北非摩洛哥之旅2019-04-29第五天Part 1(陰天及後轉晴)

星期日....朝早又係落雷雨....打個大雷嚇醒我去痾篤尿...翻訓之下就訓到11點幾XXXD...起身老夫人煮烏冬我吃~然後Fika time~最近係bloom買哥隻咖啡好啱我飲~我好開心~fika完反正整個下午無事幹我走左去抹牆角線...到底一個人是多閒才會走去抹牆角線XXXD...要保持屋企一塵不染查實真係好難~夜晚老夫人煮我好鍾意佢煮既茄汁蝦意粉~~~簡直係全世界最好食既!飯後再黎電影夜~又睇begin again~真係真係好好睇~成套戲D歌都好好聽~一路睇一路食我好耐無食既齋牙時薄荷朱古力雪糕~但食落粉粉地咁既?.........星期一...凌晨突然好肚痛...諗緊依家痾定係忍到起身番工先痾...但諗諗下哥時發現已經唔可以再諗XXXXD勁痛....坐係廁所成身出哂汗...肚極痛但痾唔出....令我諗起我上次去南非慘況....諗諗下：唔會好似上次咁要嘔左先痾得出?... 諗左好耐嘔係邊好...好彩前面有個垃圾袋~嘔完就即刻Her一聲痾到...好虛弱...訓番上床諗：如果起身前仲有一次咁樣...我就去睇醫生唔番工!點知翻訓訓到流哂口水XXXXD乜事都無起身~我懷疑係個齋牙時雪糕出古惑!.....星期二.....我今日係公司樓下自助機買咖啡...俾提供咖啡機公司職員問我意見點解揀呢部唔揀哥部....好啦...見你咁有誠意...咁我就話你知啦XXXD其實因為我揀既呢部機..有冷氣凉到XXXXD.....星期三...無啦啦臨放工前一個鐘忙忙的....回家我用一杯酒精解攰~~~~..........星期四...今日熱到痴哂線...放工時餓到手震...( 兩件事好像無咩關係).......星期五....番工預左最後半個鐘多野做....放工去左食味藏~佢依家有埋飛機貨真係好正~雞魚刺身好好味...我最鍾佢個餃子~~~.....星期六...中午同左三隻小妖去譽瓏軒飲茶....好幾年前去過...覺得一般...佢依家升左米買豬連3星...又試下~ .....之後去行一陣gorilla... 再去買咖啡豆...再回家...熱到我丫...即沖涼!打風天要做好準備!(其實只係買左 零食~)...夜晚自己煮~試左 用新豬肉整 煎豬肉餅~都唔錯喎~真係幾似豬肉~



2019/04/29
Day 5---Part 1(摩洛哥,艾佛德 Mococco,Erfoud->撒哈拉沙漠 Sahara Desert->歐薩薩 Ouarzazate)
早~呀~喂~噚晚落雷雨~好彩依家無雨~然後又訓得麻麻~然後凌晨3點幾就要起身了~做咩?睇日出嘛XXXXXD...好似凌晨5點左右我地就係酒店門口坐四驅車出發喇~~(每車5人...計埋司機..我跟左毛寶同毛寶爹娘坐)





5點鐘月光仲係度~




咦~開始入沙地喇喎~




由酒店黎到撒哈拉沙漠(Sahara Desert)大約45分鐘度~由於要快快跑上沙丘頂睇日出~所以無得停係度慢慢影喇~個天開始少少光喇~







華~都幾難行架喎~行一步又跌落兩步~係要運用全身力上....大腿小腿腰力...華...好攰~如果真係頂唔順...唔使驚~因為我地一到時...會有一大堆柏柏爾人圍住我地行既~為既係咩?為既係如果你真係無能力行上撒哈拉沙漠的沙丘~只要向你身邊既柏柏爾人伸出手~佢地就會一支箭咁拉你行上頂~(喂大佬~咁梗係唔係免費啦~)...毛寶爸媽一早就幫襯左~




睇下幾快行到目標地方~(睇得出佢地既認叻樣~)




人地上到頂仲有時間叫柏柏爾人用阿拉伯文寫佢地個名...而我就仲係山腳行緊XXXXXXXD




呢個女人都有用柏柏爾人上頂...但哥個柏柏爾人就係我!XXXXXD...我抽住佢上去既XXXXD





仲未日出~等ing~不過~前面咁多雲~唔樂觀~





日出前同柏柏爾人影下合照先~







毛實話柏柏爾人對眼好靚...要幫佢影寫真~由於你太靚...毛寶決定同我呢個模特解約~





佢影人~我去影下駱駝~





同埋影風紋~記唔記得鳥取沙丘D風紋呀~丫...後幾張風紋又有D咁古怪既腳印既~係邊個既呢~








其中有D一定係你既!你係咪盜墓迷城既聖甲蟲呀~




好啦~日出喇~不過~好多雲~是有少許失望的~(少許啦~)只能係條細縫睇到少少咁多多~好過乜都睇唔到~加上用iPhone影~係咁上下~











哈哈~回程~




回程時連我阿媽都幫襯柏柏爾人~(不過要留意下...佢地都有D古惑的~因為毛寶爸媽己經俾左錢佢地...我同毛寶後少少先到番起點...柏柏爾人避過毛寶爸媽問毛寶攞多次錢...好彩毛寶醒目搵佢爸媽問俾左未~)





3隻小妖有人帶住健步如飛~我同毛寶就慢慢行影下相~十年前我地已經一齊去過撒哈拉沙漠~(係埃及哥邊)....上次係自己揸D小型車入沙漠(諗起其實幾危險)...睇日落同漫天星星~唔知下一個十年我地會唔會再踏入另一邊既撒哈拉沙漠呢?：］






睇之前黎過既人經驗都話沙漠凍(相同月份)...我換左件厚D既外套...本身仲帶埋防風褲同防寒底衫黎...但起身時覺得一D都唔凍...所以最後淨係換件厚D既外套...但由於入到沙漠行哥段路太辛苦~成身出哂汗~仲有就係....我同毛寶都特登係澳門帶一對爛到唔要既鞋踩入黎沙漠~....我D番工鞋既爛不外乎係穿窿~所以一入沙漠...勁多沙湧入鞋....搞到我成對鞋入面充滿左沙!D腳趾迫埋一堆!D沙仍然不停湧入XXXXD成對頂趾鞋咁





行過見到...咁熟口面既?我表姐跌左部相機係撒哈拉沙漠XXXXXXD差D要永別XXXXD不過之後上車佢話開唔番




其實真係好難行XXXXXXD如果日日係度行...我相信我會行到有腹肌XXXXXXD留意片中...我仲要扮少女聲：唔該表姐夫~(重點由細到大我都無叫過佢表姐夫XXXXXD佢一定覺得我好乞人憎)

你除左可以搵柏柏爾人幫你...仲可以騎駱駝既~成隊駱駝商隊咁~






行到原點喇~拜拜~




唔知柏柏爾人們係咪住呢度~




wow~3隻小妖完成如此艱巨既撒哈拉沙漠行程~好叻叻~









2020/06/13的開心事：
飲左個靚茶~



報時：距離七公子台北帥氣行之旅仲有---116日~