與三老小孩佐賀自駕遊之旅2024-10-21第三天(晴天)

9月20日...中午食百福冰室..味道一言難盡..唔講味道價錢都對唔住個份量...屬於一次都唔好試級別......去方所飲啡...夜晚痴痴貢.....9月21日...今朝番工有個女仕係我面前成隻恐龍兔跌落地…我猛叫usagi!!!!!!畫面搞笑XXD…..好彩兔兔揾番佢主人~…9月22日...喂...好忙呀屋企好多野做XXXD又要顧埋自己食野XXXD....9月23日...今日有人請食野~我叫左芝士吞拿魚多士~順便做中午飯~多謝同事~妖!夜晚係屋企執行李攞包紙巾俾另一個膠盒割傷自己手掌!!!流血呀!!自己一個係屋企做左一輪戲!!又扮喊又話唔做運動(什麼劇情XXXXXD)....9月24日...起身之後差啲唔記得check in搶位XXD..好彩有較鬧鐘~夜晚又執少少野入篋…9月25日..中秋節~都係要番工既~夜晚一個人求其食啲野..衝番屋企執野洗衫…聽日勁早到香港機場~...9月26-30日...福岡爽爽中~感恩所有野都順順利行~毛寶又買得開開心心~....10月1日...晨早又俾樓上隻狗嘈醒...中午去左食上河內...好似好食左....諗住去間新cafe..搵極都搵唔到...求其飲左日小子~探豬~夜晚番屋企食白烚餐....10月2日..唉...好好地一個假期日我又俾樓上隻狗嘈醒...好彩我個人從不內耗~不過加上頭痛就真係..........中午陪毛寶去檢查架車~等既期間去左食小泉居..MOMO飲咖啡..周圍行黎行去....等左6個鐘...XXXXXDDDDDDDDDDD....然後去大名鼎鼎既2號92折!!點知太遲去無哂我地食開既希臘乳酪...嗚嗚嗚....衝去睇生化危機(英皇個薯條都幾好食XXD)...都幾緊張...緊張到我頭痛XXXD...唔知點解英皇D冷氣成日都要咁凍...即衝落去烏冬村食個熱辣辣既湯烏冬解凍~...10月3日..今日訓左10個鐘~爽~中午食IES..去左文化中心睇一陣展覽..夜晚食456~



2024/10/21
Day3(日本,佐賀 Japan,Saga)
早~晨~~華~今日天氣好好~~

今日都係噚晚買定早餐係房食~我同毛實share一個杯麵同飯團~




食飽又出發~~酒店已check out~今日換酒店~真係好好天~




今日第一個景點御船山楽園...mapcode：104 347 399*00...唔記得入場費幾多XXXD...酒店過黎50分鐘左右~




又係D好出名睇四季唔同景晚既公園啦...我上網睇過春夏天真係好靚既(因為有櫻花同紅葉)....但依家就真係就係咁樣綠悠悠囉無乜特別XXXXXXD...雖然依家已經秋天但同紅葉季我估仲有成個月~所以都無乜人~










唯一收穫...遇到一隻勁嗲既貓~~~~無論我點行開~佢都會跑番黎嗲我隻腳~~~唔得架...我唔識越洋帶你番屋企架；[...條尾好似king julianXXXXD~








呢張勁碰瓷黨XXXXXXXXD




呢個位係最出名架...如果春秋天左右波波球會唔同顏色~~






下一站係佐加平川屋...mapcode：104 407 122*38....御船山過黎6分鐘左右...呢間係武雄溫泉本店.....係一間豆制品既老店~但我估佢搵設計師翻新過....外觀新潮(簡稱我覺得好靚)....店外仲有足湯~










內部樓底好高好舒服~佢除左豆制品賣之外~仲係一間cafe~仲有豆腐雪糕食~~除左咖啡甜品之外仲有溫泉湯豆腐set食!!








之前都有諗過佢開10點...我地酒店又無早餐既...不如10點我地就黎食溫泉湯豆腐做早餐啦~再去御船山.....但又怕同午餐時間太近....令到D團友又食唔落~最後放棄~...我同毛寶叫左個豆腐雪糕..490円=25.5hkd.....另一個係加左士多啤梨醬既豆腐雪糕...550円=28.6hkd.....豆腐味好濃..豆味好香~我同毛寶都認為其實食原味就ok了XXXD士多啤梨醬係有啲多餘既~




食完雪糕又走lu~




跟住就食午餐喇XXXXD....揀左竹崎海產....mapcode：325 725 294*71.....由佐加平川屋過黎要20分鐘~...呢頭有好多呢D近海邊既海鮮燒烤餐廳~咁我揀左呢間~...因為佢無網上訂位...只可打去........我之前就down左個app叫auto reserve俾左成4,000円=200hkd代訂費(好貴XXXXXXD)...即係佢幫你打個電話去預約...如果得我同毛寶我就會walk in架喇...但同3個老小孩就廢事要等位食飯因為我地人多....算啦...200hkd就200hkd啦~開頭都諗佢會唔會呃我XXXXD...去到又真係攞到位喎XXXXXD....不過目測還好~唔算太多人~




一入去就一大個海鮮池揀海鮮!睇見D手指指黎指去我就興奮!






佐賀好出名既竹崎蟹~~~~一定要整番兩隻嘆嘆...都幾大隻...我地叫左兩隻大既...每隻4,400円=228.8hkd~




呢D係咪花竹蝦?...580円=30.2hkd一隻..好貴...但都每人一隻食食!




仲有其他非海鮮既肉類可以叫黎燒~仲有大棉花糖燒~






就坐~




坐低有燒海鮮教學同其他野食既餐牌~咦...有中文XXXXD即係好多遊客會來~






我地叫左呢堆海鮮~頭先叫既時候以為好多但依家望落又唔係好多~




原來你除左係司機...仲係海鮮燒烤檔老闆~年紀輕輕...好本事呀你!






驚唔夠飽...叫左燒飯團...喂...好難食呀.....




佢應該以為我地叫蝦係刺身咁食...但我地係燒既XXXD






前兩日咪無啦啦番風又勁凍既無啦啦黎到呢度就爆熱...明明毛寶上一張相仲係著緊衛衣既....燒燒下已經變短袖XXXXD(排除係對住個爐既熱...係天氣真係熱XXXXD)




華!救命!!燒蠔真係好正呀!!正到我地本身叫左一份即要再追加一份!!佢一份係1,100円=57.2hkd...分大小蠔...如果大D既蠔就隻數少啲~細隻就隻數多啲...我地要大蠔...每份都有8隻~~燒完都仲係幾大隻下~




鮑魚都又大又彈牙~燒完都係貢大隻!






然後兩隻大蟹佢可以燒可以蒸...我地揀左蒸(燒真係驚自己燒得唔好)....攞上手真係好大隻!!!而且肉質好彈彈~~好新鮮~~所以話D海鮮新鮮真係蒸既已經好好味~~










海鮮餐真係好正斗!!!食飽飽又去行景點~~揸左1分鐘就黎到大魚神社~mapcode：325 696 221*16....




係海上鳥居...不過我地黎到時岩岩好潮退XXXXD無哂水就可以落去行下XXXD但條路係有D難落既~








好輕鬆架我地行程...依家已經出發去酒店XXXXXD




沿海公路望到個海插住好多一支支係養緊咩呢?蠔?




揸左15分鐘車就黎到今晚住宿太良嶽溫泉 蟹御殿~今晚住溫泉旅館~












佢請我地係度坐低做check in~華~終於有一次住溫泉旅館向湖向海係好天喇~~坐低就有welcome drink同布甸~我地今晚晚餐係訂左竹崎蟹同佐賀牛既set....咁佢同我地講話今日竹崎蟹有幾隻大既要唔要加每人1000円=52hkd試下隻大既?...咁...加囉~










揀埋浴衣就入房~




咁今次呢我同毛寶同老夫人就一間房~3人同房就148,055円=7,698.9hkd....每人一泊二食就係2,566.3hkd~.....毛寶爸媽就兩人一房(同一房型)...101,200円=5,262.4hkd...每人係2,631.2hkd....通常多人住同一房平多D喎...呢間多人住算平得少XXXXD...咁兩人住著數D~~有兩張床~另一人就係榻榻米哥邊鋪床(日式床鋪)














房入面有私人半露天風呂~但佢勁怪...見佢有窗簾...出去浸時望下咩料....喂頂!...樓下就係公眾平台有哂梳化係度XXXXXD...唔怪得要窗簾XXXXXD而且水溫都唔係好熱....麻麻享受








勁姑寒XXXXXD無茶點係房...得咖啡茶






浸完溫泉就俾D儀式感去食晚餐~大家著左好似阿笨與阿占~






到左預訂既時間去到溫泉旅館餐廳~~






一坐低叫左野飲先上呢個~




然後有隻花竹蝦....仲用水養住佢攞過黎...問我地想食刺身定炸...我地5個一致：刺身!!!...然後佢就即席係我地面前剝殼喇~~






好鮮甜呀~~個頭仲會炸番俾我地食~~~






然後佢就攞個大碗過黎...開頭望做乜咁大個碗淨係得少少刺身...




原來仲有榮螺刺身~我又叫左梅酒飲~




原來個大碗可以攞落黎有好多碟~~樣樣都唔錯~最好食係海茸粕漬~~~~未食過第一次食~












萬眾期待!!加錢加大隻D既竹崎蟹!!!係幾大隻既~仲有佢桌邊幫好剝好隻蟹等我地食得舒服D~但係.....佢竟然無中午哥隻肉質咁彈牙咁鮮.......失望~








茶碗蒸同魚介野菜天婦羅~估唔到天婦羅幾正~






佐賀和牛溶岩燒~~都OK既...但牛味又唔算話好出色...食到呢度已經飽到頂到上喉嚨XXXXXD








仲有個蟹釜飯XXXXXXD已經飽到入心XXXD...食唔哂佢仲造成飯團俾我地攞番酒店房慢慢食~






好喇~終於完成成個餐喇~甜品~個焦糖杏仁雪糕幾好味~









2026/10/03的開心事：
訓左10個鐘~



報時：距離馬爾他慢遊猛食紅蝦之旅仲有---32日~~
報時：距離曼谷飲啡按摩猛食野之旅仲有---70日~