七公子食揼買曼谷之旅2024-06-08第一天(天晴)

5月24日....中午試左Single Origin..開係舊Lofi哥個位..佢d意粉又幾好味...不過主食款式少左d....同埋意粉好細食唔飽....周圍行黎行去...又試左新既singria雪糕....去探豬子...夜晚痴痴貢~...5月25日.....中午去食good...然後為下周小旅行做準備XXXD...因為下周末同毛寶家人去江門小旅行...而我倆...有成7-8年都未去過大陸XXXXXD唔好講過青茂關...真係望都未望過...為免到時唔知個停車場係邊所以今日去左實習下路線先~都要等一陣先有位....泊好車就不如過埋關試下我個電子支付用唔用到XXXXD....去左青茂關口連住既商場買左杯茶理宜世黃皮檸檬冰茶...又幾好飲喎XXXXXD.....同埋用到個澳門電子支付喇~我地真係好叻叻~~~夜晚痴痴貢~~好野~~老夫人番黎喇~~....5月26日...放左3日假好多野做..今日勁熱!!!….5月27日..今日又勁爆頭痛；[....5月28日...噚晚訓極都訓唔著...3點幾先訓到...六點幾又醒左....幾晚都訓唔好...5月29日...放工去左北方館~好味~.....5月30-31日...同毛寶子一家去開平江門玩左兩日~多謝毛寶子請我去玩~...6月1日...今日去左另一個工作崗位做野...好舒服~...6月2日...無啦啦又番半日原先崗位…夜晚有人同我講啲好似好益我既說話實際揾我笨既野…..6月3日...今日唔算多野做又唔算無野做~毛寶中午上來我家買中午飯我吃~....6月4日...叫籌運黑黑地…6月5日…放工老夫人同我地提早做節~去左食爀樂…食完落地下層不理性消費買左個有集塵箱既吸塵機..因為見佢送埋洗地吸頭又減價咁…算啦見我屋企吸塵機舊電就黎宣布唔得….6月6日...中午諗住去旅行要食好多西餐前食一食文哥先~再去咖啡灣飲啡食Mochi..試左佢一隻神秘口味雪糕係豉油撈飯味..好搞笑~探豬姐~夜晚去漁頭佳爵食生日飯~

2024/06/08
Day 1(澳門 Macau->泰國,曼谷 Thailand, Bangkok)
華華華!!!!!久違既七公子之旅出發喇~~~~~~~事實上有兩人唔得閒XXXXXXD依家要湊齊人出發真係好難~今次揀左去曼谷呀~~~~~開頭提議曼谷我以為會有人反對~點知去既都話好~好喇~出發~~~~~~~~型唔型!!帥唔帥!!!!今次去既有我啦毛寶啦桃公子貞公子朗公子~~~~~~~~真係好掃興...我又去旅行生暗瘡係人中喇..............................

紐西蘭南島自駕遊之旅2024-05-03～2024-05-04第十四及十五天(晴天)

5月10日...中午食左Terra~行左Donki~夜晚叫左好多我老母好鍾意食晚小食外賣慶祝母親節~~.....5月11日...噚晚成兩點幾先訓得著~唔知搞咩...今日D人一浸浸咁黎~....5月12日...得個做字~猛煲無米粥~.....5月13日...今日雖然人少..但又好過噚日~開心~....5月14日...我以為今日會落好大雨...好彩又唔算好大~...5月15日...放工食左鼎泰豐~….5月16日..中午衝去睇鼻..又鼻炎~…再去食剛開番既comma..勁失望..以前餐牌好多野無哂包括我最鍾意哥個飯…又貴又細..探豬姐..豬姐好似嬲左我XXD…夜晚去日麗補吃母親節飯~….5月17日..中午去葡京人新開哥間cafe(其實地堡街都有間)..但葡京人哥間有泊車…但呢間感覺好唔抵…兩個人食成300仲要self serve..猛響機去攞野食…意粉都還好…個牛扒包都不知所謂….塊扒都無味..得幾粒pickle同黃芥末…88蚊XXD…笑左XXD…夜晚叫燉湯~...5月18日...今日好多野做~開心~(好變態XXXD)....5月19日...今朝俾雨聲嘈醒...感覺很有詩意XXXD...5月20日...唔講完全唔知520呢個節日...後知後覺XXXD....5月21日..快~D~到~星~期~五~啦~~~我想放3日假呀~~佛誕節補假~~....5月22日...yeah~~放假喇~~~等左好耐~~~放工同左另外4位公子去灃收打邊爐~~~~~~5月23日...中午同左毛寶爸媽去淳飲茶~我家老夫人去左江西旅行~然後去左EPIC飲啡...唔知佢新口岸哥間係咪用MOMOKAWA哥D啡呢...杯冰滴都幾好飲~去800伴血拼~~買左榴槤做下午茶~~然後去UA睇乘嚇...我對眼咪足全程...又用手幫自己打格仔XXXXXD....再去紅記食飯~~



2024/05/03
Day 14(紐西蘭,奧克蘭 New Zealand,Auckland)
早呢~由於無包早餐...我地梳洗好就攞埋行李check out~寄存住先陣間番黎攞~

紐西蘭南島自駕遊之旅2024-05-02第十三天(晴天)

4月26日…噚晚買左機票~~~~中午食茶杯..然後行一圈松山先番屋企~夜晚叫外賣~…4月27日...星期一..但今日係一個少野做既星期一...噚晚訓得麻麻..所以今日都攰奶奶咁..中午個晏覺訓到我吹哂波波咁....4月28日...今日好似多野做過噚日~放工個頭赤赤痛~....4月29日...起身都係頭痛...去睇醫生~....4月30日...老夫人今日生日~我同毛寶請老夫人去雅吉慶生~祝老夫人生日快樂身體健康行得走得食得訓得乜都好既都得~.....5月1日...諗住去JW個lounge食佢個喇沙set..點知已經無左...又去奈和美~...探豬子~夜晚痴痴貢~....5月2日...中午去左氹仔街市熟食中心食越式法棍~都幾好味..但杯啡麻麻~又去踩單車~再去睇穿Prada的惡魔2(我其寶無睇1XXXD)..再去路環食雅憩~好味~...5月3日..中午食shake shack~再飲沙北~下午落爆勁大雨~夜晚叫台式滷味外賣XXXD….5月4日..放左咁多日假~番工喇~有野做但又唔算好多好多野做~....5月5日...下雨天~....5月6日...今日工作真係黎一個反高潮...仲俾人表揚XXXD..R哂頭~....5月7日...今日...攰~叫親個個都吃力不討好~....5月8日...happy friday~今日放工約左公子們去食權昌....因為上網見到話做埋今個月就執...又係少時小炒回憶...但老實講....唔好食既依家係XXXD...食個情懷XXXD....拜拜~.......5月9日...中午食IES...因為食完我要殺入Taste...大佬...買5支牙膏..88折之餘...仲要送兩條tempo廁紙!!一條tempo抽紙!!18包裝tempo紙巾!!一包洗衣珠!!6盒維他蘋果綠!!兩袋麻油味出前一丁!!!!!!!!!痴線架!!!開心到我見人就講XXXXD仲猛俾老夫人讚我叻XXXD...再去行威尼斯人又買到一袋二袋~夜晚食味藏~~



2024/05/02
Day 13(紐西蘭,基督城 New Zealand,Christchurch->奧克蘭 Auckland)
華~早晨~今日搭朝早機由基督城去奧克蘭喇~由於我地住機場酒店~所以check out後就咁行過隔離機場就ok~酒店房對住我地取/還車既停車場~

紐西蘭南島自駕遊之旅2024-05-01第十二天(陰天)

4月12日...朝早去睇下中醫調理下~然後中午食chatterbox~夜晚叫李家外賣~...4月13日...星期一做到眼都花~...4月14日...老夫人今日整燒肉炒蕎~~....4月15日...今日黑黑地~....4月16日...今日中午係公司有大食會~又一個同事退休喇~呢個同事由我一入職就陪到依家~真係有D唔捨得~....4月17日...今晚放工去同事退休宴去左日麗食飯..啲同事飲到癲哂XXD…4月18日..中午食左奈和美~去買行山野…食煥記…4月19日..中午食good…去咖啡灣撞到八寶~再去grounding..夜晚去花淥淥為唯三大學同學慶生~…4月20日..星期一~但心情幾好~....4月21日...平凡的一天~今日又實測泰國買既痾屎糖..係得既XXXXD....4月22日...今日中午食左園林~~...4月23日...今日老夫人買左麥叔叔特價餐麥炸雞俾我吃~開心~....4月24日...放工同朗公子一齊去食爀樂~開心~....4月25日...噚日雖然係星期五...但係我同毛寶都勁早訓~~然後勁早醒~~中午去左食文哥~~再去巷弄飲啡~~杯啡都唔錯~~然後去左10幾年都無做過既踩!單!車!!!!!!!!!!!!!再去睇Micheal Jackson~~然後再去grounding~夜晚食鼎太豐~~再去Donki~~~今日節目好豐富~好似踩足12小時咁XXXD



2024/05/01
Day 12(紐西蘭 New Zealand,Lake Tekapo->基督城 Christchurch)
噚晚有開過頭頂天窗~但多雲到乜都無~今日起身一打開窗...厚雲~今日係房食早餐咪唔怕曬囉XXXXD(但我地今日去餐廳食XXXD)

紐西蘭南島自駕遊之旅2024-04-30第十一天(又晴又陰)

3月29日...中午諗住去試間新Cafe...排隊等佢開但佢又唔準時...等到佢開門入去....佢竟然話：今日無主食得甜品同咖啡.........果斷轉身走~轉左去試銀河gaga...但一般般...然後又去grounding~(其實我食左好多零食XXXD)..探豬~夜晚痴痴貢~....3月30日...又到星期一...頂住呀~~就快去旅行喇~~...3月31日..老~夫~人~番~黎~喇~~~~4月1日...華~愚人節~但無俾人玩~緊張呀就去旅行喇~今日先得閒執行李~...4月2日...放工講一聲：yeah~好野~放工去玩喇~....放工去左食千笹~然後番屋企執行李~....4月3-6日...與老夫人曼谷爽爽中~...4月7日...yeah~今日都係假期~中午同毛寶去食上河內~再去bloom飲啡...佢最近D茶味雪糕好好味~...探豬~無啦啦又去Venetian購物既XXXD買左對雪鞋...點呀點呀!買左雪鞋係咪有咩暗示~~夜晚食左雅憩~~....4月8日...放左5日假..都預左多野做~唔緊要啦~好快又有公眾假期喇~(自我安慰中)....4月9日...點解番工我唔鐘意既人都要坐我隔離.....4月10日...放工去食M2 kitchen為菓子軒慶生~....4月11日...中午食左terra..去埋附近間bloom...佢有mochi雪糕食~~個薄朱味好正~~去行左陣水庫...但好熱....再去grounding...夜晚痴痴貢~



2024/04/30
Day 11(紐西蘭 New Zealand,Lake Tekapo->Mt Cook->Lake Tekapo)
早晨~呢間酒店包早餐既~可以落佢大堂餐廳或者前一晚剔剔剔紙劃好訂定第二日幾點送上房俾你食~呢日我地決定叫上房食望住靚湖靚景嘆下~但係...我地決定聽日落番餐廳食...好曬XXXXXD~

紐西蘭南島自駕遊之旅2024-04-29第十天(晴天)

3月15日...中午買老麥去黑沙grounding..夜晚叫燉湯外賣~...3月16日...今日少可地多野做~~....3月17日...好~頭~痛~呀~今~日~呆左成日~....3月18日...起身仲係有D頭痛...又呆左成日...3月19日..今日少野做到係...我打哂喊露連電話都唔想睇XXXXD...3月20日...華華華!!!收工約左公子去好想食~~食得好開心~~~....3月21日...中午臭毛寶放工去試星皓新開既泰國餐廳...但就少少貴同一般般啦....去行山~去Grounding~夜晚痴痴貢~....3月22日..中午食MGM甜點~去媽閣嘆啡~去行山~去grounding(但係我無XXD)..食爀樂~老夫人去左旅行~….3月23日..噚晚完全不能入睡...去到5點先係咁意訓到一陣...偏偏今日好多客~.....3月24日...噚晚好眼訓~早早訓~終於訓得好了~今日精神爽利起身~8點未夠就跑到番公司~....3月25日...今日係公司嬲到火屎咁!!唔發火真係當人病貓!!!!!!....3月26日....成個人呆呆滯滯咁番工..仲做錯野XXXD...俾同事打落黎話我知我心諗..係喎點解我會錯既XXXXD....中午食左個勁野包~~(辣魚豬扒蛋包)...3月27日...放工去左食饗和民..然後去左睇末日聖母號~~….3月28日…中午同左毛寶爸媽去淳飲茶..好耐無去呢間...覺得佢多左好多點心~~同埋D點心好好味!!!老夫人去左旅行嘛~下次再同佢去飲...去飲啡~去行山~去grounding~去Donki~夜晚試左bombay palace~(第一次食全餐印度野~)



2024/04/29
Day 10(紐西蘭,但尼丁 New Zealand,Dunedin->Lake Tekapo)
早~食早餐既餐廳黑媽媽咁XXXXD

紐西蘭南島自駕遊之旅2024-04-28第九天(晴天)

3月1日...一起身勁生理肚痛...攣埋一舊..完全唔想出街...毛寶叫左外賣一齊食~之後又無咩野~夜晚又叫外賣~.....3月2日..又新一個月...今個月又去做番自己本身做既野...其實唔使追數既話我幾鍾意既~...夜晚爆勁大雨~好彩今晚無飯食都無走黎走去八卦(我直頭無食飯XXXD)...3月3日..茅乜客...放工去左公子生日飯...去左滿堂彩~不過服務同野食都差左好多~呢晚又係好大雨好塞車~...3月4日..都係茅乜客...3月5日...唔知係咪濕重~個人好攰~....3月6日...估唔到今日幾多生意~開心~放工去左食雅吉~好味~....3月7日...提早清明節拜老豆~估唔到早成個月都有人同我地一樣提早拜~然後老夫人請我同毛寶去食COPA~覺得上次好食D~探豬子~夜晚痴痴貢~....3月8日...去睇中醫...中醫話我虛到不得了XXXD...然後佢叫我做咩我都唔應承XXXXD(好麻煩的顧客XXD)...去食good~去行松山~坐左第一次坐既松山纜車~夜晚食李家外賣~....3月9日....星期一...但唔算多人....3月10日..今日最開心係老夫人買園林我食~...3月11日...今日訓下午覺訓到我個口mark到勁大XXXD...夜晚由於驚加燃油附加費...急急腳買左機票XXXD....3月12日....好生意呀今日XXXXD....3月13日...今日番工個心飛走左過周末~放工去左食兄弟煲~西澳龍同南澳龍真係有差......3月14日...今日做左勁多野~~一早起身睇中醫~去左雅辰飲佢個漁夫湯同食和牛漢堡(好細聲講兩樣都唔好食XXD)..衝去800伴買KIEHL'S(又買一堆)..去行山!!..去grounding...去探豬姐~夜晚痴痴貢~....今晚仲有勁多野要訂XXXD幸福忙~



2024/04/28
Day 9(紐西蘭,布拉夫 New Zealand,Bluff->但尼丁 Dunedin)
食早餐喇~~...都...幾簡單既XXXD...一眼望哂~

紐西蘭南島自駕遊之旅2024-04-27第八天(晴天及後轉雨)

2月16日…年廿九…番半日…但一起身發覺自己唔舒服..同老闆講去睇醫生…好彩有去睇..因為聽日就過新年啲醫生實收…中午放工同公子去日麗飲茶~…跟住訓左個好正既晏覺~..夜晚同老夫人去葡賞食團年飯~…2月17日..大年初⼀~~訓到11點幾先起身~~好正~~起身刷牙食隻蛋做早餐又行番上床XXD..咁先係放假~下午同舅父姑媽們去雅辰飲下午茶~~難得好齊人..我竟然忘了合照..夜晚毛寶爸媽請吃齋~~…2月18日…年初二..中午去左毛寶家食開年飯~一年一度既影全家福時間~...去左表妹屋企探佢兩隻肥妹~番舅父屋企開賭王群英會~我今年輸4蚊~算係咁XXXXD過往輸過100XXXD...2月19日...年初三~請左3個老小孩去麗軒飲個靚茶~然後我同毛寶子去嘆左個啡~夜晚回家吃~完美的新年~...2月20日...今日新年後第一個工作日~竟然唔太多人~放工去勵皇軒慶生~...2月21日...訓到自然醒~中午約左大學同學去Sands間copa食set lunch~喂~d野食好食番喎~本身想去威尼斯人買野點知見到成堆旅遊巴...即打退堂鼓走人番屋企!!夜晚痴痴貢~...2月22日...又訓到差唔多11點~中午去食烏冬村~等成半個鐘先有得食...夜晚又叫燉湯~....2月23日...一個寂靜的上班日(我個崗位XD)....2月24日...點解好日子過得咁快~...2月25日...番工平淡但有一小碟花生食~(XXD)....2月26日...今日公司春茗~食到好飽~...2月27日…放工去左食饗和民..跟住睇夜王~…2月28日…噚晚12點幾訓..今朝成11點幾先醒XXD訓左11個鐘~中午ies..傷心佢無左雞鎚…去taste掃貨~夜晚痴痴貢~



2024/04/27
Day 8(紐西蘭,皇后鎮 New Zealand,Queenstown->布拉夫 Bluff)
早~最後一日係Queenstown喇~(做乜失哂焦XXXD)...噚晚訓訓下頭痛到醒左..食左藥坐陣...然後痛到嘔.....噚晚訓前毛寶叫我聞下熱水蒸氣..好似訓時無咁咳~

紐西蘭南島自駕遊之旅2024-04-26第七天(晴天寒冷)

2月1日..中午食左喜公館..因為有啲掛住佢個午夜牛扒包..但..難食左好多..番屋企午睡時個胃勁痛..之後賴左兩次屎…夜晚叫燉湯….2月2日..星期一~但我今個月唔使追數~....2月3日...噚晚臨訓開始頭痛...到起身爆勁頭痛...呆下呆下咁過一日.....2月4日...今日都過得幾好..不過夜晚收到一個突然既消息…2月5日...今日番晏竟然見到仲有一絲夕陽光~日照時間開始變長呢~心感欣慰~....2月6日...舊年12月因為去左南極...而令哭福延期到今日先搞~~係灃收搞~又笑到肚痛XXXXD...2月7日..中午食仨勝~又去行山~探豬~..毛寶唔得閒理我...老夫人都約左fd...我自己一個行街行左兩個鐘(真係齋行XXD)...行到攰自己行左去新故里食懷石料理XXXD....2月8日...訓到成11點半~舒服~中午食左茶杯~然後去熊貓館入面個園區行下~夜晚食凱旋軒~....2月9日...算係小野做既星期一~...2月10日...今日無乜特別~番工都算順利~....2月11日...又收到唔好既消息...希望唔好既時候快啲過去.....2月12日..無特別的上班日….2月13日..聽日我地都有野做..提早食情人節餐..食左雅憇~…2月14日..中午仲可以同你食到good~..之後我地各自有野做..我就過左香港….2月15日...9點幾就出左去...辦完大事食埋飯就去左探豬子~夜晚去左勵皇軒同姑媽食團年飯~...呢個周末少少攰~



2024/04/26
Day 7(紐西蘭,皇后鎮 New Zealand,Queenstown)
早呢~今朝早餐都係噚日間靚景餐廳~~~我地仲坐到窗口位~~開心~~

紐西蘭南島自駕遊之旅2024-04-25第六天(暴雨及後轉晴天極冷)

1月18日…中午去食烏冬村~再飲Bloom~行完松山再番屋企~~夜晚叫燉湯~…1月19日…今日聽到金錢的聲音~~做得好興奮~....1月20日...errrr...清清閒閒咁...1月21日...今日運程好差...嗚嗚嗚.......1月22日...好忙呀~老夫人去左旅行我要食飽麥當當就番去做家務~~….1月23日…放工去左食爀樂~行800伴~~….1月24日…諗住9點幾超身睇Netflix徒手攀爬101直播…點知延期XXD…中午又食文哥…去行龍爪角…點知下路封左只可行上路…唔夠喉去行埋水庫~去威尼斯人…去探豬..食456..諗住去散步去左金銀島老佛爺XXD..點知佢最後兩日過埋就唔做…平時用開既香水做8折…平時專門店都無折…即掃…仲..送左幅巨畫?!嚇親我地…..1月25日…中午食shake shack~去試摩洛哥咖啡Bacha...但好貴..對我黎講唔值~行埋Donki~再去行山~夜晚痴痴貢~......1月26日...我今日運氣滿滿呀~~~好開心~~~~同埋無啦啦一口氣訂哂某個旅行全部酒店~~(但未有機票XXXD...因為酒店好搶手...所以訂哂D有免費取消既房先~~)....1月27日...一起身...喉好痛....食左晚飯食埋藥好早就眼瞓.....老夫人番左黎喇~...1月28日...喉繼續唔舒服...不過好過噚日~但係番工食左藥成個人都好散~....1月29日...噚晚訓覺有啲咳...今日好似又無乜人咁....1月30日...老夫人病..發燒…捉左佢去睇醫生…夜晚去左食響和民…我自己都爆頭痛既一晚….1月31日…中午食小泉…探豬..買水喉..夜晚食鼎泰豐~



2024/04/25
Day 6(紐西蘭 New Zealand,Haast->Lake Wanaka->皇后鎮 Queenstown)
一早起身諗住去酒店餐廳食早餐...點知勁大雨~~但酒店房行去餐廳係露天....咁我地之前為左遮住車D行李買左件雨褸~後尾車尾箱有back cover所以無用...變左佢又真係做番雨褸真正功能擋雨用XXXXD....行到餐廳...已經由勁大雨...變爆勁大雨~~同埋好大風~(其實噚晚訓緊哥時已經聽到勁大風大雨)

紐西蘭南島自駕遊之旅2024-04-24第五天(雨天及後轉陰)

1月3日...噚晚11點訓…訓到今日11點半….訓左半日XXD…中午去左食JW lounge叻沙….然後係銀河northface買到成手野(乜事啲野咁靚)…去探豬子~..夜晚去食凱旋軒…又幾好食~~…..1月4日…中午食上河內~夜晚叫外賣食左間唔係幾好食燒雞….1月5日...番工~~多野做~~...1月6日..今日番凍係幾凍喎~....1月7日..今日生意額好低呀我；[....1月8日...唔知點解今日個生意額又彈番起!中午食左媽媽米船麵~好味~.....1月9日..放工去左食響和民..睇尋秦記~睇完落番去時見餐廳侍應行埋我地身邊…我心諗..我地頭先食左飯喇喎又想sell我地食飯?正想拒絕…點知侍應姐姐話:你地頭先個甜品未食就走左XXXD….係喎XXD甜品俾左錢未食就走左XXD…又行番入去食XXD…1月10日…中午去食三月半等左爆耐…然後興起去行水庫~因為上次去Fitz Roy行爛左對行山鞋毛寶幫我買左對新既~去試鞋~去探豬~夜晚痴痴貢完又去左散步成個鐘~…1月11日…中午食左good…去左松山燈塔散步~兜成大個圈番屋企~…夜晚叫外賣燉湯~~……1月12日…工~作~日~...今日都過得幾開心~可能老夫人買小上海我做中午飯~...上網見到我想買哥班機既心水位無左~急急腳衝上網買~~我買左今年第一張機票喇~~....1月13日...依家星期二三四都無乜生意咁；[....1月14日..呢幾日天氣我幾鍾意~唔太熱~又有太陽~行番工都覺得好舒服<3….1月15日…點解公司可以咁煩架XXXD...最憎D人扮聖人....1月16日...放工去左食epic~慶祝朗公子生日~~….1月17日..中午食文哥~又去行水庫~去taste血拼…探豬姐~..夜晚老夫人請大家食超級大餐!!



2024/04/24
Day 5(紐西蘭 New Zealand,Frank Josef->Haast)
早晨~今朝有book到活動~出發之前食個早餐先~

紐西蘭南島自駕遊之旅2024-04-23第四天(晴天及後陣雨)

11月9日..中午食左千笹午餐set用左張100蚊消費劵..但勁麻麻~如果唔係驚旅行前熱氣...我會揀食爀樂午餐set~~~夜晚叫外賣~...應該執野執得7788~.....11月10-11日..應該忙緊執野...番黎先發現原來無寫到日記XXXXD...應該都係平常番工日XXXD....11月12日...哥日正常番工...一放工就衝番屋企沖涼食飯坐車過香港~哥晚飛凌晨~...11月13-15日..到達南非開普敦但唔夠膽出街XXXD係酒店抖下食下野過就算~....11月15-12月5日...由南非開普敦到南極(途經兩個島參觀)..到南極後再到阿根廷烏斯懷亞落船~...12月5-24日...會合天團再玩阿根廷~12月26日番到香港...成個聖誕完全摺埋左XXXXXD....12月27日...噚日下午4點番到屋企執哂野沖涼食飯...番入房睇電視時...睇左一陣完全唔知自己訓著左..但正式訓後又唔係訓得長...斷開再訓...中午去左食文哥...好耐無食過𠽌𠽌麵~去左葡京人bloom飲啡...探豬~好掛住佢..成個幾月無見!..好彩佢有睬我地~....夜晚求其食大家樂...一直由阿根廷頭痛到番黎...12月28日...又反常2點先訓...7點就醒左訓唔番...我呢啲係咪叫時差...既然訓唔著晨早衝10點睇優獸大都會2...估唔到番到黎仲有得睇~中午試左間新開既越南式cafe...少貴...包幾好食但撈檬麻麻~...再飲埋terra..夜晚番屋企叫外賣~...12月29-30日...摺埋自己兩日.....12月31日...今日番半日工~開心~中午放工同公子去日麗飲收爐茶~日麗D野真係好好食~(定成個半月無飲過茶太掛住?)...去探豬~夜晚同3個老小孩去食鼎泰豐~..我大個喇我係屋企睇電視倒數得喇~...2026年1月1日~happy new year~祝各位身體健康~呢日竟然由噚晚12點幾訓到11點半XXXXD...仲要中間完全無醒過~我係咪適應番時差喇~~~中午食左MGM甜點~蝦麵好味~又探豬~夜晚番屋企叫外賣~.....1月2日...番成日工...個人個爐未撻著還是懶懶的.....放工食海銀海記~~~



2024/04/23
Day 4(紐西蘭 New Zealand,Greymouth->Frank Josef)
早晨~我個喉嚨好痛呀~噚晚氣管好痕~仍然變聲中~~(有少少失聲既趨勢~)...咁我地加左每人122hkd既早餐~睇下有咩咁巴閉先~(基本上都揀加錢要埋早餐~因為費事要周圍搵早餐搵車位反而浪費時間...第一晚無加錢因為見地圖係酒店隔離有cafe先無加~不過食早餐都食左兩百蚊XXXXD)

紐西蘭南島自駕遊之旅2024-04-22第三天(晴天)

10月26日..中午食good..然後就番屋企抖XXD…夜晚叫外賣~…10月27日..放工Diana同我去食生日飯..多謝~…10月28日..yeah~聽日放重陽節~..放工去左食鼎泰豐…10月29日..今日放假~我諗我呢兩日都唔係好夠訓...我噚晚12點鬆D就訓左...今日成10點3鬧鐘響先醒~訓左10個鐘~都話番早實唔夠訓~...中午同左姑媽表姐去勵皇軒飲茶~...然後去左咖啡灣間bloom飲啡食蘋果~再去威尼斯人行街街~夜晚番屋企食~....10月30日...噚晚成晚都淺眠..好似無訓過咁....算~番埋聽日放3日~.....10月31日...yeah~放工去左食雅吉慶祝~~慶祝放3日假~~~仲係咁好味~個singapore sling甜品都好正..不過見到話11月又打風...好擔心呀.....保佑我個旅行呀~~11月1日...發現自己又鼻炎有d翻發....衝去睇醫生...再開d平安藥.....然後去食澳牛~個沙爹湯又幾好味~然後去探豬~我諗我去旅行時會好掛住佢~夜晚痴痴貢~...11月2日...中午食左Ufufu...毛寶第一次試~去左睇套挪威卡通片出精特攻隊~探一陣豬~然後同3隻老小孩去食花悅庭~...11月3日..中午食好耐無食既魚一~..再去muji買野…又番屋企訓晏覺…夜晚叫外賣…11月4日..番工喇~多野做~..上星期已經開始執野..執到依家仲未執衫…執到好攰…11月5日...執野執到發哂老脾~~~完全唔知點執好~~.....11月6日...個喼就黎爆炸XXXXD勁多野XXXXD....好苦惱...有啲野應該要孭上身XXXXD...11月7日..今日都無啦啦咁幾多野做~放工同左凱公子去麗軒慶生~笑到反艇~...好緊張呀番多3日工我就去大大大旅行喇~~~~~~.....11月8日...中午去旅行前要食一次文哥~~然後去探豬~我諗我會好掛住佢~影左佢好多張相~~夜晚痴痴貢~



2024/04/22
Day 3(紐西蘭, 基督城 New Zealand, Chrischurch->Greymouth)
早~天氣好好~起身都確確地定喉開始唔舒服...有少少咳~(我....唔...會...係....中...........)

紐西蘭南島自駕遊之旅2024-04-20~2024-04-21第一及第二天(晴天)

10月6日....由於今日中秋節…所以個心已經走左去晚餐XXD….放左工同老夫人去食爀樂做中秋節晚餐…行左陣毛寶黎車我地~~我同毛寶去睇中秋燈飾~好靚~~佢仲整左個燈籠俾我玩~然後我又彈番屋企同老夫人吃月餅~~…10月7日...今日公眾假期~中午同毛寶去左食麥叔叔~終於試到鋒味個包同青花椒雞翼~又幾好味喎~襯仲有哥時食多次先~~係金銀島行左陣街~係佢地下層個老佛爺百貨買野又幾抵喎~....夜晚係屋企食~...10月8日...做乜今朝起身個喉頭赤赤地架.......10月9日...悶悶的一天(悶是讚美)...10月10日...放工去左天頤老夫人為我慶生~好味開心~多謝媽媽~…10月11日…中午食左上河內..然後去左路環飲啡..之前去左探豬…覺得個喉赤赤地就去左睇醫生…夜晚痴痴貢…10月12日..去超級市場同藥房買野…中午食左意茶舍…再殺去800伴買一波生日優惠..再去新殺去新奇站…再去taste…然後再去食大學同學生日飯~試左花悦庭~….10月13日…都係唔舒服去睇醫生..10月14日…就算病假在家我都好忙...我要襯去旅行前洗左個洗衣機同抽油煙機等老夫人用得舒服D~.....10月15日..番番下工曾經有段時間我對眼眼瞓到化開XXXXD....10月16日...茅乜特別~但係網上新聞見到drake passage 5天內2強震...老天爺爺保佑我地順順利利呀~....10月17日...放工食味藏~食左秋刀魚~仲學人一人一條~…10月18日..肚痛醒左..痾完再訓…點知訓醒起身爆多次水;(…..大家都無事得我有事咁應該係條魚…因為全部野大家有份食..得條魚自己食自己哥條…..好彩之後無再痾…中午等毛寶放工食少少ies~血拼星皓…好多間都有折!!!再去探豬~…夜晚毛寶請我吃鮨吉祥做生日飯~~好正~生日周~決定偷懶唔出blog~…10月19日..好野~祝我生日快樂~~…中午毛寶應我要求…帶我去巴黎人法式餐廳食法式焗蝸牛~去%飲啡~..再睇創戰記…俾我形容為創造一個失敗的AI…XXXD….毛寶再帶我去天蠔薈食蠔~~好好味好耐無食過~~….食完前菜再帶我去三月半食重荽米~滿足的一天~..多謝毛寶子~~….10月20日…今日行第條路番工~掛左黑球有啲涼…但覺得好舒服~~…然後由黑球直接變3號風球…..10月21日…喂!凍呀XXD…10月22日…喂!好凍呀!!..今年係咪早凍呀XXD….10月23日…老夫人去旅行呢幾日我都去左投靠毛寶!!!每晚都吃飽飽~仲每晚都用佢爬步機行路..我成個人都瘦哂~~….10月24日..放工去食海銀海記~~好味~老夫人終於都番黎喇~~~~~......10月25日...中午諗住攞完隱形眼鏡去試一間未食過既茶餐廳..點知附近勁爆塞車又無位泊~放棄了~唯有去試MGM入面新哥間chatterbox cafe...個海南雞飯都幾好食既係d野食有d細份~....探豬~夜晚痴痴貢食煥記~



2024/04/20~2024/04/21
Day 1 & 2(澳門 Macau->香港 Hong Kong->紐西蘭,奧克蘭 New Zealand, Auckland->基督城 Chrischurch)
華華華~2024年第一個旅行要出發喇~2024年第一個旅行就係放大假~點解揀紐西蘭?因為....一黎毛寶未去過~(我就太細個去都無記憶~)...二黎...喂...23年年尾見到紐西蘭航空有特價XXXXD...個價都平平地XXXD由於打算出發既日子唔算係多人放假既日子...所以假都未抽就買左機票XXXXD(錯誤示範~)...哥日搭夜機~訂左車直接由屋企去香港機場~

與三個老小孩台北聖誕美食之旅2023-12-28~2023-12-29第四及第五天(雨天)

9月21日...中午食good cafe...去入定貨準備後幾日打風...政府叫大家要準備定3日糧水...即衝去買麵..罐頭....水就已備定...夜晚叫外賣....9月22日...今日番工大家既話題都係買左糧水未?...同埋教青局今日宣布左中小幼星期二三都停課....好恐怖...保佑港澳及其他沿岸城市........9月23日..5點掛8號...放5點...今朝起身個頭爆極痛.....今晚6點幾係屋企見到顏色靚得誇張既晚霞映入屋...對上一次見到咁既晚霞係山竹......求上天保佑大家乜事都無!!!...9月24日..我本身諗住早訓...但見佢凌晨話會掛9號風球諗住坐多陣睇定D先訓..坐到點幾見眼訓諗住出去痾篤尿就訓...點知出到去見到...華!!!我對露台門原來俾風搖到吹開左....係度fing fing下...另一邊門都屈左出去...窗簾又吹開哂!!即刻關番對門同諗住搵尼龍繩...點知無...情急生智攞左好多個環保袋剪開駁長佢拉住哂D門柄...然後完全唔夠膽訓...每小時開對門出廳睇下我條封鎖線有無吹散..XXXD....睇到朝早5點半掛10號風球....頂到6點真係好眼瞓頭又痛最後去訓....但係都係驚住訓.....但我斷斷續續訓到2點先醒XXXD...醒左先食野...哥時已經無咁大風...捱過了...好驚呀~....9月25日...颱風過後無乜客黎~...9月26日..算多野做既一日~不過唔緊要...heyhey~我放假喇~~~~....9月27日-10月1日...曼谷爽爽中~...我今次都呃得毛寶透喇~我偷偷的買了頭等機票同佢去泰國玩XXXD最搞笑佢一直以為係澳門飛XXXXD.....10月2日...今日都係公眾假期~起身去左食三月半~第一次食~覺得好好味~~個爆茜湯底真係好多茜~~正~跟住去探豬~夜晚番屋企食~..聽講周末又打風....10月3日...放左幾日假去旅行..今日番工..成個人都淨係想縮埋一舊~放工好開心約左公子為我與杯慶生~~今年去左食兄弟煲~真係好正~好多海鮮~~....10月4日...一早陪人去汽車保養~..食白目...再去葡京人又飲啡~探豬~夜晚食萬豪軒~~



2023/12/28~2023/12/29
Day 4 & 5(台灣,台北 Taiwan,Taipei)
今日出發時已是下雨天~又租左車司機大哥車我地去玩呀~照出發~

與三個老小孩台北聖誕美食之旅2023-12-27第三天(晴天及後大霧有雨)

9月7日...又話今晚掛8號波喇...好彩都可以玩個朝早...出門口時爆勁大雨...中午去食茶杯...食完買電話殼...再行威尼斯人...又買左兩件衫同拖鞋...探豬...夜晚痴痴貢~.....9月8日....老夫人噚晚成10點先高鐵到珠海....澳門就9點掛8號...我幾驚佢過唔到珠海關要被迫8號風球留係珠海過.....好彩佢順利番到屋企....噚晚見8號波在10時前維持..有哂心理準備休半日下午要番工...所以噚晚都開左包大熱浪加飲Tonic~~仲要夜訓.....訓到半夜開電話睇變左在早上維持8號波......訓到10點起身....又無講幾點掛3號(香港講左13:10掛..諗住澳門都差唔多....)..都諗住整理下自己下午番工架喇(係我最憎既放半日風假).....刷刷下牙收到消息：澳門3點先3號....................下?????????????放全日了~~~~~~~~~~~~~工作就留番俾明天的小t啦~~~.......9月9日....係呀~D工作今日既小t要做喇~~~成日都忙到一頭煙~~依家呢個工作崗位我成日形容為夢幻西餐廳~今日試過得我一個人係夢幻西餐廳...你可以諗下落單又係我整餐又係我執餐又係我送餐都係我!可能D客話無冷氣都係我!好忙!....9月10日...今日已經好好多..唔怕過多野做無野怨...但今日頭痛XXXD...9月11日...今日因為上堂遲左半個鐘先收工......9月12日...放工老夫人幫毛寶子開今年第一個生日會~揀左食麗軒…9月13日…中午食文哥…去上葡京諗住揾Kodak相機抽..點知無..但買左好多Usagi~~…探豬~…去左gorilla又買多個眼鏡去南極坐Zodiar用~..隻貓店長勁嗲呀大佬…猛用頭擦我同毛寶~~…夜晚食煥記~….9月14日…⼀早起身第一件事梗係投票啦~~中午食IES~…下午爆熱…夜晚叫關東煮外賣…9月15日...好似話又打風...下周又有風；[...保佑保佑....9月16日...家陣番夢幻西餐廳..無窗望到出面...好似入左賭場咁無日無夜XXXD(只係一個比喻~)...9月17日...肚同頭都痛既一日~今日個客仲用粗口同我講野~我覺得好親切~(其實佢鬧緊我地公司XXXD)...9月18日...仲係少少頭赤赤~…9月19日..今日放工公子去葡賞為毛寶慶生…9月20日…有個超強颱風樺加沙黎緊..保佑沿城市大家都平安…好恐怖…..中午同豬子開生日會..夜晚同唯三大學朋友去Frites為毛寶慶生~



2023/12/27
Day 3(台灣,台北 Taiwan,Taipei)
呢日我地有租車去遠D玩喇喇喇~但我地今日勁爆早出門口~~8點已經出左去~~08:20已經差唔多到今日第一個”景點”?

與三個老小孩台北聖誕美食之旅2023-12-26第二天(晴天)

8月24日...中午去左食萬豪lounge..飲左%..夜晚叫李家~…8月25日..8月25日...雖然今日係星期一...但明顯人潮減退...我D小財神去哂邊.....8月26日...繼續無人...但過埋今個禮拜我就轉工作崗位~....8月27日...一天比一天靜~未開學都好靜~....8月28日...華~今日係好好運運的一天~.....過埋聽日...我精神上就可以輕鬆啲喇~~.....8月29日...yeah~收工同七公去爀樂食烤肉~同七公食飯最好~可以食到好多野同笑到標眼水XXXD….8月30日…中午諗住去攞番份南極健康申報...點知爆勁大雨~去左MGM食野先~之後去左探豬~夜晚痴痴貢~~....8月31日...一早收到公司D垃圾訊息...真係垃圾~中午試左食烏冬村...順便係葡京人飲埋啡~夜晚飲燉湯~...9月1日...華!開學喇!但今日竟然幾多野做~都唔關我事~我轉左工作崗位~.....9月2日...開心的渡過~....9月3日...老夫人去左旅行~成間屋我全權負責~.....9月4日...handle哂成間屋真係好攰XXXXD....我去左毛寶屋企痴痴貢~~~~....9月5日...大好星期五...我竟然無人陪我反~我自己放工去大堂炸雞!!!再茶茶子!!!再叫外賣糖水~~~爽哂~~~.....9月6日...中午諗住去TERRA..點知今日竟然Full house..本身諗住等..但太熱...等等下去左對面新明記食左野先再番過去買杯啡....去800伴出血...又一堆護膚品...仲買左對新鞋...因為毛寶生日月有6折~...探豬~夜晚痴痴貢~



2023/12/26
Day 2(台灣,台北 Taiwan,Taipei)
拿拿拿~睇下我地個旅行幾舒適~一開始就係食中午飯喇XXXXXD...揀左睇D foodie介紹既omakase~見幾抵食~我地今日無訂到車~諗住輕輕鬆鬆周圍食下行下既一日~(簡稱諗唔到做咩~)....間餐廳叫真真庵壽司割烹....地址：台北市松山區南京東路三段303巷7弄5號...想試可以上inline訂位~(台灣d餐廳可以網上用inline訂餐廳真係幾方便)...我地搭捷運去到南京復興站...6或7出口都近~

與三個老小孩台北聖誕美食之旅2023-12-25第一天(晴天)

8月10日...中午去左食good cafe...然後陪毛寶爹娘去睇智能手錶~夜晚叫外賣~.....8月11日...星期一嘛~攰係正常既~...但太攰我夜晚訓唔著~.....8月12日...無啦啦起身個天光光地...一下子黑哂...落一場勁大雨~以為今日會落驟雨..又曬全日XXXXXD....8月13日...公司樓下條路究竟幾先整好....次次暑假都猛整路...痴線架!....8月14日...今日全日好大雨...黑雨...氹仔勁水浸.....8月15日...放工去左食Craving...食葡餐...又幾好食喎~....8月16日...中午去左八寶生日會...成班小朋友真係好熱鬧XXXXD...去探豬~夜晚痴痴貢~....8月17日...中午我話想食cafe...毛寶就帶左我去瑞典咖啡室(IkeaXXXXXD)...好大件事!依家無熱狗賣；[....訓左個晏覺...夜晚叫外賣~....8月18日...噚晚一直處於淺眠...去到5點先真係訓著...全日都好眼訓...8月19日...以~~...生意麻麻~...番番下工仲頭痛；[....8月20日...噚晚又成2點幾先訓得著....成日都好眼訓~….8月21日…一整日都覺得自己好好運~~..好似好多好事發生XXD….8月22日..放工諗住去葡京人某間野食….點知原來未開~…又食北方館~好味…8月23日…今日諗得好美好諗住book左某間醫院填南極健康申報表…點知第一間醫院由報價$250變$2250(雖然我打去問時佢有提及如醫生有疑問會要求做檢查..但覺得有少少唔合理)…所以走左…第二間醫務所就唔肯做…去到第三間佢都有問得好仔細既..而提出要求我做哥樣檢驗我都覺得合理…價錢更更更合理!!!好彩成功做到喇~~跑左3間先做到~~走訪醫療機構玩左成日..中午食左馬交..隔離toff飲埋啡…探豬..夜晚食聯記~~



2023/12/25
Day 1(澳門 Macau->台灣,台北 Taiwan,Taipei)
係疫情之後第一次帶老小孩s出發~揀左機程時間比較舒服既台北~~~~好啦~~~出發~~~~~~~呢個旅行係我同毛寶去完富士山之旅一個禮拜後出發~~~~(哥陣時放緊大假~所以中間哥一個禮拜都係休息中~第一次放一個大假去兩次旅行~)

東京富士山之旅2023-12-18第九天(晴天極凍)

7月27日....中午食左good..上葡京行800伴…夜晚食李家~….7月28日…華~好爆勁多野做~好耐無試過~....7月29日...好叻~12點訓一直訓到7點幾先醒~好優秀~....7月30日...俄羅斯8.8級地震..引發海嘯...祝願世界平安；[....7月31日...又中午放工突然落好大雨~….8月1日..話咁快7月就過左..來到8月...放工即衝mango tree為桃公子慶生~…公子啲笑聲真係多到痴左線XXD…8月2日..中午食左IES..探豬..夜晚痴痴貢去老上海~....8月3日..中午食上河內..行陣Donki..夜晚叫外賣…8月4日...華~今日好生意呀~...星期一通常都ok...一過左靜到....8月5日...今日又爆大雨...然後我又頭痛....8月6日...凌晨4點俾個爆勁大既雷聲嚇醒!!...真係好大聲...但係雨聲又令人好好訓XXXD....8月7日...老夫人整豉油皇蝦碌~....8月8日...好野~星期五了~今日麥叔叔出Usagi玩具~~水左老夫人幫我去買XXXD點知多人到爆~~~跣左佢添~~~Sorli~放左工去食寫樂~(其實我想食葡餐但係無位~)....8月9日..中午起身...衝去買大旅行個旅遊保...勁貴~~然後接毛寶子放工去食Shake shack~~~~~時條好吃~探豬~佢前幾日唔舒服...擔心屎人喇~~~~~~~夜晚痴痴貢~



2023/12/18
Day 9(日本,東京 Japan,Tokyo->香港 Hong Kong->澳門 Macau)
好喇~今日要走喇~番屋企喇~咁多日我地一入房拉左窗簾就無打開過...走之前諗住打開等D自然光透入黎睇清楚有無執漏野時發現...欸????乜原來我地間房對住成大個晴空塔XXXXXD...我地過個晴空塔企係好遠a左我地望佢好耐XXXXXD今日天色好靚呀~好完美~

東京富士山之旅2023-12-17第八天(晴天少凍)

7月14日...訓好耐訓唔著...差唔多凌晏兩點時發出一聲巨響!我以為咩事...又以為有人...但坐左起度到3點幾又無乜聲...先再訓...訓得3個鐘就番工...朝早以為無野做~下午又幾人頭湧湧~放工攰攰地~....7月15日...又晴又大雨的一天~....7月16日...都唔知搞咩..舊年7月都叫人頭湧湧丫...今年7月乜人都無.....7月17日...華~今朝做野黑過墨斗呀~下午又一片晴朗~呵呵~....7月18日...終於都星期五~但周末又打風(哭)…去食鼎泰豐撞到老夫人XXD…好啦俾你請我食飯啦~猛行超級市場~補下日用品..再去楊枝金撈食貓山王糖水~…7月19日…中午去左食萬豪lounge個叻沙~又買emdewbleu個凍長黑..有人話掛左一星期喎~…探豬..豬今日俾足面我同拉姨~夜晚痴痴貢後就回家了;(…凌晨掛8號..好似話日間可能再掛更高..希望受颱風影響地區都平安大吉(雙手合十)….7月20日..凌晨4點掛8號...訓到8點幾醒左見香港掛左9號我地10點掛9號...12點半再掛10號風球!!驚...因為12點起身哥時真係好響D風....好彩5點掛番8號喇!平平安安~中午同媽媽食煙三文魚brie cheese酸種包同蒜蓉包~夜晚食辛辣麵~.....7月21日...噚日休息左一日~今日番工~但唔算多野做~唔通因為猛落雨?...7月22日...華華華~今日番工番到好攰呀~~好事黎架~~要又攰又有錢賺XXXXD....7月23日...我今日中午放工飛奔番屋企時...做乜有個人同我並排跑到我咁埋~咦~原來係毛寶子XXXXXXD好開心~...7月24日...今日以為佢好天..夜晚放工佢又灑幾滴雨~....7月25日..都算多野做喎今日~..放工去左食雅憩~…同埋今日終於都買左大旅行既機票喇!!!我地落少少講~….7月26日..中午食文哥..又去葡京人飲買一送一咖啡…探豬…夜晚食鼎泰豐~



2023/12/17
Day 8(日本,東京 Japan,Tokyo)
華~今日好好天呀~不過同噚日唔同...今日除左好天...有少少凍~搭車去食飯~