紐西蘭南島自駕遊之旅2024-04-26第七天(晴天寒冷)

2月1日..中午食左喜公館..因為有啲掛住佢個午夜牛扒包..但..難食左好多..番屋企午睡時個胃勁痛..之後賴左兩次屎…夜晚叫燉湯….2月2日..星期一~但我今個月唔使追數~....2月3日...噚晚臨訓開始頭痛...到起身爆勁頭痛...呆下呆下咁過一日.....2月4日...今日都過得幾好..不過夜晚收到一個突然既消息…2月5日...今日番晏竟然見到仲有一絲夕陽光~日照時間開始變長呢~心感欣慰~....2月6日...舊年12月因為去左南極...而令哭福延期到今日先搞~~係灃收搞~又笑到肚痛XXXXD...2月7日..中午食仨勝~又去行山~探豬~..毛寶唔得閒理我...老夫人都約左fd...我自己一個行街行左兩個鐘(真係齋行XXD)...行到攰自己行左去新故里食懷石料理XXXD....2月8日...訓到成11點半~舒服~中午食左茶杯~然後去熊貓館入面個園區行下~夜晚食凱旋軒~....2月9日...算係小野做既星期一~...2月10日...今日無乜特別~番工都算順利~....2月11日...又收到唔好既消息...希望唔好既時候快啲過去.....2月12日..無特別的上班日….2月13日..聽日我地都有野做..提早食情人節餐..食左雅憇~…2月14日..中午仲可以同你食到good~..之後我地各自有野做..我就過左香港….2月15日...9點幾就出左去...辦完大事食埋飯就去左探豬子~夜晚去左勵皇軒同姑媽食團年飯~...呢個周末少少攰~



2024/04/26
Day 7(紐西蘭,皇后鎮 New Zealand,Queenstown)
早呢~今朝早餐都係噚日間靚景餐廳~~~我地仲坐到窗口位~~開心~~

早餐可以係餐牌揀~






我揀左野食又行出露台影相~可惜今日對面座山有D雲遮住山頂~影埋酒店下面地盤你睇咯XXXXD都話唔可以行出去睇個景架啦XXXXD






我叫左salmon bagel~叫左安全牌既野~




毛寶叫左smashed avocado~又唔係唔好食~不過我唔鍾意D包咁多野咬~






食飽番房去下廁所攞野出門口...突然發現原來間房有智能控制~~~然後我地兩個猛叫：Alexa~play music~XXXXXD...好無聊XXXXD




出發~皇后鎮最出名係咩?梗係極限活動啦~但我地係無打算玩既XXXXD....黎運吉XXXD...咁周圍行下啦~毛寶搵左條同酒店好近既步道行下~




酒店無山上面~噚晚黎哥時都差唔多天黑~今日有日光望番落去條路~原來幾靚~






揸車去緊步道條路都好靚~






條步道叫Bobs cove track~我都唔記得行左左邊定右邊XXXD...條步道都應該幾多人行下~停車場得番一個停車位~









我地都係行下影下~條步道無乜主要景要影既~主打一個行得舒服~






然後行過呢度~見到有當地人係度釣魚~同帶埋兩隻狗狗散步~~個畫面....好靚~




然後隻狗狗發現我地係度走過黎八卦仔XXXXD










然後我地就回程啦~回程路上見湖邊靚又泊車落車影下~






到左我地係皇后鎮唯一安排既景點XXXD...個景點要猛上山XXXD






呢頭好難搵位~泊到遠一遠~泊4個鐘...NZD$12.5=59hkd.....以外國價黎好似又算正常~






泊好車就行去景點囉~(好斜~)




邊個估到我地唯一行程係要坐skyline!我地自己都估唔到XXXXD坐纜車上高點望番皇后鎮~




本身諗住淨係坐下纜車睇下全景皇后鎮...點知原來上面有個luge喎~我好似好耐之前係瑞士玩過咋~咁呀~試下囉~我地揀左Gondola ride & 3 luge rides...NZD$81=382.3hkd(每人)






攞左張地圖...感覺唔係好大~




好彩唔使排好耐~




講左幾多次呀...搭纜車最好係最咩呀?種花呀~(PIKMIN~)....由於有其他人同車就無合照之類啦~










上到黎發現....個平台都幾細架喎...以起得個纜車黎講設備算勁細....紀念品店勁細...餐廳唔算多野食....唔玩luge無咩好做~華~~~以前纜車係咁樣~




個景係幾開揚幾靚既~










咁我地個package係有3次luge架嘛~去玩左先~華~要坐9流流吊車~~~~今日天氣幾好...我地打破坐唔成9流流吊車魔咒?....我記得第一次坐哥時跳落地膝頭痛左一下XXXXXXD






呢個景玩luge有犯規~~~如果係第一次玩佢就會教左你點控制架車~都幾好玩既~我見好多小朋友都玩~同埋佢地D速度超快~成日超過我XXXXD沿途有小朋友伸手同我hi five...由於本人勁笨怕一鬆手就炒車所以我只可以回：sorry~I can't do it XXXD...可能D孩子覺得我好蠢XXXXD...






玩完哥3次luge就去餐廳食野...佢有間貴啲有間平D(自助攞野食俾錢哥種)...咁我地揀左求其食~(因為見到有壽司XXXD)...求其食個景都靚架~不過無哂窗邊位~






買左個湯(無記低幾錢)買左盒壽司(NZD$15.5=72.9hkd)~就咁share黎食~唔係幾肚餓~不過有飯點豉油食已經覺得好正~




決定影多張合照就走啦~無咩好逗留XXXD






臨走經過紀念品店望下....D野實在太流XXXXXD完全勾唔起一絲購買慾望XXXXD做乜唔整靚D令D遊客使多一筆錢XXXD?(定佢已經覺得D野好靚XXXXD)




臨上gondola又會見到靚D哥間餐廳(好似佢有package包自助餐...唔知係咪呢間)...個景真係好靚~




回程成架車得我地兩個~






落番黎係纜車站行過少少...見到有kiwi park...見仲早又無無聊就去睇下~(仲埋我仲未成功見到kiwi~)...兩人NZD$112=526.4hkd...華~都唔平架喎~






之所以話貴因為睇地圖就知好細~






同埋係睇D雀多~入左kiwi館唔俾影相~勁黑~D kiwi應該勁細膽~完全無出過黎XXXXD園區D樹幾靚~






咁佢每日有幾場kiwi show咁..就係呢個館入面...又係黑munk munk~但係佢就有好幾隻kiwi係個細D既地方俾你睇囉~~佢有工作人員講解既~咁就終須見到kiwi~佢地好可愛~個屁股扭黎扭去係咁跑~成隻豬子咁~好得意~~~好啦~200hkd一個人值喇~睇完行番去kiwi館再睇多次...又突然見到了~~~可能頭先對眼未習9咁黑XXXXXD




行去攞車見到有ice bar~(後悔無去箭鎮~..因為睇相秋天應該好靚~)




又揸車去番市中心定商店街哥度~搵野食先~喂~好凍呀~點解Queenstown哥隻凍係入心哥隻凍XXXXD








望左餐牌之後決定揀呢間~當時未夠6點...行入去已經極度人頭湧湧....然後佢問我地有無訂位..我地話無...佢就答左我地一堆野...兩個發緊夢既人聽完....我地其中一個話：8點先有位咁我地唔食喇~...另一個話：佢唔係話要8點前交枱咩?.........拿拿拿...我地兩個就係咁架喇XXXXXD成日發夢...D野係要兩個人一齊聽架~....然後侍應知道我地對話回：sorry about my English~......然後3個一齊笑......我同毛寶覺得紐西蘭人好nice其中一個原因...就係明明係我地兩個英文差...但係佢仲俾落台階我地XXXXXXD~




順利入座~兩小時交枱~








成日都要研究好耐餐牌XXXD英文都還好D...外語又無英文就有排查~




毛寶叫左mocktail~summer cup...NZD$14=65.8hkd...我叫左sangria...NZD$20=94hkd~




New Zealand Green-Lipped Mussels...NZD$31.9=149.9hkd...前菜黎講都幾多...青口係大大哥種(可能我鐘意食法國細細哥種XXD)...青口食得出係新鮮~但係個white wine sauce略嫌creamy左D~...餐牌見有bluff oyster...但我略嫌貴左D無叫~








New Zealand Crayfish...Whole...NZD$31.9/100g....我地哥隻係NZD$191.4=899.6hkd~我就覺得個價錢...可以接受~




因為真係幾大隻~咁每人半隻其實都好夠~肉彈彈~通常西式整龍蝦我成日覺得牛油煎太濃味/太熟...但佢呢隻又無呢D問題~新鮮彈牙好食~




New Zealand Lamb Rack..NZD$53.8=252.9hkd(300g)...佢餐牌寫Winner of NZ Beef and Lamb Awards since 2009)....然後叫野食時佢其實無問得幾成熟架XXXD




但係我只能夠講...係完美~..佢係咪對自己有信心到唔使問你喜好係乜XXXD....我同毛寶都勁享受~生熟剛好羊味濃~(唔太羶)




我地好乖有叫steamed vegetables~NZD$14.9=70hkd




呢餐食左NZD$331=1,555.7hkd...每人777.9hkd...我覺得唔平...但係佢既野食對得住個價錢~起碼過左成年...我都仲記得佢個羊勁好食~




今日去睇kiwi都有收獲~~收獲動物園皮皮~今次好大方送左3隻唔同色~












毛寶D靚靚~





















2026/02/15的開心事：
終於可以搞掂哂D野過新年喇~
祝各位馬年行大運!
新年快樂!身體健康!
心想事成!閤家平安!



報時：距離與老夫人曼谷慶生之旅仲有---46日~
我仲未租酒店XXXXD