小t: 七公子食揼買曼谷之旅2024-06-08第一天(天晴)

5月24日....中午試左Single Origin..開係舊Lofi哥個位..佢d意粉又幾好味...不過主食款式少左d....同埋意粉好細食唔飽....周圍行黎行去...又試左新既singria雪糕....去探豬子...夜晚痴痴貢~...5月25日.....中午去食good...然後為下周小旅行做準備XXXD...因為下周末同毛寶家人去江門小旅行...而我倆...有成7-8年都未去過大陸XXXXXD唔好講過青茂關...真係望都未望過...為免到時唔知個停車場係邊所以今日去左實習下路線先~都要等一陣先有位....泊好車就不如過埋關試下我個電子支付用唔用到XXXXD....去左青茂關口連住既商場買左杯茶理宜世黃皮檸檬冰茶...又幾好飲喎XXXXXD.....同埋用到個澳門電子支付喇~我地真係好叻叻~~~夜晚痴痴貢~~好野~~老夫人番黎喇~~....5月26日...放左3日假好多野做..今日勁熱!!!….5月27日..今日又勁爆頭痛；[....5月28日...噚晚訓極都訓唔著...3點幾先訓到...六點幾又醒左....幾晚都訓唔好...5月29日...放工去左北方館~好味~.....5月30-31日...同毛寶子一家去開平江門玩左兩日~多謝毛寶子請我去玩~...6月1日...今日去左另一個工作崗位做野...好舒服~...6月2日...無啦啦又番半日原先崗位…夜晚有人同我講啲好似好益我既說話實際揾我笨既野…..6月3日...今日唔算多野做又唔算無野做~毛寶中午上來我家買中午飯我吃~....6月4日...叫籌運黑黑地…6月5日…放工老夫人同我地提早做節~去左食爀樂…食完落地下層不理性消費買左個有集塵箱既吸塵機..因為見佢送埋洗地吸頭又減價咁…算啦見我屋企吸塵機舊電就黎宣布唔得….6月6日...中午諗住去旅行要食好多西餐前食一食文哥先~再去咖啡灣飲啡食Mochi..試左佢一隻神秘口味雪糕係豉油撈飯味..好搞笑~探豬姐~夜晚去漁頭佳爵食生日飯~

2024/06/08
Day 1(澳門 Macau->泰國,曼谷 Thailand, Bangkok)
華華華!!!!!久違既七公子之旅出發喇~~~~~~~事實上有兩人唔得閒XXXXXXD依家要湊齊人出發真係好難~今次揀左去曼谷呀~~~~~開頭提議曼谷我以為會有人反對~點知去既都話好~好喇~出發~~~~~~~~型唔型!!帥唔帥!!!!今次去既有我啦毛寶啦桃公子貞公子朗公子~~~~~~~~真係好掃興...我又去旅行生暗瘡係人中喇..............................

今次雖然有兩個公子去唔到但毛寶都準備左兩粒小公子一齊出發隨時加圖XXXXD有無人見到佢地XXXD

哥日超早機...我地各自Check in後...係lounge會合....依然好難食~~~~

起飛前落雨~~我地搭澳門航空NX996..係07:40由澳門直飛曼谷BKK...一上機...本身劃左位我同毛寶同朗公子一齊坐....點知我地前面排櫈係正常情況下仍然向後傾....叫空姐幫我地換個位~~我地5個人有4個人要調位....

點知換左位之後.....有個位都仍然係壞既........張枱鞏樣....點食飛機餐....個位都已經壞得咁明顯...仲叫個客坐落去...............服左你呀澳航!

起飛~

好難食既飛機餐~

兩個幾三個鐘左右就到喇~~~~大約09:35就到喇~

一落機急急腳行~~驚人多過關~~~

上次黎排左差唔多成個鐘....今次....5分鐘過左關........R哂頭...明明今日係公眾假期反而少人D既...上次閒日反而多人....

望下匯率先....兌港幣4.18...好似唔算高~出市區先算喇....上網睇成日都會查旅客有無帶20,000等值泰銖入境....唔夠會被拒入境.....自己無遇過...帶夠穩陣D~

攞左行李出禁區又去4號出口搵KKday牌搵自己名報到等上車~

今次有5個人5件行李~訂左架大D既車出市區~~夠唔夠氣勢~~單程228hkd~坐得舒服~~

竟然無乜塞車...11點度就去到酒店~今次揀左住Oakwood Suites Bangkok~又係Phrom Phong站~就係我同毛寶上次黎住哥間既後少少~...不過依家太早~未有房住~要3點先有~

咁出去食野先啦~好曬呀喂~~

經過上次住哥間酒店對開間兌換店望下匯率.....華!!雖然曬到反哂光....但兌港幣係4.58!!!好高~~~(記得嘛頭先機場係4.18)...我都有換少少~....當時碌卡匯率都唔錯~兌港幣都有4.5.....4.5thb=1hkd~

又去左Phrom Phong站間豬手飯~~~~

豐富~~~影番張帥氣合照先~~~雞飯...50thb=11.1hkd....好平...(但雞唔算好出色)

今次人多叫埋碎雞試下...120thb=26.7hkd....一般~主要覺得雞肉唔夠嫩~

我既至愛豬手飯~...70thb=15.5hkd~

毛寶帶我地行過黎飲咖啡~~叫Aroon~應該係豬手飯行過兩條街~好熱呀快D入去~~

叫左Iced Orange Espresso...145thb=32.2hkd...即係橙汁啡~我第一次試橙啡咋~好好飲~唔知呢隻飲法係咪泰國人飲先?之前成日睇片話去泰國Starbucks既隱藏飲法係攞支橙汁攞單再去叫杯Espresso~原來真係咁解渴咁好飲~(不過依家澳門好多間都有呢個飲法~)

無啦啦有隻喵既XXXXXD唔知係咪cafe養既呢有頸圈~~

華!我話俾豬子知!!!你摸其他貓!!你衰喇~~

然後係cafe行過去當時新開既商場Emsphere~

最開心係Emsphere有Win開既Souri~~~係賣馬卡龍同其他甜品既~之後唔使特登去搵佢D pop up shop食喇~(事實上依家好多間新開既商場都有Souri既足跡~)

梗係要幫襯下啦~

一生推Hokkaido Milk~藍色外皮同星星粒...美侖美奐~同埋佢個皮真係做得好好味~第二愛係Tiramisu~佢最近出左好多新味!!有D好得意既口味~包括杜拜朱古力口味...連糖絲捲等等!...不過最近哥次去同老夫人去...佢話好飽唔食...我就只係買左一粒新味試下(新味都好好味~)....我覺得佢D Macaron無論質感..外型...味道...口味....完全唔輸原產地法國XXXXD

以前最愛既Bright...當時個造型真係頂唔緊....(好彩已不愛)

都幾好行~又衫又文具(呢度仲有間Ikea~有泰國限定商品)

呢間Frank Garcon勁啱睇!D野勁得意~~

竟然有Beams~但無野岩~

諗住行番落地下去試之前我同毛寶兩個人好想試但唔敢試既野~

經過超級當紅既Butterbear....痴線架我以為邊個明星黎左XXXD

我同毛寶上次想試呢個Pang Cha...呢個甜品有米芝蓮推薦...但我同毛寶上次係Paragon排緊隊既時候...見到佢攞出黎時...大個到得人驚...我地兩個一定無法完成!我地上次驚到排排下走左去XXXXD...所以今次搵埋公子黎收拾佢XXXD...但係佢堂食好怪...又唔係入位就坐叫野食...要自己去買...但又唔可以一D人排隊一D人去攞位....一定要排到埋去叫左野食有位先可以入座...所以都有可能買左野食都係無位要等XXXD...佢都幾多人排~

幾個公子都係叫Lemon Black Thai Tea..160thb=35.6hkd...都唔平架喎...不過喎岩我飲.. 佢又澀又甜...好難頂...朗公子叫左Thai Milk Tea with 3 kinds of Boba...價錢忘了影~朗公子覺得頭先豬手飯哥杯好飲D XXXXD

上次嚇到我同毛寶走既甜品黎喇~~Pang Cha Royal Thai Tea...380thb=84.4hkd....你睇下大個到~~你話我同毛寶兩個人係咪要走喇~...但味道我又覺得還好啦~未至於要去食第二次~

食左1,206thb=268hkd~

呢度都有Gourmet呢間超級市場...但真係細...無乜野買~

有房攞喇~~~番左酒房攞房先~上面頭先有提到我地今次係住Oakwood Suites Bangkok...3晚2,151.6hkd...每晚717.2hkd...每人每晚係358.6hkd~算係好平又光猛!!而且勁大!!!...距離Phrom Phong站3分鐘路程~(住完呢次我地往後黎都揀住呢間XXXXXD..地點好又舒服~...住過幾次..我覺得我差唔多試哂佢D房型XXXD...呢間係普通雙人房~)

抖一陣就再出發~搭BTS~

搭一個站黎到Asok站既Terminal 21~

今晚我地晚餐要試5樓既尚味泰Savoey...可以網上訂位!方便~...我地終於摵甩唔食建興XXXXD

門口有好多蟹蟹蟹蟹蟹蟹~

都好多餸叫~~

我地話要叫咖喱蟹~咁佢揀左3隻過後俾我地揀~我地揀左兩隻~佢係230thb=51hkd/100g....有兩隻都係大既1,840thb=408.9hkd(每隻)~大呀~

我叫左香茅水飲~80thb=17.8hkd~

冬蔭蝦湯...300thb=66.7hkd...無分大中細...一個size~...都幾多蝦同料~...Quick fried chayote with chilli...160thb=35.6hkd...個菜都正喎!覺得似台灣D龍鬚菜~

經典泰菜富貴魚...560thb=124.4hkd...評價唔到...我唔鐘意食呢味餸XXXXD(原來我都有野唔食架!!XXXD)

Stir-fried cabbage in fish sauce...160thb=35.6hkd...喂!炒得個菜好好味呀XXXXXD...兩個炒菜都正!

Pad Thai river prawns...190thb=42.2hkd.....網上D人好推呢個河蝦炒貴刁...但.....麻麻...隻蝦又好似唔係好新嘅鮮...炒貴刁又無乜味咁~

炸蝦餅...280thb=62.2hkd...好耐無食過好食既炸蝦餅~呢個如果人多黎我都一定會叫~

steamd squid in spicy lime sauce...380thb=84.4hkd...呢個酸酸辣辣咁幾正!!

stir fried mud crab in yellow curry sauce...230thb=51.1hkd/100g....呢兩隻一樣重各408.9hkd...咖喱蟹~但唔辣既~唔係你諗既泰式咖喱~個汁好適合撈飯~(所以即刻叫左幾個白飯XXXD)~蟹勁大肉好足~

蟹又正5公又正~

5個人食左6,898thb=1,532.9hkd...每人306.6hkd...好ok!

Terminal 21好似B1層有間細藥房~入去買下野~買左支鼻通~又係哥種兩邊頭...一邊通鼻一邊有油搽~雖然好多牌子都有...但我鐘意呢個中間有哈哈笑XXD

長年咳嗽時入睡好伙伴~入入貨先~我鐘意買呢隻裝..易收藏D~雖然另一包裝平D~XXXXD...40thb=8.9hkd

買下喉糖類~

番到酒店哥頭又去左Asia Herb Association..我地哥間係Sukhumvit 24 Phrom-Phong Shop....出發前係佢地ig inbox做左預約~

今次做90分鐘pure oil foot + head and shoulder massage...1,000thb=222.2hkd....填下喜好揀下按完之後飲咩茶先~

套衫真係好肉酸~...上年生日黎揀左4手...第一次試就好後悔了~因為兩個人一齊按...一個舒服一個hea...會令舒服哥part out哂fo....所以我今次正正經經揀一個人按算了~都還好啦~有訓著過一陣~但又唔算好好好舒服~

按完飲個茶~

按完個個都好靚~

好!走一轉7仔!!見到D旅行裝眼都花~

但按完摩又餓喇~~我對眼係凍櫃度!!

華!當時好Hitdor既Jay Fai辛辣麵~(但我覺得普通黑色辛辣麵好食D~)

人多可以買多D宵夜~正呀~~