北非摩洛哥之旅2019-05-01第七天Part 2(天晴酷熱)

星期日....中午去左飲食齋菜既茶~然後去參觀人地新居~然後回家吃飯飯~~~......星期一...哦~番工~累~~食飽飯又玩ring fit....還在等濕爬的演唱會珍藏版....依家又諗緊....有500隻...到底我哥3隻黑膠既編號係幾多呢?係幾多呢?個心好痕...會唔會係019呢???好想要019~(點解?!19moment嘛~19又係我生日~).....星期二...臨醒前一個夢係我睇緊濕爬演唱會XXXD下午番番下工又有少少頭痛~我覺得係因為口罩條帶太緊緊到我扯住個頭痛~做前線真係慘...長期番工都要戴住口罩...今晚仲要係“想見你”係J2既大結局!我又睇多次李子維結局~之後我可以好好的放心的玩ring fit了~......星期三....放左工食飽飯玩ring fit~....星期四....放左工去同我既唯三大學同學去慶生~去左食green Leaf by Japas~......星期五....放工去左食味藏~終於試到令和の怪物~不過我麻麻....叫做試過~.....星期六...今日做左超多野!!...首先朝早去左altira按摩...勁唔勁呀?係5星酒店按個摩~查實係因為毛寶用ctm啲積分以半價換的~用佢啲分換仲要請埋我~點好意思呀~~跟住食左zen..再去攞番個吸塵機...你估都估唔到....佢維修失敗換左個全新既吸頭俾我XXXXD不枉我等左你3星期!....再去買急凍食品....攞野回家就收到supper個包裹呀!!!!自覺3隻黑膠都係靚冧把!!!!!好開心!!!!夜晚痴痴貢~再剪埋頭髮~



2019/05/01
Day 7---Part 2(摩洛哥,馬拉喀什 Mococco,Marrakech)
放飯喇~~開頭幾日都覺得野幾好食~但去到依家...每餐前都諗：係咪又係食雞?XXXXD...但今日導遊話：今日午飯有驚喜~.....喂!!睇下餐廳名!!Le Petit....Thai?!?!




喂!堅架!食泰式呀!我第一次跟團去外地唔係食當地餐唔係食中餐係食泰餐呀!!白米飯呀大佬!!




呢個泰式辣正正子~




有4餸1湯!!係冬蔭功!!好驚喜!!








講真...呢個質素係港澳應該係狗屎屁~但係係食左好多餐摩洛哥味既呢一日食.....喂~天仙呀~




敗筆係甜品...你以為係樣衰je~但食落一樣係難食XXXXXD...條蕉又爛又黑~個椰汁又古古怪怪~為免肚仔痛~我都係放下~就是擁有~





好喇好喇~食飽飽滿足泰菜又出發~




景點係馬拉喀什市集(Marrakech Souk)...係其一最古老而又現役既市集~亦係成個非洲最熱鬧既大型露天市集~







由於市集太大~導遊都有帶我地行一圈先既~廣場露天位多數係賣生果呀~野食呀~





終於都見到我地好想試既摩洛哥名物!!蝸牛湯!!...但...係市集食...我又好驚腸胃不適喎~簡稱乜都驚一餐~唯有等係餐廳食飯有既時候我地再order下啦~




然後導遊又帶我地行下貌似室內既部份~(但其實唔係室內...只係鋪與鋪之間搭左D幕~)...呢部份就多賣唔係食品既貨多~




佢地D燈確係幾靚~如果夜晚睇透D紋出黎效果一定好好~




佢地D香料檔真係好好睇~我會望好耐~





導遊講解完就解散...大約有個幾鐘行下~D女仔發哂瘋咁買既其中一樣係....皮拖!!!!不過講真都唔平~講價起碼要一半以下開始講~而且每檔既差價差好遠...有D差成50MAD=55.9hkd...儘量揀間平D既先再開始講價~(因為有D鋪會比其他貴一倍...你由一半開始講價俾你講成左只係等於其他鋪未講價既一樣就無癮啦~)





買完拖鞋D女仔就滿足哂~佢地話好攰去左集合點附近間cafe坐低飲下野~我同毛寶繼續行一陣睇下有無靚磁石同埋postcard~(相中的女孩兒為何如此的出色~)




行到最後我同毛寶都頂唔順要坐下先~XXXXD...會合佢地一齊飲下野~我地集合點就係呢間cafe門口~我都推薦大家去一去~點解?




呢間cafe有樓下門面位...有室內...有樓上...記得上樓上~一上去要你揀野飲先....由於太熱同今朝已飲咖啡...我同毛寶都揀有氣飲料~兩支加埋45MAD=53.5hkd....我揀左左手邊哥支...飲好耐都唔知咩味...估計係蘋果味汽水~但隻味勁怪~




推薦你上黎既原因唔係因為有出色的飲料....而係因為有呢個可以俾你打卡既露天位XXXXXD....高空望馬拉喀什市集~挺不錯~







毛寶眼晴看馬拉喀什市集~





集合左之後進行既活動係...坐馬車遊舊城區順便番酒店XXXD..不過毛寶睇mapsme發現回酒店途中就有一間加樂福~所以我地要求係超級市場落車XXXXXD..買完野自行番酒店~







超級市場係一個商場入面的~





生蠔得7隻發售XXXXD




err....呢個要點整好....好恐佈




睇下班人~一見到D椰棗有膠盒裝~即買番去話要做手信~(我無參與～)




買完番酒店~呢晚出去食~所以我地沖左涼先...(仲要8點先有飯食)...沖完涼影下今日買既野先~呢個馬拉喀什市集買既皮拖鞋仔磁石~好得意~




同埋買左postcard~仲有礦石郵票~





毛寶買左3對~利害~提提大家...呢D皮制用品之前講過用咩令佢變軟架啦~係牛屎白鴿屎哥D呀XXXXXXD你買哥時唔覺架~到你買左番酒店入篋你就會聞~到~一~朕~臭~味~.....攞到番澳門~我媽同毛寶哥D拖鞋又臭又發毛~足足打開佢吹足一年~到最近佢地先著到~大家要買真係要諗清諗楚XXXXD(而且濕水會甩色XXXD)...我就無買喇~因為我唔鐘意著薄底拖鞋~(相入面其中有一對好似係住緊既呢間酒店買既)





今晚係有特色餐食...係北非特色餐及歌舞表演...叫Fantasia Chez Ali Show....係酒店要坐成45分鐘車黎...表姐可能中午熱親...無出黎食飯~the greatest show man咁既feel~








首先入帳蓬食飯~佢個場幾大~都幾多人~





湯~忘了乜湯~XXXD




自費叫左支白酒大家飲下~大約百鬆hkd~




上菜喇~個蓋好靚~




係...羊~幾好味的~唔食羊既人可以食雞~仲有細粒米...細粒米上哥D係味付蔬菜好好味~(味付蔬菜咁講好日式XXXD)






飯後甜品有超多生果...餅...同薄荷茶~





食飽就開show...個場好大





其實我對呢D跟團既show無乜興趣XXXD不過包埋...又唔迫...又有位坐...咁就睇下啦~有土風舞...騎術...毛瑟槍等...err....成個場勁黑...睇睇下仲落雨...我行番入帳蓬先喇~






yeah~燒煙花喇~可以走喇~XXXXXD....成壇野搞左勁耐!!8點開始食飯...然後過左12點先番到酒店!!!好彩我沖左涼先去...番酒店刷左牙就飛上床!我地個個都讚表姐：你就好啦咁醒目係酒店休息唔出去!!.......呢日早上9點出門...超過12點先番酒店.....老實講...俾我揀多次...我會留係酒店食杯麵然後早D訓XXXD.....跟團無得講...如果你係自由行既話....自己諗啦~都唔平架!呢個號稱黎到馬拉喀什旅遊一定要睇既show(我唔明點解有呢個稱號).....我上網睇如果係食飯+睇表演....要‎€50=423hkd....我個人黎講係唔會睇~可能你會欣賞既~












2020/07/11的開心事：
收~到~濕~爬~隻~黑~膠~~~~



報時：距離七公子台北帥氣行之旅仲有---88日~