2024/04/25
Day 6(紐西蘭 New Zealand,Haast->Lake Wanaka->皇后鎮 Queenstown)
一早起身諗住去酒店餐廳食早餐...點知勁大雨~~但酒店房行去餐廳係露天....咁我地之前為左遮住車D行李買左件雨褸~後尾車尾箱有back cover所以無用...變左佢又真係做番雨褸真正功能擋雨用XXXXD....行到餐廳...已經由勁大雨...變爆勁大雨~~同埋好大風~(其實噚晚訓緊哥時已經聽到勁大風大雨)
連我呢個牛角包精都唔食牛角包XXXXD
坐係度上網睇下天氣...Haast係橙色暴雨強風警報~(圖文不符XD)
點都好~都係要出發去下一站架喇~襯細雨少少...跑入房搬行李上車再出發~上左車之後又開始落大雨~
然後條路沿路上山...行行下...唔對路....前面落雨落到成條瀑布咁....前面架車都停左係度.......我地後面都排左一條車隊....
我諗停左5分鐘度.....突然!!!...前面架車評估左可以行??堅!!跟!!!...由於我地都行...後面條車隊都一齊過XXXD....好彩我排第二咋...排第一我地唔敢行!!有人跟好好多~
咁我地其實揸左大約1小時去到我地今日第一站Blue Pools...去緊停車場我上Blue Pools官網睇...條Track係有開既..但圖中睇Blue Pools哥條橋就封左....咁算喇XXXXD唔行喇XXXXD
再出發下一站~行多10幾分鐘.....下....由暴雨變晴天XXXXXD....仲要有埋彩虹XXXXXXD我覺得我地可以同前面架車可以結拜做兄弟XXXXXD好似一齊經歷左好多~之後我地入左個休息站抖陣買野飲...就同兄弟分道揚鑣了(誰是你兄弟XXXXD)
下一站係Lake Wanaka~以下一段路已經係見到Wanaka~~~呢段路好靚~個扶真係好大XXXXD...仲要揸成10幾分鐘先去到最出名既Wanaka景點XXXXD
由Blue Pools過黎大約52分鐘就會黎到Lake Wanaka~~唔知點解一入到呢區我覺得好心曠神怡~
由於最近Lake Wanaka個大停車場已經full...遠少少有個好細既停車場~唯有泊哥邊~一落車發現係個公園~覺得呢個公園好靚~好多人帶狗狗散步~畫面好靚~咁我地經過呢個公園先去到個湖棵樹位~我覺得行呢個公園段路我覺得好舒服~同埋D樹好童話故事feel~
哦~哦~哦~見到Lake Wanaka上面最出名既that Wanaka tree(好搞笑棵樹係地圖上面都係叫呢個名XXXD)....棵樹真係仲有葉架~~不過依家秋冬季落哂葉~
呢個湖勁大...但原來只係呢個國家既第四大湖...個湖大到會起白頭浪XXXXD.....同埋呢個景點爆勁多人~~好難影~~
同埋個人諗為最好日落黎影會好D...上網見人日落D相好靚~我地1點左右黎...勁背光~影幾張就走喇~
行番公園攞番架車~再泊去近餐廳哥邊食野先~行過公園見到好多栗子係地下~
呢個景點發展非常成熟XXXD成條街都係餐廳手信舖~~
我地由街尾行到街頭~揀左最頭間餐廳~臨入去前見到餐廳貼左張告示...原來今日係紐西蘭既公眾假期!!...佢地都興公眾假期加15%服務費~~~
有人囂張呀猛飲凍野~我就咳~乖乖飲茶~
今朝早餐唔算好食又唔算食好多~但又唔係好肚餓喎~所以叫左呢兩樣咋~
叫左個starter既baked brie..NZD$20=94hkd(未加15%)...自從係上次係巴黎誤叫食過之後(我鄉下仔第一次試焗brie再加蜜糖)...簡直驚為天人!!!咸咸甜甜真係好好味...開頭仲以為好怪~...見到又再叫黎試下啦~不過都係唔夠係巴黎食過既好食~
個闊意粉我記得係菇類闊意粉~味道過淡~(不過過淡又好過過濃既~)
飯後再行下D手信店~又發現哥D好靚既木磁石~有唔同款~又買一波~
離開呢個景點喇~(個山遠望都好靚~)
下一站已經係去今晚酒店喇~路過D風景靚有凹位可停車就俾司機大哥停一陣順便影下相啦~
由Lake Wanaka大約抵1小時10分鐘車就來到了皇后鎮(Queenstown)...
首先就去左今晚酒店check in先~今晚酒店係Kamana Lakehouse~
大堂細細~但幾靚~
攞左房卡就泊好架車去近我地間房少少晚車位~一個個獨立屋仔咁~不過係上下兩間房既~但呢度有時會唔夠車位泊XXXD
我地斥巨資訂左上層間房(講笑咋XXXD)...
呢度我地會住兩晚~Hotels.com預訂~每晚房價1,966hkd(包早餐)...每人每晚983hkd~每房每次入住送NZD$40=188hkd既設施代金劵~間房設計簡潔同靚~~~~
但係俾多D錢揀住上一層.....就係為左窗外既風景~~
窗外對住既係一整排山脈加Lake Wakatipu~(原來呢個扶係全國第三大~大過Lake Wanaka~)...wow~靚到呢~
由於訂房送哥NZD$40代金劵可以用係酒店餐廳~我地諗住飲下野用左佢~...一行去餐廳.....喂~~~~~痴線架!!!!!(毛寶真係行到成個老爺咁XXXXD)
由於餐廳比起我地間房起得更前....所以仲近D個湖....好震撼好靚景既餐廳!!!我地本身係諗住飲杯野...諗諗下個景咁靚好無係度食埋晚餐....但後來諗諗下...今日中午先食完意粉....再食西餐會悶悶地~都係坐係度飲杯野欣賞下個靚景先~
由於下面D位俾今晚食飯既人訂哂...我地要坐上一層~坐唔到第一排窗口位~影得前面對情侶好浪漫~(或者係兄妹呢XXXD)
叫左野飲行出露台望下個景...原來行左出去望個平台遮住下面成個地盤XXXD...所以話有D野唔使咁近望XXXXD
我憑我記憶我地兩個都係叫Mocktail..叫左pink and juicy同埋virgin pina colada~...兩款各NZD$16=75.2hkd~..野飲ok~(咦~我咳到咁學人飲凍野喎~)
嘆完杯野飲...揸車去左....市中心?定商店街?XXXXD...諗住係呢度搵下食咩晚餐~一陣風吹埋黎....喂...好X凍呀...凍到入心!!.....(架車泊左入個收費停車場...好彩仲有位)
行左一圈...揀黎揀去唔想食西餐最後揀食泰國野XXXXXD....明顯第六日已經頂唔順亞洲胃又發作~(明明一到哥晚就食左拉麵)
餐廳叫My Thai Lounge...我地walk in...坐低一陣已經坐滿人...好彩慣左早食飯~...泰菜基本野都有既~
我地叫左Chicken & Prawn Phad Thai...NZD$29=136.3hkd.....Tom Yum Goong(clear soup)..NZD$17=79.9hkd...Jasmine Rice S...NZD$4=18.8hkd...Mini Spring Rolls...NZD$9=42.3hkd.....睇下個小朋友矇哂都咁開心~~~喂~咁真係開心~~因為我地兩個都係亞洲胃~呢個時候有泰國野食真心開心~呢餐食得好開心~D野都唔錯~加上唔太貴~ok啦~
我行過間印度餐廳~特登影張相~就獲得咖哩黑皮一隻~呵呵~
食飽飽周圍行下...聽講呢間雪糕店好出名~咁梗係試試啦~~叫Patagonia~
查實出面依家勁凍....牙關都打緊冷震~~不過呢間雪糕店真係人氣滿滿~~好多人幫襯~
太飽~食唔落cone~叫cup算啦~兩隻味...NZD$10=47hkd~...叫左Blueberry yogurt同Coffee and cream呢兩個味~藍莓哥個好好味~~~同埋兩隻味唔貴呀~~澳門食哥個意大利gelato貴過呢度仲要勁少~~
咳到屎都食雪糕~唔想傳染俾毛寶~唯有食到成幅牆咁一人一邊XXXXD~...
其實我好鍾意食churros~~因為覺得好似去左樂園咁~~但我依家真係太飽喇~~~唯有放棄~~呢晚我訓覺哥時勁咳...勁頭痛...痛到反胃~(毛寶極左D蒸氣我聞~聞左舒服D~)
毛寶幫我同lake wanaka同that wanaka tree留影~
2026/01/30的開心事：
見到老夫人好番D~
報時：距離與老夫人曼谷慶生之旅仲有---61日~
沒有留言:
張貼留言