北非摩洛哥之旅2019-04-29第五天Part 2(陰天及後轉晴)

星期日.....諗住呢日無野做放任俾自己訓...點知同噚日差不多時間起身~中午老夫人煮式台式麻醬麵俾我同毛寶食~食飽又做家務~做完食奶油豬~夜晚在家吃~(好彩颱風打唔正又強度不大~)......星期一...買左隻專係入咖啡既暖杯~自己沖long black番公司飲~再自己整芝士風乾火腿豬仔包~好正呀呢個星期一~.....星期二...救命呀~~又頭痛~~.....星期三....噚晚又凍又熱又頭痛咁過左一晚...今朝起身以為自己好番...點知都係醃下醃下咁過左成個番工日......星期四....起身還是頭痛...唯有去看醫生....醫生俾左兩日假我休息....中午毛寶買左好味who冬上黎探我..你人真好~....星期五....起身煎左兩隻蛋吃做早餐~感覺今天精神好多了~然後做家務~然後毛寶買飯團我食~然後又做家務~我真勤力~.........星期六....今日...本身...係我去泰國玩既日子...為左紀念呢日...我做左好多野XXXD...首先起身...純去飲啡XXXD...然後去左聯記食雞腳麵!(十世無食)...再去食埋保健薑汁撞奶~~我地叫呢個做新馬路美食半日遊~之後去試蘇富匙個牛肉酥皮角~好好食~再去整吸塵機(係...用左兩個月舊電就虧)...再去行威尼斯人~買左對阿迪達波鞋~係屋企做運動~都幾抵~抵到半價~再加埋用消費卡~我俾左300咋~之後行埋新開既Taste~再去堆金悅軒食晚飯~wow~個行程full到~



2019/04/29
Day 5---Part 2(摩洛哥,艾佛德 Mococco,Erfoud->撒哈拉沙漠 Sahara Desert->歐薩薩 Ouarzazate)
好啦~睇完日出~回程了~依家日出左先睇清條路~(喂~做乜家陣咁好天架!)




然後車駛經呢度我地既司機哥哥指住右邊話我地知...呢度有恐龍化石....我心諗：係真既?.....依家寫Blog睇番....原來我地噚晚住既小鎮艾佛德(Erfoud)...俾地質學家同古生物學家起左個靚朶：世上最大露天化石博物館~利害~




推介番先~呢個係我地既司機哥哥~佢好好人~因為我聽到我媽話佢地架車個司機又Sell呢樣又Sell哥樣又R貼士(導遊講左唔使俾...會統一俾)...唔俾又成程黑面...我地哥個又有禮貌又同我閒聊又貼心....佢貼心既程度係我坐佢隔離...見回程太陽直射我面...佢主動幫我落遮太陽塊板..又問我地怕唔怕熱唔熱呢樣哥樣...唯一無主動問我地攞貼士~我地落車自動奉上~做得好哥D係唔使R架~




番到去...導遊話可以梳洗下食早餐我地再出發....我地諗入房時我決定將頂趾鞋入面既沙倒左佢出黎...倒出黎發現多到!!!唔怪得我對鞋咁迫啦XXXXXD對鞋既最後一程行過撒哈拉沙漠遊歷過...也不枉過了~





梳洗好之後(我堅梳洗架沖多次涼洗多次頭~)...由於噚晚間餐廳實在太嚇人...我地同團友預告我地唔食早餐~自己房食杯麵~....大佬呀~人間美味呀~每次旅行如果哥個旅行我認為有需要帶杯麵既話...呢隻味我係必買~鐵腳~




食完杯麵....又未夠時間集合~我同毛寶去左泳池哥邊坐下~去餐廳攞杯啡...加上澳門帶黎既蛋糕仔~嘆一陣先~





好喇~出發~




今日係極度長車程~有中途站休息~媽媽叫左啡飲~




有人買雪條食~呢隻澳門好似無!




我就係呢個休息站買左好靚既磁石~仿佢地D銅門同花紋~好靚~





又出發~又晴又陰又晴又陰~





途中經過一個城市...明明好沙土狀...但前面又有一片樹林...特登咁樣種?










又坐左好一陣子車...就到左中午飯地點喇~




我記得佢話要坐係度影帥照...但我好似拍得佢唔係幾帥XXXD




湯就一般般啦~




咦...難得入到間餐廳裝修一般般的~今日中午食串燒!幾新穎喎!係雞肉串燒....都算好食~





食完雞肉串之後都飽飽地...點知再放低一堆牛肉串燒!外型好似羊咩屎...而且肉柴柴的




甜品...肉桂橙~




食飽飽去完廁所上車突然好大雨.....然後我偷聽到團友講：頭先餐廳哥個人話..呢度有3年無落過雨喇~.......我心諗我阿媽雨神呢個名果然唔係浪得虛名XXXXD




又到達我地下一個景點...落車時見到有人係山腳邊條濕既小小路上哂安全裝備行...係探索活動麼?上網睇番原來呢個景點有旅行社可報名攀岩!





好喇~我地黎到托德拉河峽谷(Todra Gorge)...D岩壁好高好壯觀~








仲有賣紀念品既檔仔架~係岩壁下擺檔..係有型的!




我上網睇呢個峽谷仲有條健行路線~~不過都幾難行~~








又再出發~







中途廁所位....隔離係一間紀念品店...賣咩?




係賣摩洛哥好出名既玫瑰水!但呢個包裝令人好卻步XXXXD同團有好多女性購買(但不包括我地XXXD)




再上車就來到另一個城市歐薩薩(Ouarzazate)...大佬...今日坐左7個鐘車...黎到酒店喇~今晚住Le Berbere Palace Hotel




歐薩薩呢個城市係好多電影既取景地~可能隨時有荷里活巨星係你身邊經過XXXD...大堂咁有埃及風情XXD






有泳池~




不過呢間酒店勁大...好辛苦先搵到自己房...而且D Bellboy求其放行李...係我地行去搵老夫人時行過某房發現門口：呢舊行李咁似我表姐既?...我行埋去睇真係我表姐舊行李...於是我推番去俾佢...好彩咁岩行過見到...如果唔係呢度咁大...都唔知點搵~(查實我地等行李都等左好耐)...有棵果樹係門口




一入去...好靚呀!又大!仲有咖啡機~同噚晚係差天同地!唯一衰係個冷氣壞左!但我唔敢開窗呀勁多大隻蟻好驚!






淋浴同廁所分開~淋浴備品好像不錯~






呢晚係酒店食自助餐~行過見到北非諜影(Casablanca)張電影海報~




酒店餐廳~




個場幾大!重點係咩呀?有壽司食呀大佬!!!食左幾日非洲野口都歪埋~




都唔錯!尤其個炸薯波!!好好味!!意粉可任加茄醬同芝士碎好味~





想俾大家睇下我地呢個團其實係非常艱辛的!睇下D起身時間~








2020/06/20的開心事：
做左好多野~
所有想做既都完成哂~聽日又可以耍廢在家~



報時：距離七公子台北帥氣行之旅仲有---109日~