北非摩洛哥之旅2019-05-04&05第十及十一天(天晴)

星期日.....噚晚帶住頭痛入睡...朝早未夠七點起身頂唔順食止痛藥再訓~中午起身媽媽煮左賈以食日個泰式酸辣寬粉俾我地食~然後fika~然後做家務~不過今日個心情麻麻地...唔知係咪因為天氣陰陰落雨的關係呢?夜晚有媽媽煲既洋蔥雞湯~真係好好飲~噚晚已經睇完天堂醫生...有點失落......夜晚電影時間睇左1997年既網上情緣(You've got mail).....星期一...好彩今日番放工都無話落好大雨je~不過今日對腳唔知搞咩...硬係覺得腳底感覺怪怪的.....同事們叫我拉多D筋.......星期二....呢日腳底係好番D...但都係有少少怪...但係比噚日好好多~今日要拉多D筋等自己好訓D~....星期三....呢日落好大雨~番工條褲濕哂~......星期四...我噚晚發夢去睇supper演唱會....超勁開心.....夢入面哥種開心我醒番我覺得我應該係掛仕燊掛到痴左線XXXD大拿拿已經7個幾月無見過4隻仔...好掛住........星期五...噚晚訓訓下又覺得對腳古古怪怪咁...忍唔住放工去睇醫生....但醫生淨係開左啲喜療妥同維他命俾我....看來有點不靠譜...睇完醫拜去左食鼎泰豐~然後衝番屋企睇天堂醫生大結局!!!!!唉~下周見佢唔到喇~嗚嗚~.......星期六....中午同左3隻小妖去8飲茶~....然後去左MGM飲咖啡~飲完咖啡睇埋依家MGM個假露天位有個海豚既表演~(假既搖控海豚)...都幾得意~好似去左水族館咁~....夜晚係屋企叫左外賣生蠔食~好開心~



2019/05/04~2019/05/05
Day 10&11(摩洛哥,拉巴特 Mococco,Rabat->杜拜 Dubai->香港 Hong Kong->澳門 Macau)
早呀喂~房間窗外景~梳洗完諗住落去食早餐....毛寶同我講：我個胃唔舒服....銀住銀住咁~...我：點解既?食左咩呀我地噚晚?......毛寶：唔知係咪個咸餡餅個酥皮太油....而我又食多左.......兩秒後....我：係喎!我個胃都喎舒服呀!....XXXXXD我係咪低能架XXXXD...人地唔講我都唔發現自己個胃唔舒服XXXXD




落到早餐餐廳...頂!個場好大!種類多!煙三文魚都有!可惜我同毛寶都胃痛!(睇下老夫人攞得幾開心~)




隻茶好似好勁咁~




早餐我同毛寶都飲無印秋葵湯....我怕淨飲湯會肚餓...食少少麵包....好浪費呀~難得早餐咁靚~




由於今日已經無景點...係直接係酒店出機場~咁又唔使咁早出發....咁食飽早餐我同毛寶就搭下佢子彈(車立)...又上又落咁...影下街外高空景(原來同我間房望既方向一樣~)....又落到最底哥層望下gym room~之後番房食胃藥痾屎加毛寶要再訓一陣~




好啦~直接出機場喇~又返回到達原點~(聽司機講...我地呢個旅程車程總共行了2300km)




check in counter係一片混亂...恐佈...係唔知點排隊做check in....行李去程16.2kg...回程15.3kg...走喇走喇~(老實講...我無唔捨得假期~因為我勁頂唔順非洲野食~)




出境了~話時話....呢個位係我對我地導遊最眼突既位(細既野之前無講...我都淨係講佢西面一樣咋)...話說check完in...由於位亂哂...導遊排番好俾我地...同我地講邊個gete登機...就過海關...大家應該記得...入境時海關已經等左超過一小時先過到關....出境都唔例外....我其實覺得唔算人勁多勁多....但係佢地做野好慢....導遊排全隊既第一過海關....佢過完海關正常佢會等哂D團友過哂關架嘛....你點知D團友過海關有無咩問題需要幫手?我地等左個幾鐘終於8個人都過哂海關...過左海關導遊係影都唔見.......叫D老人家去廁所先~點知望下個顯示....個gate改左...連時間都delay埋.....導遊真係好正~一D責任心都無....當然我自己都會望下個電視留意航班資訊啦...但有D老人家就係連英文都唔識...又第一次出國...所以先跟團丫嘛...佢點解假定個個都唔係第一次出國...個個都識去睇D資訊?....你話係香港出發有中文都自己望下丫...但老人家去到國外唔識英文可以點留意?如果今日我地都無一齊去...得毛寶爸媽第一次去外國跟團....我估佢地真係會唔知有改gate呢件事發生....你就算無係過左關個位等齊團友再睇多次航班資訊....其實都可以send個WhatsApp俾團友卦?機場又有wifi....虧你噚日仲夠膽叫人係意見信俾10分你...同埋R額外貼士...我真係無俾多...但我地8個全部額外俾左日日揸超耐車既司機.....同當地導遊




禁區內~都有個lounge我地可以入到既.....派左信用卡可以全年任入lounge既毛寶望下多唔多野食.....佢示察左無咩食.....我決定唔浪費quota入了~~~用淨左少少摩洛哥錢買埋水算了~





我地搭阿聯酋航空EK751號航班係14：55(delay左30分鐘)由摩洛哥拉巴特飛到杜拜轉機~下午航班...一上機就是午飯時間....呢程機我地3個3個坐靠窗...表姐表姐夫兩人坐中間4人位....毛寶同爸媽坐....我同媽媽舅父坐~好耐未試過長途機跟毛寶分開坐~呢程我坐中間.....超辛苦....哈哈~食左兩次胃藥我就無事了~我揀左grilled chicken~配白酒~雞質感一般...但配上焦糖洋蔥...再加上米粉既物體~我可以~前菜有蝴蝶粉沙律~牛油搽餅乾是一定的喇~




日間航班好難訓著...食飽飽我揀左睇水行俠(aquaman)...其實我之前有睇過喇係戲院....但呢個係唯一一套我覺得勁好睇既DC英雄片...所以我決定翻睇~真係完全無冷場~超殺時間~再黎多套Julia Roberts既Eat Pray Love....睇呢套既原因因為有個FB Fd成日睇完都好有感覺...睇完都有感想寫係FB...呢套當年都好似幾出名但我又真係無睇過...咁有就看看啦~但.....我竟然訓著左XXXXD又係訓下醒下訓下醒下先完成到XXXXD(毛寶話好睇呀~但我真係無感覺~)

第二餐係簡餐...harissa chicken in white bread...係咸包我已經好感恩~





大約凌晨一點多到達杜拜...由於遲左半小時起飛...又要趕趕趕過安檢咁去轉機...去到gate已經登機ing...上機前去個廁所...呢個位又有蝦碌野...我去左廁所...表姐去完問毛寶去唔去...佢幫毛寶攞佢件外套...我去完出黎等毛寶...佢問我表姐呢?...我話佢上左機...點知毛寶話：我本護照係佢幫我揸住既外套入面XXXXD.....然後我叫唔記得邊個上機搵我表姐攞番件外套...我係出面陪毛寶...諗諗下哥個人登左機哥能會出唔番黎...於是我都過埋睇機票哥part...係機艙口等(完全模糊左哥個到底係邊個...但一定唔係毛寶爸媽XXXD)...一如所料佢唔俾出機...我係機口接過件外套...再行番去睇機票哥度交俾毛寶過登機XXXXXD故事教訓大家：記得護照一定要跟身XXXXD




好喇~轉機~又係搭阿聯酋航空EK382號航班係03：15由杜拜直飛回香港~~凌晨航班~由於上一程坐中間我好辛苦..我呢程要求坐靠窗不想被打擾XXXXD






凌晨登機食簡餐~chicken pastrami...餡料一塊火腿狀物體...配上類似泰式甜酸辣口味...不會不好吃喇~




呢程機我訓左好多~因為無人打擾我行出行入喇~睇左J. Lo做既職場女王攻略(second act)...幾好睇~好耐無睇過J. Lo既戲~第二套睇左Jonny English...但唔記得睇左邊集XXXXD



到落地前既早餐有西式蛋(通常伏...經濟艙好似無乜邊間整得好食~)...同埋蝦粥揀....下?!蝦粥?...唔使諗啦!...喂...幾好食喎!查實似稀飯多D~但係合格之餘有突添~蝦又多~真心不錯~又驚喜又好味~




總結：
1.使費：24,898hkd(團費)+ 302hkd(保險)+546hkd(使費)=25,746hkd.....11日兩萬六...唔貴既~
2.都係咁..開頭到埗見到阿拉伯風情度度都覺得好靚~但見多幾日又覺得悶~
3.次次去親非洲都唔係幾頂得順野食...雖然摩洛哥D野唔算係我去過既非洲國家中最難食....但...餐餐都係一模一樣煮法既雞... err...真係有D頂唔順~好彩都叫帶左D杯麵呀~即沖湯飯呀~零食呀咁樣~(去過唔算多非洲國家..但暫時最頂唔順係埃及D野食XXXXD)
4.呢間旅行社跟過3次...最好哥個領隊係第一次...今次係最衰~之後都應該唔會再跟呢間~我轉會!
5.摩洛哥呢個國家係值得一去~其實D建築物係真係靚既~雖然今次去唔到舍夫沙萬~但又唔構成我要再去多一次囉~即係呢個地方值得專程去一次~但再訪就......
6.今次呢個旅程淨係車程都2300km...每日既行程就係不停咁坐車~ 雖然坐車我都係訓覺...但都係會攰架~我都攰...何況哥幾隻小妖~所以如果有老人家...真係認真考慮下....因為跟團都好辛苦....又早出晚歸又車程長(最長7小時)...野食又唔岩胃口~
7.今次係毛寶爹娘第一次衝出亞洲...我地就叫佢地去摩洛哥XXXXXD我個人認為個衝擊都幾大XXXXD由最遠去日本既4小時機程...一野跳到10幾個鐘機程XXXD其實佢地真係算係幾叻~
8.雖然講到咁~但我都好慶幸陪我媽去左一次佢一直想去好耐既地方旅行~可惜好想去既爸爸沒有同行；[....(或者其實佢有跟埋黎既XXXD)

~The End~

~多謝收看~

2020/08/08的開心事：
8月8日去左8飲茶~3條8~



報時：距離七公子台北帥氣行之旅仲有---60日~