紐西蘭南島自駕遊之旅2024-04-29第十天(晴天)

3月15日...中午買老麥去黑沙grounding..夜晚叫燉湯外賣~...3月16日...今日少可地多野做~~....3月17日...好~頭~痛~呀~今~日~呆左成日~....3月18日...起身仲係有D頭痛...又呆左成日...3月19日..今日少野做到係...我打哂喊露連電話都唔想睇XXXXD...3月20日...華華華!!!收工約左公子去好想食~~食得好開心~~~....3月21日...中午臭毛寶放工去試星皓新開既泰國餐廳...但就少少貴同一般般啦....去行山~去Grounding~夜晚痴痴貢~....3月22日..中午食MGM甜點~去媽閣嘆啡~去行山~去grounding(但係我無XXD)..食爀樂~老夫人去左旅行~….3月23日..噚晚完全不能入睡...去到5點先係咁意訓到一陣...偏偏今日好多客~.....3月24日...噚晚好眼訓~早早訓~終於訓得好了~今日精神爽利起身~8點未夠就跑到番公司~....3月25日...今日係公司嬲到火屎咁!!唔發火真係當人病貓!!!!!!....3月26日....成個人呆呆滯滯咁番工..仲做錯野XXXD...俾同事打落黎話我知我心諗..係喎點解我會錯既XXXXD....中午食左個勁野包~~(辣魚豬扒蛋包)...3月27日...放工去左食饗和民..然後去左睇末日聖母號~~….3月28日…中午同左毛寶爸媽去淳飲茶..好耐無去呢間...覺得佢多左好多點心~~同埋D點心好好味!!!老夫人去左旅行嘛~下次再同佢去飲...去飲啡~去行山~去grounding~去Donki~夜晚試左bombay palace~(第一次食全餐印度野~)



2024/04/29
Day 10(紐西蘭,但尼丁 New Zealand,Dunedin->Lake Tekapo)
早~食早餐既餐廳黑媽媽咁XXXXD

我地加左152hkd雙人早餐~(都幾抵XXXD...一定要加XXXXD好過出去自己搵黎食~)....每人可以叫一份呢個餐牌入面既早餐同埋一杯咖啡茶~






反正我俾左錢我梗係揀最貴哥個XXXXXD...我揀左Fable Big Breakfast~我見佢寫單點係NZD$38=178.6hkd....(但雙人早餐先152hkd~~)...都幾豐富既~




毛寶叫左Avocado seed bread~以為佢真係包...但原來下面全部都係葵瓜子咁既物體XXXXD我話食完會變鸚鵡XXXXD




食飽就check out出發~今日勁好天~9點就出門口~




好~出發去番噚日未去既Tunnel Beach~記得記得~停車場收下午5點~早D出發喇~




其實佢就係"之"字型咁猛落斜XXXXD








一邊落已經一路見到景點架喇~~








個景就遠睇靚既...同埋有個牌寫住話Please stay on the track...但都係有人唔理踩上舊石度.....(查實無諗過舊石會塌既咩...)






隔離仲有條石樓梯落去~






下面睇個灘都好靚~~本身想再落去睇...但覺得對鞋應付唔到D大舊石~都係唔落喇~....來回路程加影相1小時10分鐘....落容易...回程就猛上斜~不過都係靚路~




10點半左右就離開~因為我地要揸3小時37分鐘去今晚酒店哥區~...揸左個幾鐘司機大哥停低休息下~係個休息站買少少野飲野食~毛寶就話想飲果汁...我就話：好想食肉XXXXD...所以我買左條肉乾XXXXD




係途中...我地經過一個叫Omaru既地方~...毛寶就話...不如係呢度停一陣睇下有無餐廳啦~.....然後就隨意搵到呢間餐廳喇~間餐廳叫Del．Mar




雖然呢間餐廳係臨時搵到...唔係特登咁去...但係呢間餐廳一直記左係我心入面XXXXD....我好鐘呢間餐廳既裝修...透左好多日光修餐廳....好多植物...好舒服~~






我地揀左坐全排向海位~~






毛寶叫左Aroha Sparkling-Elderflower...NZD$6.5=30.6hkd~




我就叫左個茶...NZD$6=28.2hkd...我真係咳到驚呀XXXD唔係我點會叫茶XXXD




Crispy Squid...NZD$30=141hkd...估唔到佢個汁咁水水...但幾好食...Squid新鮮...汁辣辣地開胃~




Salmon...NZD$45=211.5hkd...煎得非常之好!!皮香脆肉嫩!!






臨走時發現...原來Omaru呢個地方係會見到全世界最小企鵝 Little Blue Penguin~~~不過佢地應該日落毛番黎~食家係D石上面淨係見到Seal~~XXXD隻隻都訓到豬子咁XXXD










揸多兩個鐘車左右就黎到今晚住宿既區Lake Tekapo~我地酒店同main street有一小段距離~不過有車都ok既~反而覺得靜靜地都幾好~




呢兩晚既住宿叫Galaxy Boutique Hotel....Hotels.com預訂兩晚總價4,529.6hkd...每晚2,264.8hkd....包早餐...唔算平...但係....間房望住Lake Tekapo喎~~~~~靚~~~








床上面仲有電動天窗俾你睇星~~~






廁所~個浴缸仲對住Lake Tekapo~






安頓好就揸車去main street食晚飯~我地睇地圖見有間日本餐去八下~(亞洲胃又發作~)....叫Kohan Restaurant...點知係爆勁多人食XXXXXXD我地無訂位~無位~所以我地決定買外賣番酒店食~得一版餐牌~






等外賣時去佢隔離手信店睇睇~買左一兩個磁石....然後發現......好野!!!係Maruka蜜糖做既產品!!




大家都知澳洲同紐西蘭D蜂蜜都係好出名架啦~但係之前去澳洲買一罐罐蜜糖番去做手信真係好重~同埋...唔係成日食/沖蜜糖XXXXD買黎都係得個擺字....呢隻牌子蜜糖係Maruka蜜糖...有藥用成份既蜜糖...佢除左有一罐罐蜜糖...仲有一包包喉糖!!!!(而且我番澳門食過寶係覺得得!有幾次覺得喉嚨就黎要變喉嚨變時食兩粒...成個喉嚨平靜哂...覺得佢得到想係澳門再買...但係澳門D紐西蘭產品專門店無呢隻牌子賣；[ )...25drops就NZD$21.9=102.9hkd...每粒4.1hkd左右....50drops就NZD$40.9=192.2hkd...每粒3.8左右(平少少咁多多)...唔一定呢度先有得買~之後去其他賣手信既地方都有~




除左喉糖之外...佢仲有噴霧!!直噴喉嚨!!舒服哂~一支NZD$33.9=159.3hkd~




買完一堆野番去就有外賣攞~我地攞番酒店食~痴左線...勁豐富~~唔記得就算日本野但係係外國份量XXXXD...個壽司勁大舊一個XXXXD...叫左個Kohan Bento..NZD$41=192.7hkd...又刺身又蛋又炸豬扒炸蝦炸魚又有舊橙...都幾豐富既XXXD好重料....Avo Salmon Roll...NZD$22=103.4hkd....Stir-fried Vege...NZD$16=75.2hkd....Miso Soup...NZD$5=23.5hkd...個人認為...我同毛寶身為7公子個胃黎講...其實兩人一個便當一個菜兩個湯...或者便當換成一份壽司share黎食都已經好夠XXXXXD...又便當又壽司太多飯XXXXD雖然我非常喜歡炭水~




食飽飯黎Lake Tekapo既重頭項目就係去牧羊人教堂(Church of the Good Shepherd)影星!!(成件事好遊客XXXD但我係丫嘛XXXD).....但發現爆難影!!我地黎既時候係夜晚8點...教堂範圍就關左無得入架喇....只可外圍影....超爆勁人多(勁多旅行團)...好難先搵到個位放部機影教堂+星....雖然周圍好黑...教堂後都算多星...但係!!不停有人揸車入...係你相機長曝時車頭燈就猛入鏡...係不停有人黎...影極都唔靚....唉~






我見毛寶好失望...佢提議話..可唔可以晏D再過黎影~我梗係話好啦~於是我地番酒店休息沖涼先XXXXXD...我想講外面夜晚爆勁凍XXXXXXD...我猛流鼻水~



於是我地番酒店沖完涼施施然再揸車去Church of the Good Shepherd.....華!!終於都得小貓3..4隻~...亦都無哂車猛入喇~....但又發現.........嗚嗚嗚....由於月亮已經上升到高位...個天俾月亮照光左好多....而教堂後面條星河都移左位；[.....影星呢家野都係輸左經驗...都真係好多野要兼顧...要就無人...要就月亮...要就星星軌跡XXXXD




真係8點哥時多星D...依家月亮太光了~就算話8點時睇多星D....其實講既多.....真係唔夠澳洲塔斯曼尼亞睇既咁多...真係多到你密集恐懼症XXXXXD雖然哥時唔識用相機影...但係真係深刻印入我腦內(第二多星既夜空應該係埃及join沙漠自駕小四驅電單車團回程睇既星空).....






用相機影反而無呢兩張用iPhone影既咁靚咁多星喎XXXXXD...條星河移左位~唔係教堂哥邊~唯有我地就條星河影張何照啦~iPhone都影得唔錯XXXXXD....雖然呢個並唔係睇過最靚既星空.....但我珍惜每一條同你一齊睇既milky way~(張合照用黎做whatsapp profile pic到依家XXXD)





教堂對開既雪山~又有幻想過黎呢度會見到極光XXXXD但...呢晚雖然天清...但乜事都無發生過XXXXXD(因為前幾日有新聞出話呢度見到)....無記錯呢晚我地影到兩點幾先番酒店XXXXD流哂鼻涕




今日毛寶仲有影其他~













2026/03/28的開心事：
覺得今日飲茶d點心好好味~~



報時：距離與老夫人曼谷慶生之旅仲有---5日~
報時：距離北意Dolomites行山自駕遊之旅仲有---77日~
就快出發喇~~~好耐無試過同老夫人兩人旅行~~
緊張~~