我的生日會2019@Japas Macau

星期日....中午起身老夫人整台灣代購既清燉牛肉麵..都唔錯...然後fika time~然後做家務....然後晚餐....今日隻左腳怪左成日....我講既怪...係隻腳好似內裏震緊咁...如同將隻腳放在電磁爐上咁....呢日坐又唔舒服訓又唔舒服行又唔舒服企又唔舒服.......星期一....番工好多野做...我頂唔順隻腳....最後要睇醫生...竟然俾我約到物理治療...今日有得睇好開心~放左工去睇....物理治療師問下又按下我腳...腳板...腰.....最後發現係脛後肌發炎....然後要做超聲波加電療...感覺好像好了點....星期三再去覆診....星期二...隻腳好番好多.....雖然都有出現哥種感覺...但係已無咁強烈~希望快啲好~......星期三....今日番工落左場大雨....放工去左覆診...已經好番啲~~不過物理治療師叫我覆多次診~~好彩有醫療券....睇埋下次都唔使錢~......星期四...今日都幾多野做~放工好攰奶奶~呢日勁早訓....好想快啲到聽日放工哥刻.........星期五....今日有少許腳痺~工作量還好~放工去左食兄弟煲打邊爐~~~~..........星期六....中午本身出去食...但老夫人有D唔詩酷~所以我唔出街啦~毛寶買左法國佬麵包俾我地食...fika完我就開始做家務...做完我都有D膝頭痛XXXXD頂...好老~夜晚係屋企求其開罐辣魚同食泡菜又一餐~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



又完了一個遊記~又寫一篇食記~舊年生日~公子為我同杯一齊慶生~因為我地生日超近的~所以年年都一齊慶祝~舊年我地揀左Japas Macau~地址：澳門區神父街165-307號八達新邨地下EE座...電話：28521199....想食記特要訂位...當日係周五...都幾多人食~(餐廳環境係我地食完D人走哂才影~因為開始食時人太多~)








今次係我第二次食喇~餐廳環境不錯.....但我不喜歡這種燈光...昏昏暗暗的...會令我想訓教~(尤其約在放工後~)...未食都有種眼訓感~




我唔記得佢地有兩種定三種餐揀....我地7個哥日就揀左呢兩種價位既餐啦~有$680/位同$880/位...$680餐叫Japas Classic(Japas經典)...有10道....$880餐叫The Tour(旅程)有11道...個價除左多一道...食材都有好少少既~





芬味樹煙燻風味青檸薑汁汽水...$38...名好長...量好少..味道記得係無咩特別~(重點到底咩係芬味樹?)




自家製有機小麥草汁...$48.....又係量少少...個味佢地個個都話OK...好天然味...我覺得好昆蟲味XXXD(即係我覺得好草青味XXXD)





裹。雅山流 本釀造 香華(720ml)...$288......呢支不錯飲..而且唔算貴喎XXXD




第一道($680餐同$880餐都有既)：小食....佢個小食不嬲唔錯~雖然呢間我只係食第二次....但係佢姊妹店根(Root Macau)我之前就成日食~個小食每次都覺得好好食~(已結業；[)




第二道($680餐同$880餐都有既)：自家製種植有機蔬菜沙拉....係好食既~食得出既新鮮~沙律個汁係清爽哥種~鐘意~




第三道($680餐同$880餐都有既)：生蠔配紫蘇汁&柚子...一上枱...wow~但佢話未食得住~




0我~好~唔該哂~





配呢隻清爽汁岩哂~因為呢隻蠔係偏飽滿偏creamy哥種....我個人比較喜歡海水味重...肉質爽同礦物味哥D~呢隻個汁ok...但蠔本體沒有很愛~




第四道($680餐)：香煎雜錦蚌,青蘋果,香芹泡沬....呢個幾好食~




第四道($880餐)：酥脆牡丹蝦&葡萄冰沙...喂!呢個蝦得!炸得好味~頭都炸埋黎食~




第五道($680餐)：蟹肉白菜餃,珍味醋配香濃雞湯....個湯既樣幾得意~味道不錯~




第五道($880餐)：慢熟三文魚配菠菜醬....我超愛slow cook salmon~令我諗起以前良晨個慢煮三文魚<3好好食的~點解要執呀；[




第六道($680餐同$880餐都有既)：澳洲和牛牛脥肉麵包....一貫的好吃!Root Macau有短暫出過~個汁同和牛牛脥肉真係整得好好~好夾~呢個我一向回味~




有公子唔食牛...轉左做另一樣野~據講都幾好味~




第七道($680餐)：黑鱈魚,小銀魚配土豆泥....黑鱈魚不錯呢~




第七道($880餐)：經典酥皮牛小排....都不錯...但係如果食哂3舊會好漏~




第八道($880餐)：香煎雜錦蚌,時令蔬菜配香濃雞湯...對呢個湯完全斷左片...無記憶...







第八道($680餐)=第九道($880餐)：脆皮乳豬配西式臘腸,紅椒飯....呢個係兩個餐都有既...但係勁普通...豬過肥...飯勁似茶餐廳西炒飯隻味~




第九道($680餐)=第十道($880餐)：Pre-Dessert....甜品前都要有個Pre-Dessert...你係得既~你以為哥舊係橙...佢係一舊啫喱黎架~另外哥舊係入面有液體的朱古力(但記憶力唔能確定係咩液體XXXD)




第十道($680餐)：柚子紅酒撻/香草雪糕....個撻食落其實無紅酒味...個味麻麻~




第十一道($880餐)：花旗蔘蜂蜜/雪梨蘋果雪葩/百香果果凍....貴餐又有野玩~






影相玩得耐得滯雪葩開始溶~不過我鐘意呢個甜品多D~食飽飽清番個口~




食飽飽就到......wow~




多謝大家~






中間有字哥個係餐廳送的~多謝~靚~另外兩個係公子送既~係cafe free~幾好味喎~我鐘意呢D食入口似有還無既蛋糕XXXXD食落好似無咩負擔~







合照還是我自己selfie比較靠譜~帥到不得了~第一張相既生日卡係毛寶係日本旅行時買俾我架~





已經好多年我都同呢個人一齊慶生~好開心~希望直到永遠~





成日俾人笑似切緊結婚蛋糕XXXXD




呢餐食左$5,572...人均$796...點解我會知哂兩個餐D野食?因為我同毛寶一個叫$680一個叫$880...所以我食兩個餐既野都食到XXXXD....呢間查實都唔平~有D係做得幾出色...但有某部份比較一般~其實我去兩次都係因為生日...人地請~如果要我自己出錢食....我會去姊妹店Root Macau食Lunch Set會比較開心同埋平D~(可惜已經執左)....另外仲有一間叫Green Leaf By Japas...第一次食覺幾好食...第二次食勁難食...唔知搞咩...唔會再去~多謝哂公子為我同軚泰慶生~多謝~




同場加映：呢隻叫8寶既人仔突然出現係現場XXXXXD氹得全部女仔都好開心XXXXXD包括D女仔侍應XXXXD最鐘意係..著到成個Tony仔咁XXXXXXD好可愛呀~~<3公子的孩子就是與別不同~








2020/08/15的開心事：
唔使出街囉....
但我唔想因為咁樣而唔使出街；[



報時：距離七公子台北帥氣行之旅仲有---53日~
查實都預左去唔到~
只係想仲有個計時器等自己開心下~