毛寶生日台北慶生之旅2024-09-28第一天(大風微雨作打風中)

7月26日...仲以為今日會打風咩都做唔到~不過個風近香港D...澳門到中午都係打3號風球....中午同3個老小孩去左淳飲茶~D點心依然咁好味~好少可食點心可以食得滿足~番屋企訓左陣好嘆~夜晚食pizza hut~好耐無食過又幾開心~佢有個要自費既蜜糖是拉差醬好好味!!!....7月27日...凌晨5點又落爆勁大雨...但過左9點又無乜雨~.....7月28日...同噚日一樣清晨勁大雨~到9點左右又無乜雨~....家陣澳門都好似變左新加坡馬拉咁無啦啦就雷陣雨...過一陣又無野....7月29日...又落大雨無乜客XXXD....臨放工仲落到紅雨...7月30日...今日順順利利~感到開心~....7月31日...放工去左食Raffles lounge..覺得佢啲野食勁正式…同埋幾好食…價錢就…8月1日..中午去左食Japas..因為我之後要跨區番工毛寶陪我去行一次走火警路線XXD…再去唔記得咩名新cafe飲西西里咖啡~..探豬子..佢後肉球擦傷有啲sad sad地;(….夜晚去456痴痴貢~…8月2日..中午食左間新開台式牛肉麵..飲埋啡就番屋企…點知今日人口普查XXD…夜晚食李家….8月3日..朝早好多野做...過左中午又好似無哂人~....8月4日...我今日做跨區學童呀...勁chur...做到頭赤；[....好彩時間過得好快~....8月5日...做完跨區學童就覺得自己平時好幸福XXXXD....8月6日...下午好多野做....做到個人好攰....8月7日...放工去食饗和民...跟住睇愛你至死不渝....睇完好攰因為好痴線XXXXD....8月8日...中午食IES...然後殺入百佳88折XXXD..再去探豬姐~夜晚痴痴貢食煥記~



2024/09/28
Day 1(澳門 Macau->台灣,台北 Taiwan,Taipei)
hihi~我地出發台灣喇~突然發現係到暫時為止...我地都仲未再去台北旅遊添~~~今次係因為毛寶生日~~攞左假...本身無諗住去旅行既~...但係幾個月前?(忘了正確時間)...因為知道一件事...心諗...今次唔去...以後都無架喇喎!...至於係咩事...睇落少少就知XXXD...當日選搭星宇航空~當時仲有snoopy主題機!!check in櫃檯螢光幕有公仔~行李tag又有~boarding pass又有~~好可愛呀~~好得意~~~有星宇盡量不搭澳航~(但佢成日改時間XXXD)

食早餐先啦~澳門個機場都係咁上下架喇~我又入無用唔到first哥邊~






華!咩事呀!早餐擺酒出黎!平時無架喎!




如果佢有埋彩繪機會更不得了~出發前幾日已知有個好勁既風生成...話吹向台灣但又未確定到路徑...所以~照出發~我地搭星宇航空JX202航班係11:00由澳門直飛台灣台北~




好巴閉~生日之旅有空橋~




華~好可愛~~好多甩皮蹤影~好愛~佢其實仲有snoooy啤牌攞架...但一上機見D空姐好忙搵唔到位開聲問...但等到佢地得閒少少時...就原來已經派哂了；[








澳門地頭影既一堆澳門航空(越做越差XXXD我都好怕搭澳航XXXD)




我好似第一次係澳門起飛影到觀光塔~(雖然矇哂XXXD)




舊雲好似哈利波特頂分類帽XXXXD






連飛機餐都有~~~~~零食有~主餐錫紙有~連濕紙巾都有~~可愛呀~~~~個餐無得揀~麵不好吃XXXXD....但外表可可愛愛就很賞心悅目呀~不好吃不要緊XXXXD...機上睇左Bride Wars~










12:44就到台北了~天氣好似唔算太差~




次次經過呢個位都覺得....有陣臭味.....




記得排都排左好耐隊...出到黎今次終於鼓起勇氣去抽獎XXXXD(諗住靠住就快生日既威勢試下XXXD)...好彩好多人排但都算快~




雖然有生日威勢...但都係抽唔中既XXXXD




今次無揀搭的士...都係kkday訂~本身244hkd...用左D kkpoints減少少變238hkd~....如果搭的士應該要NT$1,200左右~當時兌港幣匯率大約3.9...NT$3.9=1hkd..即係NT$1,200=307.7hkd...咁依家238hkd都平好幾十既XXXXXD




今次又揀番住西門町~又住番永安棧~




本身3晚係3,913.7hkd...但我用左hotels.com個會員10晚送一晚獎勵~減左一晚既錢1,116hkd...3晚就係2,797.7hkd~每晚932.6hkd....減左...都要1000hkd一晚........都幾貴~....地點係真係好既....但我地都覺得.....真係舊喇.....








不過呢度有得代購手信...唯一既方便~




好啦~安頓好就出黎行下~今晚既重頭戲就係今次我地黎台北過生日既目的~~咁我地頭先11點係飛機食左哥少少野...到依家都無食過野喇~餓到不得了呀....但我地決定忍!!!(唔通係暴風雨既前夕?貢好天既~)




又行下屈臣氏~我去台灣依家最鍾意買呢兩樣XXXD...綠油精換左呢隻公仔XXXD上次仲係可愛兔兔黎架喎XXXD








原來西門町有快車肉乾XXXXD好開心呀XXXD頭先酒店張手信紙無快車有d sad~點知係西門町行下行下見到~殺入去買下先XXXD...好鍾意食麻辣牛肉乾~~










然後出發我地今次黎台北過生日既原因~搭捷運到轉車站到南京復興站....真係咁啱線去目的地剛好係呢度轉車...亦咁岩我地有野好想整XXXXD....當時新出左可以上載張自己鍾意既相去整捷運卡XXXXD搵左一陣好彩搵到部機...都有諗過好無回程先慢慢整...因為個節目好緊要XXXD...但係諗諗下如果回程部機收工我咪企係度XXXD....都係整左先~(好彩整左先因為回程見到隔離間鋪收左部機會一齊收~)




出發前你要先上Ohmycard度揀左整打橫定打直既卡先...上傳相...揀邊框...佢會俾個QRcode你...去到呢部機scan...再俾錢~(可用信用卡俾~每張NT$399=102.3hkd)..唉呀~我梗係整豬姐啦我咁愛佢XXXXXD~~之前為佢出左篇blog...仲係bb樣XXD...一下子就生到咁大個XXXD






呢張係幾年前我生日哥段時間影XXXD好難得抱到佢..而佢個樣又岩岩訓醒傻更更咁XXXD好可愛~~~好鍾意呢張相~呢張係我電話開機wallpaper~~




仲整左張朗公子隻八叔公送俾佢XXXD




呢張係豬子個拉姨's choice...睇下佢個樣側面睇都見到拉姨一路整一路甜笑XXXXXXD...






整多張俾大比(因為豬子係大比個女XXXD)....同埋豬子呢個樣係企係高位好不屑咁望毛寶XXXXXD我地話佢個樣成個學霸咁XXXXXD呢張係豬姐既學生證XXXXD




所以我地就係整左呢幾隻款...整咁多張其實都用唔哂XXXXD但好想整XXXXXD之前新出哥時要大排長龍...好彩整哥時無人~




係劍南路落車~係喎...呢度有摩天輪喎~




我地今次黎台北既重點項目...就係!!......係好耐好耐之前...當我地係永利皇宮食過江振誠既川江月之後.....就諗：呀~一個西餐廚師將川菜整到咁有趣既人...佢係台北開既哥間西餐RAW到底係點既呢?....既然有呢個諗法...台北唔係好遠..去試咪得囉係咪?...唔係XXXXD...呢間餐廳難訂過川江月好多好多(川江月剛開時都好難訂)....一直想試....一直拖到.....無啦啦話佢唔再做.....咁咁咁...咁岩有假...咁咁咁....但要搶喎....於是開放訂位哥日...我同毛寶一齊搶...毛寶重視到加錢開5G搶位XXXXD(但時月費唔係5G)...又真係網速快好多俾佢搶到XXXXXXD...所以我地就係毛寶生日期間黎到台北喇~.....(同時段入座係門口遇到超無水準既人...睇下天秤座幾小器XXXXD年幾兩年都仲記得XXXXD)




訂位時好似有兩個時段揀~我地揀左18:00~報到左佢就有人講解下...同埋一入去哥度有個小展覽...展出佢地餐廳咁耐以黎既做過既主題~佢有D主題幾得意...可惜我無試過....今次呢個主題係餐廳最後一次...叫The Last Dance~










仲有一幅牆擺哂佢開業至今既餐牌...立下眼勁靚!!但係唔睇住喇~~入座先喇~~




華...唔怪得咁難訂啦....原來餐廳算唔大....2-4人枱最難訂....多人枱易訂但好難湊到咁多人一齊去~(後來多人枱佢開放做共享餐桌...但fine dine我唔係幾鍾意同人搭枱XXXD我i人~)




叫左sparkling water...想再叫水以外既野飲...但依家好少會wine pairing..因為3杯或以上我已經飲唔到XXXXD...想叫酒所以想叫一杯...點知佢無~全部pairing~咁我同毛寶各叫左Non-ALC pairing~NT$1,980=507.7hkd....無酒都500hkd...無有少少貴...唔係江振誠問題...係我問題XXXD




最叻係你XXXXD搶到自己生日飯~~手上係餐牌~可以帶走做紀念~






每位NT$7,888=2,022.6hkd....佢之前無咁貴架...呢個The Last Dance加左價~睇左餐牌先~
















第一杯pairing出場...Coconut/Pink Moscato/Kiwi...幾清爽~




先來To Europe & To Asia...有日本鮟鱇魚肝..牛油果...宜蘭豆腐...味噌...口感幾軟滑...下面配塊脆餅口感幾好~但稍嫌淡左少少~鮟鱇魚肝重味少少會好D~




To the Sea & to the Land...係生蠔雪糕!!咁盞鬼!!仲有海鹽棉花糖係入面~~好得意~鍾意~




再黎兩個~to Singapore & to Taiwan(後面哥個)...馬沙拉雞皮...雞飯...蛋黃醬..鵝油...唔錯~幾香~




to my Team & myself(前面哥個)....和牛火腿...牛筋...我未食過和牛做晚火腿!!!火腿辣辣地好咸香!..下面牛筋脆脆地~口感幾好!...大廚形容同員工骨肉相連...肉q麻呀大佬XXXXXD..但呢個真係好好味~我不時都會諗番起~




第2杯pairing...Pomme/Egg Fruit/Uji Matcha...靚~清爽~




Potato & Eggs-the Beginnings....薯蓉...8種雞蛋......一般...食完覺得好滯....又覺得無乜特別...




個餐具咁特別既?...下一道食咩?




Craft & Nature...係湯黎既..建議4片左右一口(所以要用上面圖既餐具)...會食到唔同口感~幾正~幾有層次同湯好夠熱~




飲完湯就請左幾枱人一齊行入一間黑布圍既房...介紹下一道菜~




The journey burger...我就覺得麻麻既...咬開入面好似食一堆醬咁~不過個體驗幾得意咁囉~








番埋位就上Homage to Restaurant ANDRE....魷魚做既麵...配上烏賊一夜干既湯勁咸香!!...個魷魚麵上面有海苔...底下係薯蓉(又係薯蓉!)...麵太幼...食落魷魚唔夠鮮味...薯蓉牛油勁搶味.....覺得如果佢用個一夜干整既湯配麵會更好味~...我地都覺得澳門執左既Root係食過既最好....之後食既...都無佢咁好~








第三杯Pairing...Clove/Kumquat/Merlot




Homage to RAW....上面係牛舌...下面配既餅係熱既...口感上覺得唔係好襯~




第四杯Pairing...Apricot/Rosemary/Tomato




to Courage：Different or Unique?......呢個加左D蝦油落去一齊食~~好香~我幾鍾意~




第五杯pairing...Black Truffle/Bak Kut Teh/Oriental Beauty...華~有肉骨茶係個pairing入面!!仲有黑松露!!下一道係配食咩?!




上菜前set好哂位...唔知有咩搞呢?






Memory 1997-2004...係江振誠既招牌...係佢一個非常成功既創作....我無記錯佢係學法國菜既?...佢個招牌係一道鴨肝既菜式~~由佢提供呢道菜式開始...每一個人...都會係佢個餐牌印上一個號碼...就係佢整既第幾份既編號!!我係第210,354份!!好痴線!!好有儀式感!!!...一入口...痴左線咁好味!!底下鴨肝勁滑勁爆味...配埋黑松露簡直係極品!!從來未食過咁好食既鴨肝菜式!!...我黎就係要食一道令我勁難忘既菜式!!終於出現!!




可惜食完呢次就只能在我回憶中喇；[




下一道係牛~上菜前叫我地揀自己鍾意既刀~






D牛上之前係埋係D咖啡豆入面...推出黎先係我地面前攞佢出黎....心諗...華!咁有噱頭!舊牛一定好掂!




to the Highs & Lows....但可惜...個醬太搶...舊牛又一D牛味都無~失望~...第六杯pairing...Mushroom/Buttery Grenache/Pepper Coffee






上甜品前佢問我地使唔使叫茶或咖啡...我地話叫茶...佢俾張卡我地睇話睇下自己喜好睇下係邊個區域佢再推介咩茶俾我地飲~




唔記得自己點揀~全部都係台灣茶~NT$350=89.7hkd/杯....係有D貴既~但又真係幾好飲XXXXD




呢個提子既甜品好清爽好好味~~令我諗起川江月個哈密瓜冰粉~




呢個用在地食材紅豆薏仁整既甜品~用西式present既一個中式甜品...係甜品界最高稱讚：幾夾幾好味又唔怕太甜!XXXXD




Back to Basics....呢個甜品幾過癮~扮成個甜品原材料擺係度咁...食法係倒杯奶落堆野度撈埋佢一堆咁食(?)...係幾得意既但唔算好食XXXD






華終於食到petit four喇XXXD...好飽XXXXD...馬德蓮好好味~外脆內軟~




總數NT$22,480=5,764.1hkd....之前訂位已付NT$17,354...所以今晚就俾NT$5,126=1,314.4hkd~(連pairing/位同每人一杯餐後茶每人係2,882.1hkd)




食飽飽先出黎再慢慢參觀個展覽~




佢以前D餐牌真係好有創意~






有一次個主題幾得意~係佢俾好多個食材你...你自己揀食材然後佢按你晚配搭再去做一道餸~幾有趣~




總括黎講....呢餐係貴既~....好無味呢..有幾樣係真係深得我心~個鴨肝真係真係好正~和牛火腿又係未試過~....但都有好多麻麻同一般~但我覺得...未試過既會後悔(因為未食過唔個咩味人地講咩我都無同感~)...但食左又覺得只是還好~食左個體驗啦~




臨走侍應仲送左張江振誠之選~睇下佢台北鍾意食咩先~雖然話RAW執左....但佢今年帶RAW團隊係新加坡又開左間1887 by André....即係...你可以去新加坡食新加坡風味X法國菜?...好複雜....睇定D feedback點先啦XXXD






食飽出門見應該岩岩落完雨~番到西門町見到想夾~車~都無Usagi既~




一開始就講...可能有個颱風吹去台灣...咁頭先食完飯行出餐廳已經覺得好大風~個風叫山陀兒...心諗個名咁搞笑既...個名泰國提供...係一種生果名....之前見未打到黎所以我地諗住照黎...因為餐飯俾哂錢無得退...點知個風好似行快左...10月1日朝早開始影響台灣(我地10月1日下午機走)....驚驚地如果佢又再行快D我地有可能走唔到...10月2日直頭影響全台灣全日...即係10月1日走唔到10月2日更加走唔到...10月3日要番工....諗諗下...不如改早一日番澳門(即4日3夜變3日兩夜)....點知我地張機票無改票選項(可能買左最平)...打星宇航空電話收哂工...心諗橫掂無得改...退左佢再買張單程好似安心啲XXXXD...我以為搭左一半無錢退..佢又退番578mop(2人)俾我XXXXD多謝哂~~再買多兩張單程NT$3,387=868.5mop(兩人)....都好啦~退款都cover到其中一張單程錢~都係俾多400mop番黎je~...同埋退左機場接送車(好彩未過免退時限)...再重新訂車~咁車無蝕~係蝕左10晚送一晚哥一晚酒店囉~算啦費事心掛掛....最正係咩...明明9月30日早左一日走都夠穩陣喇~有早機同下午機我穩陣到要早機走XXXD我要100%走到!!唔要滯留台北XXXXXD...我有個同事本身後我一日黎..我叫佢改機票算喇XXXXD過到黎無機走仲慘XXXXD...計計下....我地9月28日黎9月30日早機走....我地留係台北42小時咋XXXXD...兩日都唔夠XXXXXD...依家仲有聽日全日時間係台北走走逛逛~訓咯~









2026/08/08的開心事：
見到豬姐隻腳好番~
同埋襯TASTE88折買左希臘乳酪試XXXXD



報時：距離2人福岡亂行之旅仲有---56日~
報時：距離馬爾他慢遊猛食紅蝦之旅仲有---87日~~