Diana生日會2020＠金樹日本料理

星期日.....成家都訓到好晏XXD...唔知搞咩XXXD....起身阿媽整左雲呑水餃麵~食飽fika後做家務....夜晚在家吃~......星期一.....多野做到痴左線!!!!我地哥更仲要有4個人放左假....但我地咁都準時收到工~除了優秀...都唔知可以用咩黎形容我地~但真係太攰...食飽飯我happy hour左一陣~噚晚發夢見到我老豆.....我覺得係有啟示既!!!........星期二...無咩特別野~不過下午番工就見到個天勁黑....但黑左咁耐都落唔出雨......星期三....華...噚日靜左一日...今日又忙到痴線...勁攰...放工又要少少酒精放鬆下~今日係仕燊32歲生日~生日快樂身體健康呀我家仕燊<3...諗起今年淨係見左你一次就心傷痛.....星期四...依家無得去旅行...只可以同毛寶傾計自J...講下疫情後去邊度旅行...呢朝講到好眉飛色舞~開心左一陣~....有時番工就見盡光怪陸離....尤其係專業人士.....最麻煩可以話係律師....今日見到醫生都幾麻煩....以為自己高人一等乜都唔使交...禮貌係有既...但你憑咩覺得自己唔使交野XXXD憑你識做手術就唔使交文件?XXXD....係我地度無人會覺得你高人一等架....只會俾人內心反你白眼XXXD.....星期五...yeah~終於都周五!放工跑左去食chiado!!兩杯落肚覺得無咩事難到我~......星期六....中午去左路環間Koncept Cafe食...本身諗住去哥間佢無輕食~得咖啡同蛋糕~0我~咁我去第間食左中午先啦~試左Jak's Kitchen...都唔錯喎~食飽行番轉頭飲啡....佢杯啡又真係幾唔錯~可惜我肚突然勁痛(抵死丫噚晚仲飲緊白酒)...無哂興緻~去左威尼斯人車展望下...望下je~又去超市入貨~夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今年Diana生日~諗左幾個地方俾佢揀~我地最後一齊揀左試金龍酒店入面既金樹日本料理....電話：2899 3866....其實佢初初開既時候我同毛寶食過一次....但哥次覺得普普...但又未試過佢個omakase....Diana都未試過...咁...試下囉~




好似幾多酒揀咁喎~




由於疫情關係~我特登唔揀坐板前位~




當日入座時得我地兩個~之後有其他人入座....房入面都有其他客~房入面D人發出既聲浪令我覺得疫情好似無出現過一樣~(哥時好似岩岩話有陰性核酸檢查可以入境澳門...咁你明隔離房係坐咩人啦)







好~坐低睇下餐牌先~




Omakase佢有兩種既...一種係懷石料理...另一種係壽司刺身既~





當時中銀卡有優惠...懷石料理既金楓...同壽司既福壽都有折....問左Diana話想試壽司既...所以我地兩個都係叫左福壽~原價$1,380...折後$980




好~開始呢個omakase之旅~(其實我好耐無係澳門食過日式omakase... 一黎貴...二黎無乜幾間係好食...三黎之前好囂張...通常想食咪....去台灣食囉~周末來個omakase台北之旅係可行的~之前去睇仕燊都試過啦~.......只不過依家係：無得去旅行；[.....)......1.海膽梅素麵...配三文魚籽同魚子醬.......作為開胃菜...都ok既~食omakase除左食味道....仲有就係擺盤同埋餐具~





2.唔知咩螺..白粟米..唔知咩菜......由於個侍應妹妹應該本身母語係普通話....佢用廣東話講左好多次個螺同菜我都係聽唔到係咩XXXD(講明先佢好有禮貌的係我聽唔明咋)....個螺好味~白粟米都好甜...不過食得有D狼狽~好難咬開~...個菜好重麻醬...不過幾香~





3.我聽到佢講炸金菇(不過可能我聽錯)....因為咬開中間係一舊魚...旁邊係一舊茄子同埋三色椒....呢個熱菜...唔...舊魚味道唔錯既....係個質感差少少





4.蟹肉清湯...個清湯幾熱辣辣既...但蟹肉就係一粒蟹丸既物體....而粒野既質感係勁phere~而且無咩味~






5.法國吉拉多生蠔....侍應介紹完走開.....我同Diana悄悄說：好久沒有看過那麼小的一隻吉拉多XXXXXXD....搭配醬汁超濃....我懷疑是想隱藏生蠔的不新鮮...........個人覺得~因為除左辣蘿蔔蓉..蔥同汁味...其他都吃不到~.....日式呢種搭配生蠔我覺得整得好食又無搶到生蠔既鮮甜...哥間係位於台中既"豪軒"






6.右口魚薄切...我開頭以為我又聽錯...點知佢真係左口個fd~有咁多塊我梗係試下唔點任何野食下先啦....入口...唔...佢唔係淡味.....係完全無味~點左旁邊D汁....就淨係食到D汁既味~





7.水八爪魚刺身.....呢個就幾鮮甜~又夠爽爽~






8.大中拖雙拼...咁市井既名係我改既....呢個又整得幾靚喎~





大拖....好多筋~麻麻~




中拖出色~油份剛好~加上少許魚籽醬~wow~




9.深海池魚壽司....都不錯~旁邊既蘿蔔好出色~隻碟甩緊色喇好心咪用啦~





10.金目鯛壽司.....好味~暫時感覺壽司好似好過刺身~




11.花竹蝦壽司....岩岩先讚完...入面勁多wasabiXXXXD....呢隻碟本身幾得意...但又係衰在甩色!好吉眼!





前半段已經覺得佢上菜好快....所以我地已經提左佢一次....點知....去到壽司位依然快....無老屈佢架XXXXXD你睇下...試過3碟壽司先後上到...完全無留意我地食到去邊




12.手釣池魚壽司....又深海池魚又手釣池魚.....查實分唔出分別....因為我唔係老司機XXXD





13.筋子壽司....好~好~味~





14.鮟鱇魚肝軍艦....有灸烤過表面....外面有點脆...內裹軟軟的....說實在...我第一次咁食...又幾好食喎~令我諗起令我驚艷的白子~~~食到呢個位.....refill既哥杯茶....澀到痴左線~XXXD





15.赤鯥壽司....第一次食呢隻魚~又係有灸燒過~好肥美~





17.燒干貝....烤得過熟~






17.麵豉湯...超勁熱...本身覺得幾正...但飲多幾啖...條脷就開始抗議....應該極重味精~我平時出街都食味精架啦~都無味精敏感咁富貴病~但我條脷的確飲完幾啖麵豉湯就向我抗議了~





18.海膽鮑魚飯....海膽ok~但係鮑魚係完全地無味XXXXD....淋係飯上既汁好味~





19.見到蛋就知道完了~蛋好厚實...隻味勁似D雞泡魚干味




20.生果....桃...唔甜...蜜瓜...ok...奇異果...極甜




21.雪糕...綠茶芝麻豆腐任擇其一....我揀左豆腐...質感唔滑但係豆腐味好濃~

omakase既總結：無折千祈唔好去試XXXXXD.....就算有折我都只會試一次XXXXXXXD



然後侍應就幫我攞個生日蛋糕出黎~咦~但我生日個女仔去左邊呀XXXXXXD人呢XXXD




番黎喇~祝你生日快樂身體健康~






哈哈~年年我都係第一個幫你慶生架~希望出年保得住個位XXXD




講番先~今次我揀左我好鐘意食既Palette Dessert Gallery~呢個叫Cactus既蛋糕係期間限定既~入面有Apricot Mousse~香草海綿蛋糕~黑糖忌廉~梅子酒蘆薈果凍~茉莉花綠茶忌廉~抹茶撻餅~實在太出色喇~





咁順便講埋第一次同毛寶去食既體驗~第一次見佢新開~又係有折~所以去試下~




又係中銀卡有折~無記錯當時好似有8折~




仲有鐵板燒set....原價個價位好似同新故里差唔多




叫左支月桂冠有汽清酒...$88.....幾好飲~但我唔見出面超級市場有得買既?




我地都係叫午餐set...都有沙律..小食二款..茶碗蒸蛋..飯..漬物..味噌汁..甜品.....先上沙律...er....有幾塊好鞋既豬....唔加好過加~




毛寶叫既特選壽司膳...$300(8折後$240)....咁樣睇係幾靚既~...如果以$240黎講黎試下都無妨...但係鮮味度黎講就...er.....





我叫既特選刺身膳...$320(8折後$256).....er....XXXXD...你望下哥片赤貝....隻色幾梅XXXXXD





小食二款都係不話不失~





甜品可以話難食~




你可能話...酒店入面呢個價食到日本野...仲想點?...但我想話....我去得酒店食就想食精緻D好味D既~價錢貴少少食到好野咪仲好XXXXXD....食平價我去我最鍾意哥間咪得囉XXXD~事但啦咸魚青菜各有所愛~呢間就午餐晚餐我都係試一次搞下笑就算喇~









2020/08/29的開心事：
肚痛完。完。



係....開始無計時器
我空虛。我寂寞。我凍。