店最好食既千層酥係文華東方....但呢個個 酥皮確係唔錯~ 唯一就係個口味唔好~如果你 鐘意玫瑰味其實係OK架! 因為 係清甜哥種~如果佢口味可以有D正常D又唔漏既選擇就好喇~(其實最好食係我舊年同毛寶去不列塔尼食哥舊)




都幾貴...係呢個lounge食...不過凍啡唔錯....沙律同三文治我都鐘意~有可 能會再去~(點解我 阿媽個樣咁逗趣?成隻駱馬咁食緊草XXXXD)





查實第一次去係舊年農曆大年初一~哥晚我記得得我和媽媽二人吃...突然下午毛寶話落單~於是我地一齊去食鼎太豐~繼而去試下呢間當時新開既酒店既lounge~咁呢~毛寶就叫左champagne cocktail...$148...我唔記得好唔好飲XXXD




媽媽叫左Mojito...$108




我玩破格唔叫酒飲...叫左荔枝紅桑子玫瑰紅茶(凍)...$68...好難飲呀喂XXXXXD我點解玩破格?因為我哥日有D頭痛~




仲叫左少少甜品~




我真係忘了呢個係咩XXXD...麻麻~




呢個係Morpheus “Platinum”-Ultime...$168......要用鎚仔食架~~~




真係咩都可以俾我地變做賀年食品XXXD

呢個個面係摩珀斯鉑金黑朱古力片...入面有單一產地貝里斯黑朱古力忌廉配朱古力沙巴雍慕斯...朱古力與雲呢拿曲奇及馬達加斯加雲呢拿雪糕....整碎個面撈埋入面既一齊食...我唔鐘意朱古力甜品都覺得好食同層次豐富~重點唔係死甜!(可惜呢款甜品呢隻味已經無左...得番另一隻味)


咁就執左....仲要10月19日執....是否命運的安排?無係佢執之前無再去食多次佢個艾爾曼經典法式三文治係有D後悔既~不過....可能人生就係咁啦....;[











2020/10/31的開心事：
做左家務~
我想快D到下星期三.....