我的生日會2019@香港迪士尼樂園

星期日...無咩野做過...起身...食飯...睇道地星期日影院..食下午茶...沖涼..晚飯...得知呢個禮拜公司繼續home office..只番幾個人....星期一.....起身食野做家務~當做運動~可惜做完條腰好痛~好老呀我~好想快D搬番去自己屋企~...星期二...由於睇天氣預報講左星期四五都會落大雷雨..所以鼓起勇氣落樓做補給!!食飽飯今次去第間買..因為間百乖無咩買..今次哥間有冰鮮雞買..已經好開心:]..再去買埋第二輪口罩因為聽日已經到第三輪喇XXXD叻到係買口罩既藥房見到兩條廁紙!!...星期三.....今日起身食左餃子~之後睇Only You~睇完做家務清潔全屋...我唔明只係隔左一日無拖地污糟到乜咁!...然後見到久違了的太陽~係窗台坐下曬下睇下雜誌~又一天......星期四......今朝一早開始落雷雨....今日無安排自己做任何野...打下blog....星期五....今日又安排左自己要做家務~隔天做真係好攰~不過諗住做密D下周番工就無得做咁密....下周公司講左每人番4日每日連番5小時...我竟然抽中可以放周五~~~今日情人節...但無得出街~希望下年有機會再同你去食痷記或者八分目啦<3...夜晚媽媽煮左情人節大餐我食呀~有牛扒有意粉~仲有湯丸~好開心~....星期六....尋晚訓得好差...唔知係咪又濕又熱所致?...中午有豬腳薑撈麵食~幸福唷~



哈哈~舊年某日...我問毛寶：呀~係呢~今年我生日...你有無諗住...帶我去邊咁呀?.....毛寶有少少驚：er...未呀......我：咁岩喇~我自己諗好節目喇~....可能毛寶覺得我有少少唔知醜或者覺得唔使諗做咩感到解脫：係既~有咩訴求~....我：禾爽hee特樹黎樂妍呀~我連晚飯都自己諗好埋喇~......就係咁~我地呢日係我生日正日~就出發去迪士尼樂園喇~~因為去法國哥次旅行我想唔搭機場船去香港機場~改係港珠澳去~所以我安排去迪士尼其實其中一個原因係要實習下搭港珠澳等我到時唔好咁緊張~XXXD....係...我地好now仔...仲未搭過港珠澳~毛寶哥日揸車去暫居地接我~然後揸車去澳門港珠澳口岸停車場泊車~

香港一天遊@2019-03-23(陰天及後轉雨)

星期二......今日生意好差呀~我賺唔夠數~由佢啦~.....放工去左跑跑~~跑左3.48km~係今年既第二十跑~~好叻~...我噚日去跑完步時行經某條街…然後撞到我親表姐剛下班回家…我同佢打招呼…呀妖…然後佢話佢唔認得我XD…但我一個禮拜見佢5次XD…今日跑完再見到佢…佢主動同我打招呼話認得我了…多謝XD…星期三....唔...番工無特別...放工去左上狗仔堂...星期四.....放左工後有d野搞...無得上黎寫blog......星期五....勁爆多野做....放左工去左食葡餐...都...幾難食下....我唔開名喇~之後去左UA睇小飛象...我以前細個睇好多迪士尼卡通...但我真係無睇過小飛象~(但睇睇下係覺得有悶場).....星期六....中午食左Comma Cafe....下午開左利是~~~夜晚開菓子軒既兩歲生日趴~不經不覺這小子已兩歲了~~星期日.....去左拜老豆..因為我清明會去旅行~之後去左食有間咖啡....但...d野食越黎越難食...我不要再去~~~下午剪頭毛去旅行~~~夜晚痴痴貢~~~~星期一.....鬧鐘響哥刻覺得...假既...幻覺黎既je...嚇我唔到既....點知真係要起床了~~~~~~放左工去跑步~跑左3.52km....今個禮拜得今日可以去跑.....真係呢~~~唔關我事架唔係我懶呀~~~~



2019/03/23
(澳門 Macau->香港 Hong Kong->澳門 Macau)
我今日決定打尖~~出香港一天遊~~哈哈~點解會過香港呢?因為我地要過香港買d野~所以已經一早預設左呢日過黎~本身我地係諗住試下港珠澳大橋既...話哂未試過.....點知....我計下計下.....來回車費要$130....係機場哥頭去銅鑼灣來回要$60....加埋都$190....同埋唔知係機場坐去銅鑼灣要幾耐...為免費時失事...加上有朋友有優惠價$250買船飛....那~算了吧~係澳門去港島區我還是搭船好了~.....哥日我地搭9點9船~唔知係咪因為港珠澳起完佢行番以前條航道呢?我覺得好似坐左好耐咁...到左機場先再到上環碼頭~~~成80分鐘先到~不過我想講少左好多人搭船~



一落左船...我地就去搭地鐵啦~一落地鐵我地兩個對眼離唔開美心個餅櫃.....係我最鐘意食既牛奶蛋卷呀!!!!!!!!!!!!!!!!!!!!!流哂口水!!!!你睇下哥個少女~~~那乳牛的身驅!粉嫩粉嫩的形態~~~哥pat牛奶我簡直係為之神魂癲倒!!(講咁多我係買唔到黎食...因為我無可能依家買攞住成日...又無可能走哥時買因為我走哥時已經關左!!!!)....點解!!!!點解澳門哥間美心唔係呢間!!!!!!!!!!!我好想食呀!!!!!!!!!!!!!!!!!!!!!!!!!!!!!!!!!!!!!!!!$78咋!!!!!!!

♥二見Supper Moment♥@Corora Sunsets Festival 2017

星期三...好多野好多野做.....人地等左3日...Supper Moment個親親...呀唔係...個握手影相會仲未有結果既~~~~我成日都心急到行黎行去行黎行去呀......放左工去做運動..好差呀...快行咋...5.13km.....沖完涼仲即刻衝去睇人造天劫(Geostorm)....你知唔知我有幾耐未睇過戲?!...但套戲....er...唔...呀..........................一路睇一路個肚打鼓我唯有睇完戲食番個麥叔叔架咋~番到屋企就收到一個消息(喜炸了~~~~)....星期四....咪講左囉~人地呢日放公眾假期嘛~梗係偷懶啦~由於噚晚收到開心心的消息~所以今天不去運動了~中午去左文華東方既MO Express度食中午飯~成個下午係毛寶家執執麥公子d相~夜晚回家吃~星期五....勁多勁多野做~整天都遲籌~放左工之後去左同凱公子賀壽~~~~~~~~~~又係食中菜~~~~星期六...期盼已久的一天~~~~自己睇下面寫咩咪知囉!仲問人!~~~~~~~~(怕醜奔走)....星期日中午去左羅斯福入面既氹仔漁村飲茶~之後去左試搭新哥個大潭山斜行電梯~(好家庭樂呀)...之後又去行左陣威尼斯人個車展..睇下je~....夜晚食左外賣~(其實我都成日食外賣..大家有無咩推介下呀?)....星期一...照樣多野做~~然後放左工快快回家吃完飯去跑步~(但今晚極豐富有鮑魚花膠湯飲~~)....食飽飽去運動~慢跑5.24km~我真係飄忽丫~今日跑左成40分鐘~~~~keep住keep住~~




(我地黎開始進入粉紅色的夢喇~)....咁既~上星期三哥晚就公佈左哥個令我喜炸了既消息~~就係~~~揀中左我可以去同Supper Moment握手同埋影相呀~~~~~~~~~~~~~~~~(其實未公佈前我就好似當我自己羸左咁呀~~已經買好哂船飛~).....因為呢件事我煩左凱公子同埋毛寶唔知幾多日幾多夜~~~~~~~~~~~(因為我狂話唔知會唔會抽中我又唔知會唔會唔記得通知我~~我真係煩死人喇~).....真係慘喇~有人呢日一早陪我過香港~~~~到左香港~~衝左去銅鑼灣先~~~因為我好想好想去買叮噹呀~~~佢依家係時代廣場個log on個中庭有個pop up store~~~超細細的~~仲要排隊入..好彩我地早咋....排左3分鐘~

七公子香港一天遊@郭富城舞林密碼演唱會2016-09-03

星期五....好開心有得食subway...但同時又知道埋星期一要ot~~~~好開心呀真係~~~~~~多野做就梗架喇......好彩放左工有得去食新麻浦韓燒~~~~~~但....我食第四次喇..今次d肉真係好難食....肉質差...食完都覺浪費自己胃口....一多人d服務就搞唔掂...我唔掛住你喇.........之後去左探菓子軒~點解無見你一個星期你面肉多左咁多既?????好可愛呀~~姐姐好鐘意你~~~~~~星期六..去左南湖明月飲茶~~之後去左毛寶家睇下d四國住宿~~點解四國d住宿咁難訂架~~~~~有d住宿仲要得日文無中文~~~睇到我呀~~~~(唔好以為我識睇~我都係google translate~~)...好攰呀~~~~呢日睇左成個下午先搞得4晚住宿~~我暈喇~~~夜晚去左食風味居~~去慶祝我既唯四大學同學露仙既生日~~~~~~好開心~~次次都傾到人仰馬翻~~星期日中午食左花道中午set...之後又去左毛寶屋企訂埋哥兩晚房..(但都係仲有一晚未訂...要3個月之內先訂到...)....之後又再睇租車d野....又要研究上高速d收費...又研究張TEP卡...真係攰屎人...仲未研究完...下個禮拜又要繼續~~~~~~夜晚食左牛仔屋~~好耐無食過~~再食埋聰少甜品個龍眼冰~~~星期一....要開ot嘛......但算啦~~唔過呢日點會去到星期六去睇Supper Moment喎~~~~~Sunny bb~~~~~~~~~~~



又完左一個遊記~又黎出下無聊野間下場先~~(因間又俾人話我邊個得閒睇你d無聊野呀~~快d出旅遊blog啦~~~係喇~~~下一篇就出公子釜山遊喇~~.....咦....但今日都算係旅遊blog黎架喎~小旅遊呀嘛~)



點解我地會突然之間哥次又去香港...因為朗主席一句：我要睇我既兒時偶像城城既演唱會!.....之後公子就乖乖的陪主席去香港睇演唱會了~~~哥日過到去香港中午時份...我地安排左去當時開左無耐既奧海城Muji旗艦店度逛逛~~~兼食埋野啦~(其實我真係幾鐘意行無印...可惜澳門無~~)....

七公子香港一天遊2016-07-09 Part 2(酷熱天晴)

今日星期一多野做~~但心情不錯~~星期五一放工即刻衝去星際風味居同另外4位公子食飯~~好味~~~~hehehaha又一晚~星期六一早起身突然一約~去毛寶家先剪頭髮~然後約埋另外兩位公子去羅浮咖啡午餐+下午茶~開心~再去埋Garment Park~禮成~去800伴走一轉~純走走~無收獲~晚飯係食左自家煮辛辣麵~yumyum~星期日起身終於去試左哥間Triangle Coffee喇~佢個Affogato好好味~(比昨天在羅浮咖啡的好味~)...而且佢個pizza也真的不錯吃~~以cafe黎講佢算係咁~~之後番左屋企將d相過落新既移動硬盤~~夜晚叫左海榮外賣~~又有送抹茶大福~~yumyum~~



到左中環落左船~我地向海濱哥邊行過去~華~~~~~我係第一次見呢個摩天輪咋!!!一場黎到....點少得一張公子最有代表性既"就是你"呢~香港朋友~我們帥不帥?我聽到遠方有人叫：帥慘了~~~~~~~(誤)

七公子香港一天遊2016-07-09 Part 1(酷熱天晴)

其實本身聽日先寫blog架嘛~~但你又估我唔到~星期三既呢個時間先上黎寫~~其實我今日出左去諗住聽日先寫既..點知今晚有個不速之客聽晚要拉我去食飯....即係聽日都係唔得閒...(咁你咪下星期一先再上黎囉...又無人等你.....)....唉...咁你知出blog係我既小確幸黎架嘛.......再唔出咪呢個星期先得一次小確幸?!同埋如果你準時星期四黎探我...咪等於我地準時見面囉?!我真係一個貼心的孩子~.......星期二...比平時早醒...因為要起身睇一睇有無打風!!香港8號風球...澳門鄰近既廣東省地區都係紅色預警....偏偏澳門呢個福地由始至終掛左10幾個鐘3號波....哥日番工成身濕哂...d雨唔大但打橫咁黎....上網睇成街塌樹~招牌都塌仲係3號~澳門..就是與別不同~(#曲線要說明)



哈哈~公子又黎佔一佔位置先喇~~~完左一個國家既我地又插一插播公子七月時過黎香港玩玩既行程全紀錄(可能無人想知).....首先講講點解會有呢個香港之旅呢?...因為我地七公子主席(好似無係度講過我地主席係邊個...哥個係朗公子)開到聲過想約埋...一齊去大澳行下..........所以就有呢個香港之旅產生喇...咁點解要哥日去呢...因為哥排噴射飛航同埋金光飛航都有優惠出...咁就.....出發咯~



華~哥日晨咁早搭8點船~~~~痴線架~~~仲早過番工~多謝毛寶車埋我去碼頭~~~報數~~1~2~3~4~5~6~7公子出發!!七公子帥慘了~~~~這是公子第一次一起去香港~要好好紀念~我好耐無去過香港喇~~~真係好窮呀~~~因為過黎一日要洗好多錢架~~~(凱公子個樣好乖孩子好想抱下佢~)

香港迪士尼奇幻之旅2014-11-03 Part 4

我都唔知點樣形容今日好....工作真的很累......................不過~唔番工又邊度有錢去玩~~~~我係咁樣安慰我自己的~所以~~~請加油!!



跟住又剷落另一園區~~試埋我都未玩過既灰熊山極速礦車~~~~~~~好開心~~因為第一次玩時排左5分鐘左右咋~

香港迪士尼奇幻之旅2014-11-03 Part 3

噚晚無啦啦頭痛+喉痛.....即刻噴喉痛露噴劑+食止痛藥跑上床早訓......今朝起身個頭仲係痛緊.....再另加個胃爆痛....可能係我噚晚食止藥哥時已經唔係飽肚服(即係夜晚飯已消化~)...所以先搞成咁~今日食左兩次胃藥好番d...但仲係有d痛...



影完靚相~就轉戰反斗奇兵大本營~~入左呢度真係好童話世界~因為我地都好似變左身做玩具咁~~~

香港迪士尼奇幻之旅2014-11-03 Part 2

今日巧攰話~點解我地哥度日日都咁多人架~~拖住疲累既身驅去睇巢佬...約人五點九...七點三先叫我入去....不過好彩問左佢話我好番好多~~咁去新加坡食下蝦蟹都應該無問題~~~周五晚都無咩做過呀~係屋企行黎行去咁寫下blog~星期六我仲訓到成兩點先起身~~~好舒服~~~而且我整個星期六都係食齋..真係乖到呢......星期日都係懶懶閒咁過呀~~不過我叻呀~~噚晚第一次煲粥就成功~~d粥好綿~~可能我天生係生於廚房係一個好賢良既家庭主婦~~(嘔)....食完粥真係唔夠飽...自己單拖跑去買左個日式照燒雞既crepe~~同埋去我很愛的歡樂吧...驚覺...原來不再有麻辣包賣...我心傷透..............



同鋼牙大鼻影完相之後身一件做既事係......即刻衝入美國小鎮大街既Coner Cafe食中午飯先~呢間唔係快餐....係食西餐的~我地入到黎哥時一個人都無~~(我地專係揀d人地衝去玩既時間食飯...人地食飯既時候我地就衝去玩~)

香港迪士尼奇幻之旅2014-11-03 Part 1

我好驚呀我好驚呀我好驚呀~~~~~我頭先開唔到電腦呀~~~~你知唔知開唔到電腦對一個宅女黎講係幾咁大既創傷呀?!?!??!幸好~最後開到喇~~~依家好幸福咁坐係度寫blog~搞到我唔想再熄電腦呀~~~今日講左好多野...個喉嚨有d唔舒服呀~~等我今晚飲番杯蜜糖水先~幾辛苦都好~聽日就係friday啦~~~真係好開心架~



今次我地終於擺脫左唔係12月8日去迪迪尼喇~~~原因好即興~~因為11月3日係澳門補假...唔係度度都補既情況之下....加上我第二日又攞左假喎~~咁近近地就去下迪士尼玩下啦~~~~~~哥次去呢~岩岩好係迪士尼加價之前去架~~船飛+門劵係729hkd...我覺得幾抵喎~~~~佢仲要送左張24小時任搭既港鐵飛俾我地添~~~抵上加抵~~(因為來回程港鐵都要50幾hkd啦~)....超早船~好似8點....坐埋車....大約10點就去到迪士尼啦~就係呢架車帶我地進入奇妙既世界~~~~

2014年8月香港遊@A la Maison Restaurant & Bar

今日番工神清氣爽~人流又唔算多~正~係衰在臨收工禁中個麻煩case je~諗諗下~~其實又就黎到星期五啦~好野~



係大澳出番市區行下逛下~會合埋毛寶的大姊姊一齊去食晚飯~揀左食呢間A la Maison Restaurant & Bar....係黃長興開的法國餐廳~想試既原因係網上食評唔錯面且話d set都幾抵~~地址：天后木星街18號地下F-G舖....電話：2510 0123....我記得我地哥日有訂位的~我見open rice有網上訂位的~

2014年8月香港遊@大澳兩小時遊

今日虧左.....頭背面一齊虧....休息一天.....星期五：唔知係邊度搵咁多人黎..超多野做...放工番到屋企坐係梳化呆左半個鐘先至可以返回現實->食禾花亭....星期六：臨訓前頭痛....訓到9點幾責醒左仍然頭痛...膊頭也很痛...食左兩粒止痛藥.....去睇中醫...佢話我d氣唔通問我呢幾日係咪腰痛膊頭痛...中哂...所以搞到頭痛....仲有d外感......->食左新明記~第一次食都幾好食->夜晚食左水晶廊->跑番屋企睇超級巨聲4冠軍戰~好開心係Eric贏~正~.....星期日：一起身個背超痛...可能之前哥日按摩太多~...->去左試一間叫Lemon Lemon既cafe....又觸礁....->下午又在看都教授~可愛~..->無呀...食左一舊KFC同埋煮左韓國辣麵食~



學完之後老師車我地去巴士站~咁我地就一早諗左學完野要去大澳走走~我真係未去過喎~~~~估唔到大嶼山既巴士係咁的~好似d旅遊巴咁~去喇~去到~~哥日係星期六所以超多人~

2014年8月香港遊@片藍造學藍染

又真係幾攰喎今日~雖然我噚日話多野做時間快d過快d收工je~~又真係唔使多到咁既~~~~~~我個膊頭無喇~~~~~今日全部客都奇奇怪怪的(唔止我一個)....其中有一個最經典...以為自己有張xx證唔使俾錢就巴巴閉.......雖然你講英文咋.....但我係唔會驚你架....又串又無禮貌.....大佬呀唔係成個社會都欠左你架!其實好多時我覺得好多人都係呃飯食....都唔緊要.....但係好似你咁招搖都係第一次見.........不過唔會有人收到呢d人...因為佢地係超賴皮的~搞到我今日做完之後超嬲....嬲到又谷番塊面d紅卜卜出黎....嚇得我丫......即刻開大個冷風機吹行我自己....不停叫自己：冷靜d..冷靜d.............其實為左d咁既笨x嬲真係好唔抵的~(唔好問我笨x係咩...我嬲架~)



舊年8月我地又過左香港喇~不過今次唔係行街~係Join左Go-Sees其中一個art tour~就係學藍染喇~~~我都唔記得要幾錢....好似大約係360hkd~~3個小時....哥日超早就起身搭船過香港....因為係大嶼山度學架...學10點....所以要搭7點船過黎~~~仲要搭地鐵去到東涌....再係地鐵站門口搭的士入去~~~(都搭左成$160的士~~).....個工房叫做片藍造(個名好有詩意~)...地址：香港大嶼山南部石壁大浪灣村.....真係幾荒山野嶺~個指示係叫我地同的士司機講：石壁大浪灣村上排盡頭有落~~~~如果搭巴士既話要打俾佢車你入去....因為如果行入去我諗要30分鐘~~~~~~~好彩入面開大個冷氣~因為哥日超熱~

2014年7月香港遊

野~~~~~野~~~~~~好開心呀~~~~~~我終於都捱過左呢個禮拜喇~~~~~~本身呢個禮拜我難過架~~chlo仔又放左假~i子又番北區....無人陪我玩~朗公子仲今日放埋假~~天無絕人之路呀~~~今日凍呀~~落雨呀~~好少人黎咋~~同我想像既畫面相差好遠~~~即係話呢~~我要放聖誕假喇~~~~~~~~~頭先放工走左去食小泉居...幾反高潮呀~~因為落好大雨唔想行黎行去~~跟住去左宏達諗住搵下霍金本時間簡史...點知佢話：依家無貨......hehe..鬼叫我都係襯呢個熱潮去買既咩~



事緣就係咁既~我地因為諗住無啦啦好想做一樣野...所以7月又過左次香港喇~~又係一早坐船過到去~係誠品睇左陣書...等住8樓既Caffe Habitu the Table開~你無睇錯~我地係睇住佢開~真係好早~一開門就衝入去食野~~(好肚餓)

2014年5月香港長洲兩日一夜遊---Part 4

真係好難頂...我已經第5日頭痛....根本噚晚成晚訓到到....爆痛之下上山頂睇醫生俾左日假我...唔知佢今次d藥係咪太勁.....我訓到中午起身諗住食野..點知一開眼定眼望所有野都好暈.....暈得滯嘔左兩次....要急急再訓....之後訓到兩點半起身無咁暈起身食麵包...4點成個好似突然無哂電....好攰好攰之下衝入房要即刻訓低.........又訓到依家....個人差番一格電上黎留幾隻字...我做底做咩事?!?!?!



一早醒來去食個早午餐先~大比佢地帶左我地去食華星冰室(當時澳門仲未開)~~地址：灣仔克街6號廣生行大廈地下B1號鋪......可能大家都平時食開啦~但我真係第一次食呢~~~(其實我都幾鐘意食茶餐廳呀冰室哥d~)

2014年5月香港長洲兩日一夜遊---Part 3

仲係頭痛....噚晚已經迫自己早d訓...可惜訓極都訓唔著......希望今晚訓得好d啦~~~明明秋涼應該訓得好舒服先岩架嘛~~~~



行飽街之後~我地就出發去我地出發之前傾好要黎食既鴻福海鮮四季火鍋飯店...地址：九龍土瓜灣落山道86C及D地下....電話：2865 0112/2334 8528....對於遊客黎講係好難好難搵的~~~最近哥個地鐵站叫油麻地....我地去到油麻地地鐵站後.....轉的士~~~~~~好似都搭左成40幾蚊架~~~其實地鐵站去落山道條路都幾遠...好似搭左成7-8分鐘車~~~~~~好彩有搭車咋~~

2014年5月香港長洲兩日一夜遊---Part 2

星期一今日算係輕鬆又算係唔輕鬆......今朝一起身就頭痛.....下午有任務...做66隻團體.....唔好既就係真係好多..好攰...好既就係....我頭痛...做呢66隻...唔使諗野~唔使理其他煩野...都算係好事囉~~~~~雖然我依家貼緊退熱貼..但係我心裏仲諗緊d一包包既零食呢(流口水狀)........星期五：放左工番屋企坐左陣~就同媽媽去左星際既蘇浙匯食上海菜...竟然無做大閘蟹粉既菜式...人地諗住食下蟹粉小籠包架嘛~~不過我地都覺得佢d野退步了~(但服務還是一流和貼心~).....星期六：野~~~~~~人地好開心呀~~~Kapo Baby遠從香港過黎陪我同毛寶玩左一整天呀~~~~~~~~第一次相見~份外緊張~~~~~.......星期日：中午食左好耐無食聯記~~雞腳好味~辣都好味~.....->去左買野為黎緊個星期五既節目做好準備~~~好緊張~~....->夜晚同左大學同學去慶祝我的生日~~~食左好耐無食既笑面府~~~~好開心~~~



涼完冷氣又周圍行下~諗住搵一間賣得意雜貨既...點知等佢好耐都無開....噢...咁算啦~影張靚相就算喇~

2014年5月香港長洲兩日一夜遊---Part 1

點解放完國慶假咁耐....都仲有咁多野做既??????????巧難頂話~~~~~~好彩聽日係可愛的星期五~~~~~~呢個周末同下個周末都節目滿滿的~~~~(有好多都係為慶生的呢~).......雖然有好多節目.....但係個心都係....有d唔知點咁....你知啦...女仔一過哥個歲數......個心理關口好大架嘛~~~~~~~~~~



我記得哥次過香港搭超早船~~~唔知好似係搭7點半定8點~~好癲~~~為左行街而過既香港~~我真係未試過搭咁早~~哈哈~~一上左船之後~我地就衝去另一個中環5號碼頭再搭船衝去長洲~~~周一至周六...同星期日d船飛錢唔同的~又有分普通渡輪同快船~價錢又唔同~我地哥好似係搭快船的~星期六個價錢好似係$24.6~想睇船期表同埋價錢就去佢網站查詢下~呢次我地有4人出發~我和毛寶和大比和阿Sam...冰島填友~歸位~

1314容祖兒演唱會+香港一天遊

噚晚同家家同b寶佢地一齊去食葡京既不夜天自助餐....今次幾好食幾有驚喜~食飽番黎太夜~所以就懶左一日無寫blog~今日訓完下午覺番工又覺得有少少頭痛...所以即刻食左粒藥~因為哥隻藥有咖啡因成份...搞到我成個下午個心跳得超快~超high咁~~~仲有少少反胃~......食飽飯先平伏少少~希望我今晚可以早少少訓~~



好咯~終於差唔多講到聖誕節時的事了~~我地舊年12月23日4位公子一齊約左去香港睇容祖兒1314演唱會~~一早坐船出發~~~我自拍得幾靚呀可~~~又充滿哂成個相框又唔怕走樣~

我的生日會2013@何韻詩演唱會

好野~好野~今日星期五喇~~~~~仲聽到一個喜訊~~~哈哈~恭喜恭喜~不過今個禮拜無咩野搞~淨係今晚約左舊同學食飯~~~依家已經個肚咕咕叫~~



hehe~~hehe~~講到人地10月生日既事喇~~~正日哥日我之前上網買左毛寶好想睇既何韻詩演唱會飛同佢過香港睇~哥日我地約左係碼頭等~神奇既係...毛寶竟然早過我到喎~跟住佢就話：我好肚餓呀我地上樓上買d野食啦....點知佢就搵個位坐低.......就送左一個好別開生面既吹蠟燭儀式俾我喇~~幾新穎喎~~~請大家細心欣賞個短片~~

哈哈~就係打爛蛋殼上的28歲~迎接29歲喇~~~個idea真係幾唔錯架~~我幾鐘意~~~仲有蠟燭吹~仲要係碼頭吹~個短片我都好鐘意架~我成日都睇的~我同毛寶講：簡直可以攞奧斯卡最佳短片獎~~~~~