紐西蘭南島自駕遊之旅2024-04-27第八天(晴天及後轉雨)

2月16日…年廿九…番半日…但一起身發覺自己唔舒服..同老闆講去睇醫生…好彩有去睇..因為聽日就過新年啲醫生實收…中午放工同公子去日麗飲茶~…跟住訓左個好正既晏覺~..夜晚同老夫人去葡賞食團年飯~…2月17日..大年初⼀~~訓到11點幾先起身~~好正~~起身刷牙食隻蛋做早餐又行番上床XXD..咁先係放假~下午同舅父姑媽們去雅辰飲下午茶~~難得好齊人..我竟然忘了合照..夜晚毛寶爸媽請吃齋~~…2月18日…年初二..中午去左毛寶家食開年飯~一年一度既影全家福時間~...去左表妹屋企探佢兩隻肥妹~番舅父屋企開賭王群英會~我今年輸4蚊~算係咁XXXXD過往輸過100XXXD...2月19日...年初三~請左3個老小孩去麗軒飲個靚茶~然後我同毛寶子去嘆左個啡~夜晚回家吃~完美的新年~...2月20日...今日新年後第一個工作日~竟然唔太多人~放工去勵皇軒慶生~...2月21日...訓到自然醒~中午約左大學同學去Sands間copa食set lunch~喂~d野食好食番喎~本身想去威尼斯人買野點知見到成堆旅遊巴...即打退堂鼓走人番屋企!!夜晚痴痴貢~...2月22日...又訓到差唔多11點~中午去食烏冬村~等成半個鐘先有得食...夜晚又叫燉湯~....2月23日...一個寂靜的上班日(我個崗位XD)....2月24日...點解好日子過得咁快~...2月25日...番工平淡但有一小碟花生食~(XXD)....2月26日...今日公司春茗~食到好飽~...2月27日…放工去左食饗和民..跟住睇夜王~…2月28日…噚晚12點幾訓..今朝成11點幾先醒XXD訓左11個鐘~中午ies..傷心佢無左雞鎚…去taste掃貨~夜晚痴痴貢~



2024/04/27
Day 8(紐西蘭,皇后鎮 New Zealand,Queenstown->布拉夫 Bluff)
早~最後一日係Queenstown喇~(做乜失哂焦XXXD)...噚晚訓訓下頭痛到醒左..食左藥坐陣...然後痛到嘔.....噚晚訓前毛寶叫我聞下熱水蒸氣..好似訓時無咁咳~

呢個景真心一流~最後一日係度食早餐喇~






拿~今日有影到喇~行出去餐廳個露台其實望個近景係咁既~所以佢真係要係餐廳前面起個露台遮住下面成個垃圾堆咁XXXD




今日毛寶叫左呢個Field Mushroom & Spinach Ragu...好食既~但如果一個人食哂會有D漏~




Spicy Turkish Eggs....我其實唔知係咩黎...但又叫XXXXD....最後黎到我流左滴汗XXXD...一大早就好中東風味~




食完早餐就上房搬行李...由於我地住2樓...第一日黎時係抬行李上2樓...抬到氣來氣喘...最後走既發現原來...原來佢有電梯(汗).....毛寶話佢話佢對我喵左好耐我都無睬佢....然後就黑我面XXXXXD




出發~今日長途車呀~~揸左一陣就天陰陰咁~






突然又晴~




好搞笑~左右兩排樹唔同色~~~




途中仲經過好多個鎮...仲開始落起雨~






大約2小時40分...我地就到左布拉夫Bluff喇~~~天氣超差~每年5月某個星期會有oyster festival!!可惜我地唔岩時間~




呢單野係好搞笑既...我地係為左野生生蠔Bluff oyster黎....仲諗好要去Fowler’s wild bluff oyster度買一大堆生蠔食!!(蠔場)...哥度仲一定要用現金唔可以用信用卡...我地為左大擦生蠔特登叫人去開香港幫我地換紐西蘭錢....但係.......呢幾日天氣太差...係..無船出海...所以...所有蠔場都無開XXXXD....我地揸咁耐車黎仲訂左呢度酒店XXXD(無免費取消)....算啦~係鎮度搵間有bluff oyster食既餐廳都殺!!揀左Hayz ＠ The Anchorage restaurant ＆bar...都幾多人食咁喎~






入到黎坐低問有係bluff oyster...點知：呢個禮拜都無呀~天氣差呀~OOOOOOOOO.....我叫左杯搞怪野飲毛寶叫左茶....杯野個色真係好搞怪...到底我點解會叫XXXXD






我地見佢呢度有得食Paua(鮑魚~paua係毛利語)...咁就叫黎試下~叫左野食一陣佢就同我地講：我依家會去個缸度攞鮑魚呀~你要唔要去睇下呀~......我：好喎~....然後我就跟佢跑去影XXXXXD....所以我先覺得紐西蘭人好nice~由心而發既nice~.....鮑魚個殼D色好靚~






黎左個湯先~soup of the day...NZD$19.5=91.7hkd...華!唔平喎!但好大個~雜菜湯~~我平時麻麻西式湯~但呢個雜菜湯唔係creamy哥種~呢點已經捉緊我心~雖然見到堆青豆我皺左下眉...但係同平時食哥D好鞋既青豆唔同~水嫩嫩哥種...加上佢入面D ham勁似中式咸肉XXXXD..搞到成個湯好中式XXXD....呢度大風又落雨~飲個湯真係好舒服~




Gourmet Paua...NZD$45=211.5hkd...華~3隻要成200hkd貴貴地喎~仲要細細隻咁~不過佢整得都ok既~但真係有D貴~算啦~無bluff oyster就叫呢個試下啦~




Blue Cod...NZD$37=173.9hkd....喂...好味喎...你唔好見佢白雪雪咁...煎得幾好味喎....望D薯條又麻麻地咁...但係炸得勁得!!!配埋佢地自製既他他醬唔漏勁好食!!!呢個主菜我俾100分~查實個鎮好細...呢間餐廳估計就家庭式經營...而且食既都係街坊XXXD...見佢地放低碟餸又傾一陣哥種XXXXD~感覺都幾warm~




去攞車時見停車場對面有間超級市場...去參觀下先~(咩jack~你地唔鐘意去旅行行超級市場咩~)...呢間就細細間既~




咁細間都有李錦記~~好勁呀~~




華~好大件事呀~~有辛辣麵杯麵呀!!!去旅行見到真係會毫不猶豫咁買XXXXXD...NZD$2.99=14.1hkd....價格宜人又合理~




準備去俾錢時經過見到...下????Bluff Oyster???...正想攞既時候....發現雪櫃係無架；[....即係話如果唔係天氣唔好...其實超級市場隨隨便便就會買到~






算啦~去酒店攞左房先~今晚住海邊~停左雨喇~






今晚既酒店係Lands end boutique hotel...泊好車去到reception check in....一個人都無XXXXXXD....等左一陣先有人黎~一個亞裔面孔既女仔幫我地check in~




一晚1,353hkd...每人676.5hkd...包早餐....床鋪...唔算太乾淨XXXXD...個櫃又唔知搞咩~成間房個房型怪怪的~廁所沖涼勁難去水....洗完對腳好似無洗咁XXXD








出發前諗...係喎...呢個鎮無乜光害...酒店又向海~我地會喎會睇到極光呢~但可惜月份對...天氣不對XXXD






我地放低野就出去行下散下步啦~...本身都有諗住去酒店隔離望海哥間餐廳食飯...但係係門口望入去已經見到話Bluff oyster sold out~都廢事入去食其他野喇XXXXD




黎呢個鎮之前已經知呢度無咩玩XXXXXD....最大既景點就係Bluff oyster...但係無~第二大就係呢個地標XXXXD...好啦~咁影下啦~






地標左邊有路行...行下落去先~有個燈塔~






行番另一邊有條步道...無落雨就行下~






可以自由落海捉鮑魚架???




行一陣覺得條步道無乜特別XXXXXD番酒店~




無蠔~唔夾硬去餐廳食喇~食辛辣麵加energy bar~辛辣麵真係好好味XXXXD




臨訓前影下~係乜事都係發生既~厚雲~安心訓~




毛寶D靚靚~













2026/02/28的開心事：
訓左11個鐘~好舒服~



報時：距離與老夫人曼谷慶生之旅仲有---33日~
酒店租左~
差唔多要訂餐廳喇~緊張~
唔知老夫人鍾唔鍾意曼谷呢~