紐西蘭南島自駕遊之旅2024-04-28第九天(晴天)

3月1日...一起身勁生理肚痛...攣埋一舊..完全唔想出街...毛寶叫左外賣一齊食~之後又無咩野~夜晚又叫外賣~.....3月2日..又新一個月...今個月又去做番自己本身做既野...其實唔使追數既話我幾鍾意既~...夜晚爆勁大雨~好彩今晚無飯食都無走黎走去八卦(我直頭無食飯XXXD)...3月3日..茅乜客...放工去左公子生日飯...去左滿堂彩~不過服務同野食都差左好多~呢晚又係好大雨好塞車~...3月4日..都係茅乜客...3月5日...唔知係咪濕重~個人好攰~....3月6日...估唔到今日幾多生意~開心~放工去左食雅吉~好味~....3月7日...提早清明節拜老豆~估唔到早成個月都有人同我地一樣提早拜~然後老夫人請我同毛寶去食COPPA~覺得上次好食D~探豬子~夜晚痴痴貢~....3月8日...去睇中醫...中醫話我虛到不得了XXXD...然後佢叫我做咩我都唔應承XXXXD(好麻煩的顧客XXD)...去食good~去行松山~坐左第一次坐既松山纜車~夜晚食李家外賣~....3月9日....星期一...但唔算多人....3月10日..今日最開心係老夫人買園林我食~...3月11日...今日訓下午覺訓到我個口mark到勁大XXXD...夜晚由於驚加燃油附加費...急急腳買左機票XXXD....3月12日....好生意呀今日XXXXD....3月13日...今日番工個心飛走左過周末~放工去左食兄弟煲~西澳龍同南澳龍真係有差......3月14日...今日做左勁多野~~一早起身睇中醫~去左雅辰飲佢個漁夫湯同食和牛漢堡(好細聲講兩樣都唔好食XXD)..衝去800伴買KIEHL'S(又買一堆)..去行山!!..去grounding...去探豬姐~夜晚痴痴貢~....今晚仲有勁多野要訂XXXD幸福忙~



2024/04/28
Day 9(紐西蘭,布拉夫 New Zealand,Bluff->但尼丁 Dunedin)
食早餐喇~~...都...幾簡單既XXXD...一眼望哂~

好彩原來仲有蛋類料理即整~整兩隻煎蛋嘆下先~






呢間酒店房鎖匙係咁XXXD影張相留個念~




食飽飽攞埋行李就出發~離開bluff~都幾可惜~在地食唔到生蠔~仲特登兜路落黎吃~






之前我地沿路想去既一個景點又係呢幾日太大浪而關閉~叫Cathedral Caves....係一個沙灘既洞穴~要天氣好...潮退先去到~想知佢係點樣可以去佢官網睇佢D相~好啦~唯有下次再去啦~如果想去一定要去佢官網睇下開唔開~




由於太曬...我個橄欖人又出現喇XXXD




今日第一個行程係去Mclean Falls...大約由酒店黎要1小時20分~




呢度就要行少少樓級啦~但都輕輕鬆鬆既~45分鐘來回加埋影相~








咁囉~瀑布囉~好似有少少似系島個白絲瀑布咁~




整下長曝...就會變長輩圖XXXXXD幫毛寶幅相整多對對聯就可以send俾老夫人XXXXXD






好啦~影多張走喇~






係Mclean Falls既山腳下...有住宿有camping...咁仲有餐廳(住宿附設餐廳)...咁我地未食中午飯~入去睇下先~






叫左Ham and cheese toast...NZD$14=65.8hkd....正常野....另叫左個steak and cheese pie...NZD$9=42.3hkd....呢個批...勁好食~~好食過哥時係塔斯曼尼亞特登揸車去搵哥間食批既專門店~~




食飽飽又去下一站~




由Mclean Falls去要1小時3分~就會到Nugget Point~




段路都輕輕鬆鬆~算平坦~而且行入去風景都好靚~行得好舒服~加埋影相成程用左45分鐘~








見到Nuggets Point lighthouse喇~






呢個位望個燈塔都幾靚喎~




有無見到D Nuggets~悄悄出現左喇~~又真係幾似Nugget喎~








行上去先~




行到上去仲見多D Nuggets~~呢度仲要係一個極好既觀星地...之前係Threads度見到有人特登揸車黎影星影極光...不過可惜我地今晚酒店同呢個點唔近...所以...算lu~上網睇呢度仲有機會近距離睇到海豹海獅同企鵝~~








落番去影多兩張就走~不過就算今晚黎可能都影唔到星~開始厚雲~






依家諗住去今晚酒店附近個景點...諗住望下個景點係咪好易行到~易就去~唔易或路程長就聽日先去~前面架車好懷舊...襯埋個景好正~






大慨個幾鐘黎到Tunnel Beach...望落去條路有D長~又開始日落...同埋見停車場有收工時間(睇錶就夠鐘收XXXD)...算啦~聽日再去~起碼探左路先~




去酒店check in喇~泊車係放係門口佢幫我地攞去泊XXXD...幫我地check in個員工好似紅髮艾德(Ed Sheeran呀XXXD...個譯名真係XXXD)...紅髮艾德問我地使唔使訂今晚酒店既餐廳...我同毛寶異口同聲說：No~Thanks~.......今晚酒店係Fable Dunedin~佢仲有部拉閘既電梯架~仲有營業時間XXXXD好好笑XXXXD....我地都搭左兩次XXXXXD...每晚1,226hkd~由於無包早餐~我地另外俾左152hkd雙人早餐~都唔錯既~








係hotels.com訂...有成支紅酒送XXXXD




酒店房望出去~雖然係市區...但都...荒荒涼涼~(之後知點解XXD)




我地放好就諗住簡單咁係附近行下~(無乜搵過咩~純行)....咦~原來酒店附近有賭場~










周圍靜蠅蠅~諗住去搵野食喇~點知好多餐廳都係無開....諗諗下...係喎~今日星期日XXXD周圍都好認真咁休息XXXD我以為淨係歐洲先興~...唔怪得紅髮艾德問我地要唔要訂酒店餐廳啦XXXXXD...行到好遠見到有間又泰又越南既餐廳~華~人間桃源係我地前面呀~




Vietnamese Fresh Spring Rolls...NZD$12=56.4hkd....個價錢都唔貴喎~味道就正常既你諗得到既味啦~




毛寶叫左Noodle Soup...NZD$24.9=117hkd....𠽌一啖熱湯梗係正啦!...我都唔記得揀左咩肉XXXD...到底係豬定雞XXXD




我就叫左Vietnamese Seafood Boat...NZD$30.9=145.2hkd...呢個就....一般般啦....見到佢話signature dish我先叫....望到隔離個Pad Thai...我有D後悔....毛寶見我唔開心...讓左好多佢D Noodle Soup俾我食XXXD(拿~我有唱好你架~)




食完飯去散步行去超級市場買D送酒小食XXXXD...開埋支紅酒飲~~




毛寶D靚靚~





















2026/03/14的開心事：

做左好多野~

報時：距離與老夫人曼谷慶生之旅仲有---19日~
突然之間打仗...雖然唔關泰國事
我都唔知我係咪可以如期出發(?)
報時：距離北意Dolomites行山自駕遊之旅仲有---91日~
毛寶為我精心設計既行山旅行XXD~好期待呀~
本來諗住用里數換機票...可惜佢等極都唔出
連特價都錯過埋XXXD最後諗住俾錢買...
見要加燃油附加費...急急腳衝去買XXXXD
希望順順利利呀~
(好彩有買!!!過左兩日貴左$5,000HKD..明明未到佢話加燃油附加費哥日)