2024/09/29
Day 2(台灣,台北 Taiwan,Taipei)
第二日都無話好早起身既~我地約左去食正日生日飯~~搭捷運時經過一個全自動借書站~~又幾有趣同方便~
食飯前經過便利店行入去望下~其實係行到有D熱XXXXD入去涼下冷氣~華~咁大樽爆谷點食XXXXD食食下都淋哂囉~
呢個餅乾好得意~~
來到餐廳地址係一個商業中心既建築物..唔係商場...好彩一早上網睇定~如果唔係一定以為自己去錯地方~
入到去係堅商業中心款架XXXXD仲要呢日係星期日...無人番工....入面靜繩繩咁~又黑munk munk~
今日壽星既午飯我揀左辰壽司....地址：台北市松山區敦化北路167號B1(宏國大樓)....好似係睇台灣既4foodie介紹~當日我地第一枱到~
可以線上訂位...我本身想試壽司套餐~但負責壽司哥part既廚師哥日咁岩休息...只可以揀割烹 午間套餐...我揀左NT$5,600=1,435.9hkd/位(現已加價)....咁叫埋野飲先~叫左杯雨後之月 濁梅酒...NT$380=97.4hkd/杯
負責我地今日食物既廚師~從秋田來的~~
第一道...沖繩車蝦...烤麩..四季豆..豆腐醬.....以我個人口味黎講..一般~唔算亮眼~
第二道...大分生蠔..椒鹽..粉漿有香草...薯泥.....個炸蠔質感我麻麻~(D食材靠我當日聽完速記架咋XXD可能聽錯架XXXD)
第三道...尖梳魚湯...好飲~夠熱~(當時留下單調的評價XXXD)
第四道...石川縣石斑刺身...爽爽口感好味~
第五道...和歌山鏗魚~好味~
日本師傅整緊野時都好專注認真~介紹食材又好有禮貌~
第六道...白旗魚...北海道唔知咩蚌(不專業記載XXXD)...上網睇白旗魚..非常適合冬天享用~蛋白質含量很高的魚~....魚好吃~蚌爽鮮~
我都幾鍾意食omakase一路睇住大廚整野食一路等XXXD...望下D食材嘛~栗子好鬼大粒~
第七道...?魚?...飛龍乜?...我當時聽左乜XXXXD
介紹下一道牛的部位~
第八道...大分和牛..紅酒醋...好食唔太肥汁配得好份量也好~
第九道...石川縣水煮章魚...師傅制梅子醋~正~
第十道...炙燒鰤魚...好味~~隔離芋仔青瓜都好好味~
第十一道...海膽...白湯葉~好澎湃既海膽~~
第十二道...醋漬鯖魚~~好好味~~磯邊卷~~~
第十三道...春卷...熊本栗子....唔知係咩春卷~麻麻地~
第十四道...凍茶碗蒸...松葉蟹...南非活鮑魚...都ok~但我比較鍾意食熱既茶碗蒸多D~
第十五道....金目鯛下巴釜飯...oooooo~好味~我添左一次飯~~~毛寶已經太飽無添飯~~
第十六道...紅豆蓉..雪糕...最中餅...都係鍾意鮨玥個海鹽焦糖雪糕配最中餅多啲~
梗係唔少得正日黎個吹蠟燭環節~~仲有仲有~~正日生日佢有85折優惠~所以個Set本身NT$5,600=1,435.9hkd/位....85折後係NT4,760=1,220.5hkd~~
餐後仲有生果~由於仲未飲咖啡...我地決定係度叫埋XXXD....實在係太眼訓~~~~
食飽時大比傳來祝賀毛寶的豬子賀壽圖~XXXXD
食飽飽出到黎發現落好大雨~等細雨D再行去捷運站~
搭捷運去到東門站出黎....又好天到咁XXXXD果然打風天XXXD
來到東門站因為要去壽星指定要去既得意玩具店Chicaca~
佢有自家設計既玩具亦有好多舊玩具~有好多我以前都擁有過~令人懷念~由於壽星生日我點都要有D表示既~好啦~送個生日禮物俾你啦見你咁鍾意~(唔通淨係生產100隻?)
然後有間賣行山野既好想睇下有無岩用既野~所以又來到台電大樓站~之前黎台電大樓站好似都係為左去師大夜市食滷味XXXD...都買左d野~然後買左對好好著既襪!著到依家~(之後見澳門都有哥個牌子賣~又買兩對~)
行到又熱又攰又口渴...行過附近見有間cafe...入去抖下飲下野咯~叫炭波波~
行入去發現係日本昭和風咖啡廳~過癮~
唔餓~所淨係叫野飲算喇~
叫左杯西西里氣泡咖啡...NT$170=43.6hkd...另一杯唔記得係咩XXXD...好似士多啤梨XXXXD...都唔算平喎D野飲~不過D野飲都整到好昭和風~~同埋飲D甜野有氣野都好解渴~
坐左陣飲左野涼左陣冷氣舒服番好多~又去左行誠品~買左本迷你書~方便去南極時帶上船睇~
剛孵出來的車飛黃皮~我都幾鍾意儲車飛系列XXD
行完誠品我地就去食晚飯啦~我地搭捷運去到新北既新埔站~~一出站...咦~你開架?XXXXXXD
行去餐廳要經過一個黑媽媽的在地街市(因為收哂工)...行行下後背有涼涼的感覺....
望向後面....喂...企咁高望人既咩XXXXXXXXXXXXD
今晚晚餐我揀左犢饗溫體牛肉專賣鋪~
唔係我姑寒唔請壽星生日食好野~但我地慣左一日食一餐勁~另一餐就簡單D~兩餐都勁個胃會頂唔順~呢度除左有野食...其實呢度重點係賣牛肉...餐桌隔離就係直接係宰牛地方(有玻璃隔開)...我其實從來未食過溫體牛~終於試到~
拿~我都無虐待佢架~叫到成枱都係~(其實全部都係我想試XXXD)...台灣泡菜好好吃!NT$40=10.3hkd...一大碟~好清爽~
溫體牛肉湯...NT$150=38.5hkd...我覺得D牛好軟好濃牛味...但湯就....唔啱我口味(飲完好頸渴...係咪我錯覺)...如果堂食可以免費加湯~
叫左牛滷飯...NT$55=14.1hkd...辣牛雜飯...NT$100=25.6hkd.....我還好~覺得豬既滷肉飯好食D~可能豬會有啲肥肉...牛就鞋D...牛雜唔知點解我覺得有少少腥味...
炙燒牛舌...NT$200=51.3hkd...牛舌配鹽蔥...我就...鍾意厚牛舌多D~~
噚日到酒店就用點心紙買既手信~我揀左第2日攞~因為唔使自己去抬...我買左好多XXXXD...今晚要執野喇~~聽日就走~~(有點小開心XXXXD)
下午去玩具鋪時買左佢地設計既衫~係喎件衫去左邊XXXD
2024/09/30
Day 3(台灣,台北 Taiwan,Taipei->澳門 Macau)
喂~早呀~呢日約左晨早05：00車去機場XXXXD...可以提早日幾番屋企...感覺興奮XXXXXD
就快上高速都仲未天光XXXXD...個司機以為我地兩個係新加坡人XXXXD(係曼谷更被認為係印尼人XXXXD)
晨早機場靜蠅蠅的~
主場check in counter D屎忽甩皮公仔都有唔同~~
同澳門哥張又唔同架~~~
又去食個早餐先~雖然台北哥個PP lounge都唔大...但都算多野食同一定好食過澳門好多XXXXD
上機喇~我地搭星宇航空JX201係08:10由台北直飛回澳門~好靚呀!!去澳門航機個mon D公仔係有澳門特色架!!好靚~上到機發現呢班機勁少人~全機得50人以下~我地到gate無廣播又無顯示boarding以為未ready(我地已經比話登機既時間早左到)...點知聽到佢開咪問仲有無去澳門既人...原來架shuttle等緊我地開我地係尾3尾4....明明我地早左到gate....但乘客太少一野board完
今次我醒呀...一上機行過我個位最近既空姐我就問佢有無啤牌攞呀....佢好認真咁用紙筆記低~~起飛後就送黎俾我地喇~~唔使錢架~~~~真係好出色~~~好靚~
起飛無耐就有少少勁既氣流~不過哥日上網睇...見D人話夜機番桃園好搖架機...
日式咖哩蛋包飯~第一次係飛機餐遇到~又幾好味~一定好味過星宇炒麵同排骨飯~但重點係....朝早08早機...唔係食早餐係日式咖哩飯XXXXD
大約朝早10點我地就番到澳門~番左屋企放低行李...執好野...我地就買左中午飯上去豬子屋企送學生證俾佢喇XXXXD睇下豬子幾滿意XXXXXD
好啦~42小時快閃台北生日之旅完喇~bye~
總結：
1.使費：4,264.7mop(2人機票...其中包含回程已退稅項及重買2人單程回程機票)+ 3,913.7hkd(2晚酒店...取消哥晚係送既)+425hkd(機場來回車費)+10,787hkd(食買玩)+318mop(2人保險)=19,708.4hkd~
2.兩個人...42小時...19000hkd...貴XXXXD...依家望番轉頭淨係酒店都嚇親我呀XXXXXD依家去台北使費真係高XXXXXD...咁既酒店價好似去日本都得XXXD
3.終於食到RAW...唔食又後悔...食左又唔覺得識飛~
4.42小時到底同上次星期五晚飛星期日下午番睇supper哥次邊個旅行短D?...去查下先XXXD
5.台北D酒店咁貴...下次要挑戰即日來回(誤)
2026/08/22的開心事：
買到減價希臘乳酪XXXXXD
報時：距離2人福岡亂行之旅仲有---42日~
報時：距離馬爾他慢遊猛食紅蝦之旅仲有---73日~~
大約朝早10點我地就番到澳門~番左屋企放低行李...執好野...我地就買左中午飯上去豬子屋企送學生證俾佢喇XXXXD睇下豬子幾滿意XXXXXD
好啦~42小時快閃台北生日之旅完喇~bye~
總結：
1.使費：4,264.7mop(2人機票...其中包含回程已退稅項及重買2人單程回程機票)+ 3,913.7hkd(2晚酒店...取消哥晚係送既)+425hkd(機場來回車費)+10,787hkd(食買玩)+318mop(2人保險)=19,708.4hkd~
2.兩個人...42小時...19000hkd...貴XXXXD...依家望番轉頭淨係酒店都嚇親我呀XXXXXD依家去台北使費真係高XXXXXD...咁既酒店價好似去日本都得XXXD
3.終於食到RAW...唔食又後悔...食左又唔覺得識飛~
4.42小時到底同上次星期五晚飛星期日下午番睇supper哥次邊個旅行短D?...去查下先XXXD
5.台北D酒店咁貴...下次要挑戰即日來回(誤)
~The End~
~多謝收看~
2026/08/22的開心事：
買到減價希臘乳酪XXXXXD
報時：距離2人福岡亂行之旅仲有---42日~
報時：距離馬爾他慢遊猛食紅蝦之旅仲有---73日~~
沒有留言:
張貼留言